點一龍 (海港城) (Closed)

係尖沙咀海運城果頭行到6，7點，又唔係好肚餓，想食少少野又唔想食壽司，咁就揀去食點心。係openrice搵到呢間。入到去好高級，有盞好大好靚嘅紅燈係大廳。入面食客唔太多，環境好安靜又座位好舒服。侍應態度有禮，唔會催我地落單。當日我叫左花枝棒（平時聽得花枝丸多，出面好少人將花枝整成棒狀，花枝棒口感好好，好彈牙，同埋廚師整成棒狀，方便顧客夾起），同場叫左雪影叉燒包（感覺同添好運差不多）同埋海鮮炒河（正正常常）。整體而言，食物質素好好，價錢係尖沙咀尚算合理，環境唔錯。

佈置颇為古雅，傳统紅木傢具，有一種懷舊感覺。茶葉茶味香濃，义燒酥鬆化可口，不覺油腻，鲜蝦腸粉滑溜軟绵，蝦味十足，颇具水準。小籠飽皮薄饀靚，肉汁豐富，要小心進食，避免燙口。义燒飽則稍為遜色，飽粉較韌，义燒饀料就相當好味。鲜蝦雲吞麪夠彈牙，湯底美味，值得推介嘅食肆。

行街行到攰攰地又好口渴，醒起海港城呢度有點一龍所以就打算去食少少野，飲啖茶，抖一抖～因為已經3點幾又唔係好肚餓，所以只係嗌左2樣野食：☆蜜汁叉燒腸坦白講有d失望，個皮太厚，蜜汁叉燒又無咩味，而且犯左個大忌，就係唔熱🙄☆鮮蝦菜苗餃呢個好少少，個餃都算包得飽滿既，味道普通，正正常常以前覺得點一龍既點心幾特別，而且味道唔錯。今次再去點心選擇已經較以前少，味道水準更加下降左唔少。我諗應該唔會再去食了😓😓

因為AE Card有半價又見啲點心名幾得意所以就黎試下一開始睇Menu，樣樣都好想試仲諗緊下次幾時嚟鰻魚蘿蔔糕，兩樣嘢係唔夾嘅蘿蔔糕亦都比較粉帶子炒芥蘭味道偏鹹，啲醬汁太濃味食完好口渴鮑魚酥，酥皮個餡又係好鹹又係可以唔使試黑松露小籠包冇特別只係小籠包上面鋪左黑松露鳳爪，不過不失龍蝦湯蝦餃全晚最驚喜就係佢龍蝦湯味夠濃，仲有少少龍蝦肉只係蝦餃浸左落去，啲皮會變淋食落會變咗一pat野，入口感覺有啲嘔心🤢都係兩樣唔夾嘅食物馬拉糕，正常雪山叉燒包好失望囉，以為叉燒包個雪山係好似墨西哥包上面嗰果層點知好似食緊糖皮咁🤦🏻‍♀️一啲都唔好食如果唔係因為有卡半價原價食呢一餐既話我覺得非常唔抵食一開始仲諗住下次要再試其他而家唔使啦，一次就夠啦💁🏻‍♀️

今日來到尖沙咀飲早茶，我地比佢地裏面既紅燈籠吊燈吸引左，佢地2:30pm有個點心放題，但個時先早上10點到，所以我地冇等就入左去~我地叫左個叉燒場，蘿蔔糕，蒸烏賊，燒賣同2個龍蝦蝦餃湯~龍蝦蝦餃湯個湯又油又啖。。。龍蝦肉又冇，唔係好得咯，中間粒蝦餃冇特別蘿蔔糕面頭有鰻魚，加埋d鰻魚汁，蘿蔔糕煎得好脆好香口，這個好好食黑松露燒賣，好好食，好香松露味，推蒸烏賊，明明個餐牌影得好靚，點解來到整得咁樣衰既，這個味道一般，還可以~叉燒腸好食，腸粉好滑，又多叉燒，正呀餐廳內的紅燈籠佈置總結，點心好食，環境都ok,會再次光顧😊

