嚐越 (Closed)

今日同加班，搞到屋企無飯吃,於是拉埋細佬落佐樓下開飯,見到哩間野裝修幾過癮,點曬蠟燭,坐咯點佐個匯丰餐(有九折,呵呵~~)d品種都幾多，有沙霸咖喱蟹啦，馬拉盞炒通菜啦，樜蝦拼烤肉蝦片等等，個人就比較喜歡個蝦....加多十蚊种有杯鮮搾果汁...總嘎來講唔錯,以後無飯開都可以繼續考慮...

好難食.d沙嗲只係就咁淋上去,一"pat"咁,好敷衍囉出餐0既位置,放滿哂要俾客人0既食物,但5,6個侍應係店到,竟然無人拎,等左成10mins先有人行去拎,但響個10mins內,佢地只係週圍行,有d就係到set空,做埋d唔急切0既野,我地係客,肚餓想食0野,望到d 0野食係到又無得食,幾呀.見到隔離,佢地落d order全部亂哂,仲慘.d 粉又腍哂,(因為等得太耐),汁唔好味,最好食0既,竟然係3舊蘿蔔...入左去1個鐘,一肚氣,又難食.食得好不滿.

4月9日本來係去同場既西餐廳,點知成層都裝修緊,唔通真係天拿水味送飯咩?咁見呢道由越南村改為嚐越之後都未試過,雖然裝修之後靚在好多,不過食物既水準就下降左好多!呢日叫左個二人餐,包括:咖喱蝦—我估佢寫漏左兩個字,呢味菜應該叫做油浸咖喱蝦,一黎到見到個賣相,當堂咩胃口都無晒,油仲多過咩,D咖喱得個辣字,一D都唔得香,而蝦亦都唔新鮮,食落仲好似有少少莓添.蝦膏炒通菜—呢個都唔係太油,不過就似烚菜多過似炒菜喇蝦餅雙拼—呢個都係一般咋,好似印尼蝦片個隻就幾好,但白色個隻就淋得滯蒜茸飽—佢係成個餐最好食個樣,法包烘得好脆,蒜茸牛油都好夠,好香越式酸湯—呢個都幾特別,材料有蕃茄之外,竟然用菠蘿做湯,飲落都唔錯,酸酸甜甜咁,幾開胃架,但我估呢隻湯唔係人人都接受到囉,不過好奇怪,上面既野黎晒,呢個湯都唔見影,要我地問侍者先幫我地追咋馬拉糕—本來個餐係芒果糯米飯,不過落單個時,個侍者已經講左無,轉左呢個喇,雖然我好鍾意食芒果糯米飯,但無都無辦法,至於呢個馬拉糕我就唔識欣賞喇,食落去古古怪怪咁!而家裝修後,食物真係差左好多,絕對係得個樣,應該無下次了

一半時間食野...都過得去啦~~串燒好特別...好香~~但一半時間等埋單....埋單15分鍾~~但唔係我張card~ 又再等10分鐘我張card先返黎~~終於走得~shit~~唔安全~下次都係比cash~~仲要遇唔洗找~~~

一行6個女仔唔知食咩好，見到佢裝修過都幾靚，就入左去食，我地坐外面望住嘖水池，如果天氣好都唔錯。叫左2個2人餐同另外三款食物，其實味道就無咩特別，而上菜速度方面，一係就唔上，一上就好快，雖然樣樣都細細碟，但由於2個餐既款式都唔少，好快就放满晒張枱，跟住來既都無地方放，我地只好張可以渾得一齊既就放在同一碟，當時真係好狼狽，佢地既服務員都好唔識做!

放左工行新都會，咁o岩好朋友又搵我食飯~ 諗住好耐冇食越南菜，就去左嚐越~ 因為朋友好餓，d菜式名又吸引，兩個人都要左幾多野食：　免費小食蝦片-d waiter非常強調係餐廳送o既~ 幾搞笑~大蝦鳳梨鮮茄沙律-大蝦好食，不過只得兩隻...鳳梨(菠蘿)就咸到爆~ 麻麻~春卷拼墨魚餅-預期會好香口o既菜式，點知冇味道...有酸辣醬都補唔返~北越特色咖哩雞-特色係咖哩好水同d雞肉好鞋...翠玉香煎龍利柳-全晚最好食(唯一好食?)o既菜式~ 龍利柳好滑，翠玉瓜都好食~越式湯河-都係冇乜味道(似乎冇味係呢度o既最大特色~)，食左兩啖就唔想食lu...　飲品要左咸檸七，okay~ 甜品忘記中文名，英文名係Traditional Vietname Dessert，類似糖水，但又有少少咸~ 怪怪o地~ 間餐廳環境又唔係特別好，味道更加令人失望，早知食pizza hut好過~

