大苑子 (荃灣廣場)

Open Now

Now Closed

噚日(23-8-2024 Fri)晏晝,同老公賣完衫後,天氣又熱,就行嚟搵嘢飲,我哋行到呢喥坐低飲嘢啦,睇睇舖名再上嚟search,仍然係上次幫趁過,麻麻地嘅呢間,竟然仍做得住未轉手,我哋最後揀咗$24.00嘅百香果愛玉少冰,正常甜同$26.00嘅火龍果翡翠,等咗幾分鐘就整好.先飲百香果愛玉,佢味道微酸,愛玉過腍,一般.火龍果翡翠係火龍果綠茶,我覺得唔好飲.衛生:啲枱濕,地下有垃圾.

今次係飲熱嘅台灣芋圓芋頭鮮奶，一攞上手係滾水咁熱嘅程度，即刻攞住個杯底，隔咗差唔多五分鐘先至開始飲，竟然都熱到辣親條脷，嗰下攞起條飲管一睇——— 嘩，出煙嘅！？！？！？！？覺得自己似飲緊塑化劑。重點我係三點半買嘅，但去到而家條脷都仲痛緊。就味道而言，呢間係不過不失，但無食到粒粒嘅芋頭肉，當然亦都無乜芋頭香味，芋圓偏軟，軟到似麻薯，數量亦都唔多。一諗起出煙嘅飲管同埋辣傷咗嘅脷，呢間我絕對唔會再返兜了…

大前日(21-10-2023 Sat)晏晝,同老公 喺荃灣行街行到攰,老公話搵地方坐低飲嘢,但我仍然好飽,唔去café同茶餐廳喇,老公諗起茶星人,可惜已經執咗.我記得荃灣廣場向灣景廣場嘅門口有間可以坐低嘅嘢飲,於是行嚟,果然係有嘅,但座位full咗,而我哋就睇睇有咩啱飲先,大不了拎上一田嗰頭坐,老公要$40.00嘅芋見泥料超多,我要購買任何產品,可以優惠價$15.00購買原價$35.00,大嘅鮮奶冬瓜.買完喺等嘅時候,見到有位,於是坐低等,冇耐,兩杯嘢飲就整好攞得.我先飲啖鮮奶冬瓜,佢只有有甜嘅冬瓜茶味,鮮奶嘅作用係咩嘢?令杯嘢嘅口感滑啲?味道:2分而芋見泥料超多呢?佢有芋頭泥,紅豆,芋圓同仙草凍,份量多但唔太甜;芋圓口感只係少少煙韌,但冇乜味;仙草凍好腍冇味;紅豆算OK嘅.味道:1.13分而呢兩杯嘢都唔夠凍,不過都好,因為呢日都唔使飲咁凍嘅嘢.環境:座位係坐得舒服嘅.

本身避雨坐係度好地地 女女又係車上睡覺 點知有個大陸伯伯無買飲品啲職員又5理坐左係度用微訊高談闊輪 嘈到七彩 噪音污染 5講以為自己返左大陸 同職員佢地講個位客人無買飲品你地會5會去處理一下 你地都可以由佢 態度懶理 咁同你地老闆講呢個位置變public area係人都坐得呀嘛咁咪正 開善堂咁 叫左個益力多綠茶 飲品無問題 少甜少冰 乜都做到了 係員工服務態度問題 呢間店只做外賣好了 一秒都不想多待而家生意難做係咪。只負責食物不負責其他

上個月去台灣都冇飲到大苑子原來香港都有分店架🍽️ $46 火龍果芝士奶蓋做緊優惠所以平左6蚊甜度得7分或者無糖，我揀左7分但諗諗下其實無糖都應該夠，因為有果糖都夠甜個奶蓋普普通通🤔不過真係幾大杯👍♨️ 環境/服務呢到有幾多位坐，幾chill不過因為近商場出入口，會有啲熱

