閒悠。館 (Closed)

都係個兩個字食物好睇 好食咖啡好飲員工認真 有禮貌會再黎食飯日本咖啡都好好味音樂聽得好舒服抵食呀希望繼續開落去 平時食飯都有著落價錢都算平 高級餐廳feelbest one in town

同友人約左係第一城食lunch, 見呢間日式和風好似幾舒服就試下Set lunch 都幾多選擇，我叫左個紅酒燴牛面頰定食($88) 個牛好多件，肉質非常之淋！前菜揀左肉子燒，好味，最難得咖啡都好飲！食完之後叫左個玫瑰waffle! 都好鬆好好味！非常滿足！

晚飯時間，隨便找一間餐廳解決。見門外Menu有大根豬軟骨定食 ，見佢價錢又唔算太貴，決定一試。店入面坐位寬敞，侍應服務態度非常好，上菜速度都快。上菜再睇下賣相，都好似日式嘅擺盤，望落去都幾吸引，點知一起筷就出事。1. 味增湯，淡淡嘅味道，屬於清湯嘅類別，飲前都攪一攪番勻先飲，都係冇咩味道。2. 跟餐室溫餃子，味道就普普通通，就算熱都唔會好加分果隻。3. 主菜大根豬軟骨算係加分位，不過都係唔夠熱，肉質係腍嘅，味道都夠，但最大問題都唔係響肉果方面，係白蘿蔔出晒事，狀態係硬，筷子都要好用力先分得開佢哋，咁諗都唔駛諗都知道唔會入味得去邊，完美演繹一舊冇味硬生生嘅蘿蔔。呢間餐廳係我覺得同場最失望餐廳，我相信暫時未搵到對手，希望下次幫襯果時有所改善，如果再有下次的話。

每次見到一個木托盤上有幾碟小品料理，都會令我賞心悅目，因為好鍾意一餐入面試到唔同既野，而份量又唔算多～ 最緊要係通常d碟仔都好靚🥰呢度既套餐有前菜(三揀一)、麵豉湯、主菜、有飯素既白飯🍚 同飲品💁🏽‍♀️前菜可以揀👉🏼 香蔥玉子燒、牛油粟米、餃子🥟 必揀香蔥玉子燒無誤哈哈🌟➿ 慢煮味噌雞肉定食 ($88)上菜個陣鐵飯腳面色一變，佢話冇睇清楚個菜式英文名寫明係雞胸🤣 不過我都即時諗起幾乎日日食白烚雞胸既on diet同事😛慢煮既效果不錯，唔會太乾柴💁🏽‍♀️ 醬汁分開上，點多與少自己話事，都真係幾岩on diet人士食～➿ 紅酒燴牛面頰定食 ($88)相比起雞胸，我地更加鍾意呢個炆煮得軟腍又入味牛面頰😋 份量相對比較多，感覺更抵食👍🏼

閒悠館 - 沙田銀城街1-2號置富第一城地下G98-100號舖下午Lunch Set😍🥰💖💖1. 照燒雞扒定食 $83(飲凍抹茶拿鐵)💖💖(雞扒 幾厚肉 90%%)2. 香草檸檬原條鯖魚定食 $88(飲凍桂花拿鐵)💘💘(魚肉啖啖肉, 幾厚肉, 幾大條 100%%%)環境舒服，裝修靚仔，適合同一班朋友，情侶食個Tea，傾下計😎😎🤪🤪食物賣相吸引，份量足料😆😆可以有下次😁價錢$$合理🤣🤣Submit QR code 自助落單

🐡四圍游，周圍食 - 閒悠館🐡第一城呢間日式Café，裝修企理，環境舒服，適合同朋友食個Tea，傾下計。🐟朱古力忌廉窩夫 $78🐟有四件窩夫，配料好多元化：有Cream、朱古力醬、棉花糖、雲呢拿味雪糕、士多啤梨粒、蜜糖漿。味道都唔錯，不過有點點貴，價錢唔包飲品，不過可以減$15加購飲品。🐟Latte (叫窩夫$15) ($25)🐟正常發揮嘅Latte。食物：🐠🐠🐠環境：🐠🐠🐠🐠價錢：🐠🐠🐠服務：🐠🐠🐠🐠Overall：🐠🐠🐠🐠

紅酒燴牛面頰定食（$88）全日定食有前菜（餃子、玉子燒、粟米，三選一，揀咗香蔥玉子燒，甜甜哋，有淡淡蔥味，但冇咩蛋味），主菜（牛面頰煮得好軟腍又入味，牛味亦重，個醬汁好啱送飯，好味道；紅蘿蔔就冇咩味了），飯（珍珠米，少少濕，飯面洒上飯素），味噌湯（味道偏淡偏清），飲品（凍烏龍茶，清涼解渴）。

🔹️紅酒燴牛面頰牛面頰份量多，肉質好嫩滑，紅酒混和令牛面頰更入味🔹️豚肉生薑燒豚肉也很嫩口，配上生薑令人更開胃，吃完整碗飯還想添呢🔹️吞拿魚玉子燒吞拿魚夾在玉子燒比以往提供的蔥花更味美，用料也頗多，很有咬口。🔹️玄米茶茶味性質溫和，不會過濃，正可幫助消化

