小魚滋味 (Closed)

8-9-07晚餐7:00pm到紅磡都會廣場小魚滋味law位，我地一行3人，等到8:00pm先有位，大家以為好多人等位？唔係喎！！係門口個知客男"tony"比位好有問題，終於忍唔住同佢o曹，佢話有張二人，你唔怕迫就入黎囉，一幅唔優做模樣，入到去坐底佢重不斷比說話我地聽，話"d人個個食完唔走我都冇計架"恭喜你『小魚滋味』請倒舊大門磚為你地趕客，唔怪得你地平日門庭冷落，我話過以後都唔會再幫襯你地，幾好食都係假，更何況食物只係一般！！

七個人，要了一個四人餐，再加兩道菜，連兩個小食及四個甜品，五碗飯，埋單係$440, just ok la!食物一般，都係偏鹹，濃味，要飲好多茶。菜飯凍的。滋味雞都是凍的。那個推介菜，甚麼魚湯浸娃娃菜，無黎特別，亦唔覺好好味。主打是魚湯。甜品一般，湯圓及楊枝甘露，無咩特色。服務就真的要改，侍應們工作得很亂，不協調，不主動，只係想收你d野等你快d走咁。坐位又好迫，檯之間的距離很近。

11 August 2007 (Sat) - 晚飯行過唔知食乜好，同姐夫食咗個二人餐！都幾抵食，唔記得幾多錢，只記得唔貴，有兩個小食，兩個餸，兩個飯同兩個甜品！小食咗咗椒鹽豆腐同金菇牛肉卷- 椒鹽豆腐都唔錯，不過較多味精；金菇牛肉卷好鬼大件，姐夫話最好！餸叫咗椒鹽骨同魚湯- 魚湯係一流，大家都讚佢最好，個湯入面有魚有菇有菜，抵食；椒鹽骨同所想有出入，因為我哋都唔覺佢係椒鹽，而係．．．　生炒多啲？有獻汁囉．．．仲好重獻味，勁咸！飯叫咗一個菜飯一個白飯- 白飯菜飯我都喜歡甜品就兩個都要湯元- 湯元應該係出面買黎就咁煲嗰啲，所以唔會有問題！但呢度服務真係麻麻，應該話啲侍應反應好慢同埋遲鈍，唔係佢哋既錯．．．我明既．．．　但係好似真係唔太好記性囉，要嘢全部都要同唔同人講多次先會有．．．位就勁窄．．．ok啦，貪佢夠抵食！

香港越來越熱。下午走在旺角的路上，差一點就被烤熟了；逐來了這裡抖抖。　此店環境不錯，主要是有女生(包括我)很受落的水晶燈，令情調即時提昇。七一回歸關係，店內飲品全部特價$10，龍揀了原價$24的的雪糕紅豆冰。難得店方又不會將飲品縮水，雪糕紅豆冰份量巨大，紅豆煲得夠稔，飲品冰涼透心，實在很抵!　冰的飲料不可多嚐，我就揀了清涼滋潤的楊枝甘露($24)，味道可以，不過西米稍嫌過多，令質感顯得有點杰。不得承認，龍今次的選擇比我好。　是個不錯的飲料地方，食物就興趣不大；雖然套餐食物選擇頗多，但菜式由中、台到泰式都有，會不會太雜?

佛誕行街行到呢頭，見早早哋於是入去呢度食。當時六點幾，大把位揀，坐咗埋角落頭卡位。個卡位兩個人坐就唔錯，如果四個就真係逼唔落。兩個人食，叫咗一碗排骨菜飯，一碗滋味雞定唔知乜味雞菜飯，同一碟椒鹽豆腐粒。塊排骨意外地唔係炸到吉列豬排咁嗰啲，肉厚多汁，都唔錯。雞有少少似鼓油雞，兩個都係跟個魚湯。我覺得如果唔係好大食，應該都夠。

同舊同事去食, 坐低d位幾迫, 叫左1個豬頸肉米線and魚腐米線, 未上台已經閒到魚味(個湯), 但一飲發現淡而冇味(冇咸味又冇鮮味),但魚腐好好食, 又唔油; 豬頸肉個醬都好正, 酸酸辣辣咁; 叫左西柚汁and 奇異果汁, 西柚汁似橙汁,冇西柚味又唔會苦苦地, 極懷疑比錯我地, 但奇異果汁就好好飲, 見到人地叫上海排骨菜飯好似好正, 有機會會試下

有次叫了一份下午茶餐：擔擔麵配飲品。擔擔麵層油好厚，加上麻醬，滯死，好彩有杯無加糖的熱檸水。米食！

一人餐,有七/八款, 好就好在大部份餐都跟菜同餐飲, 唔洗好似平時d set dinner 咁, 餐湯加餐飲, 太多流質太多水啦,好易成肚水ga ma! 而且有菜又健康d 呢!餐有米線or飯, 菜飯加$5, 我要豬頸肉米線加$5轉特飲(柑桔薑母).一碟生菜都幾大碟, 米線就中規中矩, 豬頸肉同米線係分開上, 幾好呀, 唔會俾d湯浸淋晒嘛! 豬頸肉都幾好, 唔肥, 加埋d醬, 好味道! 杯柑桔薑母都好好wo! 幾大杯, 薑味適中, 唔會太辣同埋蓋過柑桔味.$40+ 一個餐, 都算幾抵幾好味呀! 服務就麻麻啦, 同埋d 位就迫d lor, 但都算坐得ok .