大熱天時 見到有沙冰飲🍧 就好似係沙漠中見到水源一樣 🤩🤩🤩仲要唔洗排隊 有位可以坐底慢慢飲 fit哂啦🤩（心諗....）🧋荔枝艾波 +$10芝士奶蓋荔枝蘋果沙冰+茶+愛肉凍可惜肉凍已售罄 可以免費轉同等🟰價錢配料/ 補錢轉其他配料我就揀左補錢加芝士奶蓋😋買完好快就拎得👍🏻但係....點解實物同幅圖.....相差咁遠嘅😅真正👉🏿圖片只供參考👈🏿$10芝士奶蓋嘅份量算幾多但奶蓋偏稀 完全做唔到掛杯嘅效果👎🏿沙冰味道亦偏淡 只有好少好少嘅荔枝味 簡單啲來講 我係飲左一杯冰❓❓❓ 講下環境 餐廳座位係幾舒服可惜....係商場門口位置...每兩秒就有人出入一陣又一陣嘅熱氣.....絕對唔會係坐底 舒舒服服咁 嘆下杯飲品...另外 鋪頭同時間推緊好多 唔同promotion 比錢前 記得留意❌不可同時使用

室外熱到癲，一入到荃灣廣場見到大苑子就即刻買返杯茶黎飲下，同老公一人叫一杯清翠綠妍小甜小冰$22-價錢合理，飲落小甜甜度適中，淡淡綠茶味，小小回甘有苦味，個人覺得解暑唔錯黃金珍珠鮮奶紅茶$38-覺得稍貴，奶茶飲落普通，都係偏淡奶味偏多，珍珠本身冇咩甜味，食落煙韌，係我鍾意既口感，我覺得CP值唔高但最正既係可以坐低慢慢飲，行街行到攰可以有個位比人抖一抖，嘆杯茶飲係幾舒服既，下次會再試下其他果茶既系列

嗌左杯大甲芋頭鮮奶 講左兩次都聽錯 比左杯芋圓芋頭鮮奶 同店員講 就話「係同一樣野」，而且last order 無哂芋頭 無得換過杯 但杯「芋圓芋頭鮮奶」得芋圓同奶 芋頭係1%都無 一早知無哂芋頭落order個時又唔講杯奶都係得7至8分滿左右 普通奶 唔覺有咩特別，芋圓好軟身，但數量少，總結呢杯所謂既芋圓芋頭鮮奶料超少，仲要無芋頭

開喺荃灣廣場 主打新鮮水果製成嘅茶飲店 仲係來自台灣嘅過江龍🥭佢嘅舖頭poster講到自己啲野飲好足料 雖然價錢around $35-$50 算係偏貴🤔但行過有啲口渴 就決定試試佢🧃 ✨️春熙柳橙翡翠 少糖少冰 $38飲落茶底幾清 有翡翠嘅清香但無苦澀味😄飲落的確有幾多柳橙粒🍊雖然只係嗌少糖 但糖漿都唔算多 甜度同坊間嘅少糖比相對無咁甜🍬而且夏天放耐咗 杯野飲都依然幾清涼解暑🆒️ ✨️蜜桃翡翠 少冰 $38呢款野飲無得較糖度 所以對於我嗌開半糖嘅人嚟講都幾甜下🥲甜味主要嚟自蜜桃嘅糖水 儘管飲落食到好多大粒嘅蜜桃 但我就唔覺啲蜜桃係新鮮切/榨嘅🤨不過等啲冰融咗個糖度就好好多 而且都係勝在茶底清而唔苦 係幾解暑嘅飲品🍑

騙徒手法層出不窮🤷🏻‍♀️明明就料超少😑點解可以咁厚面皮叫自己料超多？！有芋泥，芋圓，紅豆，仙草凍，但份量超級少，完全唔值$38芋圓質地偏淋，冇咩口感職員都好唔掂，講左2，3次要熱飲都可以打錯單，只係叫一杯都可以落錯，如果叫多幾杯都唔知會唔會落錯曬😂😂好彩今叫左熱飲，如果係凍飲真係不得了，落埋d冰肯定仲少料，肯定幾啖飲完不過睇其他人既相就勁多料，到底係咩原因呢？因為凍飲個杯係透明所以唔敢俾咁少料，定係水準太飄忽呢？簡單講，冇下次

