點點心點心專門店 (Moved) New Location

這天公眾假期,早上到大清戲水, 時過中午後慢動作沖涼換衫再由友人揸車回九龍”下午茶”, 回到九龍已經是三點半過外, 正在煩惱去哪裡食之際已經來到”渡船角”, 最近耐不耐都會來這裡, 由於這裡雖說那麼近卻又似那麼遠, 人流同旁邊嘅佐敦道無得比, 不過就係有d我呢類唔太喜歡”嘈吵環境”嘅外來人, 當日到來, 客人不多, 所有點心都即叫即做, 特別有印象的計有:脆皮鮮蝦腸$23- 布拉腸粉皮晶瑩剔透之外亦帶少許靱力, 內餡的蝦肉爽口味鮮,鮮蝦菜苗餃$18- 其實係蝦餃加上菜苗之類的內餡, 材料豐富好味道香滑奶皇飽$16- 芯保持流心, 甜味剛剛好, 芥末咸心角$16- 炸外皮稍為偏淺色且厚, 芥末味點到即止, 蘋果义燒酥$18- 蘋果只係食到一小粒一小粒但蘋果本身味道不強, 味道被义燒完全蓋過, 我們認為用菠蘿效果會好很多喎

避免要排隊, 我地六點鐘就入去食啦;果陣仲有好多空枱，所以完全唔洗等位；間舖黏咗好多剪報出黎；原來個廚師曾經係”添好運“度做我地兩條友，嗌咗八樣點心； 鳯爪排骨飯. 不過不失. 錦鏽白玉餃，幾好食. 同蝦餃好似. 只係多咗啲粟米粒. 沙律蝦春卷，係啲雜果沙律mix啲蝦. 都幾正 真係菠蘿飽，佢個饀係真係有菠蘿. 第一口我覺得有啲怪. 第二口覺得有啲似鳯莉酥. 之後都接受咗佢個味 都okay ge.脆皮蝦腸粉. 正啊!個蝦真係炸得好脆. 一試就知係即叫即做滋味蜂巢卷. 好濃嘅黑糖味. 比馬拉糕有新意. 個味又唔會太甜. 算係唔錯.芥末咸水角. 正啊依個堅係. 個芥末唔會太嗆. mix 埋啲肉碎. 真係唔錯!!!!!!!!!!蘋果叉燒酥. 見佢係夏日限定. 就試一試. 都okay. 唔會覺得突兀.總括黎講. 兩條友食八樣. 真係仲可以打包返屋企吔. 都只係$156. 唔算貴啊!

辛苦工作了一整天, 緊係要揾d好野食......呢晚夾啱時間同男友一齊收工他帶我去他平時的"浦點", 因為那裡容易泊車~晚上10點, 我地去食點心做晚餐+消夜平時食點心都會去酒樓, 反而好少去呢d點心專門點, 今次都係第一次我地叫咗好多野, 去片:點菜單真係波羅包, 好好味男友最愛蛋牛飯wasabi咸水角, 個味道好特別我好鐘意食的沙律明蝦角燒賣, 一般貨識牛腸, 好食~甜品, 3.6牛奶布甸, 好食二個人消夜都食咁多野, 肥死人囉~呵呵呵

呢間又係去過不下十次, 其實佢既點心款式唔算好多, 不過間唔中就會轉下款, 所以次次黎到都有d新野可以嗌下, 呢晚三個人唔太餓叫左6樣野咋. 金銀蛋瘦肉粥? (個實際個名唔多記得): 好味呀, 粥底好棉 蟲草蒸雞飯: 聽個名好滋補bor, 一兜飯得4-5舊雞, 略嫌唔夠餸, 要落多d豉油撈飯呢 豉汁鳳爪: 差不多次次都嗌, 因為平時少上茶樓, 所以都無乜機會食, 好味呀 咖哩魷魚: 魷魚好爽口, 感覺新鮮 白玉餃: 開頭唔知係乜, 原來係類似蝦餃(但點心紙已經有蝦餃嗌勒bor), 個皮淋得滯好易爛, 不過蝦肉都爽口, 合格啦. 燒汁釀茄子: 面o個層似蝦膠, 個茄子好入味, 又整得夠淋, 呢個唔錯呢. 基本上佢各樣水準都係平均之上, 只係價錢都唔算平, 因為今次唔餓所以嗌得少野食, 如果要食飽d..每人要食飯或者粥打底先得勒

