德國餐廳 (Mikiki)

Open Now

Now Closed

琴晚放工同媽媽去左Mikiki既Das Bier食德國菜，環境方面有入室外同室內的。英式炸薯角 $55：一整兜既炸薯角份量好多，薯角size有大有細；食落吾會太過油膩的，可惜味道太咸，因為有過多既鹽。香草醬煙肉三文魚意粉$128：份量同樣大份的，意粉因加入左香草醬令整體味道帶有點酸，令人愈食愈開胃！煙三文魚共有三大片，味道吾會太咸的。而意粉既軟硬度適中，所以吾會太過頂胃。德國香腸拼盤 $162：香腸拼盤有多款吾同既香腸，有啲會爆汁，有啲帶有少少辣味。多款德國香腸外層比較實皮，而入面口感則軟口一點，味道吾會太咸。

喺新蒲崗mikki 樓下其實開左好多西餐廳，又有户外座位，平時夜晚經過都覺得幾正，今晚咁岩揸開車泥又有泊車優惠，於是就試下呢間得徳國餐廳食dinner! 餐廳主打德國豬手同啤酒，見佢set dinner 都幾抵食，推介一班人share! 今次我地得兩人，所以散叫算。首先必點德國豬手，呢啲即叫即整，所以製作需時，豬手大大隻，啖啖肉，個皮望到焗到好香脆，分別有蜜糖芥末同普通芥末醬比你點。豬手切開，見到啲肉仲好粉嫩色，火喉恰當，又唔會過咸，配上傳統酸菜，配搭一流。剩係食豬手都好夠飽。食得豬手當然要配上啤酒，佢仲有啤酒優惠$168有三杯，啤酒都有好多選擇，可以要三杯唔同味道！再叫多個小食芝士焗薯條，好抵食！真心好大碟，兩人都食唔哂要打包，呢間真係好岩happy hour 又抵又好食！

呢日黎到mikiki食豬手！ 呢間德國餐廳要係大街入唔係商場入，我都搵左一陣先知～放工時間黎到勁熱鬧！都差唔多坐滿，連露天位置都係～好彩行快兩步～黎到德點餐廳梗係要食下豬手！仲要係脆皮個隻！飲住beer食住豬手真係好chill!!! 豬手點mustard真係一流！豬手個皮勁脆！d肉又唔鞋！食到停唔到口！仲有叫左墨西哥片點住醬～勁正！個醬好fresh, 又有蕃茄粒！另外仲叫左ribs! 隻bbq醬真係一流，同豬肋骨簡直係絕配，就好似豬手配啤酒咁！豬肋骨d肉同骨都好易分離，肉質勁淋一咬就離骨，超正！呢晚真係perfect!

今次黎到呢間Das Bier既德國餐廳，咁就梗係出名德國豬手 同 啤酒喇，呢間仲有露天位tin，位置近啟德站，放工時間去已經差唔多坐滿嫁喇。講下座位先，除左露天位，仲有d室內位，枱都有間隔，位置唔算太窄，同fd吹水飲下啤酒，好過去酒吧，因為呢度比較清淨，無咁雜。豬手應該唔會純炸出黎，因為食落肉質唔會太乾，仲好juicy，都幾易咬開，調味方面，就略淡左少少，應該係for你點source食，皮就夠曬香脆，都夠乾身，食落好脆，正！豬手既配菜仲有酸菜，解利一流，酸酸地。豬肋骨就偏向彈牙果種，切出黎用手拎住食就岩岩好，d燒汁都幾惹味。Das Bier既手工beer，飲落偏甜同偏淡，女士就岩曬，實入得到。男士就建議叫下d黑啤比較好。

