點鍋

Open Now

Now Closed

人情味小店，上次confirm左booking但1小時後朋友話唔舒服改期，再book多次，然後去到發覺朋友有事遲左，即場同佢改遲15分鐘又ok。入到去環境又超乾淨，落完單上菜效率高，食物睇落都好新鮮，肉好似有醃過，個碟底有肉汁，芝士餃聽聞係自家包既，但我同朋友們就唔係好識得欣賞，不過其他野食都好味。去到個廁所發覺，真係好乾淨，乾淨程度幾乎好似去左酒店廁所一樣，一間食肆衞生情況如果連呢樣都keep到就真係冇得挑剔。埋左單未食晒啲野所以繼續食，食食下先發覺原來食多左成個鐘，超唔好意思，呢度冇趕客，好有良心🙏。

呢一間餐廳係請聾啞人士既 所以你會發現環境比一般寧靜呢度係任食嘅，佢有好多手打嘅嘢，例如手打院或者係餃子咁樣，佢嘅手打院同埋墨魚滑係好滑好彈牙有咬口佢呢度仲有好多唔同嘅魚皮味道，包括避風塘鹹蛋黃，每一個魚皮都係即炸好脆好好食，但相對時間就會等得比較耐其他嘅食材，滑牛肉牛柏葉或者蔬菜類，食得出好新鮮同其他嘅火鍋店唔同雖然佢呢度嘅價錢唔算平，但我覺得支持良心店，再加上啲食物高質係可以嚟支持吓嘅，重點係佢哋嘅職員都好有禮貌都會好熱情咁樣去招呼你

尼一間係良心社企，招聘聾啞人士，值得大家支持。首先，湯底有多款的選擇，我地今次試左一個泰式冬蔭公一個黑松露雜菌，兩個湯底都十分夠味。食物方面，主打不同特式的手工餃和丸，仲有我制的魚皮，我最中意都係金沙鹹蛋炸魚皮，必試👍🏼👍🏼👍🏼

值得推介💜 可以encore的 . 鮮蝦雲吞好新鮮，炸魚皮正， 佢仲送一個迷你海鮮籃.. 蝦都好新鮮仲扎扎跳。最欣賞係個蟲草花雞湯湯底，十足料，越食越好味，仲冇添加味精。蝦滑同墨魚滑好味😋

平日放工時間去食，唔算特別多人，環境幾大，坐得幾舒服，但可能去既時候岩岩開始第一輪，所以店員無即時比部tab我地落單，有少少扣分，但店員都有幫我地加返時，所以影響不大。食物方面，丸類，炸魚皮同響鈴都好好食，非常高質，但牛肉方面就真係強差人意，可能店舖定位主打手工丸或響鈴等炸物，就忽略咗牛肉既品質，所以都稍為扣咗少少分。整體而言，都幾享受今次既朋友聚餐，但因為朋友係牛魔王既關係，會回頭食多次既機會應該不大，希望餐廳會有改善。

旺角高CP邊爐放題🍲|多款自家制特色餃類🥟|良心餐廳聘請襲啞人士🫶🏻|點鍋「誰都可發光，像星火隨空氣繪畫曙光」適逢天氣開始轉涼，香港人一年四季都想打邊爐嘅意慾更加大增，今日同朋友係約係旺角食飯，記得朋友推介過附近一間打邊爐性價比幾高，而且餐廳仲特登聘請左襲啞人士做店員，所以今晚就揀咗依間點鍋試試。-任食火鍋放題 4.1/5⭐️火鍋有多款湯底選擇，要價都唔算高，我地今日就揀左沙嗲拼芫茜皮蛋湯底，一濃一淡。沙嗲湯底好惹味，淥完嘢可以唔洗點醬料都夠味，芫茜皮蛋就正常水準發揮。餐廳為每枱客人都自動送上一盆海鮮拼盤同一碟牛肩脊肉，牛肩脊肉牛味都夠，貴妃蚌新鮮好食，仲有魚蝦蜆可以無限追加，蜆肉大粒鮮甜無沙，推薦。其他餸菜用IPAD落單，落完單好快就送到，無漏單情況，店員好細心好好態度，會主動幫我地加湯。餐廳有特色餃類可以任點，黑松露蝦蟹餃用料豐富，好香黑松露味，可以一點再點。而手打丸同滑都幾多選擇，墨魚丸爽口彈牙，仲有得揀芝士墨魚丸添。另外我自己比較鐘意食牛脷，唔係好多任食放題會有供應，仲有即炸響鈴同魚皮都好高質，仲有好多火鍋配料就唔一一介紹，同市面其他放題大同小異。–總結:餐廳以放題嚟講有多款湯底

