小魚滋味 (Closed)

去到太子始創搵食時入左去小魚滋味我個人認為係一間不錯既餐廳價錢唔貴...野食又幾好食炸雞翼好脆呀豬頸肉好林好正個小型火鍋都幾多料而且 d 湯底都幾甜可以試埋其他既火鍋 ai...

今日同BB去左食中午飯, 雖然身邊既人噪左D...但野食都幾OK!可以值得再去下...尤其個魚湯都幾好味...飲得到無味精係入面!!!我地叫左排骨豆腐肉燥飯,同埋紅油雲吞肉燥麵, 仲有杯雪糕紅豆咖啡添...紅油係分開上的..所以唔太食得辣既朋友都照顧到!

是日剛落咗8號風球..無乜地方可以食個晚餐..所以係旺角這處.同友人叫咗呢個牛肉煲..都好好食..細細煲都夠二個人食..唯一係唔太得係我地叫麻spice..但落哂成碟調味都feel唔到麻..個鰻魚飯味可以但炒得淋咗少少..乾番啲應該好好味以晚飯價都可以的..

2007.7.18去食晚飯嘩!!要排隊等位.....差不多成個鐘都唔知點解咁多人?之前食過3次~今次再來幫襯今次叫左2人套餐$188冷盤:椒鹽茄子(幾惹味!!) , 蒜泥白肉(係薄片朱肉配蒜泥~凍食好香口!!)主菜:醬爆牛肉(好似同其他餐廳都無咩特別!),甜豆炒魚片(少少醒)<--餸名唔記得la!!配兩個菜飯(感覺上麻麻)甜品:薑茶湯圓,抹茶雪糕(兩個都好好味!)最欣賞係前菜~~~排隊係抵~因為呢度食嘢好特色同埋坐得舒服但貴左少少....

麻辣上海排骨擔擔面：好食，面同醬分開，湯底係花生醬加芝麻，濃郁有味，排骨好似豬扒，肥瘦適中，啖啖肉，共六塊，每塊滋味紅燒牛肉湯面：湯底真係超''魚''...味，正，紅燒牛肉大大舊，好似煲湯肉，大大舊朱古力：普通檸茶：正常服務態度唔好，無人招呼，可能兩點幾太多人

做完facial, 行過始創中心，BF話想食呢間野(佢話LUNCH成日都冇位), 入到去都幾好坐, 見到D餐好吸引 ^^, 不過最後都係散叫，叫左個"魚腐湯鍋"、"紅油北京水餃"&"豬軟骨飯"。紅油北京水餃–咪即係紅油菜肉雲吞，不過d味出奇地夾，唔錯唔錯。魚腐湯鍋–好得意，唔係好貴，好過大家樂,大快活果d，d湯清清地幾好味。但係d麻辣唔辣lo。豬軟骨飯–味道冇咩特別，但都ok，最緊要抵食ar ma ~食物幾好唔錯，但d侍應好得意，都唔出聲o既。收野前又唔問下先，都唔知點講佢地好。

鍾意去o個度食野係因為覺得佢 d 魚湯幾有魚味而且佢d 餐幾多選擇少o既可以叫個魚湯米線跟一個餸多o既可以叫d 二人餐、四人餐可以自選一d 小食同小菜價錢都算合理除左叫 set 之外每一次我都必定叫埋個小食拼盤佢其實係有兩款拼盤不過我每次都係叫豬頸肉 + 炸魚腐 + 椒鹽豆腐因為三樣野都唔錯而且份量都唔少見到好多人都會叫佢個怪味雞不過我自己就覺得冇乜特別怪味o既只係 d 醬，d 雞根本冇乜味o里度有少少相同大家分享http://eat-together.blogspot.com/2008/07/delicious-kitchen.html

昨晚兩人首次去"小魚滋味"食晚餐,點左麻辣魚腐湯麵套餐& 豬軟骨菜飯套餐,兩個套餐的食物都很美味,而且環境亦幾舒服,我地兩人對此店都留有好印象!可惜直到埋單O既時侯,O個個不知所謂O既收銀員,令我地非常不滿意,今餐埋單$106,開頭我地俾左$110佢..跟住我見褲袋有6蚊散銀,所以就俾左o個6蚊佢,叫佢俾返個10蚊我,點知佢即刻面露不滿o既表情,仲一手將個10蚊拋落枱面返俾我,態度其差,實在難以接受。咁o既服務態度,d野幾好食都冇用。

今日下午約朋友在這間餐廳茶敘,格調不錯,給人舒服感覺,適合談心.我叫紅燒牛肉湯麵,牛肉不un,可口,又叫薑茶湯丸(4粒),d茶味少辣帶甜,好特別,湯圓好軟,好過味川,正,個經理會解釋d食物特點,幾好,服務吾錯,下次再試其他野.