今天工作來到新蒲崗，工作完畢，來到Mikiki商場逛了一會，順便吃晚飯。Mikiki 商場的外圍有幾間餐廳，餐廳外放了桌椅，上空掛滿小彩燈，露天茶座很有氣氛，疫情關係，坐室外應該比室內安全。我和同事選了「Das Bier 」食晚飯，「Das Bier 」是一間德國餐廳，德國菜最出名當然是豬手和香腸啦！《德國香腸拼盤》$162 共有四款香腸，有雞肉腸、豬肉腸、辣肉腸， 四款腸都各有特色，香氣滿溢，橙色腸脆皮之餘還超級爆汁，點些少香甜的芥辣醬，非常好吃。伴碟的酸椰菜不太酸，很開胃，而薯角剛炸起，脆卜卜，令人食不停口。《香草醬煙三文魚意粉》$128清新的香草醬意粉和煙三文魚味道很夾，意粉creamy，內裡還有很多香菇，正。《芒果汁》$40這杯芒果汁不太滿，可能叫了走冰的關係。

新蒲崗mikiki商場地下有一列餐廳包含咗各國美食，今次就揀咗德國菜das bier！戶外嘅小燈飾頗有格調，餐廳有露天座位，照顧到吸煙嘅顧客，不過好氣氛只限於好天氣，寒冬炎夏落雨天就比較麻煩喇。餐廳裝修簡單雅致，牆上有一大幅德國地圖，可以邊食德國菜，邊了解德國地理同城市分佈。食德國菜就緊係要食豬手，我哋揀咗比較特別嘅鹹蛋黃豬手。豬手皮脆肉嫩，配上酸菜同薯仔，份量足夠兩至三個人，加埋鹹蛋黃醬，呢個中西結合嘅配搭創新得嚟又幾夾。Carbonara嘅濃稠醬汁掛上每條意粉，加上火腿，好味。每枱都有個酒桶，不過我哋酒量一般，都係每人一杯算喇，如果一班人食飯，相信叫一桶咁飲會幾好氣氛。

餐廳喺Mikiki商場嘅外圍，有室外同室內座，接近下午茶時間室內座都冇咩人，不過室外座就滿哂，睇黎都幾受食客歡迎。二人行叫左德國鹹豬手配酸菜及薯仔沙律，西班牙海鮮飯，是日餐湯配意大利麵包，飲品就叫左杯啤酒。鹹豬手已經切好先上碟，放得好整齊。肉質嫰滑，有光澤。而且好香肉味,食到有D豬手肉嘅位連埋少少筋同脂肪更香，一啖豬手一啖啤酒，真係好滿足。份量都幾大，啱哂D食肉獸。而酸菜及薯仔沙律方面，酸酸地，好開胃。可以中和一下油膩嘅感覺，薯仔沙律一啖一粒，唔會好硬，幾好食。西班牙海鮮飯好足料，二人份量都唔少。材料有蝦，魚，青口，蜆，魷魚，青紅椒。蝦都幾鮮味，魚有兩大件，冇骨，可以大大啖咬都冇問題，肉質嫰滑，青口同蜆嘅數量都幾多，冇沙或者腥味，值得一讚。魷魚彈牙，飯粒有咬口，係偏硬嘅飯。海鮮飯望落雖然顏色深，但係食落唔會太重味。而啤酒叫左Guiness draght beer， 味道淡香，口感幼滑。是日餐湯係蘑菇湯配意大利麵包，意大利麵包香脆仲幾有蒜香味。

好耐都冇食過德國菜，今次去左都有好多分店嘅德國餐廳Das Bier。我地叫左嘅野食有德國鹹豬手配酸菜及薯仔沙律，西班牙海鮮飯。飲品就叫左一壺herbal tea。德國鹹豬手配酸菜及薯仔沙律，上菜時鹹豬手已經切好哂，一件一兩啖啱啱好，皮好香脆。有厚度但唔會好硬好乾，豬手肉質有咬口，好實肉，味道微鹹。豬手配左兩隻醬，芥末醬好香，豬手上碟份量已經覺得多，越食就越覺得大份。適合同朋友三四個一齊叫一份，多D人share，可以食多D其他野。酸菜爽口，好解膩，薯仔沙律味道唔錯，幾香薯仔味。西班牙海鮮飯有好多海鮮,蝦,魚,青口,蜆等等。全部食落都好新鮮。最欣賞係 魚，非常之滑，再加D檸檬汁真係一流！飯就粒粒分明，熟嘅程度好一致，味道不錯！飲品方面，“好睡覺”herbal tea(芳香萬壽菊,檸檬草,甜菊)雖然係茶包，但味道確係好清香，就算再沖第二壺都仲好夠色同味。

