德國餐廳 (Mikiki)

Open Now

Now Closed

疫症期間無法外遊，我和朋友唯有來到Das Bier德國餐廳，以解對德國豬手的相思之苦。餐廳位於商場地下，分室內及室外用餐區，室外掛滿了裝飾燈串，氣氛一流，因為我們來到時已經滿坐，就到裝修極具德國特色的室內用餐區。我們點了招牌菜的炸德國豬手配港式咸蛋黃醬，和德國香腸拼盤，都分量十足，足夠二人享用。炸德國豬手外表金黃香脆，內裡的肉質卻能保持嫩滑，還細心地將豬手切開成細分，方便客人享用，醬料方面，除了提供傳統的蜜糖芥茉醬之外，就是這道菜的主角，港式咸蛋黃醬。一上碟我們便急不及待要試這個咸蛋黃醬，醬汁不濃不淡，但充滿咸蛋黃的香味，與豬手出奇地配合，非常好味，旁邊的蜜糖芥茉醬已被徹底遺忘！配菜是開胃解膩的傳統德國酸菜，和西式蛋黃醬薯仔沙律，都帶有微絲酸的味道，十分開胃。德國香腸拼盤有三款傳統香腸，德國的香腸一般用豬肉或雞肉製成。長長的一條是豬肉卷腸，紅色短短的就較為香口，而白色短身的味道較為清淡。將各種香腸切成薄片，沾上蜜糖芥茉醬，有助解去肉類的肥膩感。今次要駕車所以就沒有叫德國啤酒，而是叫了新鮮奇異果汁和蕃石榴汁，用新鮮生果柞成，還有粒粒果肉，非常滿意！

香港唔算多德國餐廳，之前試過一陣都不錯。同朋友聚今天就選了這間DAS Bier。餐廳位於ｍｉｋｉｋｉ，不難找。環境氣氛算是不錯， 但待應非常忙碌。看過餐牌後，決定選鹹蛋黃德國豬手，德國香腸拼盤及蒜蓉包。鹹蛋黃德國豬手待應介紹德國豬手是他們的招牌菜，由於試過其他餐廳的原味，我選了比較特別的鹹蛋黃味。上菜了！德國豬手非常正宗，皮層金黃焦脆，脆卜卜，肉質幼滑，雖然外表看來略為乾身，但入口就知道肉汁豐盈。。充滿了鹹香惹味，佐以酸椰菜有助消化，所以吃多了也不用怕油膩，而且豬手大大隻，很適合與多位朋友分享。德國香腸拼盤吃德國菜之點小得香腸？各種德式香腸都包含在內，一份拼盤量足夠２個人品嘗，香腸拼盤中包括香煎德式盤腸，傳統白香腸。德國香腸各有特色，外脆內軟，香腸外皮極脆，咬下去你會發覺濃濃肉汁多得隨即擴散。蒜蓉包出奇地，德國餐廳的蒜蓉包是非常高質素的。面包炸得極之鬆軟，而且蒜蓉香味非常突出，簡直想eｎｃｏｒｅ 叫多份。

食西餐永遠都唔會叫德國菜，今日終於試左新嘢，原來都唔錯喎，大家可以一戰😂😂😂依間位於mikiki既德國菜，有出面露天位置同入面室內冷氣位，因為依排咁熱，我就梗係揀入面坐😂😂😂但都有少量人坐出面，比個叻佢哋。入到去環境好舒服，係全木設計，都唔錯既裝修。餐廳仲有QR code menu,乾淨又衛生，但我最後都有拎到實體menu,比老人家睇。今次叫左一杯黑啤酒，一碟德國豬手同一碟青口。原本我對餐廳既青口一d好感都冇，因為通常唔好食，但因為朋友話想食就叫，點知樣樣野都好驚喜。首先黑啤酒，佢真係好好飲！雖然依隻牌子好出名，但我好少飲，好有麥味，正！至於德國豬手好皮脆肉嫩，加上有芥辣既加持，將豬手既香推上頂峰，另外仲有兩隻芥末比大家食，任君選擇，一隻辣d，一隻冇咁辣。另外仲有大量薯仔！大家一定飽！最後就係碟青口。好鮮味呀！加上佢個汁好濃，完全表達到個青口個香味🤩🤩諗起都想食，唯一就係覺得份量可以多d，因為食完都好想繼續食🤓🤓🤓

