當文歷餅店 by Dominique Ansel (Closed)

由全球最佳甜點主廚Dominique Ansel打骰既當文歷餅店，一直都有將本土既飲食文化融入係自家甜點創作之中📺唔少包點、糕餅及每日新鮮即製的特色產品都係香港限定係中環店有限定既沙爹牛肉花生燒🥜黎到尖沙咀店就有炒栗子瑪德蓮🌰全部都係滿滿港式情懷，門口仲要真係有Set咗個好似炒栗子檔咁去整，另外睇到佢有唔少糕餅造型都係本土特色事物，非常得意😍🌰「炒栗子」瑪德蓮 | $58 | 8/10即叫即整要等15分鐘，上到檯一摸仲暖笠笠，平時都少叫瑪德蓮因為怕飽肚同吸口水🤤第一次試新鮮出爐既覺得好鬆軟，內餡既栗子蓉甜得恰到好處，當一個輕食tea就perfect😋🥜麻糬花生甜酥 | $38 | 6.5/10店員輕輕加熱後就送上，一切就開🤭麻糬冇乜拉絲感覺，花生醬味道係有但唔明顯，相較之下唔出色😉

成日經過見到呢間餅店啲甜品都好吸引 全部都好有特色 今次終於去買咗兩件試吓😎揀咗其中一款好受歡迎嘅紙包檸檬茶 $62 佢又真係整得逼真 尤其係支飲管😂面層都係用白朱古力去做 入邊就係有伯爵茶慕絲 再夾住佛手柑奶酪 茶味好香濃 口感軟滑 😋😋配埋佛手柑更加清新 除咗白朱古力有啲偏甜 整體味道都唔錯👍🏻另外揀咗款紐約pizza $68 呢款就比較普通 都係用芝士慕絲夾住草莓果醬 餅底口感一般有啲可惜 性價比嚟講唔算好高 因為都偏貴 但味道又未算好出眾 但係用嚟打卡真係一流嘅～🤓🤓

一提到「當文歷」第一個感覺就係有d貴，甜品造型幾有趣，於是帶住海港城Coupon嚟咗潮聖，途中眼見其他甜品舖都排哂長龍，呢間竟然唔使排，直入仲有好多位喔，仲以為自己好彩添，2個人剛吃飽就叫咗2杯飲品加件cake，伏到爆😆好彩有coupon，試一次就夠了，你當我大鄉里唔識嘢啦，真心唔識欣賞😔 New York Slice $68食第一啖個乳酪味勁重，真心同我平時食開的Cheese cake好唔同，奶味太重，個餠底又淋，完全唔識欣賞粉紅西柚檸檬梳打$48其實好簡單的飲品，應該無難度，但真係得個酸字凍摩卡咖啡$60我平時飲開凍mocha，去襯cafe必點，呢杯真心係我的black list入面，一個字苦~

港式奶茶曲奇佢係一個睇得玩得又食得嘅一個曲奇杯，可以將d奶茶倒入個益力多杯入面，而益力多杯係由曲奇外層加裏面有一層厚朱古力組成，奶茶味道平平無奇，如果可以大杯啲就好DKA 皇牌- 期實即焦糖牛角包，個包幾鬆，焦糖塗上包面，所以唔會太甜麻薯檸檬包中間檸檬醬好酸，麻薯較少，麵包冇乜特別，用嚟打卡都OK味道 Taste：😋😋😋/5環境 Ambience：🙂🙂🙂🙂/5服務 Service: 🙂🙂🙂🙂/5消費 Spending：$78 /人 Person推介度 Recommendation：3.5/5

噚日(6-8-2022 Sat)同老公出去行吓街,諗起當文歷嘅攪鬼蛋糕,由於尖沙咀有,所以我哋唔去中環喇,由於時間好早,所以未有客人,我哋坐低後睇menu研究完,就決定要:5. $48.00嘅港式奶茶曲奇杯呢個係肉桂曲奇杯另附上冷萃奶茶,我哋打開個曲奇杯蓋後睇到,有朱古力內層,呢個做法好聰明,咁就做咗一層防水層,防止斟落去嘅奶茶浸軟曲奇杯,而令飲唔切同食唔切時,啲奶茶瀉晒出嚟咁狼狽.我哋斟咗落去後,就邊飲邊食,曲奇杯好厚身,都算鬆脆,不過食唔出玉桂味;而奶茶嘅茶味始終唔夠茶餐廳嘅濃味,不過已經好過酒店嗰啲.曲奇杯味道:4分3. 套餐包嘅飲品~凍自家冷萃奶茶都幾大杯,味道就係上面飲到嘅港式奶茶.味道:2.7分4. 套餐包嘅飲品~熱朱古力咖啡我試飲啲,飲唔到朱古力味,咖啡味係甘.味道:2.7分1. $88.00嘅蘿蔔糕英式鬆餅配炒滑蛋套餐Crossover成咁,成功吸引咗我老公,睇見炒滑蛋都幾厚,切開食得,個滑蛋真係好滑,而鬆餅我係食到少少辣味,同出面嘅唔同,後來到老公食時,佢噏蘿蔔糕英式鬆餅時,我至記得呢個係有蘿蔔,辣味就係來自蘿蔔糕?佢食嘅時候,我哋就仔細啲睇,原來啲蘿蔔絲藏喺件鬆餅內

