Video
7-min walk from Exit A, Yuen Long MTR Station
continue reading
Telephone
97228975
Opening Hours
Today
10:00 - 19:00
Mon - Sun
10:00 - 19:00
Public Holiday
10:00 - 19:00
Above information is for reference only. Please check details with the restaurant.
元朗新開CAFÉ，老闆係法國藍帶學完師番黎開嘅小店。星期六做完運動立即黎左試。店舖入面唔算太大，但裝修得幾靚好多打卡位，上面窗有自然採光，有塊白布做遮掩唔會太曬！但通風抽氣麻麻，食完全身外套好大陣油煙味。☀️All Day Breakfast $128 💫8/10All Day 幾豐盛，有水果Waffle、黑松露粉蛋、黑醋沙律、德國腸、煙三文魚、車厘茄、Portobello菇菇，每樣都幾好食，食材新鮮，唔錯。 ☀️精品餃子套餐 $98 💫7.5/10三鮮、黑松露芝士各3隻！煎得唔夠脆口，如果有冰花效果會更好。餃子皮唔算厚，食落個餡料都有肉汁，但黑松露味唔夠出，芝士亦唔多，失望。套餐仲有意大利香醋沙律，太重手，浸哂好酸！兩件Mini Madeleines有牛油香，做到外酥內軟，口感幾鬆軟，但食落有沙沙地砂糖顆粒。☀️Pistachio Matcha Latte $58 💫7/10呢個係期間限定，本身好愛開心果，加上呢排真係大熱食材，見到都忍唔住點！飲落有淡淡開心果味，但唔算太突出，可能始終有抹茶牛奶底，不過不失。☀️Hand Drip $68 💫8/10呢款Brazil Santo Do Amparo，飲落碳烤味好出，又唔會太濃幾易入口，唔錯唔錯！總結：環境唔錯，食物正常，下次會想試下佢嘅甜品，因為主打都係法國藍帶甜品。
continue reading
【元朗靚靚餃子Cafe🥟Days In The Sun💐】-男朋友係餃子控😛知道元朗開咗間餃子Cafe梗係要試吓佢🤣本身見到個價錢六隻餃子要成舊水都有啲卻步🥹但係真係好好食👍🏻水準對得住個價錢🫶🏻推薦比大家！-餐廳喺元朗西鐵站行6分鐘就到💐入面係玻璃天花，以白色為主調，配合埋玫瑰花牆⛲️🪴好似個溫室花園咁🫶🏻咁啱今日太陽幾好😍陽光灑落嚟超舒服～同埋呢度仲有好多Jelly Cat公仔超得意！-🥟餃子套餐🥟第❶款係『家常餃子套餐$88』包6隻大大隻手作餃子+瑪德蓮蛋糕x2 +沙律🥗，而第❷款就係貴十蚊嘅『精品餃子套餐 $98』多咗【黑松露芝士餃】同埋【三鮮餃】可以揀，仲有得雙拼😙今次小編試咗【香菇雲耳豬肉餃🍄🟫】同埋上邊嗰兩款精品餃子😍隻隻都大隻飽滿😋脹卜卜咬落去仲充滿肉汁🤩同埋同埋個餃子皮真係好煙靭🤯真係好好食！六個足料餃子食完都夠曬飽😛再啪埋兩件香濃朱古力味瑪德蓮蛋糕🍫正！好味指數：🌕🌕🌕🌕🌖-😋Red Velvet Latta♥️ $30（跟餐減咗$15）超可愛聖誕樹拉花🎄仲有店主手寫卡一張🥰好有心思～好味指數：🌕🌕🌕🌕🌘-😋Sunshine🍸 $43 （跟餐減咗$15）呢杯係特製菠蘿泡沫冰咖啡🍍飲落幾清新😙免頭嘅泡沫令到成杯嘢飲落更加順滑好味指數：🌕🌕🌕🌕🌗-📍DAYS IN THE SUN (元朗)元朗鳳攸北街9A昌威大廈地下28號舖💸人均消費：$130
