日溢中西美食 (Moved) New Location

上午忙完了, 下午跟車回來香港辦事. 搞好了, 同公司的司機大叔. 一齊在灣仔D內街仔. 來一個偷閒加油. 順道, 又可以看看英國皇子William的大婚直播. 我們最後一個辦事既目的地, 就是灣仔道. 而且剛好在內街找到了一個位泊低, 對面又有一間茶餐廳仔. 可以看著車, 可以食野, 有電視睇. 這就是一個最好的選擇了. 兩個人, 找了一個電視正位. 噗返一個Hi Tea.林老司機食的公仔麵不評. 我就叫了一個日式燒汁豬扒撈公. 不過本是味道濃郁的撈麵, 被我一手破壞了. 原因, 就是我掛住睇皇子婚禮, 另外一手就把半碗撈麵湯倒了進去. 結果, 撈麵, 變回湯麵. 應有的濃醬味道, 一下子被我的錯舉沖散了. 味道, 就變回了光身麵既不知什麼味湯包既一貫味道. 而且, 不好的, 是日式燒汁不多, 就算我不加湯, 也只是食豬扒上的少少燒汁. 落了湯再沖出來, 湯底都不變顏色. 證明了, 醬汁不夠. 食下食下, 覺得我的錯誤舉動是沒錯的. 係茶餐廳食下午茶同食早餐一樣, 食物方面, 只是一名配角. 主角是什麼. 是一杯香港特產, 一杯濃濃滑滑的港式奶茶. 這家的奶茶,

又來到日溢飯堂，下午茶漲價變了 ~$22 / $24 起... 幸好水準仍很好！ 特別讚炸雞睥好脆！酸辣米線 + 炸雞睥 包飲品都是二十多元！在百物騰貴的現在，算是十分相宜了！

15-12-2010繼續求其去一間茶記食 lunch, 是日嚟到清湯腩店斜對面呢間, 簡單食個好似 light 一點的「常餐」($32).煙鴨胸湯通粉: 湯底的「雞粉」味甚重, 可幸唔會好鹹, 通粉就淥得 ok; 而煙鴨胸就當然唔「煙」啦, 食落亦幾嚡又有點鴨「臊」味, 果然係「雪」的來貨. 「白菌火腿奄列」配多士: 多油, 蛋就煎得少少過火, 不過中間都有少少蛋汁流出, 切到好幼的火腿就係「金妹」味; 磨菇竟然唔多似罐頭貨, 食落竟然有香味 ; 多士烘得算脆, 但記住趁熱食, 攤凍少少已好韌, 不過牛油係求其 "pat" 上去的, 明顯無「塗」過, 感覺幾馬虎.熱奶茶: 色水好「奶」, 飲落亦奶多過茶, 但有點澀, 飲完又少少嚡口嚡脷, 唔喜歡.埋單 $32, 一試無妨, 不過如店名一樣「日日」嚟, 就梗係咪搞我啦. P.S. 咁樣都食一篇食評, 又真係好似有點屈機...

呢間茶餐廳位置唔算方便,但就成日都見迫滿人..好奇心推使下就來試一試.其實之前世杯個陣都想來但已經FULL晒..因為出面有得泊的士,所以好多司機大佬都會來呢度落腳...入去時本身冇位..但咁岩有台起身於是走埋去,角落頭貼窗 又岩岩睇到電視..坐低一睇好多餐牌,原來有分晒唔同時段...本身有晚餐..但只係出來同朋友拿野+上之前食左飯..所以都係叫常餐算...友人叫了雙拼通粉..但唔記得影相...我就叫了薯條雞脾...加熱好立克,熱檸茶..先上飲品,好立克就味道FIX死左,熱檸茶就OK,起碼D茶唔會苦到爆個隻..檸檬浸得耐都冇變苦..再上通粉料好足..份量比普通茶餐廳好似大少少..但當然價錢都貴少少....見友人吃得津津有味時..我既薯條雞脾等左好耐都未到..直到友人吃完先上...薯條相入面睇好似唔多..但其實雞脾係俾一堆薯條托起左..所以整體份量其實OK.而且係新鮮炸出來..雞脾邊脆口得來唔油,非常好味 又夠大隻!食物品質的確唔錯...但相信會食得有點兒趕..因為真係好多客人..冇計啦..好食既自然有人搵上門!