買咗個菠蘿油又蝦餃同埋芝士蛋糕咁嘅物體長期見到好多人排隊因為有coupon本身原價一件60至70蚊用coupon就一百零幾蚊有三件味道似普通西餅咁甜甜地但係包裝到好靚啱曬打卡用本身想買燒賣同檸檬茶都賣曬仲有咖啡杯都好得意又係賣曬真係多人排隊到癲其實想試佢個魚蛋同埋栗子嘅魚蛋喺雪糕拎到返嚟外賣又會溶啦所以最後都冇買其實佢呢檬茶嗰個生日蛋糕480蚊用coupon減都幾抵其實都想買不過最後都冇買到下一期嘅coupon已經唔會再咁平㗎喇所以今次唔買其實都有啲蝕底

同事喺當文歷餅店到買左機幾舊曲奇餅俾我地食，好大塊曲奇餅，成塊臉咁大。一人食左1/4。呢塊曲奇餅實在太甜，甜到有啲打冷震，唔係好明佢出名在邊度。我覺得自己求其整既曲奇餅都好食過佢。

🥢 由有「餐飲界梵高」美譽嘅總廚Dominique帶入香港嘅甜品店，展現如何完美地融合藝術同甜品，絕對一試難忘！👍🏻 甜品賣相精緻就唔洗講啦，最欣賞就係老闆將香港特色融入甜品，技術同創意都一流，最重要可以帶到歸屬感比客人，不得不佩服呢位甜品大師👍🏻👍🏻 ✨ 龍蝦湯通粉 $98原來除咗甜品之外，呢度仲有主食，龍蝦湯通粉附有香港典型茶餐廳嘅風味。奶油湯散發出濃郁嘅海鮮味同龍蝦嘅甜味，通心粉吸收哂成碗鮮味湯嘅精華，兩者配合得宜✨ 新餐肉蛋牛角包 $58 呢個牛角包絕對邪惡，其特色係用cream炒雞蛋同埋蔥，才加上萬惡嘅午餐肉，與柔滑嘅雞蛋搭配出美味同香脆嘅質地✨梳乎厘班戟 $65Pancake上面揸左厚厚嘅楓糖漿mousse，採用香蕉果仁同海綿蛋糕而成嘅「班戟」，擺上用忌廉整成嘅「牛油」，食落有意想不到嘅驚喜✨ 黑白奶罐 $65 呢個用係Black & White 煉乳品牌設計嘅懷舊甜品，其特色係白朱古力「罐頭」，裏面裝滿左咸焦糖啫喱同creamy蛋卷。 其略帶咸苦味嘅焦糖，突出左甜品牛奶嘅香味

dangwenlihk。鹹牛肉滑蛋牛角包 Combo $88。新桂香叉燒蛋牛角包 Combo $88。吉列滑蛋三文治 $78幾個月前當文歷出咗一系列港式茶餐廳風味嘅牛角包一直都無機會試，托海港城coupons嘅福😂前排終於有機會lunch去試吓除咗有OmniPork新餐肉同鹹牛肉牛角包仲有柴灣老字號新桂香燒臘合作嘅新桂香叉燒蛋牛角包好難揀啊，最後揀咗鹹牛肉同叉燒果然真身好大份，全部爆餡鹹牛肉除咗有蛋仲有牛奶芝士碎食到一半已經覺得好飽反而叉燒蛋配蔥花，無咁滯仲好香最後再叫單點多一份吉列滑蛋三文治首先外形真係無得輸！入面吉列蒸滑蛋好嫩好滑不過食咗牛角包款嘅炒滑蛋太香蛋黃味反而呢款蛋味淡咗少少，夾層XO蛋黃醬仲搶味但外面層吉列炸皮超似食緊炸豬扒口感好驚艷！最後仲外賣咗5袋炒粟子走（瑪德蓮）不過留意返呢個係即叫即整一袋要等10-15分鐘，五袋要差唔多一個鐘我堂食前叫定就啱啱好啦～

海港城coupon 得返一星期到期，又係選擇困難症當中，諗緊食咩好！睇完一輪OpenRice，發現原來冇食過呢一間餐廳，見到裏面嘅食評都好壞參半，決定俾個機會自己試吓！$60-$70 一件甜品最後決定買三件甜品，可以用一張$200 coupon減$100 ！最後三件嘅價錢都係$200 ，用完coupon之後就$100有三件甜品！感覺上真係超級抵，如果要我就咁俾錢買一件就稍為有少少貴！不過就未到來說，呢幾件蛋糕都給我驚喜！係好有層次感嘅甜品燒賣：係我最鍾意嘅朱古力，裏面嘅朱古力味真係好濃郁而且層次感豐富❤️檸檬茶：用朱古力片，拼湊嘅檸檬茶外殼，做得都很維肖維妙、裏面給我嘅驚喜很大因為真係食落去好有層次感最鍾意裏面底層有啲脆片，而且伯爵茶海綿蛋糕，都好香，食到伯爵茶嘅味道士多啤梨芝士餅，上面鋪上白朱古力片，呢個比較普通，味道都ok,不過塊餅淋左，令整體大打折扣

