咕咕雞 (Closed)

經過這小小韓食店，店仔細細，座位唔多。點了個部隊鍋拉麵，味道可以，內理嘅歺肉香腸都是韓國，麵底都多，可能混了一些粗粉絲關係。最驚喜反而係附送泡菜，真心未食過咁好食嘅淹蘿蔔，細細粒，爽脆多汁，辣兼陣陣麻油香。

好鍾意嘅芝士年糕呀! 有芝士之餘亦都香辣味，好豐富嘅口感，仲會加埋韓式魚蛋(有少少似我哋嘅豆卜)， 唔只睇到好味，食落都真係好好味，辣辣哋好醒胃。牛肉餃子個皮超薄，比得起中國餃子既皮薄餡靚。咬落去超爆，爆汁同爆餡根本有少少唔覺得有皮食到咁樣，以一個薄薄嘅膜去包住啲牛肉餡，呢個我哋仲忍唔住encall咗!店內好有點韓風感，小店裏面會柔柔的播起韓國歌，比起啤酒餐廳既K POP環境幽靜啲， 得閒可以去食吓，服務態度亦不錯!

成日係附近行過想食好耐，見到只有4張枱仔既鋪，感覺就好好feel,由其鋪名其實又係食炸雞對啤酒，係依d細鋪對啤酒，份外覺得親切樓面有位哥仔，廚房就應該係韓國人黎，冇見過佢講廣東話，而且好型咁戴住帽煮野，依個係咪叫做態度，而且最好玩係，入黎個陣係聽到k pop，但見唔到邊到有擴音，原來係樓面哥仔用電話係到播其實除左炸雞，佢有齊韓國著名的人參雞，牛骨湯之類，不過我未食過韓式炸醬麵，所以試下食落口，又冇我想像中咁濃味，醬油味又唔算濃，都好食既，但我又講唔出係乜野名，炸醬麵係咪咁家?最後見未飽，叫多個辣章魚紫菜卷，好咸既章魚同紫菜卷一齊食岩岩好，食落都幾似我係韓國食d地道鋪頭既感覺因為我食少少辣都係標汗，我食前菜個陣已經標緊，哥仔已經俾左紙巾我，我走個陣專登問我：d野岩唔岩食，因為我見你不停流汗😂😂😂

今日去紅磡食韓食，$88 蚊牛助骨湯，全碗都係骨，$88蚊淨湯。自問都食過不同牛肋湯，呢間都算要搵笨。另外加個魚旦湯，又係失敗之作。食完以已經好伏，埋單$166，淨係飲湯。咁既價錢，以小店來講，又貴又唔抵食。係紅磡區居住多年，自己都未食過呢間野。食完即刻變憤怒鳥。真心以後都唔會再食所謂小店韓食。之後仲要去AEON Food Court 再食。以後會black list 佢。真心沒有想過食韓食食到咁伏，請我都唔會再食。

其實咕咕雞我食左幾次，因為轉左幾次手，老闆娘都仲係韓國人，但係食物質素就有好明顯嘅分別啦！先講呢度嘅招牌咕咕雞！我叫左兩款一款係酸辣另一款係蜜糖！首先講份量呢度係半分，但其實比起以前少咗好多！咩都方面蜜糖嗰個同普通出面食嘅冇乜分別，酸辣嗰個辣就唔係好辣，但勝在夠野味！之後叫咗個魷魚小卷味道同當年差不多！但係份量真係少咗好多！最失望一定係呢個海鮮蛋餅⋯⋯說好的海鮮只有幾隻蝦！一啲都唔夠味！最好食就係呢個炒粉絲！味到足份量夠！門面依舊，但食物質素真係...價錢方面已經唔係好抵⋯⋯