Saturday Vibe 🐚有無人同我一樣 星期五鐘意好夜先瞓 然後星期六瞓到自然醒 再去食個brunch🙈🐛.泰式奶茶窩夫🧇 $78Thai Milk Tea Waffle 奶茶味好濃郁 窩夫好脆口 配埋雲尼拿雪糕 超級好食😋😋豚肉生薑燒定食 $88Japanese Ginger Pork Set跟餐配有一個前菜同飲品 前菜有炸餃子、玉子燒同牛油栗米可供選擇 我哋簡咗玉子燒 配埋沙律醬 酸加甜既味道幫我哋開一開胃先 豚肉都相當好味 燒汁令到啲肉既鮮味更上一層樓 十分推介牛肉可樂餅 $30佢既賣相勁靚 炸得好靚 啲色水影相一流 咬落去係牛肉蓉 熱辣辣 唔會太鹹 餐廳環境好日式 好適合同朋友一齊食個下午菜💕

以第一城呢啲咁屈仄地方，呢間舖算係名符其實 ，闊落寬敞不愧「閒悠」之名。加上木枱連木製食盤，飯腳都稱「好有禪意」。我食午市，套餐餐牌有「主食+小食+飲品」同「定食+飲品」兩款，前者比較抵玩，後者就貴少少，覺得無咁值。滑蛋吉列豬扒配白飯：一般的水準，就係可以想像的滑蛋吉列豬扒，無驚喜但無失望。香草檸檬原條鯖魚配白飯：值得一講，魚肉幾厚實，啖啖肉，抵讚。汁燒漢堡扒配白飯：漢堡扒好厚身，份量十足。照燒雞扒定食：定食比主食貴，加上少咗碟小食，略遜一籌。

以前不嬲食開明太子帶子意粉 唔駛諗就必定叫呢個意粉 點知去到轉咗menu 真係無咩有興趣點但都坐低咗就求其叫咗個檸檬鯖魚定食好彩係套餐 所以附送湯同熱飲 有個好淡嘅麵豉湯 好似一個湯包開咗超多水咁 再加杯熱檸水 唔係嘅話咁乾食都幾慘當然個餐有檸檬幫手辟走陣腥味 條魚的確係唔腥但好乾身 好多好多大大小小 唔同粗幼嘅骨 食到無晒心機 一心嚟食嘅意粉食唔到 焗住要試呢個餐即刻無咩理由再嚟幫襯😩店員話原材料無貨 所以整唔到 只好等到下次嗰個意粉強勢回歸再幫襯喇

嗌咗個晚飯嘅煎三文魚飯外賣，百幾蚊埋單，已經好貴，但係我依然食咗幾次因為第一城冇乜選擇。有一次我問個職員話要多汁，佢竟然話「太貴所以唔可以提供」。第一次見人咁樣做生意。以後都唔會再幫襯。I used to be a frequent customer but one time I asked for more sauce on my salmon rice dish and they said the sauce was “too expensive to provide” (honestly the sauce is probably the cheapest thing they could provide) which made my experience really bad and honestly the dish could have tasted better with more sauce. This was a really bad customer experience so I’m never coming back again.

星期六約兩點黎到，都算座無虛席好彩有位～叫左慢煮柚子雞胸定食，雞胸好嫩一啲都唔鞋👍 用咗跟餐-$15優惠，叫咗桂花latte☕️ 好特別同埋飲到底都仲有桂花味，抵讚！友人叫咗吞拿魚牛油果蓉飯，味道唔錯惟牛油果蓉偏少～ 埋單$264，午餐黎講價格唔算平，但環境同整體食物同飲品質素唔錯，會再幫襯！

呢間勝在裝修環境好清新感覺好舒服🌿食物選擇都估唔到有咁多 由台式便當定食🍱到西式意粉漢堡🍝仲有唔同既窩夫甜品添✾ 燒姜汁豚肉丼🐖呢個好有驚喜✨ 黎到已經十級香 一塊塊半肥瘦既燒豚肉好入味 配埋淡淡既姜汁 又無搶左豚肉陣味 加埋一齊好夾好和味！✾ 芝士檸檬鯖魚定食🐟鯖魚食落魚味偏淡 需要加面層既芝士同埋檸檬去吊味 而且食到後面都幾多刺真係要小心🥲 比起半年前小編都係呢度食過一次無芝士既鯖魚定食覺得好好味 依家呢個版本就較遜色

同朋友去第一城行街 行到攰 見到一間台日西餐廳見到相片都吸引左我地就入去食個下午茶啦點知一入門口就有一位穿著白色衣服既店員行埋黎問我幾多位 填表定掃QR Code 量體溫 一次過問 都唔知佢係咪好趕時間？但下午茶時段冇咩人 ，眼神仲啤啤貢咁.....佢既語氣眼神真係差到沒辦法接受唔知既我以為我差佢錢咁.......佢安排我地坐低左，然後因為menu上有不懂既問題想問跟住舉手表示需要幫助，結果眼見頭先無禮貌既店員淨係企係門口同其他店員聊天，見到佢有望過黎但表示不理會好似當我地透明一樣，今時今日既服務真係唔得！幸好水吧有兩位同事見到，立刻舉手表示幫助成功完成落單後，同朋友食左個刨冰，選擇左仙草愛玉紅豆味道尚可，芋圓彈牙，整體都滿意最唔滿意都係對無禮貌個男子 感覺應該無下次