點鍋

Open Now

Now Closed

打邊爐嘅黃店選擇真係唔太多，見呢間任食火鍋喺Mee評分有成4.7分就即管試試佢！試完覺得食物質素喺兆萬嚟講算唔錯🤭，環境係好乾淨好好坐，而且店員服務態度好好，又有請聾啞人士💛同埋落單有得用平板揀要一份定半份，餃子／丸直頭可以揀要幾多粒，人少少去都可以試多啲嘢～ 價錢就$288加一，另收醬油費$18/人，大家記得打電話/ openrice訂枱有8折優惠‼️▪️湯底▪️我哋加咗$20要鴛鴦鍋～揀咗黑松露雜菌拼沙嗲，第一次用黑松露湯底打邊爐感覺幾特別🤣，入面有勁多雜菌同埋好香黑松露味，鍾意黑松露嘅話可以試試！另外沙嗲湯底好濃郁，除左沙嗲嘅香仲有滿滿花生碎😍▪️海鮮拼盤▪️每枱都有一盆海鮮拼盤送，份量係跟人頭計嘅，我哋得兩條友所以個海鮮拼盤都幾迷你下🤣有蝦、魚、蜆等，老實講就唔算超新鮮，不過咁平嘅任食火鍋都冇得咁高要求～▪️肉類▪️每枱都有一客頂級肩胛肥牛肉送，當然呢隻肉一定係比較靚比較重牛味🤭，不過想繼續食牛都有普通肥牛/滑牛可以任叫任食。我哋超級推介豬頸肉，好厚身好爽口😍，另外黑毛豬腩片同雞髀肉都要試吓呀👍🏻▪️丸／餃▪️呢間都有幾多特別口味嘅自家制丸／餃子～我哋比較推薦嘅係蟹子墨魚滑、蝦滑、金沙魚丸、芝士

今日一行八人成個部門去食飯，本來book咗枱食川菜叫餸食飯，但因為我哋有五個係男仔，所以最後決定揀間任食火鍋，等啲男同事可以暢飲一番。因為如果叫餸食飯一來份量少，而且唔化算。好多間系星期四都full booking, 又或者見到有啲食評好差！最後揀咗位於旺角兆萬中心「點鍋」！地點都容易搵嘅，坐地鐵旺角站或油麻地站又得，喺信和後邊！好容易搵我第一去兆萬中心，一個好細嘅商場，直上電梯3樓，一直都有路牌容易搵嘅！我哋八個就被分咗入大門口的一間獨立房，都幾好，自己八個一台又一間房私人空間好夠。叫咗啲食物，上得好快；特別要讚佢啲牛肉,幾款炸魚皮都好好味！同事各叫咗起碼八碟！亦都有魷魚啊蝦丸啊，餃子，有豬有羊，食物水準OK又吾系隔夜，湯底都有10款算係咁！唯一輸蝕就係冇乜海鮮！飲品就只有七喜可樂無糖可樂玉泉忌廉，茶，水，檸檬茶之類，啤酒要加錢！希望加多少少種類。甜品普通雪糕同埋雪糕糯米糍（個名唔知咩）總括嚟講都OK嘅，起碼坐得舒舒服服，執嘢又快手又有禮貌，我本人就覺得唔錯囉！$279/位已包加一，我哋在openrice book唔到有折，如果有八折應該抵啲

侍應態度有禮，入座後詳細解釋平板電腦下單，介紹每一個步驟，令人感到賓至如歸，放題做到近乎西餐廳的貼心服務，值得一讚，清碟嘅速度10分快，不用主動詢問，整體服務10分好，截單嘅時候禮貌友善詢問，唔會令人覺得好似急住趕你走，環境舒服，每位送一份海鮮拼盤，食物上枱速度亦都很快，牛肉質素不錯，特別金莎魚丸很好吃$300左右嘅價錢湯底算係出色，食物質素都唔錯，值得一去再去，長期有折扣10分吸引，　今次已經係第二次

依間係見到好多種類嘅野食所以比吸引過黎，如果唔會追求好高質嘅牛肉咁一定要試依間，佢哋嘅丸全部都好正，最緊要係佢地員工大部分係殘疾人士，但依然做得好好，價錢可能比起出面放題火鍋貴，但絕對值得去食

入到去啲侍應服務態度好好，會主動話你知櫈底可以擺嘢，同埋會有地方放嗌咗但係未食嘅嘢。嗌咗豬骨湯底，湯底淨係有兩三條大豬骨喺度，湯底好足料。唔嚟得依度食打邊爐主要都唔會係食牛，因為呢度有好多唔同種類嘅嘢食，反而牛就冇乜選擇。啲嘢食好食，有唔同種類嘅手打肉丸，又有內臟，熟食都有唔少選擇，例如鹹蛋黃魚皮同香炸午餐肉。嘢飲方面都係正常打邊爐任食有嘅嘢。如果有興趣試，一定要book位先食到，之前試過Walk in，佢話冇晒位。