朋友住係附近 又想飲下野食下飯就黎左哩間Das Bier食西餐 夜晚8點後都仲有人等位 好肚餓呀🤭不過餐廳不大 所以要早d黎排隊啦黎德國餐廳唔係唔食德國豬手呀 首先叫左碟豬手先 製作需時起嘛都要15mins up...豬手既皮超級脆 好正呀 肉保留到肉汁 唔係乾柴 感動😭好味伴碟既酸菜對同行朋友過酸 我自己就岩岩好薯仔🥔max左芥末醬 sooo fresh & yummmFish & Chips 啤酒配炸野是常識吧 無左佢地好似差咁d野唔完美🤣Fish炸得香脆 肉好厚實 唔會有腥味 薯條上台差d辣親個嘴 真係好熱 即炸👍🏻本來想食腸拼盤 但2個人食唔到咁多野 留返下次黎再食過 秋涼嘅天氣最適合飲下酒食下西餐好chill arhhhh😻😻😻

直升機……伏伏伏…見到呢問野咁多好評就去試:點知中嗮伏，1.間鋪坐得唔舒服2.服務好差…3沙律份量超少味道一般…4配菜差5豬手等一個鍾仲唔好食.真係俾錢買難受:超極不推介來呢度

最近返工真係返到灰灰地，前排又因為第三波而有一段時間無出街！香港人真係好辛苦啊！有時都真係要約朋友出黎傾計放鬆下足足有一年無得去旅行，又掛住外國嘅風景，又掛住外國嘅美食既然風景就睇唔到，惟有食住美食先啦！約埋朋友去食德國菜望梅止渴下！今次揀左Das Bier，有幾間分店，近近地去左Mikiki！一入到去就見到大大張德國地圖！好掛住德國啊環境黎講，地方唔算好大，不過有室內同室外室內冷氣唔算好大，怕焗既朋友可以考慮下坐室外，感覺都幾舒服！我仲見到外賣有8折添！擔心堂食高風險嘅朋友可以考慮下外賣自取呢！價錢算係中高價，不過食物質素就真係一分錢一分貨嘅去德國餐廳又點可以唔食豬手今次就揀左鹹豬手配酸菜薯仔沙律（$218）睇賣相就已經好有德國風味！食落去，豬手肉質好滑，唔會乾身，味道適中！唔會太鹹，亦唔會淡而無味食埋豬皮，脆卜卜，好有咬感！食得出豬手係慢豬再風乾，然後再焗脆d皮豬手又真係唔難整，但就係好花時間所以出去食豬手又真係物超所值豬手旁既醉菜更加可以中和返豬手既油膩仲有薯仔沙律，一定夠飽之後就叫左西班牙辣肉腸拼風乾火腿($168)同樣係食德國菜必點之一對比起另一道菜Parma Ham，呢道菜

最近發現原來屋企去Mikiki好方便，一程巴士就到！今日一於去商場行街買下日用品貨，去到發現商場俾狗仔入去行，好難得！加上近排天氣吾好，係室內放狗的地方真係少之又少。去完一田入貨，之後就實係到食埋飯先反屋企啦。係商埸外圍有吾少食店可以俾你選擇，仲有佢地都有提供戶外地方食飯，如果你係食煙人士或者帶埋狗仔就岩晒！今次選擇左一間德國餐廳食，叫Das Bier，之前去過大角嘴分店，都幾唔錯！今日去到Mikiki分店，裝修比較光，大角嘴分店就更似酒吧，各有各好！我主要係俾佢張德國豬手相吸引左入去食。餐牌內容主要分左前菜、意粉、豬手、德國腸同啤酒等，仲有套餐選擇！我就要左個香草醬煙肉三文魚意粉、德國鹹豬手配酸菜及薯仔沙律，仲有Erdinger weissbier！香草醬煙肉三文魚意粉份量都吾少，如果兩個女仔食一碟都夠食。香草醬味道濃郁，意粉軟硬度又岩岩好。出面試過食到超軟身的意粉，煮到過晒火，好糊口，一d都吾好食。食意粉都係一分錢一分貨！德國鹹豬手配酸菜及薯仔沙律，同樣大大隻，打卡影相一流。未食都睇得出佢層皮超脆口。肉質食落去仲有彈性同肉汁，鹹度岩岩好。配菜的酸菜，仲有薯仔沙律，都好好食，味道岩岩