20120513點點心點心專門店上完SKY100,企到有啲攰,而媽媽節唔敢去食小菜,附近搞定算。本來想去堂記,媽媽節唔開喎! 哈哈真係菠蘿包細路仔比人笑菠蘿包無菠蘿,依度証明,菠蘿包真係有菠蘿囉。本身好好食,菠蘿反而有啲唔夾,不過唔係咁叫我都未必食佢。黑椒牛肚,但有啲辣, 炒米粉,普通,但好食~牛肉, 北菇雞飯, 鮮蝦菜苗餃啲蒸點心全部好食。脆皮鮮蝦腸,腸粉皮夠薄, 米網都脆,但點好味脆D,各有各好。孜然腐皮雞,第一次咁食,鍾意食孜然覺得唔夠味，唔鍾意覺得怪怪哋。但敗北係勁油,食完成口都係油…燒汁釀茄子，味道唔錯,但一樣勁油……唔計啲炸嘢,真係接近滿分,但佢哋啲炸嘢真係有待改善。

初初以為呢間嘢係新開冇幾耐, 但原來媽媽話佢都唔算新架啦, 都一陣子架啦... 所以真係要keep住update渡船角嗰邊嘅食肆至得, 如果唔係真係會out trend...唔知點解佐敦呢個地方話大唔大, 話細唔細, 但偏偏八文樓就係一個臥虎藏龍之地...色彩斑爛嘅點心紙...用唔同顏色嚟locate人氣點心... 估唔到又幾細心喎!! 雖然唔知佢係真有機定假有機, 但確實少甜清新好飲... 外皮既熱辣辣, 但又唔係脆卜卜嗰種, 啱晒心水 因本小姐唔喜歡脆硬的東西, 所以我口邊成日掛住句說話..."我地呢啲老人家好鬼麻煩嘅, 太咸, 太甜, 太硬, 太脆, 太冰嘅嘢都唔多喜歡吃"所以成日都問住, 點解咸水角就一定要脆卜卜, 我就係唔喜歡食脆卜卜嘅!!!佢除左熱度剛好, 外層又軟軟地, 勢估唔到, 咸水角同芥末夾埋一齊又唔難受喎!!!芥末味完全冇辣嘅成份, 淨係取其嘅味道...食完嘅感覺就好似要用Whatsapp嗰個雙手捧住塊臉然後O左嘴嘅表情去哎--> 好夾,好好味喎!!! 佢係真正腸粉皮薄... 但入面嘅脆又冇受影響喎...通常用腸粉皮包住, 入面嘅料十居其九都淋晒架啦..

曾經在旺角的點點心午膳，欣賞點心選擇雖然不多，卻可做到款款巧手，而且創意十足。最後一天的復活節假期選擇了點心做午餐。時值1:30pm，由柯士甸站步行往點點心，見到成條街的食店都未開門，無諗過點點心竟然座無虛席，仲要排隊等位。今天再次光臨，選了總店，亦帶點期望…攞完飛仔阿姐就叫我揀定點心，等咗約5分鐘就有位。我們將選好的點心紙交俾阿姐，等大約6分鐘就有點心上，效率一流。先上的叉燒腸皮薄餡靚，有好多叉燒，而且肥瘦適中。我們要求豉油另上，店員亦很殷勤做到。再來的招牌點心 - 真係菠蘿包及芥茉咸水角 - 不用多介紹，肯定的是保持水準，味道不變。諗住試新嘢，結果卻令人失望。黑松露賽螃蟹餃：看名字以為是賽螃蟹主打，但原來是蝦餃底，黑松露及賽螃蟹都只是點綴，而散亂的蛋白亦影響了整體口感。 咖喱蒸土魷：份量很少呀？！數一數，只有六塊土魷，另以薯仔取代蘿蔔本來ok，但咖喱汁很淡，啲薯仔完全入唔到味，魷魚爽口可惜有鹼水味有質素食點心嘅地方已經買少見少，希望點點心的點心質素平均啲並可一直保持水準。

