當文歷餅店 by Dominique Ansel (Closed)

今次行過IFC，見到前排好hit既當文歷餅店，今次見冇乜人，就去睇下有咩買啦！見都好多款喎！而且造型真係好得意好靚！買番兩個打下卡先！法國芝士蛋糕$68呢個蛋糕既造型成個真既芝士咁，好好笑！連招牌都有埋！食落就有淡淡咸香，都幾重芝士味嫁！仲要個質感都幾滑，估唔到係連塊朱古力都幾好味！推蝴蝶脆餅$58呢個係焦糖花生醬吉士醬忌廉蛋糕黎！一食落口，除左好滑之外，真係滿滿既花生醬味嫁！同埋個餅底好正，係個質感會有少少顆粒，感覺就好似真係花生醬入面啲顆粒咁！

佢d cake係真係好靚 好打卡🥸可以影好多相好得意呃like真係一流😂都真係要讚可以做得出咁靚咁精緻但係味道上 真係唔好意思 真係唔好食🧐唔好食到 食唔晒要掉....如果要個樣可以買 但係如果要好食 真係唔需要買🥶🥶🥶試過好多款 但係每一款其實味道都好奇怪死甜不特止仲要係質感都好奇怪好彩每次都係公司買唔使自己俾錢如果唔係真係覺得好唔值😅

味覺遊歷五國呢五款環遊世界蛋糕包括法國軟芝士蛋糕-芝士慕絲配上芝士海棉蛋糕加埋牛油曲奇同平時嘅芝士蛋糕好唔同,好rich,好似食緊芝士咁蝴蝶脆餅蛋糕-焦糖花生醬吉士醬忌廉蛋糕,上面仲有花生醬脆片餅乾同埋脆脆~鍾意花生醬嘅朋友一定唔可以錯過梳乎厘班戟蛋糕-幼滑嘅楓糖漿慕絲包住香蕉,果仁同海棉蛋糕.免頭加上一片海鹽忌廉牛油,像真度十分高墨西哥卷餅-朱古力味蛋糕芒果糯米飯-真係好似食緊芒果糯米飯咁,好正總括黎講,五款我都好鍾意,仲配埋個行李箱,好可愛,影相打卡一流!

朋友送上這袋東西，睇個名同個袋真係唔知佢賣乜（可能我見識少）打開一睇原來係兩個包，好大嘅牛角包，係火腿芝士同朱古力牛角包，包嘅香味直湧出來，真係好香，個包都算幾大。火腿芝士牛角包，聞真是好香，但食落其實都好一般。而朱古力牛角包都一樣，個包嘅質地係幾好，幾鬆，但要這個價錢其實有其他更多嘅選擇吧！

賣相非常精美，會令人駐足三心兩意，選擇良久才下到決定一次買了六款，最推介一定是菠蘿包，質感比較鬆軟，中間有青檸熱情果醬，感覺比較無咁膩其他甜品實在太甜，芒果糯米飯比較實，可能想營造出真實飯口感，但芒果味不太突出另外右下芝士蛋糕太過奶芝士味，本身是芝士控都受不了，太過濃郁⋯⋯⋯⋯整體而言，可一不可再⋯⋯太甜，不算好吃

食完Lunch係海運行左個大圈被呢間cake shop嘅甜品同裝修吸引住，而且仲見到入面有位坐，所以決定同兩老入去食件cake飲杯咖啡。睇menu見到各色各樣嘅甜品非常精緻，真係好難選擇。因為怕精緻嘅甜品表面糖霜會好甜，所以揀左啲相對好似冇咁甜嘅魚旦，Dominique's Kouign Amann同埋蛋卷蛋撻。魚旦入面係紅豆雪糕而外面係燒到脆卜卜嘅焦糖，好特別👍🏼。右上角果個係佢地嘅Signature，Dominique's Kouign Amann，我初頭以為係好似莎翁咁，但原來係一個甜啲牛角包，味道還好。左邊個蛋卷蛋撻就味道一般。飲品就只係叫左三杯咖啡。杯Cappuccino 奶味濃咖啡淡，非常一般。👎🏼服務方面，侍應似乎心情麻麻，個個都目無表情。我作為食客完全感受唔到好Welcome嘅感覺。服務有侍改進。呢間食肆食過就算，因為食物味度一般、服務一般、價錢唔平。

