Dazzling Cafe (皇室堡) (Closed)

丫妹放假獨自係銅鑼灣shopping, 經過Dazzling Café無意中知道推出咗Halloween set, 雖然未到Halloween正日, 不過賣相吸引兼價錢抵食, 又急call我放工陪食。銅鑼灣店環境開揚, 坐得舒服,2022萬聖節雙人套餐 HK$488 (兩位)包括了沙律、薯條、自選兩款義大利麵、兩款指定特飲同一款甜品。套餐最大賣點就係飲品同甜品賣相富有Halloween氣氛。兩杯飲品以oreo做頭像貼上眼睛, 賣相可愛黑魔后 (Oreo milkshake): 口感超滑, oreo味道濃郁, 仲啜到有oreo碎。緋紅女巫 (strawberry milk cream) 同樣口感滑, 士多啤梨同奶味平均。Caesar Salad with Chicken:大大碟上檯, 中心放有兩件煎雞扒, 皮香口, 肉質嫩滑; 墊底有大量清新爽脆沙律菜配上幾粒脆麵包粒, 加咗沙律醬撈埋, 鹹鹹地, 味道唔會太寡。松露薯條:薯條不至於脆, 但沾上了松露, 再跟沙律醬同埋茄汁提升味道, 松露味冇預期中突出。自選menu上兩款義大利麵(部份款式需額外加錢升級)唔洗再加錢嘅即係五選二, 揀咗:青

食物質素不錯，可惜員工態度差，沒有服務可言。付款時，不接受信用卡付款，只指著門口説「一早在門口寫左！」如果有禮貌的，可在入座前先提顧客。其實貴餐廳也屬中價餐廳，員工態度可有待改善!

台灣過江龍 Dazzling Cafe 喺 2014 年進駐香港，主打蜜糖吐司及各款甜品。雖然餐廳主打甜品，但佢哋嘅咸食水準毫不遜色。153 就試咗佢哋嘅滷肉飯、意粉同窩夫✨———🔺 餐廳設有最低消費每人一杯飲品（不計食物）🔺 ———❝ 明太子意大利麵 | $98呢碟意粉好 creamy, 超多汁！醬汁充滿明太子嘅咸香，令人忍唔住一啖接一啖咁食🤤評分：7.5/10———❝ 青醬奶油雞腿意大利麵 | $98青醬分量充足，偏濃稠而且掛汁，每條麵條都沾上青醬嘅味道😋 雞肉外皮香脆，肉質嫩滑，做得十分出色👏🏻 呢碟意粉仲加咗芝士粉、蒜片喺面，食落更香口惹味！評分：7.5/10———❝ Pop Pop | $58海鹽焦糖奶昔以蝴蝶酥、爆谷、忌廉等鋪面，絕對係邪惡滿分，打卡亦有十足睇頭📸✅  不過飲落味道真係幾甜同膩，怕甜人士未必鍾意。評分：6.5/10

星期一晚七點左右入座，一坐底舉手已經等咗5分鐘都冇人服務，侍應直行直過扮睇唔到都算。叫完野食等咗至少30分鐘食物都未到就諗住催下張單，然後有位男服務員行埋站機到禁禁禁再行埋黎問我係咪呢張單，態度極差扮哂冇野行開，好明顯係唔記得落單，到我再問佢係咪冇落單時，佢個樣已經令你即刻想離開，不過我本身唔鍾意食佢哋個明太子意粉加上好肚餓，同埋等咗好耐，所以繼續等。希望餐廳可以改善員工的態度，如果情況繼續嘅話，大家如果想受氣就即管去。

去到Dazzling cafe每次必會點明太子意粉食，入邊有好多明太子蟹籽，會包埋紫菜絲，味道超級濃郁，好好食！另外，墨西哥起司薄餅亦都係必點之一，會配兩個醬，吞拿魚同埋蕃茄莎莎醬。外皮香脆，配埋入邊半溶嘅芝士，口感十足。

對上去TST分店食物質素下降好多 今次帶屋企人去銅鑼灣店食 食物算正常但服務態度極其差 尤其位男侍應（應該經理）好似全部客人都得罪佢 抌Menu、拎放餐具勁大聲 完全係長期發脾氣嘅狀態 俾錯單仲要黑返面轉頭👎🏼👎🏼👎🏼👎🏼👎🏼👎🏼其他男女侍應 對住客人係長期放空狀態 完全頹廢mode 行路被下被下 觀感極差執枱仲要兵鈴嘭鈴 但係open kitchen就大聲講大聲笑 飲starbxxks 撳電話 問佢哋嘢十問九唔應⋯ 門口有個牌 寫住有乜嘢食物冇提供 點知入到去 都係冇我想食嘅嘢⋯ 當年開張 賣台灣style sale高質greeting 依家什麼都不是唔好講咩地區 連基本嘅服務儀容都冇 絕對唔會再幫襯 極度後悔帶咗屋企人嚟食👎🏼👎🏼👎🏼👎🏼👎🏼👎🏼

