Video
1-min walk from Exit B3, Kwun Tong MTR Station
continue reading
Telephone
36222761
36222771
Opening Hours
Today
12:00 - 15:00
17:00 - 23:00
Mon - Sun
12:00 - 15:00
17:00 - 23:00
Above information is for reference only. Please check details with the restaurant.
今日約咗朋友觀塘食飯，朋友話今日做嘢咁辛苦，要食餐好嘅慰勞下自己😂， 我提議食放題， 觀塘真係好多好嘢食，淨係放題都唔少， 最後揀咗地理位置最方便嘅極尚大喜屋， 呢間放題真係超方便，地鐵站行過嚟幾分鐘就到， 去到餐廳差唔多滿座， 不過好快店員已經安排到位置畀我哋👍呢間放題超多嘢食，未行到埋枱已經見到自助區好多款式嘢食可以選擇，小龍蝦、東風螺、彩茄、麻辣杏鮑菇、魚皮、豬耳、泡菜、中華沙律、螺肉、八爪魚、章魚小丸子、炸雞、湯品等，仲有小朋友最鍾意嘅爆谷同軟雪糕😋， 嘢食多到不能盡錄。飲品方面，選擇種類也不少，除咗冷熱飲品之外，清酒、啤酒任飲，啱曬我好酒嘅朋友。另外，qr code 落單仲有其他豐富嘢食，乳鴿、 避風塘瀨尿蝦、黃金佛跳牆、醉鮑魚、黃金焗帶子、炭燒廣島蠔、魚生、壽司、天婦羅……等等。落咗單後，上菜速度都好快，魚生厚切得嚟新鮮， 我哋不斷encore😂， 有好多創意壽司，其中海膽三色撻我就最鍾意，用紫菜壓成兜狀，上面加上壽司飯、海膽、吞拿魚、三文魚子，再加咗配料，正👍。炭燒廣島蠔又係勁like，肥美多汁，蠔上面加上生熟蒜蓉，味道調教得啱啱好，好惹味👍, 黃金佛跳牆啖啖花膠好滋潤滿足。#觀塘放題 #放題 #日本菜 #官塘 #仼食 #大喜屋放題 #極上大喜屋 #刺身 #壽司 #雪糕仼食 #啤酒🍺 #鱷魚恤中心
continue reading
📍食過咁多次，大喜屋係性價比最高嘅日式放題，仲成日換新menu，今次入去仲見到自助區除咗有當造嘅蟹肉豆苗，仲有佛跳牆食！刺身就有大路食開嘅三文魚、油甘魚、帶子同赤蝦嗰啲，而家松葉蟹腳都有得食。今期新出咗海膽三色中餅同韓國蟹黃醬之戀，兩款用咗脆餅同好抌本都用咗海膽同蟹膏，好食得嚟打卡又啱！壽司就試咗拖羅、龍蝦沙律大蝦卷、XO醬鵝肝和牛同鰻魚玉子漢堡，就正常發揮。回本之選一定要叫鵝肝多士、燒廣島蠔同帶子，廣島蠔落得夠多生蒜同埋炸蒜，燒得又多汁好好食。凍凍地想暖吓胃，仲有蟹粥、鮑魚飯可以叫，我叫咗壽喜燒牛肉鍋，熱辣辣個底仲有好多菜可以食～ 最後一定要食Häagen-Dazs同埋Movepick雪糕，竟然有五隻味可以揀都幾多。
continue reading
