Delish King (Closed)

午餐又係屯門覓食中午唔算多人， 環境都唔錯，乾淨企理，亦多款午餐set供選擇。我叫左香煎鴨胸配蜜糖芥末籽汁配薯菜 $59份量唔多。薯菜幾特別嘅，本身以為係薯條， 但係佢係用細細個嘅薯仔，再用牛油同香草焗，淡淡地嘅咁。鴨胸唔鹹， 亦唔油膩，好適合補充蛋白質，做完gym啱晒。 醬汁甜甜地同鴨胸幾夾。午餐包埋杯杯熱飲，整體不過不失。

山長水遠去到屯門食咩好呢呢度新開左有間平靚正的西餐廳威靈頓牛🐮上枱熱辣辣，牛油香氣濃烈酥皮外層好鬆化，切開酥皮內肉質係鮮嫩粉紅色而且仲有用薄薄的火腿片包住牛肉食落口感豐富又有層次配菜係健康嘅紫薯片同薯仔、蘑菇等火炙石斑魚柳拼瑤柱金菇卷配實利士汁第一次食石斑魚柳仲有咁多配料啊😍😍石斑魚柳煎得剛剛好，皮脆肉嫩仲有好多瑤柱同蟹籽係魚上面配上獨製的醬汁同薯菜，味道清新又健康無諗過魚下面仲有隻煎蛋🍳絕對係一道吸收蛋白質的菜式前菜都包晒沙律同餐湯所有野都係自家製作大份夾抵食沙律🥗好足料大碗又新鮮餐湯係用新鮮雜菜煲的，好清甜飲得出唔係味精湯👍🏻👍🏻最好仲有甜品🍮係自家製布甸價錢方面人均消費都係百零二百蚊不算貴而且環境都坐得舒服😬

上個禮拜約咗朋友行街，佢介紹屯門有間隱細西餐廳，裏面嘅質素好高之餘價錢亦都唔貴，人均消費百幾蚊就有一個有齊沙律餐湯主菜同埋甜品嘅套餐，聽到都覺得好心動所以就去試吓！呢間餐廳係我食之前試過上網搵，我發覺對佢嘅comment都唔多，喺Google Map上面仲要搵唔到佢嘅資料，不過入到去餐廳嘅裝修都幾靚，而且佢都擺咗好多蝙蝠俠同埋英雄系列嘅模型同埋poster都幾得意㗎。佢套餐嘅選擇都好多，我同朋友都睇到眼花撩亂，最後我哋叫咗焗德國豬手配蜜糖芥末汁，紐西蘭西冷牛扒拼大蝦配紅酒汁，火炙石斑魚柳拼瑤柱金菇配賓利士汁，同埋炭燒安格斯肉眼扒配黑椒汁。 咁多樣之中我最鍾意就係佢嘅德國豬手，Size勁大，外皮超級香脆但係入口一啲都唔會好硬好乾，而且佢亦都唔會有豬嘅腥味，配合返佢哋自家製嘅蜜糖芥茉醬真係不得之了！佢嘅火炙石斑魚柳我都極度推介，一睇相就知佢用了極度奢華同埋豐富，石斑入口結實冇雪藏味，配合返炒香左嘅瑤柱同埋金菇卷，再加上加入左蛋黃，白酒同埋檸檬嘅嘅賓利士醬汁真係CP值極高之選。牛扒方面我哋今次叫咗兩款，分別係西冷牛扒同埋另外加錢嘅肉眼扒。兩種牛肉師傅都烹調得恰到好處，西冷入口比較結實但肉味濃

Set dinner 燴牛尾刀也切不入，呢啲需要炆，需要時間，應為換咗比你，就一定有信心，又唔見我去食旺角名寶石餐廳，我會說他們唔好食，又冇得簽卡，又冇冷氣，老細著拖鞋招呼你！咩餐廳，又要做「上菜」又做唔到水平，又冇質素！如果你哋去試！我覺得你自己決定！但係真心講「差！」

復活節假期第三天，今日Lunch突然想食西餐，諗起屋企附近有一間新開的餐廳，叫「Delish King」，一於去試吓，支持一下小店，去到餐廳見到午餐有多達10款選擇，比想像中多1️⃣ 紅酒雜菜燴牛尾 $65(配意粉🍝、羅宋湯、熱檸檬水)2️⃣ 厚切紐西蘭西冷牛扒 $62(配蒜蓉汁、意粉🍝、羅宋湯、熱檸檬水)整體來講：這間小店嘅食物，味道都OK價格💰：$129 ($65 + $62 + 外賣盒 $2)味道😋：OK

去完青松觀行行下見到間有outdoor既西餐餐廳便入去試試，裝修不錯，門牌design 都很別致，酒樽的燈飾都很美，還有一些擺設及畫，是很多男生喜歡的英雄人物吧最喜歡就是個outdoor,可以帶上竉物，一起進餐！食物質數不錯，價錢經濟，走進室內打卡時，感覺很舒適，應該是玻璃外牆關係吧，都不會有焗促的感覺！電視機夠大...好少在屯門區的餐廳見到放咁大部電視吧最重要是服務，很熱情的招呼，朋友的女兒都跟員工說說笑，不錯不錯，還有衛生情況都幾好，乾淨...這間餐廳值得再去...食物方面...叫左牛扒同豬手，牛扒嫩肉多汁，豬手的皮很脆口 ，而且另外上既汁勁正...絕配！仲有洋蔥🧅圈洋蔥圈呀⋯⋯真係唔係度度有得食...配啤酒🍻一流，仲要係堅脆的下次再去會試試比目魚扒