Video
2-min walk from Exit B, Whampoa MTR Station
continue reading
Opening Hours
Mon - Sun
10:00 - 23:00
Above information is for reference only. Please check details with the restaurant.
Recommended Dishes
有時好想食點心，但又唔想去酒樓，基本上就會去點心店，不過d質素就比較參差，唔係樣樣都好食。午巿有套餐，我哋叫咗雲耳金針滑雞加時菜，d飯粒粒分明，蒸得啱啱好，d雞份量都好多，32蚊真係好抵。千島醬蝦春卷一向都係比較穩陣既點心，蝦份量比較少，但配埋沙律醬味道唔錯，又唔貴。煎釀茄子唔係用鯪魚肉，有少少似蝦膠，但唔夠彈牙，口感普通。醬汁蒸鳳爪一般貨色，同平時既差唔多。蝦網蒸腸粉真係唔多掂，因為佢d蝦好似未熟透咁，好難咬開，仲係透透哋明咁，真係食唔落。芋泥煎堆幾香口，中間芋泥冇想像中甜，可以一試。珍珠雞普通貨色，d糯米有d碎，冇平時食嗰d好食。南瓜蒸排骨又係要blacklist，d肉好難咬開，咬咗一啖已經唔多想食，可以88了。
continue reading
#中意嘅請分享請點讚🍻----------😋金沙豬仔包 $24其實係3個豬仔樣嘅流沙包，流心餡夠流質，而且重鹹蛋味，可以一試。😋誠實菠蘿包 $23真係有菠蘿嘅菠蘿包，菠蘿絲份量都多，焗完菠蘿更甜，食落仲似鳳梨酥添，幾特別。😋章魚肉餅飯 $28章魚份量比較少，而且肉餅太薄身，不過有馬蹄食落爽口。另外，個飯加分，飯粒分明加豉油夠惹味。唔食豉油嘅唔洗怕，因為豉油另上。😋燒汁釀茄子 $26特別嘅係茄子上唔係鯪魚肉，係蝦肉食落幾彈牙，而且澆汁好香，同茄子好夾。😋荷葉臘味糯米飯 $28時間岩岩好，唔會超乾身/太濕，不過臘味得幾粒，唔夠料。😋香煎蘿蔔糕 $22都幾厚，唔會得麵粉有蘿蔔絲，正正常常。😋黑松露野菌腸 $24呢款係素食，真係有好香嘅黑松露味，腸粉夠滑，不過餡料唔多，得少少香菇絲、蘿蔔絲、木耳絲，食落似食齋腸。😋茶錢每位 $4--------宜家多左好多新式點心店，由朝到晚都可以食點心，點心亦比酒樓精緻，而且茶錢比較平。----------🔎點點心🚩紅磡黃埔新邨船澳街99號佳富樓地下F號舖
continue reading
突然想食點心，唔使去茶樓，有好多點心專門店提供方便快捷既途徑俾我地一盅兩件，止下點心癮～點點心既晚市蒸飯套餐好似好抵，只需$35，就可以有一款蒸飯同一碟生菜，有時晚飯諗唔到食咩，呢個都係超方便又健康既選擇～我揀左煎蛋牛肉飯，味道都ok,生菜份量都唔少～我黎呢度係食點心架嘛，分別order左蝦餃、賽螃蟹菜苗餃、蜜汁叉燒腸同「真係菠蘿包」～菠蘿包外皮都幾脆，內餡真係有菠蘿！叉燒腸不過不失，幾滑！兩款餃就比較遜息，睇相都睇到，好似蒸過龍，有啲乾爭爭，破壞左我食點心既心情，點心專門店質素竟然如此⋯⋯
continue reading
工作既淡季梗係要搵食搵食再搵食啦。今次黎到黃埔接朋友收工，又好耐冇食點心，咁就一於去試試呢間專做點心既鋪頭啦。香煎蘿蔔糕，有粒粒蘿蔔同蠟味係入面，真材實料架！最愛既小籠包，我食個陣總飛哂湯汁出黎，真係冇跨張蝦餃，當然有粒粒大蝦係入面啦！而且個皮唔算厚。灌湯餃，不過有少少失望，略微咸左少少但用足料。食點心當然唔少得係燒賣啦 ，真材實料，總有蝦肉係入面呀總言呢，下個月有外國朋友黎香港暫住，我都會帶佢黎食，因為相當有特色，而且好好味呀
continue reading
想飲茶但又懶得早起，次次都係去點點心止下飲茶癮😋呢個有個蒸飯餐配一款點心，不過只限堂食今日叫咗個鳳爪排骨飯拼煎蘿蔔糕，抵食之餐😛而且品質都可以，所以長期都咁多人🤪再叫多兩點心SHARE，燒賣大大粒仲有四粒添，味道都比得上茶樓至於腸粉就唔算好滑，而且餡料比較淡味道。腸粉始終都係酒樓最好食
continue reading