Video
Read full review
2022-08-13
428 views
第一次寫食評內容有啲多，先講結論方便懶得睇字嘅人店員們服務態度真係要大讚，個個都好Nice食得好開心，另外嘢食水準好好，當晚即時book枱月尾再嚟食。今日咁啱要出觀塘～就上OPENRICE睇吓有咩好嘢食啦，見呢間好似新開評價唔錯就去試吓啦!BOOK咗8:30有85折，去到見到有Level 1同2，食物款式都差幾遠吓，落單任食啲肉選擇真係差好多，無記錯Lv1得果兩三款，當然出面自己拎嘅菜，丸果啲都有好多款啦不過三舊水LV2 都有安格斯牛小排食都幾好，平時自己街市買都要160-170磅。呢個時候店員姐姐突然拎咗張LV3 嘅餐牌比我地睇喎，竟然仲有LV3 但睇食評未見過，睇一睇同LV2食嘅嘢差別係 任食 松葉蟹 同 長腳蟹 蟹腳，價錢係五百頭（幾多唔記得咗，無影低），貴百幾蚊可以食埋蟹腳又唔錯喎，於是就試吓啦。先講吓個湯底先，我地試嘅係酸菜魚湯底，夠酸夠濃味，好正，配生菜娃娃菜真係一流，魚片係分開碟上，等我地要食先自己放入去，唔洗怕煮得耐得滯，而且值得一讚係佢個鍋都幾大同埋啲湯好多，平時打邊爐好驚好快無湯要加，咁個湯底通常就會越嚟越淡食，但呢度食完兩個鐘一路大火食，我地係未加過湯。幾款牛質素
今日咁啱要出觀塘～就上OPENRICE睇吓有咩好嘢食啦，見呢間好似新開評價唔錯就去試吓啦!
BOOK咗8:30有85折，去到見到有Level 1同2，食物款式都差幾遠吓，落單任食啲肉選
擇真係差好多，無記錯Lv1得果兩三款，當然出面自己拎嘅菜，丸果啲都有好多款啦
不過三舊水LV2 都有安格斯牛小排食都幾好，平時自己街市買都要160-170磅。呢個時候店員姐姐突然拎咗張LV3 嘅餐牌比我地睇喎，竟然仲有LV3 但睇食評未見過，睇一睇同LV2食嘅嘢差別係 任食 松葉蟹 同 長腳蟹 蟹腳，價錢係五百頭（幾多唔記得咗，無影低），貴百幾蚊可以食埋蟹腳又唔錯喎，於是就試吓啦。
先講吓個湯底先，我地試嘅係酸菜魚湯底，夠酸夠濃味，好正，配生菜娃娃菜真係一流，魚片係分開碟上，等我地要食先自己放入去，唔洗怕煮得耐得滯，而且值得一讚係佢個鍋都幾大同埋啲湯好多，平時打邊爐好驚好快無湯要加，咁個湯底通常就會越嚟越淡食，但呢度食完兩個鐘一路大火食，我地係未加過湯。
幾款牛質素都好唔錯，牛小排最好食，唯獨有個叫牛胸油，個人不太喜歡
一開波比個海鮮拼盤先，鮑魚 帆立貝 呢啲都幾唔錯，出面拎嘅嘢食全部未試過，評論唔到，因為本身已經好多嘢食食唔哂。但熟嘅小食都有拎啲試，啲涼拌嘢同口水豬肚果啲十分驚喜，非常好味，仲有一片片好似叉燒咁嘅肉片都好正呀。
到重頭戲蟹腳喇，我地落單時見佢地喺出面個雪櫃拎出嚟，係超級大隻原隻松葉蟹同長腳蟹呀!好震驚!!原本仲以為係平時出面買一pack好多隻蟹腳咁，佢問我地要幾多隻時雖然內心好想話嚟30隻，但怕尷尬，我地就每款6隻先啦，試吓先丫嘛。長腳蟹一般般，有啲乾，味道普通。松葉蟹腳好鮮甜好好味喎!之後就再落單追加多十隻松葉蟹腳，可惜佢地無哂松葉蟹腳，就拎咗隻花咲蟹出嚟問我地要唔要試吓呢個。 食落咦又OK喎 （餐牌無呢隻蟹架，應該係無哂松葉蟹而我又麻麻長腳蟹佢地先拎呢款嚟補償，應該無下次啦)隻花咲蟹好食，仲原隻比我地添!
另外奶凍都好推薦呀，好好味，店員話佢地自家製。炸午餐肉同炸土匪雞翼亦都好優秀
雪糕有Movenpick，最初見唔到以為得另一牌子有啲失望，點知原來係隔離個雪櫃自己睇唔到😛後尾因為好似得我地一枱8:30入座，到最後成間餐廳得番我地，同店員吹咗陣水，原來呢個任食蟹腳係新出嘅，而我地喺第一個食LV3嘅客，之所以會唔夠蟹腳都係呢個原因。因為佢地想試吓啲客反應，如果買得多蟹到時無乜人食時，啲蟹又唔擺得耐，賣唔哂啲蟹就要扔哂佢。
book完月尾再嚟食，店家仲話會訂多啲番嚟比我地食
另外佢地仲唔洗收切餅費添。
呢餐埋單2個人85折後 $985
食咗三種蟹各一隻，物超所值呀
酸菜魚湯底
11 views
0 likes
0 comments
酸菜魚片
21 views
0 likes
0 comments
海鮮拼盤
16 views
0 likes
0 comments
涼拌
16 views
0 likes
0 comments
炸午餐肉
19 views
0 likes
0 comments
各式肉類
19 views
0 likes
0 comments
花咲蟹
39 views
0 likes
0 comments
Post
