沛公甜品 (Moved) New Location

佢開左一張檯仔俾我地3人，我地order左︰曲奇千層蛋糕︰呢個係最好果個，但cream同oreo既比例真係一面倒，太creamy~榴槤千層蛋糕︰除左cream、好甜同埋佢既香味，我實在係食唔到有榴槤肉...芒果布甸($15兩件)︰芒果肉唔多，只有數粒，甜左d~ 問佢地拎花奶，佢地話冇得提供~但我不得不承認即使佢話唔會提供芝奶，但佢有好香既花奶味~PS. 其實我係好鍾意食甜野既人，真係無甜不歡，但佢地既野連我都覺得太甜...

早前的打擊早已拋諸腦後，近來對於烹飪幾著迷的，週末有時間都選擇留在家中，親自下廚炮製各式中西美食。　而幸運（還是可憐?）的白老鼠除了我家相公，還有各方前來house-warming的友人，包括4月壽星的yvonne，順便也為她補祝生日。老實講該晚菜式水準一般啦，反而由荃灣歸來的壽星主動帶來沛公甜品，真感激她的心意：　朱古力千層班戟($18)-曾留意過這間甜品，一直以為是多年前金龍船（已結業了）的水準，原來千層蛋糕是加倍的薄身細膩、口感又輕柔，幾討好的。雖然朱古力的千層與忌廉，均沒有濃重朱古力味，但勝在加入了朱古力餅碎夾心，豐富了整體口味。不過忌廉比例始終較高，多吃感覺幾膩的。　榛子千層班戟($20)-原味千層配上細膩香甜的榛子忌廉，口味相當細滑吸引，初吃頗有驚艷感；然而甜度較朱古力味更高，多吃幾口感覺更為膩滯，甜魔吃到半場也要停一停、抖一抖，才能將之KO。　菠蘿啫哩($?)-不用吃，只用小匙一筆，就能感受到充滿魚膠粉的硬身質感，同時口味也不見吸引，大家都是只吃一口就放棄了。據Yvonne講，她試了一款堂食布甸，也有相同硬身問題，看來這類產品該要避而遠之。　撇除啫哩不理，沛公的水準比預期

俾左個門面吸引左我去睇甜品....呢間店主力賣...蛋榚.布甸等....我買左個14元芒果布甸...芒果肉足...不過我覺得好甜.....甜到的味....好似搵芒果啫喱粉做呢點扣分

四月四日 (星期日)來到荃灣,我們每次都會探沛公!今次堂食我如常點了曲奇千層蛋糕如舊的充滿着很濃的曲奇味蛋糕很鬆軟老公仔則試了新出的石板街千層蛋糕有很多很多的棉花糖最可惜也有很多很多的合桃碎-老公仔不太喜愛的整體感覺尚可罷回家途中,與老公仔玩了兩回Monopoly Deal...頗有趣的玩意!

3/4(六) 9.30pmPasta de Waraku後記,到了"沛公",吃下榴槤千層蛋糕.$24一件,蛋糕的層次有序,餅皮,忌廉及榴槤,集幼滑及濃郁榴槤香於一身的千層蛋糕!阿梁臨走前外帶了芒果布甸$15兩件,聽說也不俗呢!

果日夜晚同老公去左沛公食甜品...我叫左個榴槤千層班戟...老公叫左個榴槤布丁...2個都好好味牙2個都好鐘意食牙老公就泥生日喇...買邊個蛋糕比佢好呢??禮物盒好牙定一 心一意好呢??點算好呢??

其實之前好幾次去荃灣都想去試吓呢間啲甜品，今次終於都食到喇！好開心...... 不過始終都係突如其來，而且啱啱我地果晚坐嘅位置背光，所以最後都冇影到相！我自己就叫咗個『榛子千層班戟』，而我Honey呢就叫咗個『青檸芝士千層班戟』，當然我都會試食吓佢叫果個啦！青檸芝士千層班戟 <--- 個感覺幾好，幾清新，同埋我覺得佢陣味道有少少似NY Cheese Cake，但就冇NY Cheese Cake咁濃！鍾意食好濃味嘅人絕對唔會啱食！榛子千層班戟 <--- 榛子味好濃，好好味，不過食哂成件就真係會好飽！***強烈建議一心去食千層班戟嘅朋友們，去之前千祈唔好食咁飽！如果唔係會好滯！下次一定要試個 --->『法國栗子千層班戟』同埋『心花怒放』至得！ ((((((其實仲有好多好多想試))))))

