Video
2-min walk from Exit J, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
11:30 - 21:00
Above information is for reference only. Please check details with the restaurant.
K11 musea開咗都未去過，前排朋友生日就約佢去食飯慶祝，揀咗間喺裡面嘅餐廳，順便行下。但社會問題，大家都曾經擔心食唔食得成，嗰日下晝都仲話會開，點知我地行緊去餐廳時就話8點幾會關😅😅😅不過佢地都好好，知道我地都就到就話盡量做俾我地。餐廳唔大，適合三兩知己食飯聚下影相，因為餐廳格局都幾啱影相打卡！野食方面叫左一個鰻魚茶泡飯，而我地都好想食窩夫，選擇困難症之下叫咗個mix嘅窩夫，有齊四種味😆分別係牛油果雞扒+三文魚+香蕉+士多啤梨。茶泡飯會有一個指引話你知應該點食，跟住佢做之前我地都小嚐咗一口鰻魚，食吓原本個味道。鰻魚厚身，口感好好，而且煮得剛好，唔會太un。加埋茶一齊食，會覺得中和咗啲肉嘅膩。窩夫四種味，主食嗰兩款其實都無問題，不過可能食得都係甜品嘅味道，或者係啲醬？就會覺得容易融合啲，可能係食慣咗，主食兩款味道會係有種三文治嘅感覺。我同朋友分別叫咗兩款花茶，佢叫咗玫瑰洋甘菊烏龍，我就叫咗菊花杞子薄荷，本來我唔想叫薄荷，好怕嗰浸薄荷味，但店員話無咩好勁嘅薄荷味，我就信佢，事實都係嘅😆😆由於我有少少唔舒服，所以無試到朋友嗰個茶，但聞落都好香。由於舖頭係採用出去叫嘢食俾錢嘅做法，所以叫嘢食時看都靜靜雞叫咗件蛋糕。見朋友叫玫瑰花茶，我就揀咗個「玫瑰花果茶及荔枝洛神花的美好相遇」，個名好長😆不過都覺得會幾清新。事實上件cake都係好清新嘅味道，感覺唔會太膩。👍🏻最後要再次多謝店員做埋我地生意，呢餐飯來得不易🙈我地走咗之後仲要洗嘢先走得。
continue reading
今日特登約咗好朋友嚟呢度食嘢飲嘢, 本身想落酒吧飲， 但今日想清腸胃同飲啲健康，所以揀左呢間。Dialogue 太古城都有分店，而呢間就係K11 musea一樣係新開既，玫瑰果茶侍應幫手加左少少蜜糖，令本身微酸既花茶更加香濃。我就喜歡用呢一個茶壺同茶杯，因為茶杯用膠做，唔係用玻璃。拎上手較輕巧，加左花茶既茶杯特別靚靚。雜莓窩夫 香蕉窩夫香濃既窩夫上加左純原味乳酪和士多啤梨，很match. 朋友食另一款香蕉窩夫也讚不絕口安格斯牛秋葵茶泡飯侍應送上指南一份，令食落既泡飯特別唔同。個飯加埋牛肉汁好飽滿，連埋秋葵好有層次。餐廳遲d出新set, 特別整左新口味既小甜點，加入左茶葉既糕點很精緻又好食。好期待呀。因為餐廳係新開張嘢，所以暫時都唔係好多客人。以呢一間呢就最配襯到k11 musea果種藝術感。茶室行優美路線，加上好熱情年輕既侍應，我哋真係不知不覺傾咗兩個鐘計。很愉快既一天。
continue reading
一間幾趣緻的餐廳，茶主題的中西fusion特色菜，不過我其實係去尖沙咀中心那間舖，本打算輕食份三文治，但竟然當天沒有三文治供應，便試了特色的茶泡飯。蓮藕野菌普洱茶泡飯，presentation 很趣緻。個普洱茶好滑，另跟一杯蕃茄湯，好酸，我本身不太喜歡!還有食泡飯的說明，頗有意思。飯是珍珠米很軟糯，混有冬菰和藜麥，醬汁調較得很好。加入茶後就是泡飯，但溝淡了醬汁。蓮藕是大種爽口那一種，幾好味，但全幅蓋了飯，要開泡飯有點阻住。最後跟一杯餐茶。全素菜，我喜歡!
continue reading
花日佈置, 簡約有品味的環境, 完全進入了清閒mood, 點茶點蛋糕就是了! 蛋糕好幾款, 荼又是, 掙扎下決定貪心點, 點了三各具特色的蛋糕及一壺優質茶。茶是抗氧南非藍莓博士茶, 香, 酸, 甜, 濃處於一身, 清新易入口, 配蛋糕好夾, 尤其開番個胃, 不會太膩。三種蛋糕分別是洛神花的美好相遇(玫瑰花茶及荔枝), 日本茶與柑橘與黑豆的驚喜配搭及玫瑰橙香茶慕絲。見面都感受到其茶與水果的新意配搭。每種口味都獨特, 不會過甜, 而且味道鮮明, 但能帶到層次。酸甜, 香濃及清新口味, 每件都突出。如果其質感可以再實正點, 每口將變得更好食!
continue reading
大約在 10月中的週末，當晚要出席細堂妹在半島酒店婚宴；為了方便，加上當日下午 2:00 在尖沙咀鐘樓有人集會事件，為免交通影響，我一放工，便直接走到中環搭船到尖沙咀！在尖沙咀梳士巴利道 Victoria Dockside 的新商場 K11 Musea，有很多新餐廳，當中有些我也幾有興趣幫襯！星期六中午，商場內都算多人！ 之前，經過一間裝潢優雅的和風輕食店子 Dialogue by SP，可是剛剛收舖中，找天來幫襯！ 意想不到！星期六中午出奇地少人幫襯！供應：和風輕食、甜品、茶類...等！先到 counter 付款，隨即店員給予一個號碼牌，稍後由店員送上食物！ 不用加一服務費！慢煮走地雞肉牛油果蜜糖芝麻醬窩夫2件 $68兩件只是同一款，而並非9款口味的其中兩款！ 況且，牛油果與雞肉梅花間竹夾住，份量都好少吓！雞肉雪藏味都幾突出，牛油果新鮮即切，保持翠綠，質感軟身，尚算成熟！窩夫邊位香脆而甜度恰到好處，質感鬆軟富彈性！抹茶玄米茶 跟餐 +$30適合入口的水溫，口味清新解膩！甜品：令我花多眼亂！SP Bouquet 玫瑰花果茶及荔枝、洛神花的美好相遇 $48集果酸與花香於一身！以薄身的蛋糕捲住，切開軟滑紫色的慕思，原來更內有乾坤，軟綿綿的海綿蛋糕上下也有口味軟酸啫喱的質感！ 內外兼備又有心思！整體來說，只有甜品較為出色，少人幫襯也有其原因吧！
continue reading