沛公甜品 (Moved) New Location

今日去荃灣 咁岩經過沛公甜品 搞特價每件＄9 我就買咗北海道牛奶布甸同埋綠茶千層 個布甸冇牛奶味 仲要太甜 嗰綠茶千層冇綠茶味 d紅豆搶晒啲味 如果唔係搞特價 我覺得唔值得食 好伏

沛公甜品未搬鋪前,曾經光顧過1次~果陣買左最出名的胚牙好立克布丁, 講真~真係好好味呀~我本身都好喜歡好立克,配上布丁的甜品實在相當特別~很香滑,而且濃濃的好立克香味呢!!再加上胚牙,更加健康!因為而家都有推出胚牙好立克飲品~胚牙並非同好立克混成一體的粉末,口感很不錯~ 另買栗子千層班「cake」我都係第1次試,層次感真係相當之豐富,雖然我唔識整呢款甜品,相信製作過程也頗複雜吧?!栗子cream打得好滑,而個班「cake」夠薄身~ 360度睇,賣相都係非常討好 層出不窮~~~~

呢間野嘅感覺系“唔出名”嘅通常比較好食呢次買左士多啤梨千層班戟同果凍（因為$20有3個），再+$15要左個芒果千層班戟先睇下各種班戟我地無影到果凍感覺上個芒果好甜，但配落千層班戟就好漏（但一般班戟又無咁嘅感覺），而士多啤梨味就同忌廉好配合，酸酸甜甜，中和左D忌廉（因為整蛋糕、班戟唔可以用太熟嘅士多啤梨，唔係會爛曬，所以一定系酸嘅，同埋可以保持味道嘅穩定性）今次買嘅果凍有桂圓紅茶果凍：上次試過唔錯，有桂圓味道，不過無乜紅茶味道（呢個系市面上比較少見嘅味道）綠茶果凍（唔記得正確名稱）：無食到，不便出聲菠蘿伏特加果凍：有菠蘿味道，不過唔知係咪因為系屋企擺得耐，所以無佢系雪櫃唯一無變成冰嘅野！原來日頭系無枱凳嘅，所以一定要外賣

巨P有時咁啱睇到我之前寫的食評, 佢就會扭計話:「哎喲！妳同爸爸成日背住我地去食好嘢, 」「哦......(被識穿, 尷尬中)......我同爸爸周圍去試食, 好味的話就會帶你地去食嘛......(口震震)」今晚喺時候啦....路經路德圍....諗起巨P這番說話.....咁就去一去沛公, 然後再去一去熊貓只是晚上7:45左右去到只感覺鋪頭有點烏燈黑火, 只有一堂食客在吃甜湯; 店內有兩名女職員負責厨房及接待。買嘅當然要買招牌的千層班戟, 後來見到甜腸粉, 再買然後職員話加$5可以換購＜芋香椰果奶凍＞Total $51榴蓮甜腸粉腸粉皮是椰汁弄出來, 內裏的餡是忌廉溝鮮榴蓮肉; 椰汁皮食得出帶有椰油味而榴蓮餡也不算少肉我買的是日式青梅千層班戟, 青梅先用鹽醃鹹, 質地爽脆, 再配合肥膩忌廉與蛋香班戟皮, 那鹹鹹酸酸的青梅可以帶味蕾衝出肥油感, 帶來耳目一新的食後感芋香椰果奶凍------打開蓋有很重的芋香味飄出, 椰果是晶莹的粉紫色, 奶味不重, 整體來說是香精及味精的結晶品結果飽餐一頓後所得到的回應是:「多謝, 媽咪」

見到沛公甜品入選為熱店 "荃灣"，之前幫襯過食布甸，今次不如試吓千層班戟。買咗：曲奇千層班戟 $20班戟做得十分工整，層次分明！加入朱古力曲奇碎，有口感！我食咗一部分，其餘俾細佬食。班戟甜味恰到好處！ 反而混入忌廉之後，我覺得有一點餾。始終覺得布甸最合我口味！

平時同屋企人行開都有留意呢間野,直到最近自己成日去完補習之後,就心絲絲買左芒果返屋企,但係屋企人話麻麻地,結果食左曲奇同身朱古力味之後就停唔到,我個人覺得曲奇同身朱古力唔係太甜,算係岩岩好咁..

之前朋友見到沛公很多好評,心思思找我一起去試食,果然係名符其實...我們特別想試試 "心花怒放" ,平時要食,特別要預約,幸好當天老闆預多了,才有幸嘗試...從甜品賣相,看得出很有心機,用芒果製成的花朵,嘗心悅目,味道又有水準...另一個曲奇cake,有粒粒咬口,有口感,而且絕不馬虎,竟然做了千層,果然有心思老闆很熱情好客,又健談,他更說想在南丫島開一間,只限星期6,日開張的退休生活,希望他成功啦!!!=]

看過無數的好評關於千層班戟，一早已想去試食，不過它們離我家太遠。剛好今次媽咪說要去荃灣千色店逛街，我便一度跟去，順道找甜品。問過很多路人、也走了不少冤路，終於找到了。本想試榴槤千層班戟的，可是因為不是當造季節的關係，店主決它不賣。最後我點了曲奇千層班戟，因為我個人熱愛曲奇碎。看似很多忌廉，但其實一點也不膩人，甜度適中，重要它是一層班戟一層忌廉的，相信製作並不簡單。夏天時，真的要去試榴槤千層班戟了！