10年1月23日（星期六）晚，因為之前不小心把電話跌在街上，是日下午我特意拿新買不夠一個月的「唉風」去維修，但萬萬想不到新電話竟然要報銷，心情既錯愕又失落。和女友會合後，陪她到荃灣處理公務，待女友辦妥公事後已差不多接近九時了。因心情欠佳以致沒胃口吃晚飯，所以逛了很久也想不到吃哪裡吃，於是把心一橫，就和女友去吃甜品，一於甜品當晚飯。因為不想和別人迫，所以刻意帶女友來這裡，這店地方很小，店內幾乎全是工場，檯椅座位就等有客才放在街道上，店外還放了兩個雪櫃，擺放了各種的千層班戟和布甸等，供客人觀賞選購。女友看完後就想試曲奇千層班戟，還點了杯蜜糖好立克，我就點了「白裡透紅」。曲奇千層班戟的“層”數不少，不是那種求其兩、三層就叫做“千層”，口感幼滑豐富，若味道再濃些就更好；白裡透紅是椰汁“腸粉皮”包著紅豆蓉，椰汁皮很滑，可惜同樣是味道不夠濃，紅豆蓉煮得剛好，不太腍和不太甜，食落既有口感而甜度亦適中；蜜糖好立克是杯熱飲，難得能夠嚐到蜜糖味之餘亦喝到好立克的味道，不過可能要平衡兩者的味道，始終覺得蜜糖味較好立克的味道濃。女友在處理完工務和吃完“正餐”後感到很滿足，亦開始覺得有點倦意，埋單後就送女友回家

今日食完晚飯就去沛公食甜品;難得黎到荃灣就梗係抱住好大期望啦!點知;都係失望而回!黎到見到個櫃有好多千層CAKE!但係我想食果D又冇晒{M&M同埋BLUE BERRY}唯有企O係個櫃面前成5分鐘諗下食邊件本身想食HAZELNUT;點知突然俾我見到朱古力皮芝士千層係有我最愛O既芝士牙梗係即刻要左呢件啦!!之後提左件朱古力皮芝士千層就去搵左間M記坐低食本身滿心期待O既我;吉落個千層度仲好HIGH!因為窒窒下咁;1屠層O既朱古力皮KICK住嘛!擺落口啦!!................第1個反應..好難食!!!冇乜芝士味又冇乜朱古力味..完全吾知自己食緊乜雖然食食下係似食緊芝士蛋糕;但係...食左大半之後..放棄!連男朋友都頂吾順牙!!仲要食淨左!!!真係好曬野!舊野仲要成22蚊...真係好吾抵!!睇黎呢個就係吾睇晒所有食評而膽粗粗去試新野O既下場啦...唉

繼上次到訪過後, 小妹和爸爸都喜歡上千層班戟 =v=今次爸爸在荃灣收工, 特地走1趟~ 買了3件不同味道~~ 草莓 / 日本青莓 / 石板街~石板街是現在promption +$10換購的~~日本青莓是爸爸有興趣想試的味道, 就先吃這個~。皿。"" 粒粒青莓, 正如樓下食家所言是吃得"索索聲",, 而且酸得來又帶點兒鹹味...像吃欖菜...爸爸還問是不是他看錯其實是"日本青欖千層班戟" = . ='''又不是說很難吃... 只是實在很奇怪... 實在不推介大家嘗試_____=草莓味是大路的好味道, 夾雜著鮮草莓果肉, 不過cream份量佔多比較漏~是比較穩陣的選擇~~~期待下回再試別的味道~~~~

