特式三文治專門店 (Closed)

2008年2月27日，Deluxe Sandwiches Express無乜胃口，叫了個蛋牛治，連朱古力，15元，蛋牛是弄在一起煎過，所以蛋比較熟，我比較喜歡滑蛋。不過中午有位坐又唔會遭人白眼（幫襯得少），灣仔都無幾間喇掛。

2007年10月18日，Deluxe Sandwich Express。成了這兒常客，無他，因為夠cheap。焗薯：20元包飲品。薯仔我覺得不是焗，是先烚後焗的，不是很靚很大的薯仔，但夠女仔食。熱狗：有美式和意式，試了美式，我說是港式，portion大，15元包飲品，抵食。它的潛水艇很大份，每次都要拿一半走。香草雞扒意粉：最唔鍾意呢D 成pat汁意粉，好唔鍾意，sorry

2007年8月27日。Deluxe Sandwiches Express。好想食意粉，於是再來這裏，今天選了：茄子肉醬寬條麵。要25元，比上次叫的窩蛋肉醬貴5元，好像有D唔抵，寬條麵稍稍腍，麵條一捲都會斷掉，但對愛吃腍意粉人來說應該這才是好吃（當然不包括我）。但未算差，OK啦。份量也是OK的，不吃其他，斎一個意粉都夠飽。

2007年8月14日。Deluxe Sandwiches Express 。這裏是快餐廳格局，所以堂食也用膠飯盒，是我最不喜歡的地方。叫了窩蛋墨西哥肉醬扁意粉（$25）和南瓜番茄雜菜湯（$5）。意粉份量足夠，扁意粉的硬度也不錯，肉醬多，但有點點羶味。最初看不到窩蛋，原來放到一旁，不是很靚的蛋，又是生的，有點憂慮。南瓜番茄雜菜湯，單聽名字很吸引，但買相就很一般了，味道也並不出色。但以這個價錢就算不錯了。

本來想同朋友去高級餐廳食午餐，點知盡欠天時地利人和，加上朋友好餓，就到朋友成日食的快餐店食。朋友點了熱狗，比平時的大陪幾，見到以為錯到大人國，真係食大半已經足夠。我點了蒜香雞扒飯，雞的水準一般，汁都不是好濃，但是於那時那刻，才明白食到水準穩定的一餐，原來已是上天的恩賜。

14蚊有包有凍飲仲想點??四圍搵睇下有冇d舊式快餐店, 佢都幾似樣, 就去馬. 想搵漢堡包, 搵唔到, 只有芝士煎蛋漢堡包,豬柳漢堡包, 火腿煎蛋漢堡包.心諗咁犀利,普通漢堡包仲要加咁多野, 好抵喎............三分鐘後, 一個用舊式紙袋袋住o既芝士煎蛋漢堡包送上, 好緊張, 戰戰兢兢咁打開個袋, 咦~~~~ 點解個餡咁薄o既?? 件homemade漢堡扒呢?? 點解冇o既??? 到呢一刻先知道漢堡包係指個圓形o既包,唔連肉o既.. 此刻想死... 點都好喇, 都係要食, 好彩個包底面有煎過, 小小脆, 芝士又俾d煎蛋熱溶左, 好似食飛碟咁.ok喇. 只係有少少被騙o既感覺o者... 仲有杯凍奶茶, 比較淡...

本人因為想食健康一D，所以呢排都幫藽佢地。佢地嘅食物食得出冇落味精，材料新鮮。對想食得健康而在咐近嘅上班一族來講，比起去潮興食D化學乜丸物丸河，又或者咐近D致癌燒味飯，就有益及健康得多。之前讀到D食評話D嘢冇セ味，order嗰時可以叫佢地寫多汁就会好味一些。但係佢個湯就真係同水冇セ分別。同D滾菜水一樣。如果係上班lunch時間來食就会好迫，而外賣都要起碼等15-18分鐘。就好似我今日係33度高温係佢地門ロ等咁。

今日早上到灣仔工作,所以係附近食早餐,見到超值的早餐所以即管試試,一份三文治包飲品只是十元,好抵呀!但係飲品只有兩款選擇,熱咖啡和熱奶茶,其餘飲品就要一加兩元,如果三文治烘底便要多加一元.這裡的麵包極之新鮮,食得出好軟熟,就算烘過都食得出,簡直一流呀!如果下次有機會我會試試他們的午餐或者tea,因為我看,到這裡有很多不同款式的意大利粉供應呀!螺絲粉,長通粉等等.太好了!但較為遜色的是地方太過狹窄了,我想平日午飯的黃金時間我一定不會在這裡進餐.太辛苦了!!