continue reading
以自家製餃子作招徠的咖啡店，第一眼吸引我的地方是純白的小屋及藍帶甜品！整個環境打卡絕對一流，內裏透入自然光，佈置使用大量花花，置身在溫室花園當中！枱枱凳凳都使用木系元素，環境的確舒服，不會侷促。第一當然要試餃子套餐，3不同set 可自選口味:精品手作餃子（韭菜豬肉及三鮮豬肉）一碟共6隻，每隻都有半隻手掌的大少；新鮮鮮肉肉質滑嫩，每咬一口都有鮮肉汁流出；還配有蝦肉，好香好有口感。煎得香脆。套餐包括沙律菜及朱古力瑪德蓮蛋糕。蛋糕香味及食落是濃濃的朱古力，但不會太甜。All Day Breakfast 黑松露滑蛋香嫩，2塊pancake配上生果感覺健康；連粟米都精心用椒鹽粉調味！特調菠蘿泡沫冰咖啡賣相打卡一流，咖啡調配少許菠蘿在內，感覺新奇但出奇地夾！呢間小店絕對是打卡，同bff 坐底傾計既好地方
continue reading
每次落巴士經過都見到呢間café，今次終於的起心肝去食! 入面裝修好溫馨，有種美式鄉村風既感覺，好多位都好岩打卡! All day breakfast呢到既ADB完全係集合曬我鐘意食既野! 有黑松露炒蛋, pancake ,煙三文魚 同大啡菇等等。黑松露味道好濃，蛋炒得好滑! 估唔到呢到係配pancake，滿足又想食甜野既我!除左D基本café會有既野之外，呢到竟然有餃子，款式都好多。家常手作餃子套餐簡左粟米豬肉餃， 餃子係煎餃，擺盤好靚，令人好有食慾呀! 餃子好多餡，皮夠薄，而且咬落去完全唔乾，仲有D肉汁! 仲會配上沙律 同2兩粒瑪德連。今日瑪德連係朱古力口味。口感似海綿蛋糕，但再濃郁扎實D。好鐘意食瑪德連既我，見佢地有自家pastry，試埋其他口味既瑪德連，今日有抹茶麻薯!! 抹茶唔會太甜，帶少少苦味，配埋白麻薯微甜既味道同埋軟糯既口感，真係岩岩好。焙茶牛奶唔會有粉卡係喉嚨既感覺，而且鐘意佢唔太甜! 成杯飲曬都冇問題。Cold brew 飲落唔會好重酸味同苦涩味，整體甘甜醇厚。
continue reading
呢間餐廳位置好近Yoho，入到去非常打卡able同靚，好似去左個悠閒花園咁，加上陽光映入，真係好符合餐廳名！呢度非常特別，之前去過好多cafe都冇見過有餃子，通常都係西式。揀咗個精品餃子套餐，有好幾種口味可以選擇(例如：三鮮，粟米豬肉等），我地就要左香菇木耳豬肉同埋黑松露芝士口味。餃子餡料滿滿，香菇木耳味道夠香又有咬口；黑松露芝士就有佢嘅獨特香氣，加埋芝士夠晒邪惡好味。餃子餐有配有個瑪德蓮蛋糕，預期之外嘅好味，同咖啡亦都好夾。朋友就揀咗個all day breakfast，非常多種類，小番茄，煙三文魚，沙律，大啡菇等，確實係all day breakfast吸引人之處。黑松露炒蛋非常滑溜，正！呢到唔喺提供飽類，而係搭配楓糖班戟，更岩我地口味❣️咖啡亦都出色，好飲，hand drip有水準。朋友就揀咗杯hojicha 飲品，同樣出色。佢地飲品仲有附上一張好有意思嘅手抄句子卡，有時唔同心情，際遇嘅人，見到呢張卡都可以有個小窩心，積極面對。整體環境，食物都好好，係一個好地方去放鬆慢活。
continue reading