丹麥餅店

Open Now

Now Closed

話說滿心期待去試傳說中神級炸雞髀，去到見加至HKD18真心覺得有啲啲貴，但嚟到一定會食嘅。上手聞落真係好香，口水流晒咁咬落去，皮好鬼脆好夠味！心腍轉頭食多隻，但係咬多幾啖之後，失望嘅感覺開始嚟料……雞肉原來醃得唔夠入味 有啲淡同乾……所以算啦，一隻夠皮，試過就算啦……美咪指數：6.5/10抵食指數：7/10

早上經過丹麥, 突然想起了我不常吃的熱狗($12).買了一個回公司, 沖一杯咖啡, 慢慢享用.今天的麵包非常鬆軟, 熱熱的, 裡面鋪滿醬汁, 差不多把香腸蓋起來.或許很久沒有吃了, 感覺非常的美味呀!

呢幾日因為睇球實既原故，行過銅鑼灣，又去番一年前食過既丹麥餅店，呢間野總是給我一份親切既感覺，店鋪沒什麼雕花的裝潢，但店鋪殘舊得來，展現一份老香港味道，店鋪1958年就已經係到，講真香港好多野都係呢幾十年變左好多，仲可以係到食番六十年代香港既味道真係唔簡單。賣既野選擇唔算多，都係小食店既芝士漢堡，炸雞脾，蛋撻，有冰室奶茶，咖啡等等。我叫左個吉列豬扒包，冇任何收銀機，一部計蚊機一張紙搞點哂。take 左order後隔離既老伙計馬上幫我炸豬扒，所以岩岩炸起既豬扒好脆好好味。雖然配料唔多，就係茄醬同豬扒加包，就 20 蚊。唔算得係好味，但係裡面夾雜任住香港既集體回憶，我會繼續幫襯，希望佢可以撐到2046

銅鑼灣嘅丹麥餅店係無數香港人嘅回憶，曾經無數次話業主加租做不下去，但仍然堅持到今天。魚柳包、熱狗、薯條、豬扒包加芝士、炸雞脾，全部即叫即炸、新鮮熱辣，簡直冇得輸。今日經過叫咗炸脾，叫以前$10食到今日$18，沒辦法，通脹嘛。重點是味道依舊好吃，皮非常的脆，已經達到炸脾的最大精髓；內裡的肉不會太乾或太鞋，達到了啖啖肉的效果；而最後撒在皮上的華鹽更是點綴了整隻雞脾，昇華到另一層次。每次經過都忍不住要吃一點小吃，又或者，最令我喜歡丹麥的，是收錢老闆娘的人情味，是叫細吃到大的回憶的味道。

今日放工終於鼓起勇氣試咗呢一間好古老嘅丹麥餅店，點解係鼓起勇氣呢？一來平時佢好多人排隊，二來成日經過聞到好大浸油煙味><，連熱狗條腸仔，雞翼，雞髀，豬扒等，見佢所有嘅嘢包都係會炸咁滯，我比較少食炸嘢，所以咁耐都未幫襯過。但係又好好奇點解咁多人幫襯，又好似好出名，今日放工有啲肚餓，就膽粗粗去幫襯第一次，我見好多人都叫熱狗同埋豬扒包，又見啲腸仔同埋豬扒都係即叫即炸，所以我又點左個豬扒包（$18）試吓！豬扒嘅size大嗰個包，都有手掌咁大，但比較薄身，味道叫做正常，唔算好juicy, 仲有少少乾添，不過中間嘅沙律醬同埋番茄醬就係神來之筆，個包同埋豬扒比較乾身夾埋醬一齊食，竟然又啱啱好，又幾好味喎！不過講真，相信佢嘅油唔係話特別靚，小本經營應該都唔係成日換（少少萬年油味）食到後邊仲有啲有油益味，不過可能係好多人細個食過嘅嗰種懷舊嘅豬扒包味道，相信d人都係因為呢份熟悉的味道而走去食，但間中食下就無妨，始終成日食炸嘢都係冇益。環境：5/10 （因為歷史悠久，外表幾殘 舊下）服務：7/10 價錢：8/10 食物質素： 7/10 下次有興趣試佢啲熱狗，炸雞髀同埋

這老店開業至今，能夠䇄立在銅鑼灣地段之上，可見其可取之處！陳舊的外觀，看來甚不起眼，話需如此，但店內人流不絶。店內的餐牌，經歷了時代的變遷，而飽歷風霜，店內沒有因為陳舊而作任何改動，反而多了份親切感！恰巧路經此處，不得不到訪這小店。「一件吉列豬扒吖，唔該！」新鮮即炸的豬扒，看似平凡，體積約手掌般大，厚度雖然稱不上厚實，但咬下去卻出奇地的酥脆多汁，剛炸起的香味直湧而來，上面灑了少許鹽花，更是簡單的滋味，滿足了我口腹之慾！

今日去大球場睇波咁搭巴士見呢間幾多人幫襯咁喎落車行番轉頭望下先原來係1間好舊式嘅店舖所有野都係即炸嘅見唔係太多人排隊咁就買個魚柳包入球場食啦！除左魚柳包, 仲有熱狗, 豬扒包, 炸雞脾, 漢堡包, 魚柳飽, 芝士漢堡, 炸薯條, 炸雞肶,等等一食，好好食喎塊魚唔係機器做魚柳炸得鬆脆，肉質雪白嫩滑。再加上少許沙律醬和茄汁，簡單而風味十足！食落同某大餐廳嘅魚柳包差好遠

▶️有一次陪朋友走過那邊 看見裝橫較懷舊餅店😬▶️原來每日一個婆婆 一聽到落單 就會即叫即整的🤣▶️全部都是人手製作 看似做法很簡單😛▶️這些腸仔都是新鮮慢慢烤熟的🤤▶️熱辣辣的熱狗 🌭️濃醇沙津醬加上腸仔 簡直係絕配嘅醒神下午荼呢😌

午膳時間外出購物, 任務完成之後, 時間已經不夠吃一個簡單午飯了, 惟有「以包代飯」, 應付一下.今日實在吃不了麥XX的一個套餐, 就去丹麥買我唯一最愛「魚柳包」吧!魚柳包已經升價至$18, 麵包大小與麥XX的包差不多.我仍然是醬料「全走」, 只要鹽. 今天下單至離開, 全程不足1分鐘, 光速, 乎合我的需要!