尋晚24-1-2010(Sun )家人返o黎食晚飯,咁o岩喇,我就o係o度買幾件千層班戟畀屋企人食,大家開心,連同男友都過o黎,一共八個人,咁預每人食半件,我就買o左4件唔同味啦.揀咩味好呢?就$18.00o既日本青莓千層班戟,$18.00曲奇千層班戟,$20.00o既m&m’s千層班戟同$22.00o既藍莓千層班戟啦.終於到夜晚食完飯,一家人一齊食喇,粗略地每樣執啲咁分8份,我先試m&m’s千層,朱古力味唔太多,亦唔甜,而m&m's都唔係太硬,一般.到曲奇千層,食唔到曲奇味o既?而且同m&m’s千層冇乜分別,有啲被搵笨.日本青莓千層,好好奇呢個會係點,有好多青莓,食落,味道係鹹鹹地,重'o索'"o索'聲,同o個啲'口立濕'冇分別,呢個夾咩?個個都覺得怪.最後係藍莓千層,藍莓唔多,又唔太甜,好一般.今次揀o既味道好似麻麻喎.

前日20-1-2010(Wed )突然想試呢o度o既千層班戟,於是放o左工特登走o黎買,我企o係o度睇,有好多種口味,我決定買$18.00o既石板街千層班戟,$20.00o既榛子千層班戟同$22.00o既青檸芝士千層班戟各一,o岩o岩好$60.00.揀o左後,唔知係女員工定老闆,佢話o衣o家買任何一件千層班戟,只加$10.00,就有一件石板街千層班戟,即係o衣o家我要多一件就得,啊,咁好啦,total$62.00有四件.返到屋企,同爸爸,男友食完飯,就急不及待拎出o黎,留一件石板街千層班戟唔食,拎另外三件出o黎,分勻佢,咁就每人食一件三種味o既千層班戟啦.分好,可以開餐喇.我先試石板街,佢有好多杏仁碎,幾粒棉花糖,cream o既口感鬆鬆地,朱古力味唔太濃,可以.男友一試就大讚好食,重問有冇分店,話要買畀同事食,我睇睇單章,係冇o既.而青檸芝士千層班戟,唔知係咪有芝士,呢個口感實啲,相對起呢個覺得漏啲,而兩種味都食得到,三個之中呢個味道清新啲啲.最後到榛子千層班戟,淡淡o既榛子味,呢個忌廉口感好似係三件中最適中,唔實亦唔太鬆.三種味道都唔甜,重咁o岩被我o地試晒實,適中同鬆o既口感.但

某曰行經荃灣,見到一間之前已很想去試嘅甜品屋,而且見宣傳單張裹面的圖片好吸引及對榴連特別鍾倩,就叫了一個所為嘅(榴在心中),~@~雖然一碟只得二條,但如果用料十足,我都會覺得值得一試,~~~~~~~~~但試後,裹面竟然揾唔到有榴連肉只得忌廉,我以為店員拿錯了給我,就向他發問----聽後,就覺得比人呃了,原來是將榴連肉和忌廉混在一起,我用叉反了又反才給我揾到一粒好似芝麻咁大嘅榴連肉,其如全部都係白雪雪嘅忌廉,連榴連味都冇,如果唔知道係用榴連整ga,以為叫做(忌廉在心中)因為只食到滿口都是忌廉,就似政府教人用1比99嚟消毒咁,真係未食過咁差差差嘅甜品,其他嘅甜品都冇膽再試啦~~~

即使長長的人龍也無損我想吃甜品的興致...因為唔係我去買...XD★杯芽好立克鮮奶布丁～好驚喜既味道！仲好過飲好立克！★榴槤鮮奶布丁～雖然有少量榴槤肉...但味道不及好立克味！★石板街千層班戟～有果仁粒有棉花糖...都唔算好漏！第一次係呢度買甜品返來食...都唔錯...以後唔洗再成日去許留山囉...下次想試埋其他口味！

呢日同個同學黎呢間食甜品，呢度算幾出名千層蛋糕。我俾佢吸引左唔知幾多次啦。朱古力千層蛋糕呢個唔算太甜，朱古力味算幾重。好香同好滑，忌廉又落得唔算太多，唔係就好漏。真係唔錯架。石板街千層蛋糕呢個都唔錯，係比朱古力味多左棉花糖同果仁。呢個比朱古力味更好食，又有d果仁同棉花糖，好有咬口。呢餐甜品算唔錯，雖然要二十幾蚊一份。但真係物有所值，實有下次既。