朋友帶我地黎打邊爐，人多可以多啲嘢食☺️☺️佢哋推薦叫個蜆湯底另+$50，入面勁多蜆呀😍不過有啲入面仲有沙🥴🥴兩小時放題任食 人均$300有少少唔滿意佢個tablet app落單方法，要逐樣逐樣禁，同埋好多時都斷線😵😵搞到唔可以一次過嗌好多嘢食🥱覺得幾好食嘅名單：自家製紫菜響鈴🔔、羊肉片、魚、牛舌、蝦、帶子、娃娃菜（浸落湯底好味）、雞肉、爆漿芝士丸📍 點鍋 (旺角)旺角西洋菜街1號兆萬中心3樓301舖

💛身處劣食之塔仲要任食，好難會估到有質素得黎價錢仲要抵！地方都幾大，嗌左麻辣(有芽菜，菇同豬皮係入面)拼沙嗲，都幾香同足料，野食就用ipad落，雖然任叫但質素都唔會太差，而且都上得算快，唯獨係有少少因為坐得太遠所以連唔到線，有時落唔到單，但整體都可以既！特別大推：沙嗲湯油炸鬼🤤野飲同甜品都有唔同選擇，整體都叫舒服既😛原來餐廳仲介紹佢地會請一d特殊人士(聾啞)，仲有個後生男侍應好有heart，真心好服務！而家埋單仲有8折，所以無安心前都食左2次😆

中學同學食飯，10個人黎打邊爐，分開左3枱，2枱3人，1枱4人~所以有3個鍋，係傾計冇甘方便。我地枱叫左芫荽皮蛋湯底，一黎就飲啖湯先，我覺得好好味，之後用平板叫野食，飲品同醬料就出去拎。湯黎左之後職員會送上海鮮盤同一碟牛先，海鮮有蝦，帶子，蜆，魚。叫野食~鯪魚滑，蝦滑，手打丸，餃子全部都好好味，另外有炸魚皮，牛肉都吾錯，我地叫左好多碟牛仲有其他蔬菜，菇菌，豆類製品~豆腐添左好多次。職員上菜，收碟都好快，埋單278.8一位，可接受啦~

已經第三次黎，地方乾淨，位置方便（兆萬三樓係扶手電梯上到唔需要同人逼排隊）環境舒適，最令人難忘係服務態度真係非常非常好，今次預早啲訂枱，重有房仔比我哋。我哋食七點半,冇限時可以食到佢十點關門，九點鬆啲last order，埋左單之後重可以慢慢食埋雪糕先走都唔趕，比好多任食火鍋舒服。食物以任食黎講質素不錯，選擇也頗多，湯底都係好多選擇，也可以作不同價錢的配搭，今次試左不用加的胡椒豬肚，好好味😋靚鍋，枱又闊，打邊爐黎講冇嘢可以挑剔。

好耐冇同夜校同學聚會喇，卒之今晚約食飯見，大家都無乜所謂，其中一人提議不如去呢間打邊爐……兩小時任飲任食我哋四人大概7:30到齊，點咗麻辣拼芫茜皮蛋湯底，其他肉類、丸類、蔬菜類、豆品類、自家製類等都要用部pad點，只有飲品同醬油自己出去拎，咁樣都有好處，減少行出行入，又戴又除口罩的問題，限時要慳時間……我地每樣都點少少，因為吾知一份半份量會有幾多，本身個火鍋會送一個海鮮拼盤（有蜆、蝦、帶子同魚）及牛……魚蝦帶子都新鮮，鷄件就比鷄脾……蔬菜一份吾大份，人多可以叫兩三份……手打丸、魚滑、水餃，都ok，蝦丸有芝士餡、黑松露水餃同紫菜水餃都是特別款式……其他嘢都正常……個麻辣湯底吾錯，都幾辣（對我嚟講），同學心都話好！整體都吾錯……呢度地方吾算好大，不過又吾會覺得好迫，可能我哋坐卡位，地方都算乾淨光猛，員工服務好好，又好有禮貌，真是少有，值得讚……因為係食到十點的食肆，佢哋會好善意提醒你，到真係夠鐘喇，會拎住個喇叭播放隻歌提你離開，構思吾錯幾得意……我諗起去飲會播送客歌

