百匯軒

Open Now

Now Closed

星期日同朋友係馬鞍山頌安商場間百匯軒食晚飯🍚， 酒樓有好多海鮮優惠套餐，好抵食！👍👍 我哋叫咗個蒸紐西蘭蟶子皇餐， 有蒸魚同乳鴿 ，仲有兩個小菜， 揀咗咕嚕豚肉同炒菜！ 另外叫咗個上湯澳洲龍蝦伊麵$258， 海鮮好新鮮 ， 蒜蓉粉絲蒸蟶子蒸得剛剛好👍👍樣樣餸味道都唔錯！份量足夠 😋😋乳鴿肉好嫩滑，晤會炸得好乾，呢餐非常滿意！服務都好nice！👍👍見長腳蟹做緊$188一斤，下次再去食😋😋

今日三點同屋企人去飲茶門口姐姐叫我哋自己入去搵位咁眼見冇三四人枱，就坐低咗五至六人枱，加上又有BB車，免得坐路邊阻住有個阿姐走埋嚟話嗰邊有張細因為已經坐好左，我話唔使喇，呢度有把風扇涼啲(其實係間酒樓唔夠冷氣，先要擺把風扇長開)佢一聽到我咁講，即刻將把風扇向天花板👍🏻我就叫經理幫我較返低把風扇(佢過咗一陣又將把風扇向天花板)之後佢仲特登擺碗同杯喺另外多出兩個位,話有機會有人搭枱但我見佢個場仲有好多吉枱冇人坐我媽問，三點幾仲有人搭枱？之後我拎左一隻佢口中有人要搭枱嗰個碗用佢一見到係9秒9即刻走來發晦氣拎走左所謂搭枱既碗同杯其實明明係門口個阿姐話入邊有位，叫我哋自己入去搵位另外呢個呀姐唔知點解咁好笑，人地唔坐佢所講既位，就好似精神失常咁當然到最後茶客走得7788，冇佢所講有人要搭枱，冇佢所想咁生意興隆呢間嘢食物差不特止，員工態度更加差仲聽到隔籬枱投訴佢地嘅食物有問題

行過睇到38蚊1隻片皮鴨以為睇花睇錯，再一問之下原來真的，門口女侍應好好仲介紹話10蚊要埋壳，攞埋菜單俾我地睇睇，真係好多抵野食，我地2人叫多個涼瓜班頭腩$118，兩人食飽飽，超抵食，服務非常好，仲送糖水紅豆沙，紅豆沙原來非常出色。埋單$211好過去深圳食。星期一至日都有。仲有好多抵食野，例如波士頓龍蝦$138，唔記得影低，總之好抵，下次試埋下午茶。我覺得咁平一定要幫襯，如果咁平都唔幫襯，呢D酒樓會好快無晒。一定要支持香港飲食業。

下午茶$34兩個點心抵食，又熱辣辣唯侍應服務態度有待改善。全部野都好熱，非常好。有春卷紅油抄手、燒賣、牛肚都幾抵。下午茶趕埋數，咬住個包去比$，好唔享受，無下次。

多人聚餐都唔想再去呢度食，野食黎講，有部分都OK，平時一家四口，間中都會鐘意喺度食，但7位以上總係被安排坐大螢幕下嘅大枱，而該範圍的負責侍應一個做左好耐都好似新人咁，一個就只見過一次係有笑容，有對答，就係某次家中長輩生日，長輩高興派利是比侍應的一次，往後都係直接黑面對待，態度極差，有次長輩拎住個熱水壺揮手叫人加水，（有唔該前唔該後）然後長輩望住左邊，一直等人過嚟，唔知幾時，佢安靜到不得了咁行去右手邊，遞住手等，但黑住面咁盯住我家人，家人確實唔知道佢喺右邊等緊，所以並冇轉向右邊遞俾佢，但佢堅持係唔出聲，一直黑着面咁等，並露出不滿樣子，真頭暈，出句聲或者行去左邊接水壺好困難嗎？以為只係上次個侍應咁岩心情唔好，尋晚再去食，又係坐嗰張枱，又係態度非常差同黑面，真心唔想返工就留喺屋企過日子好無？唔需要你特別好笑容咁對待，最起碼唔係黑住面，當個正常服務員得唔得？