又到了 Happy Friday 等緊謙謙跳繩之際， 係荃灣廣場新開的大苑子到座住嘆住飲品等佢最舒服。大苑子位於荃灣大壩街4-30號荃灣廣場L1層131-131A號舖， 簡潔光猛的地方，係荃灣廣場行到累座低飲返杯冰凍飲品真舒暢。🧋 Top 2 繽紛水果茶 ～ 為謙謙點了呢杯水果茶，少糖少冰， 入面有菠蘿、蘋果、橙、西柚和士多啤梨呢5種水果， 底茶加了台灣百香果汁+台灣金桔汁， 味道清甜，水果新鮮，岩哂跳完繩口渴的謙謙。🧋 Top 5 金桔粒脆纖果 ～ 心大心細的我想了好耐飲咩，店員主動向我介紹呢杯金桔粒脆纖果， 咦！超有驚喜喎！ 呢杯有多重口感，每吸一口都有唔同的粒粒吸入，有蘆薈、愛玉和脆纖果+金桔+台灣金桔汁，呢杯少少好岩我又多野咬。

聽朋友話台灣過江龍大苑子幾好飲我呢個珍珠奶茶控一定試下🧋近荃灣廣場入口位 最舒服係有開放式座位坐住等外賣或堂食新地奶凍都得❅ 台灣芋圓芋頭鮮奶 ❅奶類系列中最愛奶綠 第二係大甲芋頭鮮奶半杯鮮奶半杯芋頭芋圓 真🍠芋頭粒芋泥先有口感 配煙韌小芋圓 再另加埋紅豆 好rich❅ 莓好花漾 ❅呢杯比較輕盈 台灣直送士多啤梨綠茶底有🍓果肉 愛玉同鮮檸檬片帶出清爽度睇電子廣告板見到蜜桃香翡幾吸引原來芋見泥料超多仲有仙草凍 不過無我至最芋圓 綜合果茶奶茶都唔錯 下次試埋冰沙芝士奶蓋先

💟芋圓芋泥新地.台灣手調飲品店 - 甜品🍦.前排經過發現原本嘅賞茶執左🥲轉左另一間手調飲品店🧋不過裝修後配合個靚陽光影食物都幾靚🫢.本來上次見到佢地嘅新地好吸引,但當日冇想食嘅味就pass左🫠請留意返店內每日有嘅新地都唔同㗎❕.芋圓芋泥新地 $28實物都幾細杯😹有少少照騙w不過芋圓細細粒,意外地好好咬口,彈牙唔會食落一口粉😋芋泥同雪糕都正常好食的~.原味牛奶新地 $28正常發揮,滑嘅牛奶雪糕但同芋泥新地價錢一樣性價比不高.總結: 芋圓幾意外地好食! 下次會想試下芋圓嘅手調~

好耐都無嚟荃灣廣場喇🤣今日嚟到竟然比我發現到呢間新開既台灣茶飲，雖然好多人排隊，但係佢哋效率都好高，等咗一陣已經有嘢飲喇😃試咗佢嘅水果茶，同坊間一般的水果茶有啲唔同，我初時以為佢哋做錯咗order俾我，細問之下，原來佢哋嘅水果茶係根據台灣嘅正統做法用果汁做底，店員亦細心咁同我飲品係比較偏甜，所以我揀咗小甜😋估唔到比我想像中好飲😋不得不讚佢哋水果茶會跟埋隻叉俾我食埋杯入邊啲生果，嗰度仲有位俾你坐喺度慢慢飲慢慢食，下次再嚟一定會試吓其他飲品😬

大苑子📍荃灣大壩街4-30號荃灣廣場L1層131-131A號舖新店開張 來自台灣手搖飲 手搖飲店貼心提供座位座位數量雖然不多 但可讓客人慢慢飲用及稍作休息-台灣芋頭鮮奶 鮮牛奶+大甲芋頭芋頭控必須試濃郁芋頭味 鮮奶香濃順滑冬天品嚐一杯熱芋頭鮮奶 暖在心頭🥰-蜜桃香翡(無糖)水蜜桃沙冰+翡翠綠茶色澤帶粉橙色 清香蜜桃味沙冰 配翡翠綠茶