2小時任食邊爐性價比高，良心小店 ，聘請聾啞人士做店員，任食時間夠鐘後，店員都沒有趕我地走，反而好好笑容俾我地坐到最後，十分欣賞佢地既禮物對待。下次一定會再幫襯🥰

近排天氣涼涼地，除非BBQ之外，打邊爐爐就岩哂啦！簡直係冬天必食呀！同一班朋友一路烚下烚下，一路吹水講是非就最好不過！今次嚟到位於旺角兆萬中心嘅火鍋黃店——點鍋，我同朋友們一共有兩個鍋，試左佢地3款湯底，分別係香濃沙嗲、豬骨濃湯&蟲草花雞，3款都好食夠濃，我自己私必推介會係豬骨濃湯，真係有兩舊大大豬骨系入面，好足料！佢會送每台一小盆海鮮拼盤，有蝦、帶子、鯇魚片&蜆，樣樣味道都好新鮮👍🏻另外全程都會用平板電腦點菜~肉類都正常，牛肉脂肪比例都平均。仲有佢地有唔少特色配料都值得一試，例如手打丸(部分丸有芝士夾心)、唔同味既炸魚皮和響鈴、自家製餃等等，同其他火鍋店嘅配料唔同。自助飲品都多選擇，雪糕就係香港品牌Cocoberry😋因為呢間火鍋店系旺角人流多嘅位置，所以都好多人walk-in等緊位，記得book左位先就唔洗等咁耐喇！另外係店員服務態度都好好，比我地傾到差唔多閂門先走🤣p.s. 間店閂門前會播「走先喇🎵係咁先喇🎵下次再玩啦🎶」🤣好搞笑🤣

用8折吸引顧客無問題, 但質素極大進步空間坐底落單後肉類上枱勁慢是事實. 特别牛類慢到。。。。話2個鐘。1.5已cut 單。最尾落單D野直情唔嚟。埋單每人$300 係旺角大把選擇。冇下次。

一早喺Openrice 網上訂位放題任食時間係2小時，比起大部分任食火鍋限時90分鐘嚟講，時間鬆動d當日有預先打電話嚟Confirm訂位早咗少少到都畀我哋立即入座員工非常有禮貌咁講解落單程序亦有提醒我哋佢哋有聽障嘅同事為我哋服務湯底種類都有5、6款可以鴛鴦煲、都係加$20度每檯都有一個tablet 畀客人落單運作都簡單方便醬油同配料嘅選擇大約6-8樣飲品就簡單d, 紙包嘅茶品、罐裝嘢飲都有d上菜都好快速，食物新鮮員工收碟好快，每次都好有禮貌見我同朋友著白色衫、員工主動提供即棄圍裙畀我哋可能知道我哋係輪盡仔? XD總之非常細心食物種類都幾多牛舌呀，鴨血、豬紅都有wor!牛肉就得鮮牛同肥牛~ 不過劃一價錢嚟講，質素算好好連響鈴都幾隻款畀你揀而家全單8折，兩個人食到好飽都唔洗$600, 好抵食

呢間任食火鍋已經食過好幾次 之前都想寫好評不過太懶無寫到 每次約fd係旺角想揀任食火鍋呢間一定係首選🌟 要記得提早訂位因為好full! 一開始店員好親切咁介紹湯底 佢推薦卜卜蜆煲 不過我哋想叫兩個湯底所以無試到 最後揀咗鴛鴦鍋+$20 好足料嘅湯底1.🍅蕃茄牛腩 - 幾濃郁 入面有新鮮蕃茄 薯仔 同好多舊牛腩2.🌶麻辣 - 無問我哋揀咩辣度 都好食嘅唔算太辣不過無咩麻味 入面仲有好多豬皮同豆卜 食物方面都好多選擇 有d其他店少見嘅食物 最推薦紫菜響鈴 我哋四個人total食左12個😂 仲有好多特色餃 試左黑松露蝦餃 韭菜餃同魚皮餃 每款都好大粒！丸類都有好多 最鐘意芝士墨魚丸 細細粒一咬入面真係有芝士噴出嚟 不過會辣親😂 每枱仲會送一個海鮮拼盆 有鮮蝦 帶子 魚片同蜆 d蜆好大粒 我食左兩三粒係甜嘅 不過fd話佢個粒有沙 服務方面都超好！除左一開始入門口reception 個位店員態度就一般 同我哋講嘢時語氣幾惡 之後有兩個fd填紙完紙仔無主動比返佢因為以為有人會黎收 點知佢行過黎點數個時發現佢哋無交就有少少大聲咁呼喝話要一入嚟就要交紙 但係其他店員都超級nice 上菜同收碟都勁快！