28/2(二) 2:30pm今日晏晝黎左呢間小店,食左個tea set:南瓜蕃茄湯底既什菌煎旦米+咖啡$16.湯底果真吾馬虎!南瓜及蕃茄味頗香濃,灑上香草,什菌有牛肝菌,秀珍菇,雞肶菇,亦是製作認真!米粉用上台灣新竹米粉,咖啡反而吾夠香濃,但$16食到如此高質素米粉,實在難得! highly recommended!

今日12點左右一丁友行左過黎食lunch,今次要左白汁燴吞拿天使麵$22,吾算貴,但頗足料,幾多吞拿魚,而且有生菜同翠玉瓜,食落都健康d!天使麵煮得恰到好處,總括黎講味道不俗!recommend!

朋友強烈推介,點都要試.叫個tea set,燒雞番茄三文治+凍華田.估計做法係將雞肉燒熟切粒,加入玉米粒,香草,沙律醬等攪混雪凍備用.有order時將之塗在麥方包上,再加上番茄及生菜而成.所以喱個三文治係凍凍地.食落相當清新,塊生菜咬落去"索索"聲,感覺材料極新鮮.好正!

上星期六特地黎試過雞絲菜米+凍檸茶($18),今日再試茄蛋治+奶茶($10).雞絲菜米個湯係蕃茄南瓜湯底,少少南瓜片o係面,蕃茄唔算濃,頗清淡.加埋椰菜加埋米粉感覺上好健康,唔錯.茄蛋治出奇地咁多蕃茄,$10連飲品真係超抵.

今日lunch行左過黎呢間小店試試,叫左個窩旦肉醬扁意粉$20(可改螺絲粉,angel hair,飯或寬條麵)加$5有熱飲/餐湯,果汁加$6,價錢都幾經濟!size吾算大,用一個長型既膠盒裝住,肉醬都頗多,意粉亦有口感,吾錯!佢仲有sandwich,submarine,焗薯set,下次可以試試!

前日同朋友仔去這間餐廳食lunch,望入去以為無位,正想走時店員姐姐話入面有位,就入左去啦 但係間鋪真係好細......要搭檯仲要擺個袋o係大腿上,實在太迫>.< 跟住我地就叫左鮮茄雞排扁意粉($22)同白汁吞拿魚扁意粉($21),另外要左兩柸細西瓜汁($4x2) 我叫o既雞排扁意粉有好多雞排,o的雞煮得o岩o岩好,唔錯,而個扁意粉都無過淋(好彩無叫螺絲粉,因為望落好似好淋)不過我最鍾意個汁,一食就知係用新鮮蕃茄煮,仲有少訐蒜蓉味,最重要係個汁唔salty,可能男仔會覺得淡,但係食得清淡點都好過食得鹹呀>o< 而柸西瓜汁就無咩特別,不過好過飲咖啡,奶茶o既

某天中午，大伙兒要留守公司跟海外同事作「電話會議」。午餐飯盒便交由祕書小姐辦理。灣仔區食肆不下於一百間，她大小姐千挑萬選，選中我至至至討厭的這間「老翻麵包樹」！跑入會議室，對著那十二份意粉，即想起那淡而無味的味道、「淋」如糊仔的口感，不寒而慄！隨手取一盒，打開才知道其名堂：「香草蕃茄西冷牛肉扁意粉」，價值廿塊錢。內有一個半飯碗的扁意粉、約六片燒牛肉薄切片、西生菜塊，汁是香草蕃茄汁。除了意粉外，牛肉和汁料是「淡茂茂」的！幸虧，茶水間有一支辣椒醬，否則，連三分一盒都吃不下。同事的泰式茄子、香草肉醬、香草雞柳都是色香味欠奉，無論是螺絲粉、天使麵、意粉、還是我的扁意粉，都是煮過火，超「淋」！其中有一盒是香草肉醬配白飯，那白飯是水分過多的「爛飯」。見他老哥，真的像在吃「香草肉醬粥」！有趣的是，正當各男生食到扁晒咀之際，在場的三名女士邊吃邊讚好。怪！因為吃不飽，未夠四點鐘，我們巳經開始傳閱外賣餐單，點了「財記」的煉奶西多士！