魚川居 (Moved) New Location

餐廳：魚川居 (觀塘)地址：觀塘開源道54號豐利中心5樓507室觀塘工業區豐利中心呢間魚川居開咗1年左右，佢哋主打嘅酸菜魚同水煮魚吸引咗唔少人去幫襯、圍爐取暖🔥，近呢半年佢哋晚市仲轉型推出5個Level嘅120分鐘任飲任食火鍋放題，吸引咗唔少人專程去挑戰自己嘅食量🤤Level 1精選肉類、Level 2牛魔王之選、Level 3蟹迷必選、Level 4 龍蝦迷必選、Level 5終極Boss，唔知又有邊款吸引到你呢？今次我就叫咗佢哋嘅Level 4 龍蝦迷必選放題套餐，平日星期一至四成人$498位，另外收加一服務費，指定套餐8:30pm後入座有全單85折，7:30pm前離座仲有65折添😍鍋底可以五揀一，或者加錢試多款都仲得，有任食嘅酸菜魚同水煮魚🐟，仲有一次性嘅招牌烤魚、世一雞煲同椰青雞🐓。出面嘅自助吧全部都可以免費享用，除咗一般嘅火鍋配料🍡，魚川居仲自家製咗多款涼拌小食同炸物🍤：口水豬肚、手拍青瓜、世一海南雞、土匪雞翼、炸蟹鉗、炸響鈴等等，咁多自製同埋即叫即炸嘅食物真喺夠晒用心💕，當然仲未計自己整嘅少甜甜品同下火解渴嘅飲品啦☺️Level 4呢個套餐當然喺主打限量供應、由大廚每日喺本地

見到食評唔錯就黎試下，點知伏到….無話可說鮑魚臭咗，蟹肉好霉，店員話因為冇開店3日，所以唔新鮮，但依間店會照樣比你食….我媽媽食完之後痾咗3次水….牛好一般，308加一，性價比超級低，一定唔會再黎環境好細，感覺衛生都一般，野食選擇唔多，個食物櫃既份量好少，叫咗烤魚底，烤魚味道麻麻，因為好腥，只有好濃既醬味，雪糕好似放咗好耐咁，好似唔太乾淨，最好味係個維記雪米糍。真心，308食依啲野，我覺得好唔抵，比錢買難受，一定冇下次，同埋佢啲食評似係比錢人打既，大家唔好信

觀塘區出名多隱世餐廳，而呢間位於工商大廈嘅「魚川居」喺兩年前開業，之前喺網上見到好多人推介，搞到我都心郁郁😗 呢度最出名嘅就係酸菜魚同埋晚市嘅龍蝦/蟹鍋任食套餐🥘 另外海南雞都係推薦菜式之一，九龍灣分店仲可以外賣全隻雞架🐔 There are many hidden gems in Kwun Tong, with Deli Fish being one of them. Their recommended dishes range from pickled cabbage fish to their all you can eat lobster and crab hot pots. 招牌酸菜魚午市套餐 $64 Boiled Fish with Pickled Cabbage Lunch Set話名係招牌，梗係要試下啦😎 我揀左少辣，湯底味道鹹鮮酸辣，非常惹味🌶️ 魚片有10塊左右，質感軟嫩滑溜，唔會有暗刺🐟 麵底叫左淮山麵，食落比平時嘅米粉更爽口彈牙，而且仲健康啲添🍜 I chose little spice for the soup base and it was at the pe

一個人食晏，諗左好耐都唔知食咩好，最後走左上魚川居食個麵。午餐都有好多選擇，有飯有麵，之前試過飯啦，今次食返酸菜魚啦，配左淮山麵，以往通常揀薯粉多，但其實淮山麵都好夾，同埋會比薯粉清爽啲，酸酸辣辣咁幾好食。魚片數量都幾多另外我加左小食豬耳，16蚊細細碟，Ok啦味道不過不失講返個主食，即係碟麵先，間唔中都會係啲魚片到有啲小骨，可能都要食得小心啲唔好哽親，最終一個人埋單80蚊，食得好飽，話貴又唔係貴啦，算係咁