平日下午，師奶仔又係時候扮下孝順。帶嗲哋媽咪去尖沙咀食下lunch 嗲哋話老人家鐘意食點心，同埋嗲哋鐘意食鮑魚，所以就去🍲點一龍🍲食下點心同埋一嚐「原隻鮑魚雞粒酥」師奶仔點咗「年年有餘蘿蔔糕」，作為一個港產師奶（又名港女🤫），點都對鰻魚有情意結。「年年有餘蘿蔔糕」，每舊蘿蔔糕上面有舊鰻魚，岩哂港產師奶🤤到重點：「原隻鮑魚雞粒酥」。嗲哋見到原隻鮑魚已經心心眼😍 食入口，又夠「醉」，嗲哋豎哂姆指

一行十二人的晚餐，據知這裏點心比較出色，但今次去食晚餐，而餐牌小菜不是太多選擇，我們點了當紅炸子雞、芥蘭炒帶子、蟲草花蒸魚柳、金沙蘭花海蝦球、欖菜肉崧百合四季豆、肉鬆茄子煲、欖菜肉崧蒸豆腐、滑蛋百合蝦仁、西檸骨、勝瓜洋蔥炒豚片、椒鹽鮮魷魚、潮州炒飯、乾炒牛河、銀芽豉油皇炒麵、杞子桂花糕、生磨芝麻小卷、楊枝甘露。值得一提是金沙蘭花海蝦球非常好味，當紅炸子雞及西檸骨也好味、其餘小菜也不錯。由於是book位，所以被安排在獨立房內，很適合一大班人談天說地，又食又傾，最後大家也捧著肚子離開。

周未或假日部分香港人總愛與家人上茶樓，為的是聚首一堂、談天說地、品嚐一盅兩件。我也是這群人之一，愛全家出動喝個靚茶，聊聊天。我們不愛等候，一來是人太多，直接到酒樓等大枱只會浪費時間，二來我家有兩名長者，即使年青人先出外等枱，待長輩到達時還是要他們等候，站著太久他們腿部會疼痛，所以我們多揀選接受訂枱的酒家。環境：這家中菜廳我是透過開飯平台而認識，他們有訂枱服務，前一天我們透過電話訂座，於當日準時到達。走進食店眼看四周客人不多，相比其他中菜廳這裡地方不算很大，靠牆位置是梳化櫈，牆身貼上鯉魚設計的牆紙，食店的中央天花板有一束鮮紅色大吊燈，十分搶眼悅目。服務員很快把大家帶到長方枱的位置坐下。一會兒，服務員前來詢問可否更換餐桌，這個問題對我們影響不大，於是就按照他的意思更換餐桌。味道：我們先為第一輪點心下單，印象較深刻嘅菜式包括：菜式名稱「烏賊」外型充滿特色的點心，白色烏賊餃，一籠有兩隻，黑芝麻點在餃上，營造出烏賊眼睛，樣子嬌俏。點心皮包住白色的肉，入口沒有什麼味道，我們使用腸粉豉油來調味，餃的皮很厚，餃內的餡料似是沒有味道的墨魚滑。菜式名稱「年年有餘蘿蔔糕」個名好特別，點解蘿蔔糕會用年年有餘來

想去點一龍好耐，終於決心經OpenRice 訂位，訂位果然好，去到已有位，而且兩位仲比張大卡位坐，坐得舒服！Oder咗無糖可樂，竟然係一大杯😍！呢到啲掛爈义燒包比一般义燒包細但超好味，蜜汁叉燒好新鮮！翡翠海蝦腸粉，海蝦新鮮皮薄饀靚😋! 灼時菜嘅菜芯好嫰👍🏻👍🏻👍🏻！呢到嘅紅棗北菇蒸雞飯，一放係枱上已香味四溢，紅棗好香好味，紅棗皮竟然不硬，雞好滑嫩又大件，超好味！我哋叫咗兩個甜品，但一早已上枱，下次應叫後上，紅棗杞子桂花小魚兒，其實係桂花糕，但好有心思，整到小魚形狀, 好精緻！生磨芝麻小卷，令人回味，不太甜好好味！其實食店地方不算大，未到食飯時間已坐滿了人，所以訂位係最好，免了輪候時間，亦可以舒舒服服享受美食！

