點心廊 (Closed)

趁週末同屋企人去山頂行吓，見到呢間新開嘅餐廳專門食點心，環境都幾舒適，見到餐牌食物價錢又唔貴喎，喺山頂廣場嚟講性價比算好高！餐廳採用了落地玻璃窗，增加採光度和空間感，可以一邊嘆茶一邊望住窗外風景，真係幾寫意！呢度茗茶有三款選擇，包括香片、普洱、桂花烏龍，我哋就揀咗桂花烏龍。而點心方面，大路嘅蝦餃、燒賣、叉燒包、珍珠雞等當然都有，仲有幾款炸點心，炸鮮蝦雲吞就最得我歡心，真係新鮮炸出嚟，非常酥脆又鮮味，蝦肉好彈牙，而且唔油膩，整體嚟講，環境同食物質素都唔錯啊！

襯日頭太陽還不是好猛烈，和長輩坐車上山頂行一轉，曬曬太陽兼吸收下新鮮空氣。中午遊客較多，食什麼好呢？於山頂廣場覓食，在一樓發現一間新開的點心餐廳「點心廊」，裝修雅致，在太平山頂食點心還是第一次呢。入內坐下，望住維港，嘆一盅兩件，一樂也。長輩高興就好了。點心質素和味道都不錯，種類選擇雖不算多，但有齊蒸、炒、炸各種類，而且相當精緻。五角形的點心蒸籠尤其可愛。餐廳雖是新開，運作暢順，服務殷勤，下次來山頂又有好選擇了。

山頂…可以話係以往遊客必到既地方之一。但最近山頂纜車進行左大翻新，有新既列車運行之後，屋企既兩老就心郁郁想去山頂遊覽下。趁住今日陽光普照就約好左家人坐纜車出發上山頂，去到山頂站就已經係山頂廣場旁邊，大部分商店都係位於廣場位置，廣場以餐廳同紀念品店為主。因為帶住家中兩老，所以都係揀番d中式餐廳食，餐廳話佢地岩岩新開張，餐廳就以點心為主，價錢都算合理，不過就望唔到山下既維港景色，但裝修新穎，都坐得舒服既。點心賣相精緻，味道正常，份量都唔會好細份，致在比家人坐下。不過要留意返餐廳營業時間暫時稍短，剩係做午市時間。

假日同朋友帶埋佢個寶貝仔，上左山頂放下電，吸下新鮮空氣，放完電大家都很肚餓，見有間點心廊，寶貝仔話想食點心，望餐牌價錢都唔貴，就進入醫肚囉。餐廳面積闊落，落地玻璃感覺很開揚， 裝修又美觀，坐得好舒服寫意，仲可望到出面的可愛狗仔🐶在追逐玩耍。點心美觀精緻，很美味的粵式點心，很喜歡吃晶瑩剔透的蝦餃、燒賣與炸到香脆的春捲同炸雲吞☺️，寶貝仔則極like 柚子果凍，見佢食得好開心，為我哋帶來了味蕾享受😎及心靈的滿足。