堂記當天如果營業的話我相信吃第五餐,我甚少會在點心專門店吃飯,對上次已經是添好運,不過座位真的擠迫令人不舒服,在添好運成名後,那一年點心店開到周圍都有一間,當然倒閉都有不少,來到這裏時大約十時,店內都有不少人正在享用點心,隔天再過來是人山人海,點心方面又是由食友作主,真係菠蘿包何謂真係菠蘿包?原來在包子內的確有一,二粒菠蘿,果真沒有歉騙大家,當然菠蘿只是罐頭貨,這種東西還是趁熱吃才好,吃落都夠熱,不是放涼才奉客,脆皮鮮蝦腸一客六件的鮮蝦腸剛好有六個人,吃落都幾脆口,用的不是油炸鬼,皮弄得不怎樣薄.我還是喜歡陳漢記的腸粉,如果有得吃堂記或者即時有比較.蘿蔔糕吃落只有粉而沒有蘿蔔絲,層次感久奉,大可以不吃,在大埔的Q點心最初時有一味蘿蔔糕,真的勁多蘿蔔,當然現在不知怎樣了.蝦餃蝦餃這裏以蝦肉多為主,一個皮內裝著二,三件蝦粒,但欠了筍粒,但這個適合大眾,心理上覺得抵吃,我覺得新同樂那籠蝦粒弄得幾好,只賣四十幾蚊.杏仁茶想不到甜品那麼快來,杏仁茶吃落都幾香,在這些地方出品算是這樣.WASABI咸水角創作點心不知大家接不接觸,還是忠於專統,的確有少許WASABI的味道,還不俗的咸水角,好吃過不少

以前認識的渡船角, 有堂記跟添記有這兩間店, 就已經覺得渡船角有很多好吃的東西最近再去, 發現了開了很多燒烤店, 雞煲... 頓時令那地變更熱鬧. 但因為只是咀癢想吃些東西, 一行人來到附近唯一的點心店試試看點心選擇還蠻多的, 我們都挑了點心紙旁有星的點心來吃晶瑩鮮蝦餃這裡的蝦餃小顆, 我比較愛小顆的蝦餃多於大顆的, 這樣才能皮餡一起吃, 道理跟雲吞一樣這裡的蝦餃皮蠻薄的, 而且不會太硬或做得太黏. 裡面的內餡的蝦帶點爽, 不會糊糊的. 很不錯的蝦餃養生棉花雞所謂的養生, 其實只是加了紅棗. 整體味道好. 魚肚很有本身的一點魚味, 配上薑味很香很搭雞肉滑嫩, 但就沒有什麼雞肉味道就是了. 香菇也蠻厚的整道點心都不會油, 配以紅棗的甜, 跟薑味, 讓這棉花雞跟外面的有點不同脆皮鮮蝦腸不只一次嘗過脆皮鮮蝦腸. 這裡也有這個新穎點心上桌的時候很熱, 裡面的蝦餡蠻多的. 脆皮層不油, 跟外面軟滑的皮層很配合蝦餡跟蝦餃的餡很不同, 這個餡是加了點香菜, 吃起來帶香菜味道我很喜歡山竹牛肉球牛肉球是他們自己做的, 肉質不會說太鬆. 混了比較多的陳皮香很不錯吃反而香菜混了比較少, 可能是不想搶了陳皮的

同老豆係對面既堂記食腸粉~又心思思想食「真係菠蘿包」($15)~最終點左老豆去買我地外賣左去堂記食，其實係對面，真係想叫佢就咁俾隻碟黎，唔使蝕左外賣$1同d盒~我地偷偷地在堂記食野，超驚俾阿姐鬧~一打開外賣盒~好香菠蘿味ar~~~不過個包好細lo~一啖可以食哂~~菠蘿ok~不過蓋左d奶王味~唔係幾食到有奶王~個包熱辣辣好好食，又唔似其他開飯食家話好硬wo~我個包都幾軟熟下~鐘意食脆口既可能會嫌唔夠脆~但我就覺得好好食啦~我返到屋企攞其他野食，仲聞到有陣菠蘿味~好強!!!!