打邊爐最緊要湯底，黎過2次，蟲草雞真係好足料，淥過嘅肉真係超好味；麻辣都唔錯，但要叫少辣，唔係就太辣；沙嗲好好味，夠濃夠味又甜甜地唔辣。好多丸同餃都整得好好，肉類多選擇，萵笋和鮮山竹十分唔錯，唔係間間火鍋店有，最意外係魚皮，多口味之餘個咸蛋黃魚皮好食到停唔到口，但鍾情海鮮就未必滿足，海鮮選擇唔多。飲品就多茶類，啱我呢啲要清油膩，解。纖茶係個唔錯選擇，要飲啤酒就要加錢，咁我同男友唔飲啤酒，所以無留意加幾錢😆最後甜品係杯裝雪糕同雪糕糯米滋，我太飽只食咗個杯裝沖繩海鹽，好好味好滿足🥰仲有最緊要係［真良心食店］，見佢地樓面同厨房都係用手語溝通，送嘢食黎嘅聾啞侍應唔知點解答我地問題都會揾人幫我地，又主動清枱加湯，坐得又舒服闊落，如果有埋電視睇就perfect啦😊

ʕ•ﻌ•ʔฅ𝓗𝓸𝓽𝓹𝓸𝓽 𝓲𝓷 𝓜𝓚位於兆萬中心3樓的火鍋店，是請聾啞人士做員工的良心企業，服務態度亦很好。晚餐用餐時間為120分鐘，每位$288 （醬油費+$18），在OpenRice訂座有全單八折的優惠。★海鮮拼盤每枱免費贈送一份海鮮拼盤，有蝦、蜆、魚，全部都算新鮮，唯蜆有沙，所以都沒有再增添 。★湯底我們選擇了鴛鴦湯底，酸菜白肉湯底和泰式冬陰功湯底。酸菜白肉湯底頗為足料，但當中加了大量胡椒，使整個湯底有如胡椒豬肚湯，實在是扣分。而泰式冬陰功湯底就正常水平，唯越煲越鹹，吃完飯後要飲大量的水。★推薦鹹蛋黃炸魚皮： 鹹蛋黃醬魚炸魚皮非常融洽金沙魚丸： 會爆鹹蛋黃醬手打墨魚丸： 超級足料，能看到大量的墨魚腳黑松露蝦蟹丸： 新奇首選★中伏即炸嚮玲卷: 十分濃烈的油膱味

今次介紹嘅依間任食邊爐，係近年食過最推介既任食火鍋！(๑´ڡ`๑)味道同服務態度都非常好👍🏻🤤另外依間餐廳會聘請聾啞人士做員工，好有愛心💗所有職員都細心又好客，整體用餐體驗非常好🥰┈✨ 任食火鍋 $288 （醬油費+ $18）- 湯式有好多選擇，今次我地加咗錢，升級做蕃茄牛濃湯湯底拼泰式冬陰功湯底，蕃茄湯底濃郁，撈到唔少嘅牛腩粒，真材實料！泰式冬陰功湯底都好正！酸酸辣辣，鍾意泰式野既話一定要試下！食物款式都非常多！款款都唔差，最推介既有肥牛、豬頸肉、金莎鹹蛋炸魚皮、鴨血，同埋自家製餃！佢啲手工餃整得好好食，皮薄餡多，而且款式特別，例如有黑松露蝦蟹餃，一咬開有好香嘅黑松露味，蝦蟹餡都好鮮甜(˃̵͈̑ᴗ˂̵͈̑)另外韭菜餃都整得好好食！入面除咗韭菜餡，仲有隻鮮蝦，令到口感同味道都變得豐富，淨係韭菜餃我一個人都食咗6粒🤣🤤另外值得讚既係上菜速度快，我地人多，每次都一口氣叫咗好多款野食，每次都好快上到菜，效率好高！👍🏻有賓至如歸嘅感覺，值得大大力推介比大家！😍

