美味食店 (Closed)

某日收工不太餓，想吃小食當一餐。掃街自然是去旺角，選擇夠多。-這間小食店已是屹立多年的老店。最有名的是臭豆腐，然而我並不是這個胃口。今日想食的是炸大腸。這店的炸大腸是原條現炸再切片，特別美味。外脆內嫩的口感，有點嚼勁；配上甜醬，邪惡又美味。-只吃炸大腸自然是不夠喉，叫了個生菜魚肉，安慰自己有菜呀健康一點。但菜的份量其實好少，反而魚肉很多；尚算彈牙有魚味，再自行加入小小辣菜餔，湯底變得惹味。吃完都半飽了，勉強還可以在附近輕輕再掃街。

好多人都話，豬大腸其實好污糟，所以都唔係好敢食。但係計我話，你睇落乾淨嘅食物又未必真係完全乾淨，我就唔介意冒下險，搵啲自己鍾意食嘅小食。香港嘅街頭小食除咗雞蛋仔同格仔餅之外，我覺得對我來講最好食嘅就係炸大腸。炸過嘅豬大腸有一種油香，外面咬落脆卜卜，入面煙煙銀銀，兩種唔同嘅口感！而我就覺得豬大腸配甜醬就真係世界級好食，怕有豬嘅羶味嘅人可以試下咁食。

在花園街食完豆沙燒餅， 睇埋金魚，心思思都要行去食件臭豆腐～ 賣臭豆腐的地方已經不多了，明白的， 因為真係臭親居民 😆😆臭豆腐最簡單的做法 就是浸臭鹵水。 而臭鹵水就是發酵菌得來 或是從發酵植物得來的。美味食店的臭豆腐 $10～ 這個雖然炸得香脆，但對飢詩來說好像不太臭 😆😆 不過有得食 都可以止下渴 😄其實炸大腸 都是飢詩很喜歡的， 可惜quota 有限, 下次再嚟食過啊～ 😊😊飢point : 5 /10#hungermarch #飢詩 #非飢詩

每一次經過太子，都自自然然會去這間食店光顧！而每次也指定會吃臭豆腐！因為多臭，所以曾經臭到被告上法庭！加一點辣醬，又加一點甜醬，這樣就已經是世界上最好吃的街頭小吃！$10一件！頂級享受！

This small shop is famous of stinky tofu and fried pig intestines! Stinky Tofu: not a lot of people dare to try this tofu cause it’s too stinky, but should consider in trying the ones here cause smell isn’t as strong. It’s nice and crispy, must put sweet and chili sauce in tofu. Fried Pig Intestines: fried perfectly with less intestines smell, the outside is crispy, and it’s good to mix with both sweet and mustard

朋友從外地回來工幹，襯放假約我去旺角掃街，他跟我說最想吃臭豆腐，於是便帶他來到這家街頭小食店滿足他的願望。小食店貼滿很多關於店舖的新聞稿，亦有明星相撐埸，朋友看到兩眼發亮！小店除了臭豆腐外，還有不少香港特色小食。臭豆腐$10炸大腸$12陳皮魚蛋 大：$24 小：$12魚肉燒賣 大：$24 小：$12干蒸牛肉$8腸粉$10碗仔翅 大$15 小$13生菜魚肉湯 大$15 小$13臭豆腐（$10）在街頭已聞到濃濃的臭味，不是人人都頂得順，這種獨特的臭味令喜歡它的人為之著迷，但對於一些不喜歡它的人就是另一回事了。我滿心期待可以吃到即叫即炸的臭豆腐，但事與願違，臭豆腐是預先炸好，而且已插入竹簽，並已放入紙袋內。期待的即叫即炸變成即叫即有，真是有點失望。臭豆腐唧了甜醬和豆瓣醬後，一口咬下去，外皮很硬，沒有酥脆感，內面又不夠熱。店外放有醬料供客人自己添加

食完晚飯........路經此地......先聞到嗅豆腐味........但真的太飽....食唔落.......小店地方小小也有不少小食......比我見到一條二條.....肥嘟嘟....又脆卜卜既炸大腸係度呼喚我亞姐手起刀落......每一下都聽到脆皮聲.....超好聽......超吸引.......炸大腸真是外脆內軟.....一層一層緊套著.......可惜哩度既大腸真係有點咸.......而家真係好難搵到好味既炸大腸了

係我印象中，太子哩間臭豆腐係臭到街知巷聞，係回憶中好好味既臭豆腐。第一次食應該有十年前，覺得好好味，次次黎太子都會食一件先走，對上一次食已經係幾年前。相隔幾年再返黎食，臭味係格離街都叫做聞到，但一食 完全無味! 只係一舊炸豆腐，有點失望。到底係我要求高左定係佢真係無咁臭呢。☹️如果無對比之下，都會覺得味道ok，只係有以前更好味既經驗，就令人好唔滿足。除左臭豆腐，仲叫左碗魚蛋，但醬汁怪怪地，魚蛋亦太淋。