見有個LUNCH SET , 十個客有九個都係叫果個SET , 可以係落晒ORDER 後, 先通知客冇其中一款XX軟骨.......逼人改咖哩牛肉, 我地咪話唔食咖哩囉! 越式炒金邊粉難食都嘔呀, 我唸出面搵間CHEAP 既都好味過佢! 香芽豬扒又唔好味! 係得碟椰菜清抄先OK ! 位又逼, 吸煙區夏天熱到飛起!

"xx 蝦晶粉"tea set$18,甚麼晶粉只係米絲咁,冇黎味道添,熱檸茶好鞋同苦澀.唔抵食

兩個人，叫左- 越式炒金邊粉- 小食拼盤（二人份量）- 馬拉盞炒油嘜菜- 蒜香豬排- 2 X 青檸梳打味道都唔錯，係豬排比較實。服務都幾好。初初我地坐係個門口位（由餐廳出吸煙區出面），係有門既，但侍應出入完又唔閂番道門，鬼甘大風，咪要求轉位。果位serve我地的小姐都好識做，見裡面冇晒位，但幫我地安排吸煙區隱蔽點的位置。送炒粉黎都會問下要唔要辣醬。我見到其他有d傳菜的男仔就比較木口木面，態度麻麻。PS 匯豐咭有九折

之前黎食過一次,覺得食物一般價錢唔平仲要比個遊魂侍應激到紮紮跳, 本來諗住冇下次, 最近同媽咪行過,見佢星期日都有下午茶仲要只係廿零蚊, 就比多次機會佢.下午茶餐都有幾款選擇,最平的咖喱雞湯粉只係$18包熱飲一杯. 本來想叫特色雞絲湯金邊粉,點知賣晒,最後同媽咪都揀左佢話係新推介既蝦湯粉. 價錢咁平份量當然唔會好多,但作為下午茶就岩岩好. 蝦都有幾隻,當然唔會期望好有鮮味啦, 叫做唔霉已經算好, 湯底幾重香茅同有d椰汁味,味道偏甜,媽咪唔係咁鍾意,我就覺得都ok. 整體水準不過不失,勝在夠晒熱辣辣,同埋$$20包埋野飲就真係好平既. 黎食下午茶都ok既,正價就免啦~

個日四個女仔去食, order了一個二人餐($168)有炸墨魚餅2件加牛肉薄脆, 咖哩大蝦煲, 馬來酸雞湯, 泰式鳳爪沙律, 蒜蓉飽四片同埋香芒糯米, 見佢都有好多碟野, 咁咪叫多一個牛油焗青口($28)同埋香芧豬扒檬($38)炸墨魚餅好普通同埋麻麻地好食, 泰式鳳爪沙律有成七隻鳳爪, 幾入味下, 但係生菜個d sauce唔夠, 馬來酸雞湯係由菠蘿煮成, 認真係酸, 但都ok飲得下, 有幾件雞係入面, size大可盛到6碗, 咖哩大蝦煲有好多隻蝦, size重係幾大下,入面有好多粗身粉絲, 好彈口又薯仔同粉絲都入味, 唯獨係個sauce杰個頭, 蒜蓉飽就一般貨色但都ok啦!香芒糯米個芒好鬼甜, 糯米細pat 過如果話呢個係二人餐, 我諗三個女仔一齊食都ok牛油焗青口有8隻, 新鮮同埋唔油唔un, 味道清清地都ok, 豬扒檬個汁唔夠多又唔夠酸, 個檬粉痴埋一舊, 呢個係好多vitnamese餐廳的不足之處, 入面又無青瓜絲同菜絲, 豬扒雖厚肉但煮過時, 鞋口了, 所以呢個no goodService就認真麻麻, 因為我唔小心倒左杯水, 成枱濕晒, 重要我開口叫佢地幫我抺枱, 又抺得"求其

