Video
2-min walk from Exit C, Shek Mun MTR Station
continue reading
Telephone
28868361
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Recommended Dishes
首先呢間野轉咗手，餐牌都轉咗，變成乜都有冇focus嘅（雖然呢個唔係重點）。同家姐去食飯，一個叫咖喱雞飯，一個叫醉雞飯。佢一set lunch有前菜（中華沙律），主食，甜品（西米露）同餐飲一杯。 首先講中華沙律，都係現成嘢，冇特別。個咖喱就喊到苦，唔係人食嘅。建議唔好試。醉雞冇酒味，只係一片片雪到實哂嘅雞。餐飲一杯龍眼冰一杯菊花茶，菊花茶不過不失就現成嘅味，杯龍眼冰真係精采囉，糖漿味，以為自己食緊元素週期表個西米露食咗一啖就食唔落，酸臭鞋味嚟嘅呢間嘢仲要唔係平好耐冇食過一間餐廳係由頭到尾都覺得難食仲要我本身對食嘅要求好低，真係要好好好難食先會有咁嘅反應
continue reading
去石門揾食，其實好多間餐廳都食過。假日夜晚近7點，眼見間舖頭一枱客都未有，就本住幫下小舖入去一試。食物種類唔算好多，計有煲類，炖湯一人餐，pizza，泰式小食及潮式滷水。煲類及炖湯餐配有白飯/米粉/瀨粉/葱油撈麵及飲品一杯。兩個人，叫咗一個炖湯餐，五指毛桃湯，酸菜魚，瀨粉同凍龍眼茶。另一個就係雞煲餐，瀨粉同熱龍眼茶。再加一份酸辣無骨鳳爪。炖湯好清甜，而且有幾舊㷛湯料跟埋，唔係齋飲水。酸菜魚稍為唔夠酸菜，味道較淡，魚就係滑捋捋嘅桂花魚/鱸魚之類。雞煲係唔辣嘅，但調味唔錯，係雞件比較少，唔夠喉。瀨粉同酸辣無骨鳳爪就正常。埋單~$250，無收加一。店員都幾禮貌，但唔夠主動，斟水都係你叫佢先幫你加水，但都無順手幫埋同枱嘅其他人斟水。
continue reading
話說有少少趕時間，外賣自取，問清楚pizza要等幾耐，店員表示十分鐘，咁十分鐘係ok既我地落單。原來所謂十分鐘係指焗十分鐘，而佢地就等埋其他order先一次過焗，結果我地等等下成半個鐘。講番食物，等咁耐既質素係點呢？個pizza如圖，真係賣相同味道一樣求其至極，好唔尊重顧客，我家政堂都整得好過佢。另外有個麵，一打開我都要望番張單我究竟叫左什麼？味道似宵夜仲喺雪櫃求奇dum落滾水煮囉。咁既質素同效率，冇下次。
continue reading
好似係近日先有早餐提供，見個早餐可以食物同飲品分開計，幾有彈性，所以想去試下。熱香餅雞扒炒蛋單叫$28，加凍飲$8，總數$36，估唔到有3塊熱香餅;薯餅＆雞肉芝士墨西哥餅$28，加熱咖啡$6，加埋$34。整體食物味道很不錯，性價比高的早餐。menu仲有豬骨粥，出前一丁麵，三文治，選擇都幾多。
continue reading
上星期，我同一家人經過石門行開呢個商場，見到呢間餐廳，我同先生睇到有多款食物比人選擇，而且又有食物適合小朋友，之後我哋入到去坐低，有個紥馬尾嘅女仔侍應，首先比左張q code我地落單，而且比埋餐牌我哋，個紥馬尾女仔仲好細心詳細解釋餐牌內容，之後我哋叫左2個pizza,2個意粉加一個小食，pizza焗得岩岩好，而且意粉味道十分好，連小朋友都大讚好味👍🏻中途小朋友唔小心倒瀉水，紥馬尾嗰女侍應馬上幫我們清理，而且全程係帶住笑容，比著其他餐廳侍應已經黑左面，但其中一位帶眼鏡女侍應叫佢幫我拎2個碗，係好唔情願，而且拎過嚟個陣係黑住面，超級唔情願。唔講以為得罪左佢。食物就好好👍🏻可以再有下一次
continue reading