朝早10點左右去無咩人，未食早餐，無理由叫雞脾食就揀左豬扒包，可以拎住、一路行一路食塊豬扒剛炸起、熱辣辣，尚算 juicy呢種港式味道，有茄汁、沙律醬個包略略烘過，少少脆略嫌個包 overall 黎講有啲油

-------------✏️魚柳包$18好食指數:6.6/10經過好多次都打左洋 今次終於試到大排長龍既一間麵包店 有熱狗 漢堡包 魚柳包 雞肶今次揀左個最多人推薦既魚柳包買完拎到上手 微溫 魚柳係脆既 而且食得出係魚造既 好過某間MNC連鎖店造既魚柳可惜既係魚柳不夠熱 如果新鮮熱辣一定爽好多醬汁係偏甜既沙律醬 同個魚柳都係夾既不過我覺得如果麵包都烘一烘既話 就更好 🤔因為始終無人鐘意食微溫魚柳包----------------📍丹麥餅店銅鑼灣禮頓道106號

好耐之前開始，間唔時都會過黎銅鑼灣呢個丹麥餅店，早餐也好下午茶也好。行街經過也好，放狗行完山落到銅鑼灣也好。都會有點心癮，心思思想食丹麥既包。黎到，又會好掙扎-究竟要芝士漢堡包好，定熱狗好呢？芝士漢堡包 HK$15呢日就揀咗食芝士漢堡包。個包表面微脆，裏面好軟，剛剛烘熱既。個塊漢堡扒，講真，$15，仲要即叫即整，算係咁啦。醬汁方面，有茄汁同自家制沙律醬（我好中意佢既沙律醬）。熱熱既漢堡扒，放響個塊芝士上面，塊芝士即刻溶化，正！其實我見好多食評都有話呢樹態度差。其實我必須承認，嗰位上咗年紀既嬸嬸，成日自言自語，發牢騷咁。可能老人家係咁，有得佢算吧。呢個星期我想去食熱狗啦，哈哈！

丹麥餅店是集體的童年回憶 沒錯吧！ 記得炸薯條，炸雞髀，漢堡包，魚柳包但一定唔會記得老闆娘娘😆 難得她給我難忘的體驗呢~ 😂😂😂話說 她正跟前面兩位女孩收錢， 又跟我說「要咩食講啦」。我説「魚柳包」。 等佢收完錢 輪到我 佢又問 「要咩食呀 」 我又說 「魚柳包囉」。 跟住老闆娘娘 嘰呢咕嚕 又話趕又話忙… 呢度係咁㗎啦…… 乜乜乜……… 冇佢咁好氣 出去影番幾張靚相先 😆😆😆 影完相返入去攞包， 老闆娘娘繼續同其他客講… 咪投訴囉，依家啲人最鍾意投訴……… 食完就等入醫院等死 ……… 😆😆😆 唔知佢同緊邊個講哩😅😅， 總之此時此刻 整個空間 充滿咗老闆娘娘嘅負能量 😂😂 我淨係想同佢講，熱就裝番部冷氣啦！個人 唔會咁燥， 舒服好多㗎 😎講咗咁耐，魚柳包呢 $18 抵唔抵見仁見智啦~ 麵包 烘過內脆，香甜。 魚柳熱辣辣， 有茄汁同沙律醬。這就是最 普通 簡單的好味道， 童年回憶 都係冇咗爆seed老闆娘娘果 part 會好啲 😂😂😂飢Point : 6/10#hungermarch #飢詩 #非飢詩

今日行經銅鑼灣，突然想起久違了的丹麥餅店。今次買了芝士漢堡$15 銅鑼灣來說，不貴。港式味道，比錢後見佢攞起個包放入漢堡，芝士，加啲醬，一分鐘都唔洗就有得食。賣相不太吸引🤢🤢漢堡好像乾乾的🤢吃落就覺得包幾好食幾軟的，可惜不夠熱，以前會會烘得夠熱又不會乾的🤢 漢堡我不太喜歡夾雜了又軟骨又筋咁。整體來說有點乾乾的。下次可能試下魚柳包或熱狗。

雖然在銅鑼灣返工，經過丹麥N萬次，但都未幫襯過此店。也一直知道這是去大球場睇波前買嘢食醫肚的好地方，甚至連住在九龍的朋友也是常客。今天放工就心血來潮，專訪此店買了一隻熱狗。十二大元，為本土小店略盡綿力😄很欣賞此店保留繼續用紙袋，一來環保，二來用紙袋不會像膠袋般「焗住」而引致有「倒汗水」，三來本身幾十年來的小食就是用紙袋的啦，保留傳統小食文化的精髓。用港式麵包做的熱狗別有一種風味，很欣賞他們會把麵包加熱，熱狗醬的份量剛好，雖然這類熱狗腸並不是用名貴的德國熱狗腸，但新鮮即叫即整，真的很好味。之前略有所聞此店會關門大吉，很多粉絲趕去幫襯，現在應該已把問題解決，繼續經營下去。