點盅皇包點專門店

Open Now

Now Closed

又是簡單午餐系列，今日就食排骨飯，只係賣二十幾元，荷包緊既朋友既恩物。排骨蒸得幾鮮味，食幾香同乾身，加少少豉油食相當唔錯。不過佢份量不是太大，如果比較大食既朋友就未必夠飽了。

一向中意點心盅頭飯，最近Home Office，好多時又懶得煮，又唔想行得遠到外邊食，屋企附近既點盅皇都係我經常光顧既地方。佢有唔少盅頭飯點心選擇，雖然唔係話超高水準，但已呢個價錢，佢既食物算唔錯。 今日有d肚餓，叫左一個咸魚肉餅飯，加個鮮竹卷，店內姐姐話要唔話湯，我仲以為聽錯，原來而家買個飯加點心有湯餸。個飯有好大個肉餅，飯身都幾爽口。鮮竹卷大件，多汁同足料。而個湯是菜乾雞腳，唔係味精湯。30幾元已有咁多野食，值得大家試。另外，佢糯米雞皇是十分足料大隻，只係22元，是我另一個心水。

平時返工都係公司附近買早餐，今日因為放朝早半日，一唔使返工就唔知食乜早餐好。落街見到哩一間舖，其實開咗好耐都未幫襯過，一於就想試下。原本想試吓啲點心，但又驚太飽，所以就叫咗魚蛋燒賣。魚蛋燒賣都係非常普通嘅貨仔，就算加咗沙嗲醬，都完全無特別。沙嗲醬又唔香又唔辣，魚蛋雖然揀咗辣魚蛋，但可以完全冇味，好似搵清水煮左好耐完全無味一樣，燒賣更加唔使講，一啲魚味都冇，完全就係麵粉糰，一啲都唔好食。好失望，我諗下次都未必會試佢其他嘢。😖完

喺上水行行下街覺得喺口痕，但搵唔到地方篤2串魚蛋。經過點盅皇見到啲點心都唔貴，$12最平就有交易啦，平過另一間連鎖點心店幾蚊。叫左個鮮竹卷試下。姐姐態度有點差，將舊點心好求其咁樣就掉咗落個兜度 。。點心熱辣辣， 鮮竹卷睇落有啲鬆身，唔太實淨嘅感覺。 我比較鍾意扎實小小嘅鮮竹卷，好似足料啲。 不過鮮竹卷嘅皮都算幾薄，唔會好似咬唔斷咁嘅感覺。 啲餡就普普通通， 肥豬肉多咗少少。。 好少會留意到啲餡料有幾多肥豬肉。。 但呢件真係食得出， 餡料有待改進。。 下次可以再試下其他點心 。不過佢勝在平， 好過得一串魚蛋嘅。

有時會落去買早餐，都必嗌$20 三併腸粉，熱食只得佢係靠譜但阿姐質素好參差，冇乜耳性。除左腸粉魚旦燒賣本身一定存在外，啲醬肯肯定唔跟order做！激死人！一朝早要金晴火眼離遠望住阿姐有冇落錯！唔係個個都食到麻醬，麻油，芝麻，呢類。我落單講一次，佢埋身做方死佢聽唔到我又大嗌一次，到佢唧醬我又嗌一次，都可以錯錯第一包再做，第二包都錯但少錯就算啦⋯⋯冇講就唔使落啦！有冇咁難呀？阿姐你究竟知唔知唔係人人都可以食花生醬？會死人嫁！究竟佢每日錯幾多包？

男朋友返夜，朝頭早返嚟都會買早餐比我食，真係細心到不得了。連續食咗兩日沙嗲牛麵餐，今日男朋友就買咗另外一樣野。兩個飯盒咁樣我估唔到係乜，原來係點心呀！男朋友買咗雞紮，鳳爪，山竹牛肉同埋燒賣。雞紮大大件，入面又有芋頭豬皮，足料鳳爪入味，骨皮分離容易食。山竹牛肉入邊有馬蹄，口感豐富。燒賣大大粒有蝦有肥豬肉，夠香好食。全部點心都唔會太咸太多味精，食完都唔會口渴到要飲可樂。重點係全部點心加埋都係$51渣，抵食！

呢間點盅皇好似上水都有兩三間分店，搬黎咁耐都係第一次幫襯，人流都幾多，排左幾個人先到我。今晚買左個鳳爪排骨飯外賣，$21唔算貴，還可以，難怪咁多人排隊，打開盒睇，有兩隻鳳爪，六七件排骨，份量都唔小。買既時候可以揀要唔要菜同豉油，我就揀左唔要菜，因為好似會有d叔叔地咁。食落味道不錯，d飯不是很黏，不硬也不軟，唔會話好多水，鳳爪較瘦，不是太多肉，係酒樓豉汁蒸鳳爪，橙紅色，排骨都比較細件，但味道幾好，除左有d咸味之外，仲有d汁架！有d juicy，但開心既係，肉多過骨XD 豉油都夠，咁樣岩岩好了，如果唔係怕會太咸。

工作中去到呢度，因為見呢間點心店新開，一間小店，無座位，光猛乾淨，店內有位置企，內圍係櫃臺同廚房，只做外賣，點心款式都幾多！口痕買咗兩款小食試下！每款分開用紙袋袋好，再加膠袋，比埋竹籤，乾淨企理！生煎牛肉包（$13/2個）皮唔厚，索咗啲湯，個底煎過，牛肉打得滑，有啲香料味，好惹味！有肉汁如果熱嘅仲好！上海鍋貼（$10/3隻）皮太厚，底又唔脆，鮮肉幾滑，有肉汁唔乾！一般兩款煎點都即刻有，放在焗煲內的！雖然唔使等但就唔夠熱，一般！店員姐姐係豪爽型，唔廢話！爽手！點心外賣店