去過一次，我己把這店列入永遠的black list!!!!!(1) 服務差，人手己經不夠，仲要好似好生手，拿菜給我們時把汁倒了在我男友的袋上，只說句sorry，連毛巾都無俾條我地，又無笑容(2) 等得耐，我們在閒日晚上去，叫了個炒菜，炒檬和甜品，都等了半小時才開始有得食(3) 食物質素差。我們叫了夏龍灣海鮮炒檬，但只有粗過腳毛少少的尤魚穌和半隻尾指甲咁大的魚粒，連蝦毛都無隻，價錢hk$55。咸魚炒白菜仔hk$30，好像街邊粉面鋪的油菜咁大，一點咸魚也看不到。啦耶糕一點耶汁味都無，好似食緊擦子膠。(4) 當晚食完我"肚all"三次，第二日胃痛，又"all"，睇醫生話我腸胃炎，唔知關唔關佢事呢？﹗我從來只會在這裡看食評，不會寫，去過不好的餐廳都不會那麼激動，但今次真係頂唔順，不吐不快。不要去這裡，如果你不想一肚氣的話。

星期四我同男朋友去嚐越食左餐飯~~唔係路！首先，我地發現坐吸煙區係與世隔絕既~~~佢個吸煙區係晌室外，除非有侍應送野出去咁岩見到你叫佢啦，如果唔係你都唔駛旨意有人得閒理你。其次，成檯0的筷子碗碟都濕淋淋，比人好污糟既感覺。我地起初點左菠蘿炒飯、二人併盤同埋一口雞。仲有青檸梳打~~係漏左單既~~一口雞係賣晒(佢話比我地知無晒果陣已經係二三十分鐘之後既事)~係7點幾都賣晒既~~真係好生意呀下！！之後我地點左個咖哩牛腩同埋炒豬頸肉。過左無幾耐第一道菜咖哩牛腩到左~~咖哩牛腩???咁我0的菠蘿炒飯，二人併盤呢??都成半個鐘頭前叫架啦喎??我循例問侍應哥哥0的野幾時到，佢又循例咁話幫我摧下，我地就係咁樣望住碟咖哩牛腩(得碟咖哩牛腩食咩呀???)又等左一兩個字~~我地個併盤到。個併盤真係細得可憐，春卷蔗蝦蒸粉皮，六粒5蚊大餅咁大粒既野晌隻碟上面，平均8蚊一粒都算~~個蒸粉皮乾既~~春卷同蔗蝦~我都唔知食左0的咩落肚~~唔駛一陣又食完，講緊過左差不多一個鐘，我地依然係望住碟咖哩牛腩誓願。都唔知再過左幾耐，我地0的野終於到齊，不過都已經諗緊埋單之後去食咩~~哈哈~~埋單既時候用匯豐卡有9 折，又幾個字

今天行過~~ 見到e~~~~唔同左樣o既~~~靚左好多呀~~咪入去試試law~~食左個扎肉炒飯~~紅紅綠綠~賣相幾好~~食落..真係幾正喎~~好香口呀~服務都過得去啦~~但地方真係好窄~~坐得唔係好舒服~~可惜可惜

10月20日葵芳開了不少新食肆, “嚐越”係其中一間, 我當然要去試下, 晚飯時間要等位, 時間唔算耐, 餐廳內裝修得幾靚, 不過D路好窄, 位與位之間幾逼下, 唔好坐既﹗我同男友叫了一個套餐有以下各款食物:1)青木瓜鳳爪沙律--無骨鳳爪好味加埋青木瓜絲好清新2)嚐越湯河--清湯河粉, 不要也罷3)椰汁雞湯--好香椰子味, 清甜而不會太濃4)鵝肝醬蝦丸伴春卷--蝦丸內有鵝肝醬好特別, 春卷亦好味, 5)海鮮豆腐煲--好重味, D海鮮煮到老晒, 唔好食6)馬拉盞炒時蔬--太多馬拉盞了, 要不停飲水7)芒果糯米飯--D飯好硬, 椰汁太甜, 只係芒果好食另外叫了珍多冰及紅豆冰, 味道OK, 不過亦屬一般水準, D待應慢吞吞, 服務不周, 又無人執走食完既碗碟, 而且D spoon 污糟, 有幾款食物調味料亦落得太重手, 要成日飲水, 應加以改善