點心到 (廟街)

Open Now

Now Closed

Always going cha liu for dim sum, this time we come to dim sum here to try try, my second time, not comsy as usual cha liu, a bit crowded, and you can sit here for long cause many people waiting outsides..Prawn Dumplings is in good condition with four  pieces haaSteamed Chicken feet in Black Bean Sauce is okay with good seasoning yayaSteamed Bean Curd Roll with Chicken and Fish Maw tastes nice too haaaSteamed Egg Yolk Black Bun having good taste with full of egg yolk haaa though i feel shocked w

之前食過油麻地嗰間，覺得啲嘢食都唔錯。探員病落到佐敦又係唔知食咩好，突然間醒起佢有間分店喺呢一邊，就過嚟飲個夜茶其實之前都想試，但係晏晝實在太多遊客排隊，雖然夜晚都有遊客，但係就坐得鬆動啲，食得比較舒服。同埋媽子食，叫佢份量唔係好多。媽子鍾意食牛肚，點咗金錢肚俾佢試吓，又醃得幾入味，份量都幾足唔係淨剩得啲配料，墊底塊蘿蔔入口都係化嘅真係唔錯。個蝦餃皮都做得夠薄，蝦肉都爽口，加埋佢個辣椒油調一調味係正，淨係叫咗兩粒好似唔係夠喉。個人意見，如果佢有原粒蝦肉就不得了。雞扎就孤寒咗少少，得細過半條㗎蟹柳，不過舊魚肚吸晒啲肉汁又好鬼正。同埋夠芋頭都當做係夠粉。個籠仔蝦飯好食夠乾身，但係就好似冇之前喺另外間分店食蒸雞咁好味，不過蒸雞d雞件有骨唔係啖啖肉，所以呢個蝦飯都係出色，啲肉又爽。呢排成日出街食飯好少屋企煲湯，咁就嗌佢個湯試吓，沙參玉竹燉土雞清清地，但係可能啲玉竹未係最好，所以煲完啖湯出嚟係有少少酸，但係呢個酸係正常嘅，因為唔係變壞咗，依喺本身玉竹個質素嘅問題。不過兩個人都唔使$200，性價比尚算高。可惜少少就係小籠包嗌晒，平時咁爆場唔知幾時先再有機會試到。

突然好想食點心，無意中留意到佢，決定一試。蝦餃比較細粒，但係蝦肉好多，皮都好Q彈黑金流沙包都係比較細隻，但係味道幾好，同埋真係有流心。菜苗餃呢個好推薦好特別，佢比較淡口，但係反而食到食材原有嗰種鮮味，菜苗再加蝦成個味道好好食。沙律蝦餃炸到脆卜卜，入面蝦嘅份量都係好多，又係冇得輸。炸春卷腸粉又係冇得輸嘅配搭，脆卜卜嘅炸蝦春卷再配腸粉皮，都係好推薦！北菇蒸雞飯蒸雞嘅份量都幾多，而且好滑，真係帶點葉嘅香味我覺得呢間點心店都係一間高質嘅選擇，整體味道都好好！

突然想食點心，行過見到店面都尚算企理就入去試下😌入到去都幾光猛，廟街食肆嚟講衛生都算可接受。今次叫咗鮮蝦腸，燒賣，蝦餃，小籠包，籠仔香辣排骨飯，同兩杯野飲。蝦腸個皮比較黏身，料亦唔多，一般街坊酒樓質數燒賣同蝦餃有得揀2粒/4粒，我地兩個人每樣兩粒岩岩好。同蝦腸一樣蝦餃個皮做得麻麻地，厚且太黏燒賣反而幾好，調味剛剛好，蝦亦幾彈牙。小籠包入面嘅湯汁好香，皮唔算厚，但亦唔係薄到一夾即穿果隻，我自己幾中意。籠仔香辣排骨飯好大籠，惹味，飯亦粒粒分明，排骨有肉大大舊，唔係得d 骨果隻，小小辣，幾正兩個人食到飽飽，埋單hkd17x ,性價比幾高。老實講，食物唔係話非常出色，但咁嘅價錢，有呢個質素，下次行過又想食點心的話，都會再去

如果你對點心冇要求，覺得細細件又幾好，這間店最啱遊客及無要求朋友! 對香港人會有些失望! 粉果~又細粉果皮又厚。 金錢肚一碟，面上只有4件下面全是蘿蔔， 重點蘿蔔冇味。 蝦餃尚可。牛肉腸好難整得「唔好食」，漿口牛肉腸第一次食。 迷你叉燒包，皮厚餡少。 諗住從加拿大返香港食好d， 睇完評價去，點知伏!