呢個休閒嘅下午，梗係要食返個休閒嘅下午茶嚟到屋企附近嗰條村嘅百匯軒酒樓喺度諗緊食啲咩嘅時候忽然諗起自己好似都好耐冇食過灌湯餃喇喎即刻嗌返一個試下先平時好多灌湯餃啦因為處理得唔好裏面個餡呢裏面嘅草菇冬菇都會有少少酸宿味而呢一間百匯軒嘅處理手法應該都幾好食落口嘅時候一啲酸叔味都冇裏面仲有鮑魚佢嘅釀尖椒鯪魚肉非常之好食亦都冇骨碎仲有一個唔知叫做炸蝦角定腐皮角嘅又係一樣非常美味奶黃包就普普通通燒賣隻蝦幾好食味道都教得幾好㗎不過啦佢個茄子炆伊麵呢就真係有少少辣會有小朋友嘅就唔建議叫因為應該落咗沙茶醬

立春郊遊完，返嚟同屋企人慶祝生日，本來諗住去茶餐廳食小炒，但係驚啲屋企人坐得唔舒服最後去咗酒樓食。來之前打電話問過有冇散叫唔食套餐，個知客吞吞吐吐話都有嘅。咁你就坐低，見到超伏大概90%嘅話都係套餐，散叫嘅話得返幾款。最後死死地氣叫三寶。先講講個三寶先，拼盤啲叉燒還可以，燒肉脆皮的，但係啲油雞同埋燒鵝俾d咩位你？另外相片嘅話有青瓜海蜇，成個拼盤係冇嘅。明白圖片係參考，但係下次都要醒水啲問吓佢有冇海蜇先如果有下次。另外平時龍𧄌兩味都係大概二百幾蚊，拼盤都係百零蚊，但係而家計埋加一係要五百幾蚊三寶性價比真係低。個清蒸龍躉，咬落去成口魚鱗，個西芹炒龍躉又變咗荷蘭豆，事前有冇同我哋講聲。屋企人唔食得豆又少咗尾餸可以食。另外嗌咗個XO 蚌片小炒王，成碟嘢得一塊蚌，仲要比三寶一碟嘅份量細一半。本來屋企人生日都唔想多出聲，但係實在忍無可忍太離譜。即刻叫經理過嚟睇吓究竟發生緊什麼事，最後佢取消咗，又食少一個餸，但一肚氣都飽晒。飲茶是正常的，但係晚飯真係不敢恭維。

今日同屋企人喺呢一度附近飲茶，就試吓呢一間嘅茶樓。假日嚟講佢唔算特別多人，拎咗飛等咗15分鐘就可以入去坐低。裏面嘅點心都係平時茶樓常見嘅點心，冇啲乜嘢特別，所以我哋叫平日食開嗰啲。沙薑雞腳，雞腳嘅硬度啱啱好，唔會太淋，不過唔好成碟沙薑倒落去會好咸奶黃包，熱辣辣，都幾好味。一打開個包奶黃會流出來。燒賣都大大粒，上嚟嘅時候都係熱辣辣。鮮竹牛肉球，配埋喼汁酸酸地都好好味。不過要留意嘅係要睇清楚佢哋落單，因為我哋係叫咗兩籠奶皇包，但上嚟嘅時候只有一籠

今晚諗住難得一家人食飯。叫咗d貴少少嘅食物～結果龍蝦、帶子、同斑仔都係死！龍蝦肉發黑同臭，魚肉霉、色唔雪白，魚眼唔凸。於是同老男部長講，佢死話新鮮，講好耐先肯換，但佢話明換就要等好耐，我諗住耐都好過食死魚喇～點知食完成餐都未嚟。埋單時同女部長講，結果佢見我哋要埋單，即刻攞咗隔離枱熟客（老男部長嘅麻雀枱熟客）嘅斑仔比我。男部長見到話女部長，女部長反駁話人哋走喇，再蒸過條比你枱客喇。好明顯我哋條魚冇再被落單喇！埋單9舊水，食埋哂死海鮮～大家都比同樣價錢。熟客仔就有新鮮嘢食，其他人就食死嘢～除非你識佢哋d人～唔係就真係要考慮吓喇～

飲茶点心即叫即蒸新鲜好过很多出名大集团的酒家！價錢公道唔抬高價實而不華👍。服务員態度真誠，個别工作都很快捷合作👏。屋邨酒家来説算是有超水準的食物和環境舒服的座位啦🥣😎。给4粒星評價⭐️⭐️⭐️⭐️

