Video
Opening Hours
Mon - Sun
09:00 - 03:00
Above information is for reference only. Please check details with the restaurant.
Signature Dishes
潮州凍蟹，超級大隻呀﹗巨形到個連個盒都閂唔埋呢。今晚朋友請食蟹喎，梗係食左先講啦 ﹗肉蟹啖啖肉，鮮甜可口，看得見的肉汁立立令，入口水潤非常 ﹗食原味蟹味突出，沾上酸醋更是開胃呢。芥蘭炒牛肉，芥蘭原條免切？十分有趣，哈哈。諗住大大碌芥蘭點都會切段先炒架麻，居然大大碌成條上檯，果真保持原汁原味。質感非常脆卜卜，咬到卜卜聲，聽到都特別開心興奮 ﹗乸牛肉味濃兼腍腍滑滑，還可以接受。鑊氣迫人，都幾好食呢。不過賣相睇落似先烚芥蘭鋪底後，再倒個牛肉芡上面就算喎。粟米魚肚羮，五十幾蚊有兩大碗，份量足足一窩，真係食唔晒架喎，留返一碗宵夜先 ﹗散少許糊椒粉吊吊味就更加可口，質地黏稠乏著滑蛋氣味，粟米味道芳香濃郁，魚肚爽爽沒有油益味道，金黃湯汁奪目耀眼，有水準。蒜蓉炒白菜仔，大家都好少食白菜仔，試試啦。熱騰騰大束大束塞入味，連汁帶蒜亳不猶豫地食食食，非常爽甜充滿水份，菜甜味沖積著每顆味蕾，預料之外的美味 ﹗最怕白菜又苦又澀，依碟就非常好食喇。南乳炸碎雞，我最鍾意試特別野架喇，最有冒險精神 ﹗出乎意料地大受歡迎，個個讚佢佳。惹味南乳咸香、薰芳乳香、味道濃濃。炸得乾爽又香口而不油膩，肉質軟棉不鞋硬，好味道，心滿意足。肉片炒四季豆，老闆娘您係咪飲藍妹飲醉左呀，乾煸同肉片差好遠喎，我地想食乾煸四季豆。但講極老闆娘都唔知咩係乾煸，激死 ﹗最後咪是但叫左個肉片四季豆囉 ﹗幸好四季豆屬百搭食材，點配都好食。爽口甜美夾都微弱肉香，肉片軟腍滑嘟嘟，與四季豆有極大對比，十分有趣呢，味道亦不錯。麻婆豆腐，何解要用硬豆腐呢？較結實唔易爛？較經濟？用滑豆腐先好食架麻，依家完全係兩回事 ﹗不香不辣又不滑，肉香欠奉，豆腐硬掘掘，淡而無味。難得我今晚破例叫左碗白飯撈添，不試也吧。近幾日經常諗住麻婆豆腐，好想食啊 ﹗而家浪費左我寶貴既 quota。紅腸墨魚，傅聞正宗潮州冷係無紅腸墨魚供應架喎。簡單是美，棋哥欽點菜色，我都有著童年回憶啊。原味玫瑰紅腸微咸帶香，沾上滷水更是香噴噴。原味墨魚肉彈而嚥韌，墨魚鬚脆卜卜，墨魚鮮味出眾，無可掩飾。兩者併上滷水及辣椒油非常惹味刺激，撈飯食同樣一絕。蒜蓉芥菜膽，甘甜到無可抗拒，簡單的調味，高質的炒功，蒜味迫入芥菜膽之中又保持翠綠既顏色。一咬爆破充滿甜美菜汁，無敵的爽嫩，美味無窮又泛著蒜香，一件又件不定掉入口中，欲罷不能，食晒方休。豉椒炒蟶子，非常少食既一味，因為有過唔開心的經驗囉。跟炒蜆一樣汆完水再兜個芡汁出貨，並不是生炒的。蟶子完全無味又過熟，韌而乾鞋，不吃也吧。椒鹽狗肚魚，極少會 order 狗肚魚，外層炸得金黃香口軟棉，乾爽不油。狗肚魚肉質多汁滑溜又軟塾，連骨都食埋呀，如果有喼汁就更加醒胃啦。瑤柱扒豆苗，好耐無食過，我最愛食豆苗架喇 ﹗豆苗鮮嫩甜美多汁又翠綠，炒得熱辣辣再鋪上香濃乾瑤柱芡，勁勁勁好好好味 ﹗伴著揚州炒飯食，如虎添翼，好食到不得了 ﹗百種味道交雜，食到唔停得口呀 ﹗韮菜豬紅，不辣的滷水汁較為清淡，幸好有椒椒油打救。結實淡味豬紅在辣椒油上打滾再入口，一咬爆開 ﹗外脆內滑，都滿意。夠熱就會好好食，無浸過火搞到鞋鞋硬硬就更好食。汁液四射，滷水味濃添一點微辣，溫度少少燙嘴更是美妙。由細到大我都食唔到韮菜的呢，跟生蔥、芫茜一樣，入口即反胃即吐。但近年經過麻辣鍋既洗禮後，韮菜、韮菜花、皇帝菜、西芹、苦瓜都食得到咯，而且非常鍾意食添。韮菜多汁又完全無渣，大量纖維非常有咬口，趙到索索聲。揚州炒飯走生菜絲，尊登用黎配枝竹羊腩煲架，勁好味 ﹗唔要菜絲係因為想個飯更香、更乾爽囉 ﹗加生菜搞到濕滴滴最憎。堅係有鑊氣，蛋香濃濃，彷似聽得到烘烘炒鑊聲音 ﹗蝦仁、叉燒、雞蛋，夠晒足料又香口甜美。有叉燒好食百倍，香甜中有濃郁肉香，飯粒又添上肉甜味，最怕某些食肆用火腿片代替叉燒粒，口感及味道相差非常遠。鹿鳴炒得好食過常相聚好多，天與地的分別。就係因為只用腿粒、蝦仔、生菜絲囉，叉燒粒佔左好重要既位置麻。沙嗲金菇肥牛粉絲，依道菜做外賣不太適合呢，唔多掂啊，下次唔好喇 ﹗送到黎既粉絲已經發脹，腍劈劈又散又碎，用筷子夾都夾唔到，唔通分湯咩。另外，肥牛片已經變左二十成熟，乾鞋到痺，整體味道就過得去既。