今日係四月十四日，今日成個行程超級充實，超級開心。今日同老婆🐷去到黃埔，食雞蛋仔，睇波士bb,之後食咕咕雞，去冒險樂園玩，最後仲去埋中環摩天輪影相☺️😘。間咕咕雞其實唔太差，不過相比起預期唔太理想。黎到咕咕雞緊係要試下韓國炸雞啦，不過d 炸雞真係太硬，而且木雞肉好粗糙，有咩口感又冇汁，唔係幾好味，食落都係得d 甜味咁。牛肉炒粉絲，d 粉絲真係整到好滑好彈牙好有口感，可是d 牛肉岩岩相反，都係口感又粗糙，又冇咩汁，食落味道唔太濃唔太啖，都算好味。因為上邊果兩樣野份量唔夠我同老婆🐷食，其實我地既食量都唔大，不過食完都係唔夠，於是我地又叫左個章sushi,呢個超級彈牙，唔錯唔錯。總之今日全日同老婆🐷一齊行街一齊去玩，有好多美好既回憶，多謝你，老婆🐷。我果日真係好開心。☺️😘

搬左去紅磡两個月，慢慢發現都幾多餐廳，特別日韓餐廳，今次係韓餐系列第一回，之後會去其他餐廳再試下咕咕雞，星期六晚9點仲要等位，但接待小哥非常友善，两個人叫左辣魷魚紫菜包飯，餐廳調味適合香港人口味，無咁辣，只係用小辣來調味，配上紫菜包飯卷，味道非常夾人蔘雞湯，只係想試下既心態，因為之前試過太多，都係失望，但今次餐廳既雞湯，有米香惹味豬腩肉，少少肥膩，两個人食細份都覺得有啲多最可惜，我最想食既牛肋骨，因為太夜，賣晒，無論炆既，燒既都無哂，下次再試

又係2人世界時間，今日決定去紅勵食韓國野，經過一間小店，因為座位唔多，所以都要等左一陣先入到。晚餐時間有三款小食，芽菜、泡菜和黑豆，唔知係咪配合香港人口味，泡菜唔算好辣。兩個人叫左2個主菜同2個小食，已經好足夠。光陽牛肉飯同日式牛肉飯唔同，感覺清少少，冇咁濃味，外表唔係好吸引，好似無咩味道，但牛肉好嫩，因為味道唔濃，反而好易入口。泡菜豬肉湯配白飯泡菜味夠，但辣味就同出面既韓式餐廳唔同，可以講係小小辣程度，所以連湯都飲埋，豆腐好滑，配埋飯就一流，如果猪肉可以多返D就更加好啦。韓式甜酸雞球雞粒算好大粒，味道都好好，甜同酸味較得好好。呢個絕對可以encore.辣醃八瓜魚紫菜卷我本人對紫菜卷好有好感，特別韓國嘅，呢度整到細細卷，2啖就食晒，配番醃好左既八瓜魚一齊吃，別有一番風味。

延續平安夜一個人在紅磡黄埔，食韓國炸雞的經歷，晚上轉戰另一間韓國餐廳，再試食另一款炸雞。不過此店跟其他的韓國菜餐廳有些不同，黃埔的「咕咕雞」分午餐跟晚餐時段，過了午飯時間，下午就暫時休息，就算你多想吃韓式料理下午茶，也得再等一會兒。黃埔的「咕咕雞」，單看店名除了覺得很可愛之外，還認定了這間「咕咕雞」肯定主售韓國辣椒醬味道炸雞。此店店面面積有限，放不到幾多張檯，結果又變成了另一間「阿X來了」，等候入座的食客排隊人龍，又浩浩蕩蕩地伸延至街外，蔚為奇觀。趁未到入座時間之前，店員先在店外，讓未入座的食客提早點菜，增加晚市顧客用餐的速度和效率。「咕咕雞」在店內特別標示出來，每位顧客晚市的用膳時間限定在六十分鐘之內，即是告訴你知道，「咕咕雞」固然歡迎你來光顧，但是為其他食客着想，請儘快把握點菜和用餐的時間，不要拖拖拉拉，連累其他食客苦等。我在等待入座前，已經先點了菜，分別點了一份甜辣味炸雞，一客炸雞肉飯，另加一罐汽水。在正餐的飯菜未上檯前，先來一些韓式前菜，以作開胃之用途。先來一碟三款的前菜，分別有大豆芽、泡菜跟蒜芯。泡菜固然是家常便飯，大豆芽作為前亦算十分爽脆，反而蒜芯味道又真的很濃郁。所謂蒜芯