新年就黎到, 今日同家人提早食團年飯, 黎到鱷魚恤中心嘅極尚大喜屋任飲任食😊 餐廳位於觀塘，地理位置好方便，裝修時尚闊落! 餐廳主打日式料理任飲任食🍤，壽司、刺身、天婦羅、炸物、小食、創意料理都應有盡有,連燒乳鴿都有, 照顧埋長輩們嘅需要🥰 呢度整體上菜出度夠快, 食物質素又夠高, 食物種類仲夠多! 出面自助區仲有好多野食同野飲, movenpick同haagen dazs更係任食，真係食多幾杯都已經回本😍! 飲品選擇都好豐富，多款酒類、無糖茶、汽水、果汁等都係無限暢飲🍹仲有爆谷、小龍蝦、佛跳牆、角色水果、前菜、甜品等，真係好豐富，食完第一round 已經勁飽😆
continue reading
✨大喜屋（觀塘）同男朋友都係觀塘個邊收工過黎開餐😛 我哋中意食下放題貪樣樣都可以試少少 加上見佢地更新左menu🤭飲品除咗一般嘅嘢飲之外，仲有珍珠奶茶🧋洛神花茶等肚餓嘅我地即刻order左刺身先刺身新鮮 三文魚 帶子 榮螺好好食～黎親食放題都起馬要叫2-3round!!😼♥️熟食類乳鴿都幾好食 皮脆肉嫩灸燒壽司類都唔錯醉鮑魚吸收曬酒香和醬汁嘅味道 肉質鮮嫩又好有酒香 個人幾中意😛榴槤控必叫嘅燒榴槤 好香甜～薯仔牛柳粒，我哋都叫咗兩次～牛肉軟腍又好夠味 呢度嘅甜品除咗有Häagen-Dazs仲有Movenpick ～仲試咗我一路未食過嘅薄荷朱古力味😍除咗雪糕仲有朱古力蛋糕同芝士蛋糕 各式各樣甜品任君選擇～
continue reading
［📍觀塘｜極尚大喜屋］唔經過觀塘都唔知 原來鱷魚裇大廈都幾多野食今次就揀左好耐都食既極尚大喜屋😋二百幾蚊可以食足咁多個鐘 性價比都幾高呢到既食物 甜品 飲品 依舊都有非常多款式🥰樣樣外貌都好吸引 真係會多選擇到唔知食邊樣好先🤣🦐 自助區自助區已經有前菜 小炒 同 生果比大家任夾前菜除左介紹過既蟲草花老火湯 依然水準非常高今次試埋佢地瑤柱扒豆苗 呢個菜質素好有驚喜豆苗好夠新鮮翠綠 唔會煮得太老 完全冇黃哂既情況菜身好夠嫩滑 而且個上湯好夠鮮甜 瑤柱味好夠香除左蟲草花湯必飲 呢個菜都好值得試試佢🍣 刺身壽司類呢到既刺身壽司質素高已經唔洗講 選擇仲好多元化除左夠哂新鮮之外 刺身仲會有唔同既貝類選擇😆特別要讚下佢地既原隻粒貝 呢款刺身唔係成日見到唔係間間放題都會有得食 口感好爽脆 好鮮甜😛另外佢地既壽司 呢到既拖羅吞拿魚壽司好夠油香完全冇筋 一啲都唔腥 一啖一舊 好滿足🥰🍖 燒物炸物類食呢到既刺身壽司之外 大家都一定會食過呢到既炸物呢到必食炸物非芝麻雞翼莫屬 食左咁多年都係咁出色另外必食既仲有燒菠蘿 同燒榴槤 二樣都燒得好好味😆榴槤愛好者記得要留肚黎食 呢到既榴槤絕對冇求奇🥰榴槤非常夠大粒 口感好creamy 生熟度岩岩好食落好夠香 完全唔會有冇味勁淡味既情況出現😋當你食到咁上下 想清新一下 就係燒菠蘿出現既時間呢到既燒菠蘿 燒到岩岩好 唔會乾哂 酸甜香味夠哂🥰🍰 甜品區食到差唔多尾聲 當然要睇下有冇甜品好食😛呢到除左有蛋糕仔 泡芺仔 仲有雪糕 雪條 同爆谷🥰雪糕全部都係出名好食既牌子 仲要唔係得普通既味道Häägen-Dazs雪糕除左朱古力味 仲要有夏威夷果仁味 入面食到一粒粒既果仁 未食過既見到真係要食下啊🤣另外爆谷又係一大亮點 好少可見到咁大部爆谷機任拎大人小朋友見到都會覺得好開心 食到最後拎返杯食🤭絕對可以為呢一餐飯 畫上一個開開心心既結尾🤣
continue reading