網上查詢看好評不少就來了，店裡最大的桌子是4人桌，擠擠可以座5人，再多的話就需要分開兩桌落座了，上菜速度適中，來這裡的人主要是喝茶吃點心的，不過是快餐店的那種大塑料杯，大杯喝起來很過癮，茶位5塊1位，但也有各種奶茶和咖啡（這點有點茶餐廳風格），門口長時間排隊，還挺火的。

原隻蝦燒賣（$17）要咗兩粒，即蒸大概需時十分鐘，餡料全是蝦肉，大大粒，彈牙，不錯。沙律明蝦角（$30）有三件，即炸，外皮脆，餡料同樣全是蝦肉，但可惜少少油。五香咸水角（$24）有三件，即炸，外皮又脆又糯，餡料夠味，唔油膩，不錯。蜆蚧鯪魚球（$28）有六粒，粒粒都大大粒，即炸，少少油，外層微脆，魚肉紮實有咬口，點埋咸咸哋嘅蜆蚧汁，添加咸香層次，不錯兼且抵食。韭黃鮮蝦腸（$30）即蒸，腸粉好滑，而且有彈性，唔會一夾就爛。韭黃唔多，蝦肉適量，味道可以。茶錢$5位，沒有加一服務費。

黑金流沙包真係有咸蛋黃唔係得奶黃🤤咸水角個皮好硬不過味道幾好👍叉燒腸腸粉皮好滑呀!! 😍尖椒鯪魚肉勁多！滿哂！😂煎得好好 又香 豉油調味好好凰爪排骨飯排骨個味好好，又唔係得肥肉飯係超多。。。而且全部粒粒分明！衛生就。。。水杯拎上手就好油🤢而且啲茶好濃 問店員拎左杯水個杯水係奶白色。。。仲有好大陣清潔劑味而入面係好多白色一粒粒🤮杯水放到我走都仲係奶白色。。🫣食物質素係好好好過好多餐廳下次自備水就好了😂😂

油麻地同埋佐敦交界嘅呢一間點心到 佢哋啲點心都幾抵食 小編會話係價錢好合理 而且啲選擇都唔少 食物質素亦都唔差 成日經過都見到好多人食 .🐷籠仔蒸飯 - 鳳爪排骨
呢個飯超級大瞓但係都只係30幾蚊... 真心想問餐廳有冇錢賺㗎??? 蒸得入味嘅鳳爪配上腍滑嘅排骨 籠仔蒸飯香氣滿溢 真係惹味到不得了.🐷籠仔蒸飯 - 煎蛋牛肉
煎蛋香滑 底下嘅牛肉味道好唔錯 有少少食緊山竹牛肉球嘅錯覺 配上蒸飯一齊食 咸香得嚟唔油膩 正！ 建議大家一定要落豉油.🐷晶瑩鮮蝦餃
鮮蝦餃皮薄透光 粒粒蝦都彈牙鮮甜.🐷原隻蝦燒賣燒賣同樣鮮美 肉質彈性十足..🐷蜜汁叉燒腸
叉燒味道甜中帶鹹 外層微焦帶點脆口 內裏肉質軟嫩多汁 腸粉滑而不粘.🐷沙律明蝦角
明蝦角外皮酥脆 裡面嘅蝦肉鮮嫩多汁 配上微甜嘅沙律醬 口感層次豐富.🐷燒汁釀茄子
茄子腍滑 吸滿咗燒汁嘅精華 味道濃郁又唔會過鹹.點心到
📍佐敦廟街286-298號華志大廈地下6-8號舖.#吃貨日常 #香港 #茶餐廳 #Cafe #麵包 #西餐 #中餐 #日本菜 #韓國菜 #泰國菜 #堂食 #好西 #食 #香港美食 #hkfoodie #foodiehk #佐敦 #