細個返學時，有時媽媽會買個牛角包🥐俾我，就係咁，我就愛上了牛角包。牛角包好多地方都有，但好食既就真係唔多～係IFC見到有牛角包，即買一個試下。Size 有手掌咁大，咬一啖夠鬆脆，牛油味夠濃，內裡係蜂巢形😍食到最後有少少「渴」喉。

今日係有朋友生日，上網就睇下有咩地方可以買蛋糕，畢竟係中環返工多年，大部分地方嘅蛋糕已經試過Search到e間當文歷餅店 好似新新地，就試下當文歷餅店係海港城有分店，而IFC就係期間限定店原本打算上網預定，點知原來要早3日預定，打電話問後只可以walk-in，而生日牌無得寫名，如果要寫名就需要3日前網上預定鋪頭開好早（8點），大約9點幾去到嘅時候都無人，個到嘅人態度都唔錯由於好早，所有味道都有包括菠蘿包 – 椰子熱情果蛋糕 $520皮蛋 – 榛子咖啡撻 $580士多啤梨吉士撻 $480紙包檸檬茶 – 伯爵茶佛手柑蛋糕 $480最後買左紙包檸檬茶，味道都唔錯，外面係朱古力做，有d甜，但裡面就係伯爵茶味蛋糕，味道適中，唔錯！不過，買e D蛋糕，都唔係為左食，係為左影相架啦！

CP值： 2/5 Price 價錢：$62 紙包檸檬茶Lemon Juice Box (伯爵茶佛手柑蛋糕Earl Grey Bergamot cake ）完全係被包貌吸引左😂表面係白朱古力，所以係食得嘅 （廢話🤣）但亦都即係話好好好甜中間係海棉蛋糕+mousse唔係好覺得有佛手柑味，伯爵茶味都算有少少嘅🤏Frankly speaking, I was attracted by its appearance lolThe outer side is made of white chocolate so it is eatable lol🤣In other words, this cake is super super sweet!The inside is sponge cake and mousseThe bergamot taste is rare while the taste of earl grey is not obvious too...

今年不可以出外食聖誕大餐，唯有在家自己煮。說起食聖誕餐又點可以沒有甜品呢？今次訂了當文歷的聖誕限定蛋糕，剛好他們在ifc 開Pop Up Store ,當然又去朝聖啦！幸好有預早訂，下午四時去到店大部分蛋糕已售罄，只剩四個Whole cake!每次食當文歷蛋糕都很期待，設計得精緻，味道也充滿驚喜！聖誕鹿法式泡芺,上層是朱古力忌廉和自家士多啤梨醬，下層是焦糖奶油朱古力醬，酸酸甜甜，味道很夾，不會有很甜膩的感覺！而聖誕樹蛋糕是用上栗子忌廉和開心果忌廉，配上開心果朱古力脆餅和牛油脆餅做餅底，口感豐富，充滿濃濃的開心果香！美中不足，是取回家時聖誕樹被自己整爛了小小！

Interestingly I had thought this place was a pastry shop as they seemed to have posters of fluffy croissants across the mall.... but the internet tells me they specialise in cakes more.They have a wide selection of cakes which mimic many of the local foods like lemon tea and pineapple bun. Flavours were not too sweet (typical HK style where mousse and fondants are scaled back in sugar). I hesitated with these type of ‘realistic’ cakes where many tend to have thick fondants and have terrible s

本來去ifc換另一牌子嘅禮物，後來知道Dominique新舖開張，當然要買幾件精品先走不嬲香港人都好鍾意趁墟朝聖，小妹早喺年頭都去過harbour city打卡兼試咗當時得令嘅魚蛋，在此不贅。。今次翻兜檸檬茶，另加應節聖誕樹同試吓"新"嘢冬瓜盅冬瓜盅外皮同啲火腿絲係例牌白朱古力，湯底係香茅味mousse,哇我想講真係齒頰留香陣味食落口唔太濃，但足以縈繞幾粒鐘，同埋中間凍冰冰嘅斑蘭mousse好清新好夾，好似食緊好香口嘅薄荷咁，爽輪到另一招牌作菠蘿包。。上次冇買到因本人麻麻地椰絲，但今次試吓又覺得ok wor..尤其鍾意面層菠蘿皮同包底，係類似macaron質地嘅椰撻餡，幾特別最後唔少得一定係檸檬茶。。我最鍾意嗰陣慢慢滲出嚟、清清地嘅earl grey香味，甜度恰到好處。。而中間酸酸地嘅蛋糕同盒底消化餅味脆米都係吸引我嘅地方唯一可惜係間舖係期間限定兼冇位坐的，想堂食都唔得