諗住係紅磡食韓國野，見到呢間小店忍唔住要去試下。佢話等兩張枱，諗住都可以啦因為周圍都好多人。點知一等等左差唔多個半鐘🙈勁肚餓的關係我地兩個人叫左四樣野，蜜糖炸雞，勁香蜜糖味唔係用cheap cheap蜜糖，配埋雞同nuts, 覺得重點係蜜糖度。章魚紫菜卷，估唔到上面有蟹籽，同好少韓國餐有鮮章魚泡菜同鮮魷魚泡菜，所有見到興奮左一下。可惜個紫菜唔脆，泡菜配埋個蟹籽十分好。可以一試！海帶湯連飯，飯個口感好好，唔會太硬又唔會太Lam,唔會一舊舊，一粒粒分明。海帶湯有好多好多海帶，但個人覺得濃左少少佢又唔係咸但覺得味重左點。芝士炒年糕，滿滿的芝士見到已經流口水，入面仲有好多的魚糕塊，仲有白菜，好足料又唔太辣岩香港人口味。個人覺得可以再辣d，拉絲的芝士忘不了。因為我地等左好耐所以老闆請我地飲野，很有人情味，這就是小店的特色！讚！

We are often going to this Korean restaurant as the foods are so delicious and the staffs are really friendly! I strongly recommend this restaurant as the price is also affordable! Excellent!!!!

上次經過已經想試, 終於向諗爆頭既時候諗起佢, 門口又有得泊車, 唔算太熱就坐門口順便睇車~~肥哥哥好好招呼, 又nice, 最後仲話我地肯坐門口仲free 左drink 比我地~~ 下次要去試其他野~~

小店位於紅磡的食街徳民街，看見咕咕雞的名字，覺得很可愛，便去試試，舖位小小，只有十個座位，可以看見韓藉廚師主理食物。餐廳主打是韓式炸雞，但亦有其他地道韓式料理。待應非常友善，當我們吃完前菜三小碟後，便主動問我們需不需要添加。炸雞分別有六種味道，有香炸原味、青葱、甜辣、蜜糖、咖哩和醬油。今次我試了甜辣味。甜辣咕咕雞($88/半份）炸雞半份不算太大份量，但二人吃剛剛好，炸雞外脆內嫩，甜辣醬汁也很惹味，不會太辣，加上芝麻令雞塊更香口。他們還有一些自家醃製的酸蘿蔔一起配食。芝士辣炒年糕（$65）個樣不是太吸引，但味道不錯，年糕加上芝士、泡菜和魚糕片同炒，味道有點甜辣，不會太滯，如果更多芝士就更好了。

菜单选择多样，牛肉饭，泡菜汤，炸酱面都好好吃～咕咕鸡味道很多种。上次点了酱油咕咕鸡，味道超正！泡菜饼料超足！有学生证还能送饮料！店面虽小，但坐着很舒服～下次去再吃另一款炸鸡

成日聽人講部隊鍋有幾多料幾好食，今次終於有機會食一次，又係去翻呢間指定食堂坐低等左一陣，就有個gas爐出黎，即係部隊鍋要出爐啦入面擺定左好多料，有芝士、腸仔、午餐肉、菜、茄汁豆、年糕等，一個十幾寸嘅爐真係好多料，但係我地得兩個人食...下次食可以搵多一兩個食拎左出黎仲要煮多陣，老闆幫我地睇住幾時可以食等左一陣滾左，啲芝士已經融左落去，連埋餸食特別惹味個湯我地要左小啲辣，費時我食唔到，啲湯就已經入晒野食度，食嘅每一啖都有辣湯嘅味道普通嘅食材其實唔會特別好味，但係咁先做得出部隊鍋嘅特點：唔同嘅餸加埋一齊煮熟就食，當然宜家嘅部隊鍋係豐富好多即食麵係後落嘅，我地另外要左芝士跟麵落，咁樣邪惡啲如果有下次可以考慮下將芝士跟麵落價錢好似係200蚊上下，咁大煲黎講自己覺得幾抵因為兩個人食，所以今次食得好飽好滿足，不過宜家夏天，所以要食應該要等冬天了