今朝帶朋友來食早餐，因覺得食物都可以，而且招呼也不會太差。但今日遇到的是之前都不會有這樣的招呼。叫了一籠牛肉，發現沒有喼汁，便叫侍應給予一碟喼汁，傳菜的那位侍應就說我們已經有一碟喼汁，但那喼汁是給之前那碟炸鮮竹卷用的，第一位侍應就着他攞多一碟給我們，那個侍應放低時竟說我們已經有一碟喼汁，我便對他說那喼汁是點鮮竹卷的而這碟喼汁是給我們牛肉用的，是否我對食物的要求過高？飲了那麼多年茶都未遇過這樣的情況，真的很失望，以後都不會再幫襯了。

平日的中午一點左右去食，有好多人幫襯。排左兩三張檯都算快入到去。茶位一人五蚊都算平，所以冇咩期望又沒有失望。飲茶都仲要用膠杯膠碗，呢個係幾奇怪下。但食物就最令人失望叫左籠牛肉，但喼汁係好似醋咁既味。蝦餃燒賣正常發揮冇特別..流沙包比左個皇冠以為好味啦，但係都唔流心但要比較細件。最好食係腸粉，腸粉皮係幾好既..但整體口味比較咸，份量細。香港近年出左好多呢種點心專門店，呢間係我比較少數覺得唔好食既一間。個人覺得就比較失望。都應該唔會再冇去幫襯

呢日同大少小妹路經油麻地，又話想食嘢，但其實應該唔係好肚餓，就同佢哋食吓點心。去咗呢間點心度，店舖唔大，但簡單企理，坐落都幾舒服！呢度嘅點心即叫即蒸，夠晒熱辣辣，而且免加一，價錢唔貴，好抵食！醬皇金錢肚醬皇金錢肚，味道非常濃郁，辣辣地，醬汁完美地滲入了牛肚的每一個角落，牛肚又夠爽，讓人回味無窮。蜆蚧鯪魚球以新鮮的蜆蚧和鯪魚製成，每道菜上有六粒鯪魚球，比一般酒樓提供的份量更加慷慨。而且，這些鯪魚球的大小也相當可觀，帶來了豐富的口感和鮮味。籠仔金針雲耳雞飯這道菜真材實料，雞肉肥美滑嫩，配上金針菇和雲耳，味道更加豐富。雞肉的份量十分多，每一口都能品嚐到滿滿的鮮美滋味。而且，這道菜還搭配了金鳳米，質感滑順，口感豐富。

宜家多咗好多點心小店，全日都可以食到茶樓點心，連夜晚都可以食到，啱晒朝早起唔到身去茶樓嘅我。廟街「點心到」價錢合理，質素唔錯嘅好選擇。因為唔想等位，所以我選擇外賣，有9折，total $90 幾，食咗四款點心，一個人食，足料又夠飽。糯米雞：大件足料，入面有大大粒火腿肉，雞件。食完一件都已經半飽。蝦餃：有 4件或兩件選擇，我一個人所以叫兩件就夠。蝦肉都幾爽。黑金流沙飽：黑色+金面，幾精緻，奶黃餡幾香，味道適中唔太甜。但可以因為外賣關係，食嘅時候已經凍咗，冇咗流沙嘅感覺。义燒腸：义燒都唔少，腸粉幾滑。總括，呢間質素唔錯呀～ 款式又多，會再黎幫襯，下次試埋其他點心。

入到店內面，燈火通明，坐嘅位置都幾舒適，叫左個鮮竹卷，味道正常，叫左幾件點心，三個人食唔係太飽，再追加兩碟飯，當中糯米雞味道不錯，價錢都係合理。總結而言，有機會去再食。

點心好快就送到，平價，但食物味道就令人失望了。睇呢度咁多好評特登去等位食，睇倒旅客多，叫左六碟，蘿蔔糕和粉粿不過不失，叉燒包一啲都唔軟熟，乾爭爭咁。個拉布腸中間係生嘅🥲無叫佢地換一碟，因為想快快脆走。鳳爪排骨飯飯好多，實飽肚。個生薑淮生都相當一般，食完感受係名過於實🙏。