琴晚同朋友仔同埋佢ｄ朋友貪方便黎左呢度食飯一人叫左一個set全部set份量都好大有飯或者麵食,有一碟菜,一個主菜,有埋野飲都只係四十幾五十蚊都幾抵食分別叫左滋味雞, 咖哩牛肉, 紅燒牛展同白汁雜菌焗飯我只係食左滋味雞同咖哩牛肉咖哩汁都係大路貨色牛肉份量多但用梳打粉醃得過龍左無晒肉味但加埋薯仔,紅蘿白做配菜結果最後食唔晒滋味雞個味道唔錯俾左雞脾位d肉又滑係幾好食但就有d血水滲出就唔係咁好啦滋味雞同咖哩牛肉個餐都有魚湯跟味道好清好有魚味而且飲完我亦唔覺口渴係幾得人地既紅燒牛展同白汁雜菌焗飯賣相都唔錯聽講味道都ok紅燒牛展似茄汁味亦算炆得淋雜菌焗飯係炒飯底雜菌份量都幾多但個白汁就有d漏服務都ok反應快而且食物都上得好快但接近八點已經好多人等位喇p.s. 有加一服務費

同男友行行新世紀，又到醫肚既時候，就試哩間．可能新世紀無咩選擇，所以都要等一陣先至有位．終於有得入去坐喇，睇一睇餐牌，叫兩個餐＆一個小食：－上海排骨米線－魚湯底，幾好飲，排骨比較油．滋味雞菜飯（有碗魚湯送）－普普通通．套餐附送蠔油生菜一碟．小食拼盤Ａ：乾煸肉碎四季豆－油淋淋，滷水雞中翼－怪怪地，鹽酥茄子粒－好多炸粉，一般喇．套餐可揀飲品，雪糕或芝麻湯丸．我地叫咗芒果＆朱古力雪糕，好味．

點左個set lunch~炸菜肉絲配餃子米線~個湯底又話係鮮魚湯,我覺得冇咩料到~炸菜肉絲又重味精味,食得出多味精,真係幾嚴重!!好既就係餐廳環境舒服囉~不過都係冇咩招呼ga喇!set lunch選擇好少,冇咩特色,去茶記都多野選過佢~

40蚊有菜有魚湯有麵有甜品, 夫復何求!我帶過阿媽去食, 佢素來奄尖, 但都話D魚湯好鮮無味精, 一上菜就聞到好濃的魚味, 掂! 我叫左魚腐米線, D 辣醬分開上, 我不好辣, 但也試左少少D 醬, 好香好惹味.我又帶過男朋友去食, 佢話個滋味雞好好食, 無雪味, 好新鮮. 我食豬頸肉, 唔會太肥, 口感幾得意, D 甜酸醬加埋無得頂. D 生菜用水煮, 不會很油, 夠健康.薑茶湯丸好味, 夠暖胃. 總之一句, 抵食夾健康

the dinner is quite expensive and not tasty.滋味雞: cold. poor presentation and poor taste.桂花魚湯米線: very so so.

上次食已經係一年前o既事，o個時食物同湯都好好，個魚湯係好impressive。因為係平日o既關係，我地兩個人十二點幾o黎都仲可以坐4人卡位，坐以都坐得ｏｋ舒服（旺角算少有啦），但之後人開始多。今次我叫o左個蜜汁雞"paa2"撈麵，佢另送碗魚湯。個麵都幾好，好"林"，夠汁，ｄ汁唔會太濃，仲有好多雞"paa2"，唔錯。諗住最正o既魚湯留返最後先飲，點知好失望，味精o左同埋唔似係魚湯。朋友叫o左個菜飯set，有咕嚕肉同豆腐，佢話個豆腐就麻喇。佢話杯熱華田就太甜。都會再幫襯，但希望個魚湯可以去返以前個standard啦！

兩個人只叫了兩個dishes:魚香茄子肉燥飯同那個鎮店之寶怪味雞.茄子飯個汁好好食,醒胃之選,但份量則滿足唔到自己,飯連魚湯,不錯.怪味雞就如油雞,沒甚特色.