聽聞這裡的炸大腸與臭豆腐甚有質素，印象中多年前曾吃過炸大腸，但已經完全忘記它的味道，於是這次特意買回家細細品嚐。炸大腸並非預先切好，原條炸，即點即切，這做法絕對加分。若然事先把豬腸切好串起來，再放到鍋裡油炸，首先每件豬腸貼合着，兩件之間的外皮就不好全面泡在油裡，而且內裡的部份直接觸及滾油使肉汁容易流失，這種做法的炸大腸基乎都是乾巴巴的。由於我外帶回家吃，表皮不怎麼脆了，但看他的做法我相信在現場吃是外脆內嫩，而且我依然能感受到炸大腸的肥美彈牙，完全沒有乾巴巴的感覺，就連照片都能反映出炸大腸內裡的肉嫩肥厚及光澤感。炸大腸沒有臭味，有着淡淡的羶香，真的好久沒吃到這麼好的炸大腸，然而它也不是毫無缺點，味道太咸是一大敗筆，我買兩串放盒子裡，豉油是落在臭豆腐上，按道理疊在上面那一串是不會沾到豉油，但還是咸得不能連着吃。我肯定會為了這個炸大腸的肥美與外脆內嫩再來，但是下次必定零豉油，再以甜醬芥辣打壓咸味💪站在店子前也聞不到臭豆腐的味道，臭豆腐也不是與其他食物一起放在門前，我點了後店員從他身後取出來，我猜是怕味道打擾到途人被投訴吧。臭豆腐打包在盒子裡，帶到車上的時候能聞到一點點味道，不過說不上臭，就是

等到頸都長埋，卒之等到 Happy Friday 啦，要好好咁去發洩 --- 去MK掃街 過到太子已經 930 啦，諗住都應該食唔到㗎啦，點知離遠都仲聞到陣「臭豆腐」嘅味喎 .......- 炸大腸（$12）& 臭豆腐（$10）大腸係即叫即剪，保證新鮮滾熱辣。平時好少食大腸，唔鍾意佢陣味，不過見佢外面炸到脆卜卜咁，唔試好似對唔住自己咁。大腸外脆內軟，溝埋芥末甜醬食，堅好味 ... 我決定對炸大腸改觀。臭豆腐雖然離遠都聞到陣臭味，但係哩度嘅臭豆腐食落其實就係炸豆腐，無乜特別，與其話臭豆腐馳名，倒不如話炸大腸仲好過。「阿姐，唔該要多3串炸大腸啊！」

每次經過金魚街，都會見到依間鋪外都有好多人企係到食臭豆腐呀，炸大腸呀，而我每次都會忍唔住買炸大腸食這裏的炸大腸同其他旺角小食店鋪既炸大腸很不同，大多數小食店都係將已切好既薄片炸大腸拎去炸，而這裏是原條炸大腸，即叫即切熱辣辣既炸大腸，每一舊也是厚厚的，外皮雖然不是很脆，但加上甜醬後，味道仍然是一流

當年臭到俾人告，到今時今日已經成為地標！臭豆腐除咗呢間真係唔知仲有邊間！本身已經好少嚟呢區，每次嚟親，就算天時暑熱都要嚟食！當然還要等到佢新鮮炸起先俾錢買最熱最新鮮果一輪啦！皮脆，入面加甜、辢醬！無話可說⋯⋯呢度所有公仔都表達唔到果一塊臭豆腐有幾好食！(當然，仲有食果一份深厚既感情啦！)

落車經過呢到，好多人都食緊。一於試下。其實都好多年無食過炸大腸，一黎見到唔吸引外表乾爭爭。二黎唔知擺左幾耐。呢到唔同。一大鍋炸緊。果然無令我失望 外脆內軟。裡面佈滿幾條豬大腸 好有咀嚼勁 油脂滿佈。仲要先$12一串！ 好味！久違既味道 食一串都好飽了！

我細細個就黎幫襯，有一段時間沒來，今天特地去吃臭豆腐…可惜可惜…我吃的那舊不好吃，外皮不脆，味道也不怎麼樣⋯⋯很是失望，不止是炸太久，也放太久了。咬了兩口，丟了，曾經真的是最好味的臭豆腐店，之後我再也不會去了。有些味道，真的留不住，味道不好，寧願不去了！

說香港的街頭小食，我最喜愛的，其實是臭豆腐。是日，我同太太行太子，代她等雞蛋仔的時候，我也想食少少野，而就在雞蛋仔店的旁邊，就有一間同樣是好有人氣的小店，叫《美味食店》。說明了，此店馳名的是臭豆腐，所以，我一行埋去，就只有一個需要，就是一件我應為香，而好多大應為是臭的 "臭豆腐"。即叫即有，臭豆腐是大量地炸起地賣的，因為爐頭有足夠的熱力，臭豆腐不會凍，外層皮也不會因為放久了而不脆。而且，咁多人買，保證我食到的，都是剛炸好不久的。加了豆辦醬去食，令本身已經香口的臭豆腐顯得更香口，外皮香而脆，內心熱熱的，腍腍的，香味是由豆腐的內心湧出，非常之惹味。好正，好好味，臭豆腐果然是香港美食之最。