今晚同老婆出街食飯，知道佢鍾意食德國鹹豬手，就搵咗呢間位於新蒲崗嘅德國餐廳試吓菜餐廳店舖面積不大，不過裝修都幾有歐陸式傳統風味，而且亦都有戶外用餐位置。餐廳用咗用QR code掃描嘅電子餐牌，十分新潮！亦都可以喺疫情期間減少接觸性傳染風險，值得一讚！我哋叫咗個煙三文魚凱撒沙律及忌廉汁煮青口，比較有驚喜嘅係個青口，質素不錯，入口有鮮甜味餐廳嘅德國鹹豬手都加入新意，今次配上鹹蛋黃醬，估唔到都幾夾，值得一試！食鹹豬手點可以冇啤酒！不過今晚揸咗車嘅我唔可以有酒精落肚，就叫咗個不含酒精嘅嘉士伯入口比正常嘅啤酒稍淡，不過都仍有飲啤酒嘅感覺，正！

今晚終於可以去街食飯了😎好開心！一去到我地dou咗個圈，以為正門係商場入面🤣原來係外面㗎！！佢好靚，好有歐陸風情，又有室外坐，不過怕熱我地揀咗室內🤣hahaha原來疫情關係，佢地轉咗做電子menu，幾好idea!!而且好清晰！隨時放大縮細都可以睇得一清二楚😎煙三文魚凱撒沙律🥗$128都好大盤！沙律好新鮮，啲醬吾會太多，三文魚份量亦都吾少㗎！總括來講都幾抵食！食肉之前食下多啲菜好似健康啲☺️豬手配薯仔沙律$218好多骨膠原🤣啲豬手又吾會好肥，個皮先係重點！脆卜卜㗎！佢仲有2個醬比你點，一個係honey Mustard ，一個係辣嘅mustard！女仔當然比較喜歡甜甜的😎好好味超級香腸拼盤 $188大拿拿7條腸😅我地2個人食到呢🤣不過佢有啲腸好特別，係之前無食過，一食就爆汁！短腸反而好食啲，長嘅好似感覺上梅啲🤣仲有啲薯角都係熱辣辣Overall，係好好食！！必叫豬手，又大隻又好食，吃完吾會熱氣！

黎德國餐廳當然要食招牌菜豬手啦，但很可惜今次唔知係失手定咩啦，一啲味都無...坦白講$98都唔叫平丫，真心希望反映完可以改盡下。沙律菜正常貨$58加一不貴但都不平..

今日過開嚟新蒲崗嘅MiKiki商場行一田超市，諗住食完晚飯先返屋企，商場嘅餐廳選擇都唔係好多，不過見到呢間食德國菜嘅就一於試吓～餐廳喺商場嘅地下，仲設有戶外位，其實都幾好feel～天氣不太熱嘅時候可以試吓坐戶外煙三文魚凱撒沙律—煙三文魚嘅份量都幾多，沙律嘅質素就正常，煙肉同餅乾粒都夠晒脆口！忌廉汁煮藍青口—藍青口質素幾好，大隻同夠鮮甜佢個汁都煮得好香濃，老公竟然想飲晒啲汁佢食德國菜點可以唔食佢嘅鹹豬手！今次我哋點左個鹹蛋黃醬配鹹豬手，諗住有啲新意鹹蛋黃醬鹹鹹香香咁，原來配鹹豬手都幾夾！而且份量超級大份，兩個人真係盡咗力都食淨少少