第一次寫食評內容有啲多，先講結論方便懶得睇字嘅人店員們服務態度真係要大讚，個個都好Nice食得好開心，另外嘢食水準好好，當晚即時book枱月尾再嚟食。今日咁啱要出觀塘～就上OPENRICE睇吓有咩好嘢食啦，見呢間好似新開評價唔錯就去試吓啦!BOOK咗8:30有85折，去到見到有Level 1同2，食物款式都差幾遠吓，落單任食啲肉選擇真係差好多，無記錯Lv1得果兩三款，當然出面自己拎嘅菜，丸果啲都有好多款啦不過三舊水LV2 都有安格斯牛小排食都幾好，平時自己街市買都要160-170磅。呢個時候店員姐姐突然拎咗張LV3 嘅餐牌比我地睇喎，竟然仲有LV3 但睇食評未見過，睇一睇同LV2食嘅嘢差別係 任食 松葉蟹 同 長腳蟹 蟹腳，價錢係五百頭（幾多唔記得咗，無影低），貴百幾蚊可以食埋蟹腳又唔錯喎，於是就試吓啦。先講吓個湯底先，我地試嘅係酸菜魚湯底，夠酸夠濃味，好正，配生菜娃娃菜真係一流，魚片係分開碟上，等我地要食先自己放入去，唔洗怕煮得耐得滯，而且值得一讚係佢個鍋都幾大同埋啲湯好多，平時打邊爐好驚好快無湯要加，咁個湯底通常就會越嚟越淡食，但呢度食完兩個鐘一路大火食，我地係未加過湯。幾款牛質素

放工又到apm的松本清朝聖，雖然價格不是特別便宜，但種類真的很齊全，而且有很多獨家商品，每次都是滿滿的收穫。然後到附近的魚川居，朋友最喜歡吃蟹，做緊四人優惠，四個人送一隻花咲蟹或者松葉蟹，老闆娘很好人，拿來給我們選擇，花咲蟹最當造，而且顏色橙紅色的，十分漂亮吸睛，我們還是選擇了花咲蟹。選擇了level 2任食套餐，肉類選擇比較多，而且有送海鮮拼盤，大大隻膏蟹，而且仲有大大隻鮑魚同凡立貝。真的很豐富仲底過自己出街買，肉類款式很多，最中意就係安格斯牛小排、特選牛板腱，油脂分佈平均而且肉味香濃。鍋底是酸菜魚，喺火鍋嘅同時亦都可以品嘗特色鍋底，魚肉嘅份量都不少，如果想要多啲海鮮自助區有大蝦、大蜆、花甲、脆肉鯇魚，這些都是可以無限量添加的。又有我最中意食嘅牛柏葉，還有台式香腸、牛丸、墨丸、以及大量蔬菜和菇類。甜品特別推薦奶凍，又香又creamy 充滿鮮奶味, 重要當然是任食的雪糕, 仲有好多雪米糍，生果有蜜瓜西瓜夠曬消暑解喝。

今晚跟朋友睇完盤，順便係觀塘工廈區揾食，經過豐利中心樓下有個叔叔派傳單係甘叫我哋試吓樓上有間魚川居，有好多新鮮同靚肉甘話，上到去見到都幾乾淨，姨姨們又幾好招呼就坐低食！有兩個levels揀，level 1 就係正常嘅肥牛、黑豚、鮮雞，level 2就多好多款牛揀，包括牛小排、牛肩胛、封門柳等等，仲有日本魷魚同蠔，我哋當然揀左$308嘅level 2黎食下！湯底可以五揀一，有酸菜魚、水煮魚、烤魚、世一雞煲同椰青雞，烤魚造型好正，但見到雞煲號稱世一，當然要試吓佢！等個雞煲整好前可以出去自助區拎前菜、火鍋料、飲品同醬料，前菜方面有川式涼拌同日式前菜，最特別係有無骨海南雞，滑嫩好味！另外仲有炸物包括炸蝦、蟹鉗、芋頭波波、川辣茄子。火鍋料來講個人覺得店家選料幾用心，有唔太常見嘅台灣黑椒腸、竹笙等等，一啲都唔馬虎。拎完嘢食返去雞煲啱啱炒好，新鮮熱辣，雞件食落好香好惹味！當啲雞幾食得咁上下，可以搵店員加湯，跟住就可以打邊爐啦！晚市每位仲再送海鮮拼盤，有肉蟹、鮑魚、帆立貝、花螺，係食得出嘅高質同新鮮，加埋出面自助區嘅蝦、脆肉鯇同大蜆，真係非常豐富！飲品方面，有汽水、茶、羅漢果茶等等，不過呢度歡迎客人自