放題時間：逢星期一至四2:30pm-5:30pm (公眾假期除外)備註：放題價錢已包茶水費，另加一服務費 「點一龍」是香港餐飲集團Cafe Deco Group旗下餐廳之一，走較為時尚路線的點心專門店，在尖沙嘴、灣仔及荃灣共有三間分店。點一龍早於兩、三年前亦有做過點心放題的活動，且反應非常熱烈。為慶祝點一龍 (尖沙咀店) 經全新裝修後在海港城重新開幕，於2018年3月5日起至 4月26日逢星期一至四 (公眾假期除外)，再度推出人氣下午茶點心放題，價錢成人每位$168；小童$138，四人同行更可獲全單九折優惠。放題菜單共38款點心、小菜及甜點無限量即叫即製任食兩小時，當中包括多款人氣點心、飯麵、及甜點！除了招牌的晶瑩海蝦餃、雪影叉燒包、杞子鮮蝦燒賣和黑蟹子小籠包外，更新增不少特色點心 (可愛小水母及香芋雪影包) 或即拉腸粉 (帶子雞絲腸粉及蜜汁叉燒腸粉) ，均可於兩小時內任點任食，而且每位客人還可以免費獲贈燕窩蛋撻一個。可惜供應時間只限星期一至四的2:30pm-5:30pm，對上班族來說不太方便。 下午茶點心放題成人每位$168；小童$138，四人同行更可獲全單九折優惠

不嬲好鐘意食點心，之前一直有聽過點一龍不過未試過，前排見佢有點心放題好吸引，不過最後因為就唔到時間都係冇食到😢今次終於約埋朋友一齊泥試😋點一龍係海港城Cheese cake factory格泥，氣氛都幾好，我地3人坐卡位好闊落，環境舒適😛開啟瘋狂點菜模式，首先食叉燒包💕白雪雪嘅外皮，裡面係多汁又濃味嘅叉燒，唔錯唔錯😋呢個薑汁馬拉糕，薑味唔重，正正常常菜苗餃個皮做得唔錯😛唔太厚，好煙un，菜苗新鮮，好味💕呢個南瓜餅我起初以為係甜嘅但原來係鹹點泥，有d豬肉花生之類，味道ok😛呢個黑蒜燒賣嘅蝦肉好大隻好爽口，不過其實我覺得唔加黑蒜會仲好食😂😂兩樣野好似唔多夾泡菜春卷超級脆💕完全冇油"益"味，好耐冇食過個皮咁好食嘅春卷😋加入泡菜酸酸地，中和左油膩感，我個人幾鐘意😛呢個炒豆角超惹味💕原本都諗緊點心專門店應唔應該嗌小炒，但又好想食下菜最後都嗌左😆一上檯已經超香，洋蔥好甜索曬精華，肉碎微辣，好有鑊氣，估唔到呢個咁ok😁呢個牛仔手袋純粹為左得意賣相而嗌😂但味道又幾ok😂我發覺呢間野嘅炸野同酥皮都做得好出色，全部好鬆脆冇油益味😂😂裡面嘅牛肉餡好濃味，好正👅呢個又係估唔到幾好食，牛腩雖然唔係超淰但絕對唔係