食左幾次依間德國菜，都冇失望，今日又黎到依間，又試左新嘢，所以介紹比大家環境唔特別介紹啦，之前都講過。不過今次餐廳好好，整左個qr code menu,唔洗成日掂黎掂去d餐牌，咁樣乾淨衛生好多。今次唔係好肚餓所以淨係例牌叫德國豬手，仲食左個沙律就飽哂。好正既係佢依間既豬手每次食都唔會失望，除咗大大份之外，佢皮脆肉嫩，仲有勁多薯仔沙律同酸菜，比你食到飽。不過我本身就唔係好中意食酸菜，所以因人而異啦。但個豬手無敵好食😆😆未食過真係要感受下個種脆皮同滿口肉既感覺🤩🤩🤩加小小芥末醬仲正呀喂至於沙律就叫左個煙三文魚凱薩沙律，其實兩個人完全食唔晒，四個人應該岩岩好，佢入面配料有面包，仲有煙肉碎，撈埋一齊食又fresh 又滋味🥰🥰🥰所以住附近未食過既朋友仔唔洗諗，即刻去！

疫情期間，冇得去旅行，但又掛住德國美食🇩🇪隨意看到店舖幾多人推薦味道十分有歐洲風味講到德國，唔少得原隻豬手，有香口脆炸鹹豬肉或德國傳統白豬手今次揀咗個傳統白豬手，份量十分大，兩個人食都可能會少少濟，豬肉十分多骨膠原，肉質冧嫩，口感岩岩好，仲有少少咬口豬手經過醃製，十分有香草味，白豬手更能體現德國豬手原汁原味伴碟有少量薯仔🥔一條普通香腸當食得濟的時候，可以一試酸菜，挺開胃第二道德國必食的是德國香腸，個人十分喜愛白香腸有兩種芥末選擇，一種帶甜少少🤏偏平時食開口味，另一款芥末辣味重少少🤏白腸比較彈牙呢隻腸比較多汁同實心，味道偏濃，有飽肚的感覺配薯角和酸菜德國當然唔少得啤一啤佢啦，das bier lager, 入口十分有麥香，偏甜少少，易入口，值得try

來到德國餐廳🇩🇪梗係要試吓佢嘅香腸同埋豬手啦。呢間餐廳推出左一個combo，其實幾抵食$598有蛋黃燒豬手、冬陰功香腸拼盤、同埋一個用木桶裝嘅藍妹啤酒，如果你係兩個男仔又好肚餓嘅，可以選擇呢個組合。今日飽飽地，所以我哋放棄咗呢個選擇。.德國香腸拼盤🇩🇪🌭 $162（推薦指數：😋😋😋😋😋)佢總共有四種腸仔，2隻紅腸，2隻白腸，到於詳細的品種，真係要問番老細先知😂簡單來來，白腸係香港比較少試既，而呢兩隻都幾食👍🏼佢上菜嘅時候配左兩隻芥辣，一隻係英式🇬🇧，另一隻係法式🇫🇷，英式嗰隻芥辣會比較嗆，而法式嗰隻會比較順，我都唔會啱香港人口味多啲。.傳統德國白豬手🇩🇪🤍🐷🤚🏻$218 （推薦指數：😋😋😋😋😋)最初只睇相以為無咩味，以為餐牌右邊嗰個燒豬手先好味啦，但又唔想咁熱氣，所以就帶咗呢個白豬手試試佢。點知食落，嘩！好入味，而且皮軟肉都好嫩，食個豬皮好似食緊好多骨膠原落肚咁。👨🏻‍🍳而且都要讚下個廚師，豬手上面一條毛都冇，佢嘅準備都做得幾好👍🏼。淨係呢個豬手上面都仲有多條腸仔，所以真係食得好飽😆仲配埋德國椰菜同薯仔沙律，都幾有德國feel。個薯條沙律都仲要好好食😋！我好鍾意。.鍾意飲酒嘅朋友都要注

今次第三次去德國餐廳，頭兩次去屯門果邊，印象非常麻麻，今次嚟到新蒲崗。叫左個二人餐加薯條，份量非常足夠，香腸比我想像中少，豬手好味，但對蛋黃醬非常麻麻，反而芥茉醬好食，另外呢個芝士蔥薯條好味，本人對蔥花一般，但整出黎味道好味，極力推介