位於工廈，可能這個原因價格相對便宜，吃lv2 晚餐時段只是300頭，任飲任食。環境偏小，略為嘈吵。海鮮 及 肉類 都幾新鮮雞煲唔辣，唔食得辣嘅人叫呢個岩。 湯底清甜，無乜味精嘅感覺。這雞翼在菜單上點的，不是外面自取小食。即叫即整，入面熱到燙口 調味得宜，雞肉嫩滑。

觀塘工廠區真的有很多隱世餐廳性價比和質素都不錯今晚就到了豐利中心的魚川居打邊爐晚市有兩個價錢的放題選擇對自己好一點 選了level2 加一後才不過340 就可以任飲任食兩小時 相當划算首先從五款鍋底中自選一款我們選了椰青雞鍋底有椰子和原個椰青水 還有嫩滑的椰青肉雞件非常嫩滑 湯頭很清甜按人頭送的海鮮拼盤也非常豐富每人一隻肉蟹 鮑魚 帆立貝 花螺肉蟹大概手掌size 飽滿多肉 蟹膏也不少牛肉都有幾個部位選擇牛小排 牛肩胛 牛板腱都相當有質素喜歡牛味濃的首選牛肩胛自助區也有不少火鍋料和熟食當中海蝦 大蜆 花甲 脆肉鯇都可以任食小食必食推介有世一海南雞和土匪雞翼去骨海南雞夠嫩滑 雞翼皮脆肉嫩非常香口甜品主要有獨立包裝的維記雪糕杯雪米糍還有大大筒的movenpick雪糕 非常滿足雖說限時兩小時 但坐到超時都沒有趕人走職員也常常來加湯和換碟 服務相當好 讚！

發現左觀塘一間超抵食任食火鍋！！！鍋底5選一：烤魚/酸菜魚/水煮魚/雞鍋/椰子雞，食完一round再打邊爐人頭送海鮮盤，1930前離座或者2030後入座仲有85折 重點係仲可以自帶酒水吾收開瓶費 抵到爛任食包括：安格斯牛小排，特選牛肩胛，牛板腱，封門柳，雞件，生蠔，日本魷魚，海南雞等等，款式豐富 招牌烤魚好有反左大陸食既感覺！好正宗 湯底麻辣  味道香濃烤魚先煎炸左 魚皮香脆 魚肉嫩滑 入面有紅薯粉放底 吸曬湯底精華超正2個人食完一整條魚已經好飽鮑魚 帆立貝 都好新鮮生蠔 煮完size 都ok 吾會縮到超細牛板腱 超重牛味牛胸油 入口即溶 口感好好仲有d 涼菜都無試 真係飽到濟老闆娘話佢地最出名時令海鮮 黎緊有蟹盛宴呢個價錢cp值真心高 可以encore  

就算工業大廈入面，餐廳都座無虛席，味道一流，超高性價比，食物品質好有保證，職員都好有親和力任食火鍋＋自助餐•5-6 月優惠：1930前離座/2030後入座（全單有85折）$328+10% /1位鍋底有5款可以揀世一雞煲，叫左小辣，味道好惹味濃郁，雞肉好嫩滑入味，就算雞胸位置都完全唔柴身，果然稱得上係世一，堅好味食完全部雞件就可以加滾水變打邊爐，本身以為加左滾水會好啖味，點知一啲都唔會，就咁淥完既火鍋食物都會索哂雞煲醬汁既香味，完全唔洗沾其他醬汁每位仲送海鮮盤一人一隻肉蟹，鮑魚，帆立貝同花螺肉蟹好肥美，仲有好多蟹膏，蟹肉好鮮甜，鮑魚同帆立貝都勁大隻好彈牙，好有誠意部分肉類，海鮮同炸物係自己畫紙叫安格斯牛小排，特選牛肩胛，特級肥牛，特選牛板腱都勁濃牛香，仲會食到每一種牛既感覺牛香味都唔同，食物真係好高質，仲有生蠔都勁大粒，超新鮮其他火鍋材料係出面自己夾，丸類，蔬菜類，海鮮類都應有盡有，勁多選擇炸物小食炸芋泥波波，炸蝦🍤，蒜蓉茄子，炸雞翼，炸春卷等等，味道中規中矩，每樣食左一件都值得再encore，炸物都炸得好香脆無油感川式涼拌涼拌蓮藕，木耳，青瓜等等，味道都好入味，做前菜都幾開胃甜品都要大