這店剛開幕的時候曾經來這一次，不過印象一般，所以隔了年多也沒有再來。現在我由佐敦搬到中環再搬回佐敦上班，鬆弛說看到近來的食評好像變好了，更加開了分店，就想再來試一試。下午兩點多，店內的客人不少，我們先點了幾款點心試試。牛肉腸粉(錯手刪除了照片)。原來鬆弛想叫的是蝦腸，但竟然錯點了牛肉腸。牛肉腸裡面的芫茜不少，所以他要小心翼翼的夾出來，腸粉皮還好，雖然不算很滑但至少不會過厚，豉油的味道適中，裡面的牛肉碎份量也足。芥茉鹹水角。本來我也奇怪為什麼鬆弛會叫鹹水角，因為他一向都對煎炸食物一般，但原來這個是店方推介的，所以就想試一下。鹹水角雖然是炸物，不過我之前吃的都是比較乾身，縱然有油但也不會弄得成張底紙也油淋淋的。剛炸好的其實也不會不好吃，熱辣辣的，糯米皮香甜軟糯，裡面的芥茉餡料不會太搶鼻，挺溫和的慢慢滲出來，果然是值得推介。蝦餃細細粒的，澄麵粉皮厚薄適中，不會一夾就爛，中間的蝦肉尚算彈牙，整體算是有合格水準。山竹牛肉球。（竟然忘記拍照）三粒份量頗大的牛肉球，加入粒粒馬蹄，多了爽爽口感，肉雖然不見得是手打的，不過也不會過份軟爛，尚且保留了肉的口感。最後再點了一個即撞蛋白杏仁茶，很香的杏仁味，以

某天來到這裡附近找朋友吃午餐，叫他負責想吃什麼最後就提議了來這裡，我是反正沒吃過就什麼都好，所以當然沒有異議。結果那天我還比較早到，起初還擔心要等位，結果在繁忙的午飯時間也立即有位，真幸運! 因為其實眼見它都是長期滿座的，不過空間有限，迫了點倒是真的，檯和檯之間距離也很短，吃個午餐的話還可接受的。看了看點心紙，也有些幾特別的點心，最後和朋友兩個人點了頗多食物，午餐來說也吃得太多了，吃得太飽後工作可是會打瞌睡的! 首先點了「真係菠蘿包」，幾乎眼見每一檯都有點這個，不過其實看名字也估到大概它內裡就是有真的菠蘿作餡料吧。不過都幾好的，重點是麵包幾軟熟，出爐還熱騰騰的。內裡的菠蘿頗多，幸好不算太酸又帶點甜味，吃完都幾開胃的。 另外我們還點了最大路的蝦餃和燒賣，哈哈，蝦餃略嫌外皮做得稍厚了點，蝦肉爽口但沒什麼鮮味也是真的。一向不是燒賣專家不知怎樣也算好的燒賣，不過咬下去口感不錯，不會太腍或太硬，而且還吃到肉的鮮味，所以應該不算太差吧。脆皮鮮蝦腸做我覺得還不錯的，外表做得不厚，內裡有米網所以咬下去非常脆口，口感非常不錯。內裡配料再加上蝦仁和蔥花，蝦仁一樣爽口配上蔥花那些味道更好。點心最後我們還點了