嘆茶是老人家的玩意？又不一定，尤其是現在有愈來愈多的新派點心出現，莫說是年輕人，就連小朋友都會喜歡呢！位於尖沙咀的「點一龍」最近推出了一系列新菜式，還吃蝦餃燒賣？No la，吃烏賊餃和牛仔手袋吧，好看又好吃，是時候約家人去喝茶了！ 烏賊 ($38)要選最出色造型獎，一定是這籠烏賊，晶瑩通透的餃皮下，是魷魚和豬肉，香氣濃郁，蘸一下辣椒油吃，不錯。 牛仔手袋 ($44) 在海港城買不到手袋？那就吃一個吧！酥皮盒之下是牛柳和菇粒，鬆脆又惹味。 黑蒜鮮蝦燒賣 ($44) 吃廣東點心，怎可缺少了燒賣，這裡的燒賣加上了一片黑蒜，更加健康之餘，酸酸甜甜的黑蒜更有提味作用。 韓風泡菜春卷 (素) ($33) 春卷吃得多，但裡面通常有蝦肉，素食人士未必適合，這個泡菜春卷則不同了，裡面只有酸咪咪的泡菜，脆口又開胃，是素食者的好選擇。 家鄉南瓜肉鬆煎軟餅 ($33) 有點像茶果，外面是軟糯香甜的南瓜軟餅，裡面是豬肉碎，一鹹一甜，卻是相當配合。 原隻鮑魚雞粒酥 ($53@)鮑魚酥是點一龍的招牌點心，來到必須「潮拜」一下。原隻鮑魚炆得入味，下面是雞粒，矜貴又美味。 香芋流沙包 ($36) 一

祖迪知我喜愛任食, 昨日帶我去尖沙咀說:「下午茶E間做緊放題呀! 每人仲送一隻燕窩蛋撻」 朋友Jacky說:「我哋今日4個人仲有9折添」(其實加一後又9折...即係免加一啫, 都好過無嘅) 哈哈哈!! 蛋撻上真的有一匙羹燕窩呀! 如果不是迷你蛋撻, 有更多燕窩就再好啦! Jacky:「我飲茶一定要點鳳爪」, 祖迪:「我就一定要食蝦餃」(這裡有一款八爪魚蝦餃的) 祖迪:「佢係可愛小水母呀! 唔係八爪魚呀!」 我:「我敏感唔食蝦, 我食雪影金腿叉燒包, 正!!」 我飲茶其實最鍾意食牛栢葉, 不過現在不是間間酒樓可以吃得到, 而第二選擇則是馬拉糕, 這裡的是杏仁斑蘭馬拉糕, 只要是馬拉糕我就開心喇! 黑蟹子小籠包、蝦餃燒賣、帶子雞絲腸粉, 我們叫滿一枱, 任食就是有一個好處, 可以盡情點得豪一點. (當然食得晒我們才嗌啦） 祖迪:「我嚟E度, 一定要叫牛腩麵, 因為個湯底好味, D麵又爽, 牛腩又夠腍, 平時叫要$70蚊架」 今日下午茶超豐富, 最後我飽得到晚上10時才吃得落晚飯當消夜!! 點一龍「下午茶點心放題」日期 : 2018年3月5日 ‑ 4月26日時間 : 下午2時30分 ‑ 5時

今日有啲時間，去左尖沙咀睇下衫買下野，買完都晏晝3點幾。身邊友人們話想飲下茶，食下點心～四個麻甩佬行行下去到海港城嘅點一龍！咁岩原來做緊點心放題，放題wo!點都要試試佢啦😂一叫就叫左咁多😂😂😂由左上角開始：帶子雞絲腸粉、黑蟹子小龍包、雪影火腿叉燒包、金牌流沙包、斑蘭馬拉糕、綠茶軟糍、牛腩麵、蝦餃、可愛小水母、燒賣、蛋煎糯米雞！淨係睇過個放題餐牌都有成三十幾樣野，想一次叫哂都怕食唔哂🤦🏼‍♂️味道亦無因為放題而變到怪異，其實仲比好多中餐廳好食好多！對於四個麻甩佬黎講，份量唔錯，最後食到飽到唔想郁。有幾款要重點推介：牛腩麵： 麵質爽口彈牙，牛腩亦煮製得不錯，當中有我最想食的牛筋！我最怕飲到啲牛筋煮到一入口就爛，一係就韌過橡筋，但呢到煮得恰到好處。有咬口！雪影火腿叉燒包：好鬆化的外層配上叉燒包內涵，好食！可愛小水母：就呃like 必備😂 重要係成人只需要$168一位，唔洗加茶錢，每位送燕窩tart一個（圖左下角），四人同行9折！抵食！

Nice presentation, reasonable quality, but very heavy in use of MSG! If it was not located in TST, definitely not worth the value.The frosted coated bun is the only dish I would recommend.The savoury fried doughs were not crispy and outer layer was relatively thick.