Video
Read full review
2025-04-17
2 views
《De Sang Bleu》鹽味清雞湯🐓拉麵🍜📍西環石塘咀加倫臺8-16號嘉利大廈地下A號舖我真係有d新手運，第一次去麦先，冇check 社交平台但佢有開，第一次食屯門道，只係排左20分鐘。而呢間看似多數會摸門釘嘅店，又係第一次都有開，直入唔駛排隊。以小弟有限嘅見識，响香港，似乎白濁湯比清湯拉麵會比較受大眾歡迎，好似雞白湯，豚骨湯都係主流中嘅主流。白濁湯更能帶比人幸福感，而清湯則更能帶比人高雅感。至於選擇醬油味或鹽味，似乎醬油會更受歡迎，不過個人口味，我認為鹽味更能食到湯底嘅底蘊，更清楚地感受到廚師落左嘅心機，所以我就揀左《鹽味清雞湯🐓拉麵🍜》，希望第一次食就摸清個"底"。《鹽味清雞湯🐓拉麵🍜》呢碗麵嘅湯，鹹，甜，香，鮮，齊晒章，令我相當的驚艷。香味 (5/5)先講香味，主要係雞油香味同蔥味，而雞香味行先，再蔥味。睇返碗麵嘅結構，佢加左乾蔥，白蔥，同青蔥，而佢地並不霸道，而三種蔥處理得洽到好處，唔會有蔥嘅辛辣味，安份地做配角冇搶到雞香味。湯 (5/5)湯色比一般食到嘅雞鹽湯稍為深色少少，呈淺啡色。雞嘅鮮味非常濃郁又自然，甚至乎係我食過嘅鹽雞湯中味道最出色。甜度同鹹度方面，清甜夠力又唔會
📍西環石塘咀加倫臺8-16號嘉利大廈地下A號舖
我真係有d新手運，第一次去麦先，冇check 社交平台但佢有開，第一次食屯門道，只係排左20分鐘。而呢間看似多數會摸門釘嘅店，又係第一次都有開，直入唔駛排隊。
以小弟有限嘅見識，响香港，似乎白濁湯比清湯拉麵會比較受大眾歡迎，好似雞白湯，豚骨湯都係主流中嘅主流。白濁湯更能帶比人幸福感，而清湯則更能帶比人高雅感。至於選擇醬油味或鹽味，似乎醬油會更受歡迎，不過個人口味，我認為鹽味更能食到湯底嘅底蘊，更清楚地感受到廚師落左嘅心機，所以我就揀左《鹽味清雞湯🐓拉麵🍜》，希望第一次食就摸清個"底"。
《鹽味清雞湯🐓拉麵🍜》
鹽味清雞湯🐓拉麵🍜
$128
0 views
0 likes
0 comments
呢碗麵嘅湯，鹹，甜，香，鮮，齊晒章，令我相當的驚艷。
香味 (5/5)
先講香味，主要係雞油香味同蔥味，而雞香味行先，再蔥味。睇返碗麵嘅結構，佢加左乾蔥，白蔥，同青蔥，而佢地並不霸道，而三種蔥處理得洽到好處，唔會有蔥嘅辛辣味，安份地做配角冇搶到雞香味。
湯 (5/5)
湯色比一般食到嘅雞鹽湯稍為深色少少，呈淺啡色。雞嘅鮮味非常濃郁又自然，甚至乎係我食過嘅鹽雞湯中味道最出色。甜度同鹹度方面，清甜夠力又唔會過龍，剛剛好找到了最平衡嘅甜蜜點。
麵條 (3/5)
中細麵，爽彈，麵味正常，配呢個湯算夾，不過麵就比唔到咩深刻印象我，中規中矩啦。
配料 (3.5/5)
雞叉燒方面，並沒有驚喜。佢只係嫩，但雞鮮味並不強。
而一個最大記憶點係粒番茄仔。爆汁可能係基本款，味道充滿住梅酒嘅味道，重重的打擊左我味蕾一下，我心入面嘩左一聲。不過我諗如果唔好酒嘅朋友要注意，因為佢稍稍帶苦味，正正係酒嘅苦味。
其化配料，珍珠筍，露筍，南瓜，溏心蛋，都係正常發揮。
最後梗係完食啦，唔夠皮添！
整體 - 值得推薦 👍👍👍👍
呢間店絕對有成為人氣店嘅特質，而地理位置正正因為比較偏僻，令人有一種要特登去探一探嘅心理加持。
Post