嚟到MIKIKI，突然發現有間德國餐廳咁有趣，就決定入去試下！餐廳裝修都幾特別，仲有好多間板分隔客人。我最鍾意呢部體溫檢測機，度溫度之餘仲可以即刻噴消毒液！價錢嚟講唔算平，但每樣都好有特色~意大利巴馬風乾火腿﹕顏色比較淡，加咗酸瓜之後中和番火腿嘅咸香味，味道幾有趣德國傳統白豬手﹕因為我唔敢食煎炸野，所以叫咗白豬手！一嚟到個豬手已經熱到出曬煙，啲肉好肥美，份量好多！豬手熟嘅程度啱啱好，兩個人食先食得晒，真係啖啖肉。個醬配香腸好夾，加埋蛋同其他配菜，味覺好有刺激~

慕名而來,為左食德國豬手!! 但可能係太受歡迎 我晏就點幾兩點到已經冇哂脆豬手... 得返傳統水煮個隻... 唯有照要啦 Germany Traditional Pork Knuckle ($218) 睇佢個樣咁dry同脆豬手賣相差好多 唔太吸引 但估唔到食落都唔錯~ 傳統水煮豬手都有佢嘅特色~~ 好軟熟 個皮”煙煙unun” 亦都有一條frankfurt腸,酸菜,薯仔沙律 夠哂飽~~~ Milk Cheese top tea **Without cheese top... ($40) 見佢有出芝士奶蓋茶想試下 但點知又話冇奶蓋.... 得返個茶底... 茶底都okay嘅 淡淡茶香 但我諗有埋個芝士奶蓋會更好~ Greek Yogurt & Raspberry Crunch Cake ($38) 當然唔少得飯後甜品 yogurt同 Raspberry Crunch做layer fresh得嚟又唔太甜 

中伏！昨天同好友午飯相聚，可惜誤入這間虛有其表嘅德國餐廳，難食程度是-100分，從未試過豬手用水烚熟無味，意粉硬到食唔入口，餐廳侍應服務態度極差，我哋中午12時到，一入餐廳無人招呼，覺得入快餐店仲ok, 同佢要求餐具作公筷都面有難色，食兩個午餐$250多謝欠奉，不明何解在open rice有很高評價，真係食壞人！😡#除咗兩杯德國啤酒好好飲之外，其餘食物不能入肚🤮#金玉其外，敗絮其中🤬#莫非最近俾人頂咗間餐廳來做😩中

啲人成日話mikiki無野好食，全部都係貴價唔好食，我一啲都唔同意！今日黎到mikiki既das bier，就有性價比極高既豬手啤酒！餐廳好有德國feel，夠晒feel食豬手飲啤酒menu主打都係德國腸、豬手、豬肉、啤酒紅酒白酒等等今日我就叫左個德國豬手，一上枱見到好大份，好興奮！廚師仲好細心咁幫我切好晒細細舊咁，食起上黎好方便。豬手外皮脆卜卜，咬落去有聲！肉質就夠咸夠軟身，配埋芥末醬一流呀！食豬手緊係配啤酒，我叫左Erdinger fischer's helles，飲落唔太重麥味，清清地幾易入口。朋友就叫左豬肋骨，燒到好靚，好重BBQ醬汁味道，食落啖啖肉，啲肉唔會痴得好實啲骨，唔錯！最後朋友仲叫左個Sangria，好足料，真正飲飽食醉，正呀！