經常在網上看到，但又不敢試，最後還是因為食物可愛精緻的外表而按捺不住試了，可惜味道跟想像中一樣⋯⋯都是只有外表，內在的味道就跟一般茶餐廳沒有區別，但性價比卻非常低，以價錢來說，味道只能算是中下水平，加上外觀分，勉強能給個「OK」吧！新桂香叉燒的味道算中上，可惜不是新鮮出爐的，所以不熱，也沒有脆邊。甜品方面，吃一口就不想再吃了。不過綽頭倒是有的，食物的外觀方面也能看出餐廳的用心，希望未來餐廳的食物能夠在味道方面有所改善！始終食物最終還是用來吃的，「色」、「香」故然重要，但味道才是重中之重啊！

▫️呢間餅店開左好耐，一直好想試但長期都見到有人排隊🚶🏻‍♀️ 難得今日去到唔洗等，終於可以試下喇😋▫️以為呢到得甜品食，發覺而家連咸點都有，又多啲選擇😝🥐 新桂香叉燒蛋牛角包 $68 (單點) / $88 (套餐)▫️牛角包好鬆化‼️ 叉燒幾好食，配埋香蔥炒滑蛋，超香，簡直係男人既浪漫👳🏾‍♂️ 估唔到呢個中西fusion配埋一齊又幾好食🤤🍰 New York Slice $68▫️呢到啲蛋糕真係花多眼亂😍 諗左好耐試邊個好，見呢個new york collection好似新出既，就揀左個pizza樣既黎試🍕▫️睇個樣都可能估到少少，其實係白芝士mousse，面層有新鮮士多啤梨片，好彩唔酸姐🤭 中間夾層有羅勒士多啤梨果醬，酸酸地可以中和返啲mousse既甜😬🍹 粉紅西柚檸檬梳打 (跟餐) / 🧋 自家冷萃奶茶 $50▫️梳打係夏日限定特飲，原價$48，跟餐唔洗加錢🤘🏻 一飲落去嗰刻係爽既🫧 但略嫌糖漿太甜，同無乜新鮮西柚味🫣▫️奶茶既茶底幾香，好飲👍🏻💡餐廳接受海港城$200-$100 coupon，優惠後百零蚊食到咁多樣野，好抵🤭

甜品店位於尖沙咀海運大廈，週未約五時多，等侯了兩三張枱，約十多分鐘，店員安排入座。二人被安排四人座位，寬敞舒適已有所聞，此店出品精緻甜品，不過是日想食咸點，有全日供應Savory Combo，選擇了新桂香叉燒蛋牛角包套餐，連飲品$88，飲品選綿花糖熱朱古力(需另加$8)綿花糖熱朱古力上桌時，店員將未開的菊花型綿花糖，放上熱朱古力上，菊花會慢慢地盛開，幸店得店員提醒拍片，沒有錯過捕足這杯熱朱古力有趣的一刻，服務值得一讚。 濃郁又香的朱古力味，配上甜甜的綿花糖，精緻又美味。新桂香叉燒蛋牛角包牛角包好鬆化，內有約五片新桂香叉燒，配上滑蛋，灑上幾粒蔥花，咸咸香香，超好食。埋單$88+$8+10%=$105.6，食品精緻，良朋共聚談心，打下卡，值得一試。

經過 Dominique, 難得人流不多，一定係食個 lunch!叫咗個小龍蝦通粉，小龍蝦肉極少，可能得三四粒😂😂 味道偏濃郁。仲有叉燒蛋牛角包，兩個包好鬆軟，估唔到中式嘅叉燒，同西式嘅牛角包味道配合得唔錯，有小驚喜。柚子梳打清新爽口，啱晒夏天飲，另外杯奶茶嘅茶味濃，奶味淡。最驚喜嘅係兩個中式點心造型嘅小蛋糕，蝦餃造型雖然唔似，佢似小籠包多啲😂😂但味道唔錯，可以一試。菠蘿包造型好可愛，個人覺得好好食，唔好錯過！

星期六6pm唔駛等位坐得ok舒服一盅兩件-蝦餃、燒賣 入面淨係試咗蝦餃外型真係好可愛成粒滑捋捋大蝦餃咁之前係當文歷食過黑白淡奶蛋糕覺得太甜膩但呢款蝦餃又幾清新外面係酸酸地既雲呢拿青檸慕絲入面係赤蜜桃忌廉,糖漬日本香桃同埋杏仁海綿蛋糕好食👍以港式炒栗子做靈感既瑪德蓮蛋糕即叫即整,外面微脆入面威士忌栗子忌廉餡蛋糕香濃鬆軟簡單好食鹹牛滑蛋牛角包都好食,但唔係特別出色幾大份兩個人食3份嘢都可以當晚餐飽哂~