上尼睇完呢度d食評, 抱住一試的態度, 買了3樣野外賣回家嘆下!原來通漲真係好堅, 原本賣28蚊的, 而家要33蚊, 足足加左18%, 嘩!!!不過都無阻我想試食的慾望, 睇下貴得尼, 有無道理都好丫.個賣相都幾ok, 食落真係滿口都cream, 好香而且好滑, 感覺係用好靚既cream, 而d芒果亦好甜好多芒果肉.要試埋個青梅味, 20蚊好似幾抵食喎, 食落d梅肉好爽脆, 係一細粒一細粒梅肉, 甜甜地幾好食, 唔知d青梅係唔係真係由日本入口架呢?最後一樣亦係我最鐘意食既甜品之一, 楊枝甘露 24蚊都ok, 幾好食, 奶味同芒果味都比較濃, 柚子肉多dd, 如果芒果肉再多返dd, 就perfect啦! 下次會再試其他, 希望唔好咁快再加價啦!

平時對食沒有要求的老豆，突然話要試沛公的蛋糕，我真的莫名奇妙，但當然沒有所謂，因為買回來我也有份吃，都有得益。一款係青檸芝士千層班戟，一層層很分明，吃起來有點芝士香，但味道並不濃郁，青檸味欠奉。但要讚的是，層次感很豐富，整體效果都算不錯。另有心花怒放，其實就是芒果肉砌成花鋪面，下面係芒果布甸，賣相挺吸引。先吃朵花，芒果肉都算香甜，而班戟既皮軟熟，布甸甜美夠滑，再加點忌廉，有心思也好吃。後來問老豆點解會無端端有興趣呢間甜品店，佢話在報紙上看到的，原來我老豆有時都幾為食喎！

打番之前冇時間打既食評第一次去沛公,係openrice到睇到人地話好好,不過我就有d失望一行到去,哇!成個櫃空既,不過都有我想食既曲奇班戟,見到個櫃話20蚊,點知果個人話16蚊.不過我覺得舊野好細舊.番到屋企食落,冇乜曲奇味,食左有些少朱古力味.但食到差唔多食曬,我覺得好漏,舊野咁細舊我都覺得漏,証明有用足料雖然有些少失望,但我下次都會再去.因為我住係荃灣有時我覺得好幸福,因為荃灣多野食,岩曬為食的我我會再搵多D好野食比大家

早前經過此店,見到指定款式布甸做特價,原本$14, 現在$8,我買了椰汁鮮奶布甸和朱古力鮮奶布甸回家.椰汁鮮奶布甸一打開蓋, 已聞到很香的椰汁味, 入口很軟滑, 味道很清新,不太甜.朱古力鮮奶布甸味道也OK, 不過覺得像阿華田味.

今日(5-1-2011 Wed)放工後,同男友行到沛公,櫃裡面有好多甜品,我逐一睇,見到有$18.00o既榴槤牛奶布甸就心郁郁,因為早前男友講開好耐冇食榴槤,而男友就睇千層班(卓戈),我睇到除o左士多啤梨,法國栗子,朱古力皮芝士同榴槤味未食過之外,其他都食過晒,所以想男友揀未食過o既.最後都係揀o左$28.00o既榴槤味.而老闆娘話o衣o家做o緊8折,收我o地$36.80.返到屋企食完晚飯就攞出o黎食lu.嗅到陣陣榴槤香,我先試一啖畀爸爸食o既榴槤牛奶布甸,佢好得意,上綠下白,榴槤味好夠,布甸滑,又唔太甜,唔錯.味道: 5分 到榴槤千層班(卓戈),我同男友share食o既,榴槤味亦同樣濃郁,亦唔太甜,而內裡都有榴槤肉,忌廉都幾滑,整體唔錯.味道: 4.8分上次食評: http://www.openrice.com/restaurant/commentdetail.htm?commentid=2059204

每年聖誕都是在家煮一餐，忙得團團轉，可看到一家人整齊、舒服、輕鬆地聚在一塊過節日，辛苦一點也值得！ 吃完煎牛扒這道主菜其實都很飽了，可一定要吃甜品來個了結的呀。我拿出在“沛公”買的四盒班戟出來，換了從前，好吃的女兒可雀躍了，但是今天她的腸胃不太舒服，沒什麼胃口，我也不敢給她吃涼東西。老公和我吃榴槤味的，強烈的榴槤味放在冰箱時就聞得到。入口芳香、軟綿，每一口都吃到榴槤肉，數不盡的千層既好看又富質感。兒子的是巧克力味，甜度適中，不苦澀，雖不是用頂級巧克力做的那也該是上好貨色調成的。女兒的芒果班戟由我來完成，還是那麼的真材實料，滿布芒果肉，最愛每件班戟都不會太甜，而且像是在吃軟雪糕般的滑溜！ 我很喜歡“沛公”的產品，以一系列的班戟為主打，很獨特，別出心裁，不似坊間的甜品店一味的款式多，可並不是樣樣都好吃就如同茶餐廳一樣。 光顧著吃又忘了拍照了，下不為例！

其實之前在第２Ｄ舖頭都食過千層依樣野．．不過記得果時口味無咁多款式　而且無咁滑～真係好好味．．．