continue reading
和家人來到這間位於太和的餐廳，發現了以下好野食： 第一款： 椒鹽瀨尿蝦這盤食物份量多，兩人食都會過多，但味道很好。食上去又香又正，蒜炒得脆脆的，瀨尿蝦的肉在大火喉的情況下也不會變老或過於縮小。食上去很過癮！第二款： 滷水鵝片滷水很多而入味，具有正宗的潮州風味好食。
continue reading
店家室內環境頗為熱鬧，但就是這種的氛圍，跟這夜的菜餚異常合拍..裝潢頗有點街坊格局，除了數張卡座外，擺放的都是以木桌。來一道香口惹味鮮鵝腸。鮮鵝腸狀甚肥美，入口先爽後脆，豐厚甘腴，難怪連一直嚷著要減磅的食友都說要吃了才算！鹵水鵝肉肥美，鹵得入味，滑而濃厚的感覺。煎蠔仔烙：不會過於膩口，邊皮帶脆，泛着蠔香好大粒同好多蠔仔 蠔仔粥味道很鮮甜, 粥底好有細個食果種潮洲粥(即是似湯飯果種)有冬菜莞茜葱花. 其他菜式，也不錯，但不在這邊寫了
continue reading
今次以經是第二次來到這裡進餐了.雖然地方不十分舒適,但以這平民化的價錢,能食到有水準的菜色絶對超值.我等一行六人點了以下的菜色:1. 豉油皇鵝腸.. 用的是鮮鵝腸.味道出色2. 煎蚝餅. 蚝仔夠多口感好.3. 紙包骨. 老菜色以經沒有多少食肆會做,可惜只得五件我無份.4.焗魚腸. 又一老菜色以經沒有多少食肆會做,魚腸夠多好味.5.鹵水鵝頭頸. 鹵水香,鵝夠淋.入味.非常出色.6.椒鹽腰果鴨舌. 香口送啤酒一流.7.春菜.8.九菜紅. 一般水準.八個菜啤酒四支两飯两粥.450大元有找.試問去邊道揾.
continue reading
星期六去大埔探阿婆。一行12人去食晚飯。黎黎去去都係迎囍或海港，好悶。上OR睇到呢度嘅潮粵菜不錯，於是就黎一試。店都算大，有大枱，坐得還可以，唔算太迫。看一看menu，菜式好多款，有潮又有粵。菜式多之餘，價錢仲好實惠，最貴都只係隻滷水鵝，其餘食物都好平。全部都係大胃一族，所以叫咗好多野食。加上大家都好似好肚餓，菜一上枱，大家嘅筷子就即降落了，所以有d菜趕唔切影相~韮菜豬紅，不過不失，入味。荀蝦，有盡荀嘅酸縮味...爽口。豆豉鯪魚炒油麥菜，超肥超多油，唔敢試。上湯浸莧菜，呢個就好清好味道，莧菜都好嫩。胡椒咸菜豬肚湯，好大兜，人人都有一大碗。超勁胡椒辣味，超驅風呀；有好多咸菜、豬肚同粉腸。豉椒炒蜆: 份量都唔算少，炒得ok，不過蜆本身唔夠大粒，唔算太有肉。滷水鵝，係全晚最貴嘅菜式，但其實貴極都係好平。佢地稱自己店嘅鵝係滷水鵝皇，又真係幾能稱皇喎！比起好多滷水店做得好很多。半隻鵝都幾多隻，唔算肥，好有肉。重點係好入味同好淋滑，真係好淋，脾位尤其嫩滑，啖啖肉！墊底嘅豆腐，味道就較淡，唔入味。滷水豬頭肉，好香好入味，雖然豬頭肉係好肥，但食落唔覺肥膩喎！ 滷水豬腸 ，太入味，有點咸滷水墨魚，呢個反而唔入味，墨魚一向都係難入味滷水鵝腎，有少少太入味，親友稱似煲粥嘅咸鴨腎，其實我又覺得無咁誇，係咸咗少少啫。蠔餅，多蠔，而且蠔好大粒，無沙無碎殼。炸得香脆可口，粉漿不會太厚。椒鹽鴨舌本人期待呢個菜好耐，因為我超鍾意食鴨舌。椒鹽嘅做法第一次食。用黎送beer 一流。炸得好夠乾身香脆，味道不會太咸，不錯。鹽焗烏頭，落單時說明要等25 mins。真係食到尾聲先黎。用魚形鐵盤裝住，好多鹽，師傳會幫我地切開魚皮。未上枱時聞到有魚腥味，但食落完全沒有。反而食到好香魚鮮甜味，好味~~
continue reading