週六又來到我們的灣仔區飯堂。下午茶餐有許多款選擇，輕怡的可選十多二十多元的下午茶餐，有粉 / 麵 / 雞翼 / 雞脾 / 三文治等等。如果想飽肚一點，當是午餐來吃，可以選二十五元的下午茶餐，有飯和炒品，份量很大，保證夠飽。友人提醒我，日溢的餐牌會定期轉換，給顧客新鮮感！相信如果來這裏吃餐，也會有不同體會。今天一人選了一個下午茶餐： 公司三文治（~$20)：公司三文治烘底，夾有煙肉，火腿，生菜，煎蛋，午餐肉，芝士。比起連鎖快餐店的公司治還要好，午餐肉和芝士屬於略貴食材，一般連鎖店會以其他材料代替。這裏的則絕不欺場，公司治份量很多，一共四份，share 來吃也很好。 燒汁雞扒撈丁 ($2X)：聽說以前是芝士撈丁，不過現在轉了燒汁，一樣有不同享受。很喜歡撈丁的公仔麵很軟滑琳琳，雞扒煎得很香，略嫌燒汁不夠多 套餐附送一碗豆腐例湯。不至於太乾口。環境可以看電視，店員又很殷勤親切。下午茶餐的小小享受。

有時會出灣仔搵朋友或者去網吧打機,灣仔而家d野食真係好似度度都要40蚊以上先食得到一個飯餐,但係位於巴路士街行入去呢間日溢就三十零蚊就可以食得飽飽!!果晚同個朋友上去打機,去到半夜2點幾肚餓喇就打落去叫外賣,好快有人聽,因為有d咳唔敢食雞so叫左個時菜肉片飯配杯凍華田,我就推介左朋友叫左個豉油雞飯配冬檸茶,2個加埋都係64,我地比埋tips$70蚊唔洗找都只係35蚊一個人咋時茶肉片飯係用長飯盒,叫左多汁因為本人比較鍾意食濕濕地既野菜同肉既份量都ok,而且d菜都幾爽甜,有些少長蔥調左少少味。豉油雞飯係我至愛><其實餐牌又唔覺有豉油雞飯呢樣野,得鹽焗雞飯,不過之前試過,可能因為自己唔係咁食得咸既野,同埋帶點沙薑,所以嘗試問佢可唔可以唔要沙薑原來真係得仲可以改做豉油雞飯添自此之後我就成日都叫豉油雞飯喇不過我咳咳唔食得,但係都偷左朋友2舊雞豉油唔會太多,應該係甜豉油因為唔會覺得咸。d雞都好多肉,好滑,真係好正,而且佢唔會話收你三十幾蚊但係得果一忽仔肉比你食,佢地d雞飯真係成個盒面都係雞咖而且淡淡肉添好番之後一定要再黎食雞飯

喺銅鑼灣同灣仔區食飯，有時都幾頭痕。CWB 食店多數坐無虛席，而且價錢較一般略貴，鄰近的灣仔區也一般價錢較一般貴一兩蚊至幾蚊不等。幸好找到日溢做我們的飯堂，在這一帶沒有特別食品想試，一定會想起來日溢吃晚市數十款的 30 蚊套餐。日溢是一所茶餐廳，格局很光亮和乾淨，仍算新淨。這裏的伙記和店主都很有人情味，而且餐廳又有大電視，生活就如家中般，一邊吃飯，一邊電視汁撈飯。今晚試一試馳品的炒品和焗飯：咖喱豬扒飯 ($30)：咖喱不算太辣，容易入口。焗飯即叫即製，上枱時熱騰騰的。最令人驚喜是焗飯上永遠有一塊焗得香脆的芝士，融入咖喱汁裏吃很正。 XO 醬雞扒炒公仔麵 ($30)：又是即叫即製，份量非常之大！即使大胃王都一定叫飽！ 雞扒很多，材料也很豐富，XO醬平均地佈滿整個炒麵，非常之香口和好味。惟一美中不足，是略為多油，吃一次半次還可。 凍飲加兩蚊，略甜。食咗個多小時，又可以睇埋電視，埋單只係 $32 一位！讚！

很喜歡日溢的 SET DINNER，只需要 30 元，就可以有數十款選擇，煎炒煮炸焗也有，還包括飲品。 最重要這裏有大電視，方便我這種電視汁撈飯的人！ 鮮茄焗豬扒雞尾腸仔飯 ( $30 )：30蚊的焗飯很大碟，焗飯很香，鮮茄味也很濃很JUINCY。焗飯面鋪了一塊香滑融化的芝士，吃落像是超市的車打芝士，計返起都係接近幾蚊一塊， 而且腸仔有四條，豬扒也有兩三塊，這個焗飯又香口又抵吃。 肉絲炒麵( $30 )：炒麵炸過很香脆，肉絲也非常多，鋪到滿滿一碟，很多汁，撈麵一流！ 凍飲加 $2 喺灣仔區而言，日溢質素和價錢都很不錯！