今個月生日，屋企人話近近地，就落左林樓下食飯當慶祝😚平時見呢間酒樓都會有唔同既優惠，不過都好小試😄見天時暑熱，就叫左個冬瓜盅，一齊消消暑😂我地四個人食，都每人可以飲到2碗，材料都有d帶子係到，都甜既今日就做緊好似$78片皮鴨，街坊價，都唔可以要求太多，算係咁，當然比起平時食個d係差好遠😂😂😂另外都叫左個龍蝦伊麵，龍蝦🦞麵算大隻，唔會話冇肉食，麵幾抵食呢個小炒皇就好似差d，好似冇咩鑊氣，花生都好似有小小淋左呢個佢餐牌話係得獎定招牌菜，但真係好一般，金沙鱔，但冇咩鹹蛋黃味，好乾身，同埋上菜即食都唔係熱既，只係暖暖地

講真比成千蚊食長腳蟹冇諗過d質素可以差到黐線，隻蟹嚟到好臭啲肉又唔靚又瘦又霉，叫部長過嚟話係品種問題……唔好玩啦當我地未食過咩，其他餸普普通通，放得入口，但一定唔會有下次。………………………………………………………………………………

因為母親節一早落咗訂枱，諗住近近地去呢d屋村酒樓！一早已經通知我有兩個小朋友，只有一張BB椅，交涉好耐才給兩張！我選最貴嘅款八人餐！但上菜只有六人份量！又交涉一輪！食物質素一般、員工態度差、價錢同食物不成正比連收銀呀嬸都惡過人！貼錢買難受！以後都不去呢間酒樓！

今日係母親節🎉，當然要同母親👩🏻食返餐好啦！我哋也米😍一家大細👵🏻🧑🏻👩🏻👧🏻一齊去酒樓食飯！由於我哋冇訂位，所以我哋六點就去咗拎位啦！我哋叫咗個套餐🍽，成個餐係$998，另收加一同茶芥。-🍴上湯焗澳洲龍蝦伊麵🦞(1斤4) - 基本上每次晚巿去酒樓，都會食一碟龍蝦伊麵，今次都唔例外😚。調味唔錯，好香！龍蝦數量都唔少，唯一可惜嘅係唔係好新鮮，龍蝦肉有少少霉🤭。-🍴金瑤原隻鮑魚伴鮮蔬🥬(6隻) - 有六隻鮑魚，食落似罐頭鮑魚，下面係生菜。醬汁唔錯，有乾瑤柱調味。-🍴即日豐料燉靚湯(1盅) - 目測好多油浮係面😨，見到湯渣有西洋菜、雞腳、魚、南北杏，所以也米😍推測係西洋菜湯🤔。-🍴醬皇翡翠炒蚌片(例) - 翡翠係指西芹，除咗會有象拔蚌片之外，仲有魷魚片同三色椒，令到成碟嘅顏色非常繽紛😆。調味幾好食，店家亦會提供一碟蠔油比客人點象拔蚌片同魷魚片。-🍴清蒸生猛海石斑仔🐟(1條) - 魚嘅製作時間係最長，差唔多食到最後先上枱。調味正常，不過略嫌可能蒸得太耐，魚肉有啲過熟🤭。-🍴金牌一品脆皮雞(半隻) - 依個好好食😋！喺屋企好難整到嘅菜式，雞肉煮得啱啱好，而皮係脆嘅，好香口🤤！

終於等到4月1～諗住入去外買2隻，收銀姐姐話要堂食。姐：外賣要收正價，遊戲規則我：廣告無寫堂食，亦無寫外賣，唔係加10就可帶走咩?咁茶位幾多錢位？我坐底比錢再拎個盒帶走可以嗎？我比埋茶錢同個盒錢你一次過計，咁樣又得唔得？姐：公司規定唔得，已經無得賺。咁我個時間就出左去影張廣告相再搵佢慢慢傾。入到去見到經理同收銀姐姐講緊頭先既問題 咁我當然走埋去據理力爭啦～我：經理，你好～個鴨係唔係要堂食？經：如果你要外賣就要收正價，堂食帶走要收正價，因為特價野你食唔晒要倒左佢，總知唔帶得走。我：我食唔晒帶走都唔得？特價物品就唔得？打個比如咁早茶特價點心加個盒帶走又點解又得？點解我比錢你可以倒我d食物？仲有商品條例woo.......經：總知就唔得，唔想同你嗌.......我只好走人。 回家上fb取暖 × 食自己