想食酸菜魚又想打邊爐，近近地就去觀塘工廈試吓呢間川菜館。晚市火鍋任食放題有4種價錢，第一次食先點最平嘅Lv1 試吓質素！.Lv1 任食特級肥牛及特選海鮮 $228 (星期一至四) / $258 (星期五六日/假期及前夕).任食放題限時90分鐘，每位送海鮮盤，任點幾款肉類及海鮮，另外自助吧有前菜、小食、海鮮及其他火鍋配料可以任食。.🍲 鍋底除咗酸菜魚，另外仲有烤魚、雞煲等共5款鍋底。酸菜鍋味道以酸香為主，麻辣味唔重，口感溫順不膩。魚片係分開上自己烚，肉質不易散口感嫩滑。.🦀 海鮮盤每人送肉蟹、鮑魚、帆立貝及花螺，肉蟹可以加錢換龍蝦。肉蟹幾鮮甜，鮑魚及帆立貝厚肉Q軟。.🦪 海鮮除咗生蠔及日本魷魚要落單點，自助吧海鮮選擇都算多，有魚、蝦、魷魚、貝類等大約十款，仲有比較少見嘅九肚魚，整體肉質不錯。比較特別係呢度仲有海鮮冷盤，凍蟹、瀨尿蝦及翡翠螺都係任食！.🐮 肉類肉類有牛板腱、牛肩胛、肥牛及黑豚肉。牛板腱肉質軟腍，牛肩胛肉質較結實，肥牛就稍為肥咗啲，黑豚肉肥瘦適中。.🌶 前菜有多款川味涼伴小菜，麻辣豬耳、肚絲、拍青瓜、蓮藕等麻香微辣，十分開胃。.👅 小食小食多數係炸物，有土匪雞翼、雞軟骨、 魷

觀塘嘅工廠大廈真係有好多隱世美食，今次就嚟到其中一間食川菜嘅餐廳食午餐。🐓世一無骨海南雞（$60）雞嘅份量都幾多，而且肉質都幾嫩滑👍🏻～嗰醬酸酸甜甜幾好食。可惜美中不足係今次冇油飯😢下次嚟一定要試埋個油飯！🐟水煮魚薯粉（$62）今次同朋友揀咗小辣～唔會太辣，又可以過到口癮，啱晒啲食唔到好辣嘅朋友😆水煮魚嘅份量一樣好多～而且好滑，唔會食到魚骨或者魚鱗👍🏻👍🏻另外，我哋亦揀咗薯粉，QQ彈彈好好味！值得推介，會再encore！喺OpenRice見到餐廳6月嘅晚市order指定套餐4人同行1人免費，見到好似幾吸引，有機會去試吓先😋

心血來潮好想食酸菜魚，就Openrice 搵下！見到呢間魚川居既酸菜魚即係60幾蚊！就試下過下口癮！除咗酸菜魚之外，我哋仲叫埋世一無骨海南雞 ！酸菜魚可以選擇配飯或者面，我哋就揀咗薯粉，因為薯粉可以吸晒湯底嘅精華！呢個酸菜魚嘅份量都算幾多，魚肉滑得來又唔會腥！湯底中帶點麻香，60幾蚊來講性價比幾高另外就係海南雞飯，賣相唔錯，雞肉都好嫩滑！有蔥油同埋酸辣醬配埋，都幾好味！原來夜晚都有火鍋食，指定套餐四人同行仲一人免費添呀

觀塘地鐵站，步行4分鐘，就到豐利中心5樓嘅魚川居。平時食午餐都比較多人，揾好食嘅嘢都唔容易，魚川居呢度都坐得好舒服，同埋好快就送飯，唔使驚唔夠時間食。今日食世一無骨海南雞飯$60配油飯，有例湯(唔係味精湯)所以送完即止架！凍飲叫左青檸梳打，加12蚊。好大碗油飯，飯乾爽，雞入味，雞都好大件，佢碟辣汁都好味，我本人就咁食雞就冇沾汁。另一個係招牌酸菜魚$62，我選擇小辣，配白飯。天氣熱，食d辣野開胃呀⋯⋯酸菜湯好夠味夠濃，一dd辣，入面好多酸菜芽菜芫荽同魚片，魚片係大塊，魚肉滑，食午餐嘅份量就啱啱好。