星期天去銅鑼灣睇衫 Shopping，晚上 7 : 20 PM 嚟到日溢開飯。喺灣仔區嚟講，日溢都算幾抵，晚餐食碟頭飯大大碟都只係 30 蚊抱飲品 / 中湯。我們 ORDER 了： 日溢雜扒　配飯　配黑椒汁 ($38) 配凍檸茶 ($3) ：雜扒有雞扒 / 牛扒 / 腸仔 / 火腿等，飯很大量，應該也夠飽。　菠蘿咕嚕雞球飯 ($30) 配熱檸茶：雞球變咗排骨，仲好，我鍾意吃排骨多點。很大碟飯，一個人應該吃不完了，可和朋友 SHARE 一起吃會較好。咕嚕汁酸微微，很喜歡。環境很乾淨，星期天晚上不會太多人。室內仲有兩部大電視看，可以一路食飯一路睇電影，侍應服務態度良好，很有禮貌。晚飯結脹也只是 $70，很開心也很抵！要推薦！

自黎到灣仔番工,因為天氣熱都經常叫外賣,但係唔係每一間叫外賣既分店都可以快而準,曾經試過幫我落一個外賣一路問佢好似書法咁慢慢寫,,要我等...但係日溢就唔會,你講完要乜飲乜地點!ok!爽快~~!!!個人推介下午茶咖哩雞扒撈一丁加飲品~佢既咖哩好香已經好濃味,平時拼飯都好好食=p下午茶都只係20蚊..抵食..都能夠止口痕..好推介

咁o岩要一個人食晚飯,食厭左兩間"大xx"的快餐店,又好耐無食茶餐廳, 於是去呢間試下~叫左個"大大碗肉燥醬斑腩飯",都真係幾大碗下~" 我好肚餓咁入去食都有食剩 (真係好大碗)上面既肉燥醬好多, 望落去係見唔到底下既飯,好厚咁一層, 似麻婆豆腐個種醬, 但係唔辣.個醬好濃好好味! 因為本身我好中意有汁撈既飯~d斑腩都唔錯. $30仲有送熱飲! 佢既熱奶茶比我想像中滑! 滑過其他餐廳好多.真係值得一試! 好彩我當初無去個d快餐店食下次會再去試下其他野食~

AUG 24, 2009 (MON) TEA $55今天早上好唔好彩遇上交通意外，攪到成日都無食過嘢！由急証室出嚟第一件事當然係醫肚啦！由於受傷嘅關係，行路相當困難，於是嚟咗就近呢間餐廳食個TEA！好奇怪TEA SET 全部都係粉、麵、飯嚟！啱哂餓到死吓死吓嘅我！雖然好肚餓，可能痛到死無咩胃口，於是揀咗個最清淡嘅，蘑菇蟹肉炆伊麵，小姑為咗嚟睇我，晏都無食，於是叫咗個XO醬豬扖炒出前一丁！蘑菇蟹肉炆伊麵 $25 配熱檸樂 (+$3)蘑菇少到差D搵唔到，只可以當係點綴，蟹肉加上蛋白銀芽炆伊麵，清淡得嚟幾好味！熱檸樂夠哂熱，俾我暖吓個胃定吓驚啱哂！XO醬豬扖炒出前一丁 $25 配凍檸茶 (+$2)豬扖切件上份量頗多，XO醬炒一丁，少少辣味道剛好，加上辣椒醬食一流！凍檸茶好大杯，夠多冰！3點幾舖頭好旺好多人，熟客非常多！服務員仲有件黃色嘅格仔制服添！幾醒神！服務員眾多，相信平日生意應該唔錯！有一段小插曲，就係坐我隔離枱個婆婆帶咗個孫女嚟搵喺度做嘢嘅呀媽食嘢！好似睇緊而家做緊嗰套絕代商嬌電視劇咁！個呀婆仲話D嘢咁細碟，幫佢食咗好多都食唔哂！真係差D俾佢笑死我！！！一笑差D痛到唔郁得！食唔哂又話細

公司三文治 ( $20 ),凍飲加( $2 ),但係我要飲涼粉紅豆冰係特飲就要加 ( $7 )... 公司三文治 : 足料過大家樂, 有午餐肉, 炒蛋, 芝士, 火腿, 生菜同蕃茄.... 涼粉紅豆冰 :好飲, d紅豆都淋...

這間是24小時營業的標示足12安士肉眼扒天使意粉+熱飲/湯 = $38真的好大塊肉眼扒, 切開有五成熟, 不果非常林, 天使意粉不會太林, 加上少許洋蔥汁, 味道十足十港式扒呀, (汁有點鹹, 記緊沾少少汁好, 否則太鹹呀)

這間在大家樂樓下的茶餐廳, 試過幾次食下午茶, 味道可以, 但食物太油, 今次食早餐, 都幾多人幫襯, 上午7時15左右已經坐了一半, 算多客啦, 叫了炸魚煎蛋早餐, 想轉一隻蛋變香腸, 無問, 唔知得唔得, 但係蛋就煎得唔太靚, 炸魚可以, 夠熱夠脆, 但配原始白色沙律醬, 唔掂, 最好千島啦, 嘩..你收我$25喎, 對面新記$20都比溝過下既醬啦!