朋友以前幾乎年年都去德國，不能去旅行， 惟有去德國餐廳感受下德式風情。餐廳有室外座位，在一片林蔭下想必能令人放鬆心情。我們則選擇了室內座位，感受下德國格調，大大幅德國地圖令友人不禁「想當年」。菜單上選擇多多，有主菜小食和多種啤酒。下午茶時間，我們二人點了兩道菜加是日餐湯；一、 德國香腸拼盤 $188（加一）香腸是德國名物之一， 拼盤有四種腸，有些好大條，咬下去有肉汁，點芥末更美味，不過其實都真是香腸😂；配薯角同酸菜，酸菜酸度適中，恰恰好中和啖啖肉的油膩。二、卡邦尼意粉 $128（加一）醬汁超級濃厚，而且Parma ham 的分量毫不欺場，意粉不會太淋，有驚喜，推介👍🏻三、是日餐湯 $28 （加一）另一推介之選👍🏻好像是南瓜蕃茄湯，跟意大利麵包，冬日喝一口細滑的暖湯，好溫暖啊。意大利麵包也很香脆。總括而言，價位稍高，但環境佈置有格調，食物也頗有水準。順帶一提，兩道菜式的份量也超級多，是外國人的份量，單從份量也能令你感受到歐洲風情😝

讀書既時候係德國住過一段時間，唔知係食厭左還是本身德國菜唔係我地杯茶🤨係德國就唔想食，返左黎香港反而有時會掛住哈哈~🤪今次我地就揀左位於新蒲崗既德國餐廳，回味下歐洲既點滴☺️題外話，屯馬線開通左之後，新蒲崗變到更加方便，附近仲好多好野食架~🤤有機會再同大家分享!德國餐廳位於新蒲崗Mikiki商場地下，港鐵啟德站/鑽石山站黎都好方便!🤩餐廳雖然唔大，但係店內都算坐得唔逼夾，亦有室戶位置，加上少少燈飾，都幾chill架☺️~德國人非常鐘意食肉類，其中標誌性的豬手相信最為人所熟悉，佢係巴伐利亞地區(即係慕尼黑一帶)既傳統食品。做法通常係將醃製既豬手烤焗/燉煮，再將外皮烤至香脆。傳統會伴以德國酸菜 Sauerkraut同Kartoffelknödel (potato dumplings)，再淋上肉汁一齊食😇~1.鹹豬手配酸菜薯仔沙律 ($218) 🌟4/5分德國餐廳的豬手份量十足，外皮燒得香脆，非常咸香👍🏻肉汁未有直接淋上，反而是改為以小容器分開上；另附有芥末供客人自行加上，以及將豬手切件上碟等。雖然做法與傳統有些許分別，但或是餐廳細心之舉😜💕伴碟的德國酸菜味道正常地難食😂因為呢樣野味道特別，本來

香港好多西式既餐廳, 特別係德歐式既都好興有露天座位。 一路都覺得好chill, 係香港見到係好神奇, 一直都好想試下。 今日經過Mikiki既Das Bier, 就試下。 其實德國餐印象最深都係大豬手, 德國腸, 啤酒, 有咩特別。朋友話今次唔同, lee間既德國豬手除左炸焗之後, 仲有白豬手同咸蛋(邪惡)豬手。 果然好神奇。 我地簡左: 德國傳統白豬手, 小燒煵肉。 本來想試埋啤酒, 不過要開車, 所以冇叫。雖然晏畫黎食, 但都真係即叫即煮。 係要等一陣, 不過真係值得。 小豬煵肉, 好似串燒咁。 燒肉得黎好juice, 醬汁好好味，成舊都好入味。 燒肉一d都唔硬, 好稔。 但同廣東式既又好唔同, 幾特別。白豬手, 黎到個樣已好有趣, 真係好似白烚湯煮咁, 但個樣好似上海元蹄，會棟L棟L😂切落已feel到d骨膠原幾咁彭湃, 真係同印象中既德國豬手有好大分別。食落一d都唔咸, 好滑口, 唔係肥肉。 真係清淡版元蹄。 好好味，亦唔會有油膩，熱氣既感覺。 真係好值得食。今餐非常豐富, 好開心。