餸菜一般，款式比較少，丸類餃類比較好啲，海鮮我個人覺得比較差，唔新鮮☹️，蝦🦐梅，鹹蛋黃炸魚皮比較出色👍🏻任食嚟講時間短，一大班人去食根本唔夠時間，再選擇不會再來。

第一次去食，驚冇位，所以一早book好左，好彩有book定，因為都滿座。入到去，整體環境乾淨同燈光好舒服👍🏻唔算好嘈，啱哂三五知己吹水！職員非常非常有禮貌，其中一位男侍應超級有禮貌👍🏻👍🏻上菜同收碟速度都快⭐️值得推介係黃金炸魚皮(鹹蛋)，手打蝦丸同墨魚丸，其他方面都不錯。食完埋單有85折優惠，抵食！最重要係唔會食完成身都有邊爐味道，抽風系統做得都好好

朋友聚會當然打邊爐🍲係首選啦 今次朋友揀咗一間位於兆萬中心嘅任飲任食邊爐 二百幾蚊來講佢都幾多款式選擇 同埋食物質素都好高 絕對唔hea 👍🏻👍🏻🌶️火鍋湯底亦都有好多款選擇而我揀咗麻辣湯同埋清湯 個麻辣湯底真係令我有驚喜 好少任食嘅火鍋可以做到咁出色 色香味俱全😍😍餐廳職員都好好 嗰晚係我哋食晚市 本身餐廳有用餐時慳夠晒鐘都仲冇趕我哋走 值得一讚👍🏻👍🏻😎呢度係用iPad落單 而且佢同其他出面嘅任食嘅特別之處就係佢有得選擇叫半份或者一份 絕對啱晒我哋依啲想食多啲種類而又怕食唔晒嘅人👍🏻😝😝

今日去咗食打邊爐慶祝朋友生日，朋友指到明要呢一間，原來因為呢一間有請到啲特別人士。我覺得好好。其實座位都坐得好舒服好寬，枱同枱之間都唔會好迫，仲有，都好多款嘢食佢有一個鹹蛋黃嘅魚皮好好食，我哋幫朋友慶祝生日嘅時候佢哋都有特別祝福。服務好好我哋100分仲要有八折😍😍😍可惜掛住食嘢無影到啲嘢食！

價錢來講食物算唔錯，就算放題，服務都唔會hea。waiter哥哥好殷勤，service有禮貌細心。後生仔來講真係好難得la.切蛋糕冇收切餅費，仲另上埋隻靚蝶。一家大細都食得好開心ar~

同朋友慶祝生日不外乎都係食個啲嘢，呢間邊爐店真係聚會首選❤️‍🔥 請聾啞人士做員工嘅良心社企、極佳服務、雖然係兆萬入面嘅舖頭，但依然光猛乾淨整齊闊落、唔收切餅費、仲要抵食又好味😋 真係唔知有咩可以挑剔🥹💛成人任食火鍋兩小時 ($288，加一，加$18醬油費，睇星期幾同埋Openrice訂座而有唔同嘅折扣優惠）湯底嗌咗四川麻辣🌶拼豬骨濃湯🦴 由於係雙拼嘅關係，個鍋Total要加$20。麻辣湯底辣得過癮，開頭比啲椒浸耐啲，等佢出下味，湯底本身有嘅配料例如雲耳、豬皮、豆卜非常入味！食完之後個鼻即刻通一通😂 落啲菜去索曬啲辣仲正🥵 而豬骨湯底建議可以一開頭潷碗湯嚟飲！又清又好飲😋呢度嘅嘢食係用Ipad落單，比其他火鍋店唔同嘅係，佢有半份/一份揀，或者某啲食物會係3粒/6粒揀，咁樣就可以比大家試下啲嘢食先，又唔洗嗌太多而嘥嘢食👻 嚟嘢嘅速度都快而齊👍🏻👍🏻👍🏻一嚟就嚟咗個海鮮拼盤🦐 有魚、蝦、蜆，全部都好新鮮，蜆仲encore咗好多次，完全冇沙😋👍🏻 仲有一個係贈送嘅頂級牛頸脊，上咗湯底一陣就有🐮 見到啲紋都幾靚😳 (不過太多frd 一齊搶😈 未試到個味就冇曬😭) 其他嘢食都好新鮮，餃子包得好實，