慕名而來， 失望而回 大約下午兩點，一家人浩浩蕩蕩到達，由店外望入，全場爆滿，咁勁.....等了十分鐘就有位，又幾快喎，一坐下就有數隻烏蠅圍住我們，我排雲掌一出，擊退了烏蠅們，我那雙鷹銳的眼睛環顧四周，見到不少武林人仕在飲食其間不斷使出看家本領，但敵眾我寡，有不少點心相繼殞落.......真係菠蘿包…暖暖地，賣相無咩特別，其實內裡得一舊仔菠蘿，都幾搵笨，味道仲衰過普通菠蘿包， 滋味蜂巢糕…熱辣辣，有四件，賣相趣怪，味道偏甜，蠔皇鮮竹卷…汁杰，味道麻麻，蝦米蔥花腸…份量多，但蝦米和蔥花少得可憐，味道不見突出，糖心牛肉飯…糖心只是煎蛋，蛋黃仲要熟哂，做不到窩蛋撈飯的效果，牛肉幾滑，但飯粒偏硬，我不喜歡，白灼時蔬…菜係多，但質好差，有菜蟲，洗得不夠乾淨，黃金奶王包…都幾似流沙包，一咬開真的有野流出來，包皮軟潮州粉果…味道可以，但一夾就爛，人多時侯真的好迫，一坐下就不能郁，都幾慘，記得添茶，長期缺茶，我地做食客就好慘…整體食物中下水準，仲有進步空間，衛生環境記得改善。

見有雜誌報道，與友人專程到佐敦試吓此間點心專門店 。 下午約三時到未見滿座有位黑面姐姐派籌同點心紙好讓顧客在門外等候期間同時選擇食物選定六欵點心安排入座時已有貌似高級店員收了點心紙一廂情願等美食等吓......等吓......約十五分鐘後，剛才位疑似是高級店員才放低一張叫"啟臺紙"(即電腦入單紙)在枱上。標明開臺時間15:21印單是15:22吓? 1521? 三時入座即係與友人在店內白等了十五分鐘 不過都好過在店外食十五分鐘西北風 話說回食物 :真係菠蘿包 - 係指包內有菠蘿，但味道未見驚喜，偏甜。菠蘿脆皮只硬不鬆脆芥未咸水角 - 雖有些微青芥末味，不覺有何特別。芝士蝦脆捧 - 芝士? 完全沒有芝士味. 賣相極似某店羊肉春卷，但味道就欠了一點點 古法馬拉糕 - 四丁方小塊。有黑糖香味，糕身鬆軟但偏甜。脆皮鮮蝦腸 - 只試了些微腸粉皮， 皮厚無米香味。擂沙煎堆仔 - 全餐至驚喜。新鮮炸起，上桌熱氣騰騰，加分。 不過緊記要熱食。 涼了就...... 縱觀全店，漏單情況嚴重，坐位擠迫，服務未見親切。若論現今點心專門店，多不勝數。 雖說一試無妨，但失望而回，大有浪費時間之歎。

星期日的晩上本想到堂記但來到才發現休息,既然車已停在這𥚃便推門來吃點心當晩餐吧！鳯爪排骨蒸飯從小到大也喜歡吃盅頭蒸飯,尤其主攻鳯爪排骨及牛肉飯這兩項.到未吃過的點心店也總喜歡試一試,這𥚃的排骨肉少偏肥幸吃不到雪蔵味.鳯爪入味之餘皮層依然有彈性.飯是完全不行！是極討厭的濕濕黏黏質感.牛肉腸粉----豉油的調味略淡口,腸粉薄身吃起來夠滑,牛肉餡料也是屬於肉漿的質感.蝦餃----餃皮薄身不易穿收口位包得緊緻,外皮確是搓得不錯！惜爽爽的全蝦肉餡料非自己喜愛類型.豉汁鳯爪----與蒸飯的一樣富彈性的質感,但更多添了蒜頭辣椒豉汁的香味！非常好吃！金錢肚----醬汁味道和鳯爪一樣也是做得出色！牛肚質感咽韌但不黐牙,比一般酒樓做的炇至軟爛為佳.綿花雞----魚肚軟稔無腥味,冬菇夠大件厚身！炸雲呑----看似有點油膩但咬下去郤非常鬆脆.蔥油餅----底面也酥脆蔥香略嫌不足.環境尚算整㓗,但對點心籠的清㓗度郤不敢恭維！如蝦餃籠內壁便黏有不少其它點心的汁醬及已乾了的辣椒碎在內.這方面請店方加以留意一下,在同類型的食肆已開到成行成巿情況下,各方面也需兼顧一下吧！