第一次聽見小魚滋味的名字,是我同事介紹的.主要食物與價格合理.於是上個月的週日有幸與女友親自來試.約七時到達,我們被安排卡位就坐.首先要讚揚一點是,所提供的坐位都是舒適的梳化,加上桌面寬闊,原則上坐四人也感到很自在.所以我們未曾擇取食物時,已很滿意當時的環境.我們從餐牌中選了:麻辣魚腐拉麵$33振江牛腩飯跟一碗魚湯$40基本上所有配料是分開上的.另加一窩餃子滑雞煲$55底下放置GAS爐不斷座熱的,有點像打邊爐FEEL.魚腐是餐廳招牌菜之一,不用多說.而麻辣醬用一小碟盛起,可隨加多減少,很顧及想吃辣又不能吃多的人仕需要.牛腩非常淰,汁料也很濃郁.餃子雞煲裏還有菜,草姑,金姑,烏冬等.不過所有都是限量似的,特別餃子只有兩隻,有點失望.雞肉一般,味道不算突出.而湯底也是用上魚湯,所以魚湯也混入其他配料味道.本應整體上己做得不錯,只可惜,他們在魚湯用上不該用的調味料─味精!照本人進食後口渴了兩整天的程度來看,也不敢多想,真的有點過份.服務不錯,至少有求必應.這一餐約$130,扣取味精分數,尚算合理.

兩人約七時到達, 不用等, 餐牌花多眼亂, 被二人套餐吸引著, 因為有四款, 價錢分別是$158 / $168 / $178 及$188, 基本上每款的組合都不一樣, 較貴的兩款可選三款指定小菜及二款小食, 較平的是二款指定小菜及二款小食, 另送甜品。由於第一次幫襯, 於是叫了以下的試試。小食滷水雞中翼–普通, 不過算入味。XX豬軟骨–不錯, 起碼軟骨真的是軟, 可以食到, 因為試過好硬的軟骨。小菜典香怪味雞–冷盤, 切得好大件, 無乜特別, 醬汁是紅色的薑蓉(分開上), 感覺上好似好辣, 其實唔辣, 唔知點解係推介呢。註: 整碟都是雞髀或雞翼馬拉盞炒什菜–都好多種菜, 而且好夠味, 稍為有少少咸左D。甜品薑茶芝麻湯圓–反而最欣賞個甜品, 因為一點都不馬虎, 薑茶夠薑, 芝麻湯圓好滑, 好好味。總括而言, 食物質數不錯, 又坐得舒服, 待應反應OK, 而且算有禮貌, 所以會再來幫襯的。

坐着玻璃旁邊的紅色梳化，很舒服，但其他位比較窄。食物方面，魚腐湯麵好吃，魚腐整得好好味，個湯底很有魚味，沒有加味精！另外我最欣賞是莞茜皮蛋魚片泡飯，非常美味，不過價錢就貴Ｄ，要成$53，另外有杯凍飲蘆薈小麥草蜂蜜，很有大自然的清新香味！值得推介！不過服務差D，侍應經常望唔到你！

成日食都會果間, 試過一次始創尼間...質素一樣。第一知食紅燒牛肉..有少少難食-.- 首先D 味又咸又濕, 同個魚湯米線一D都唔夾，唔知想點咁...另外, D 牛腩好似浸左十年咁...好林,但好難咬！係呢度試左杯"雪糕咖啡紅豆冰", 幾得意個味...不過個人黎講唔多好呢種咖啡味...果種好似係雀巢咖啡果D 味...杯drink $25, 個麵30蚊

食左麻辣魚腐湯麵套餐,有生菜一碟.麻辣魚腐湯麵及熱飲,麻辣醬另上,食物賣相都幾好,魚腐整得好好味,好少地方炸魚腐係0甘好吃的,價錢十分合理,地方環境都唔錯.不次行過附近會再試.

去到太子, 也不知有什麼好吃, 最後選了小魚滋味, 等了一會就有檯. 點了兩個假日午餐, 麻辣魚腐麵(可以改米線) , 魚湯底好淡沒有什麼味道, 所謂的麻辣只是加辣椒油, 有些被騙的感覺, 不過, 魚腐又真的好好味, 比起上次去魚米家好好多. 另一個是豬排菜飯, 這個沒有什麼特別.套餐有包一杯飲品, 咖啡好苦, 問了幾個服務員拿水, 等了也有10分鐘才拿來, 有什麼辦法呢? 激死人. 這裡的食物也算ok , 服務就真的有待改善.