等緊位已經唔想入去食，因為個男receptionist態度差，講野又冇禮貌，仲唔知自己有問題！話完俾佢知佢態度唔好，仲要串返我！倒米！即刻走！以後都唔會去食😡

暑假話咁快就到尾聲，好似無做過啲乜，但又日日都好忙🫣珍惜平日可以出街既日子，去完中環影相再坐叮叮漫遊港島再食tea, 假期多好💕好耐無黎銅鑼灣，小吃貨竟然仲記得「兔子椅」Cafe，話想食窩夫，見人唔多天氣又熱唔想周圍行，就入去嘆下。🧇珍珠奶茶窩夫珍珠加上奶茶味既cream再配上伯爵茶雪糕，配搭特別味道好match。窩夫可以扭出黎食，雖然無另加麻糬都外脆內軟，有少少煙韌口感。🍟松露薯條次次黎都必食，即叫即炸，薯條本身混合左松露已經好香好脆，最重要係嗰碟松露蛋黃醬，真係超好味。🍹野莓荔枝沙冰炎夏既消暑之選，顏色好吸引，野莓又好有夏日感覺，酸酸甜甜又冰凍，飲完透心涼，好正！喺精緻甜品中渡過開心的下午💕暑假可唔可以唔好咁快完呀🫣

喺銅鑼灣行街行到攰，於是我哋決定去 Dazzling Cafe食d甜品💃🏻餐廳喺皇室堡3樓，都算容易去。今次排咗15分鐘就入得啦！！坐位非常舒適又闊落。食物方面：特別要提及呢一個草莓繽紛冰淇淋鬆餅🍓🍓🍓 我哋仲另加咗$15升級麻糬total: $110鬆餅上枱又熱又鬆脆，配合埋酸酸甜甜嘅士多啤梨🍓，口水都流晒出嚟。再加上佢三個醬（煉奶/士多啤梨/楓糖漿）🍯配合埋麻糬同埋雪糕🍨，今個下午真係好幸福丫🥰🥰🥰絕對推介👍🏻

昨天下午同朋友聚餐，坐低後見到枱面有一隻好大隻的烏蠅🪰死咗在檯面中間，好核突。我哋見旁邊有張枱便轉過去，身材瘦的男侍應用不好的語氣說（轉枱要出聲）我哋回覆（有一隻核突大烏蠅在那邊枱面）男侍應居然用不禮貌嘅語氣說（周圍都好多烏蠅）😵點解這個男侍應的態度可以咁差，完全無男仕風度。我哋都冇投訴什麼，只係女仕真的怕昆蟲，也覺得不衞生才轉檯，為何那一位男侍應可以態度咁差，希望餐廳負責人可以加強員工培訓，令客人享受美食更上一層樓😎

🍝好多雞肉，食落少少辣味，好香口，估唔到咁出色😋 超好味！！！唔會死甜，好多Tiramisu 同cream，每一啖都係滿滿嘅幸福感，唔會食到最後得返麵包🤤 （伴碟個兩塊餅超甜好難食，單純for裝飾😂係真水果茶，唔係水果糖漿👍🏻 一壺夠兩個人飲，茶壺保溫唔錯，飲到最後都無變凍茶另外叫咗杯espresso，冇咩特別純粹為咗最低消費要焗住叫多杯嘢飲 😂食物同環境都高水準，唯一缺點係每人最低消費一杯飲品，如果最低消費係計金額會比較好🤓

叫了四次完全冇人落單，跟住我朋友叫多次，有個男人話等陣啦（勁晦氣），之後因為太凍，我話可唔可以轉窗口位，佢話冷氣機滴水，但又俾人坐囉，我一路食嘢有一個肥肥地嘅女侍應就成日喺後面度整嘢，又係我隔離大力扔餐牌，跟住食完台灣牛肉麵仲要肚痛，all咗好多次，最後個肥肥地嘅女士重話我你差一杯嘢飲未叫，佢當我哋傻仔嗰本menu寫話最少叫一杯嘢飲，我朋友已經叫咗一個餐，太不知所謂啦依間，我唔會再嚟，做服務行業可以做到甘….

之前趁佢有優惠去食，好抵食，知道佢係蜜糖吐司專門店，所以叫左個Tiramisu口味既，超大份，本身以為食得落幾樣野，但其實食一個呢份哇司已經好飽，超有滿足感，d cream 又多到滿瀉

之前成日都同朋友食dazzling cafe嘅士多啤梨鬆餅🍓最近佢期間限定推出咗愛文芒果祭系列🥭 所以即刻去試吓！～～ʕ •ᴥ•ʔ✻ 仲夏芒果鬆餅（$98)首先佢賣相好吸引😻面頭有好多芒果🥭 成個芒果山咁佢選用咗來自台灣嘅愛文芒果好香甜😋🧇心形鬆餅一如既往咁香脆🧡而且仲有Haagen-Dazs 芒果雪糕 鮮奶油同埋好多芒果醬好邪惡🤣期間限定值得一試😎✻仲夏熱帶水果茶 （$52）佢最低消費每人至少叫一杯飲品🥹基本上我每次去都係叫呢一個水果茶🤣因為一大壺茶感覺上好抵飲咁哈哈而且佢真係有好多水果好足料！🍊🍎🍓茶味都好香濃～ 重點係唔會澀口🥰可以揀熱或者凍 個人鍾意飲凍多啲😚另外呢間Cafe嘅櫈有兔仔耳好可愛🐰(*¯︶¯*)

門口帶位嗰位Shop Manager非常不友善！非繁忙時間，見窗邊有位，附近也有，禮貌問下可以坐窗那邊嗎，這位男服務員竟然這樣回答:”小姐！見唔見我冇set枱？我冇set枱即喺唔坐得”! 嘩！態度非常差！反而其他女服務員也有基本禮貌的，唔明點解會搵個咁差嘅男服務員做Manager! 食物，牛肉麵味道很好，牛肉很入味！熱珍珠奶茶不太甜，也好！Pop Pop 凍飲，賣相很吸晴！但是，是次受到了不禮貌對待，下次不了！