點籽冰室 (Closed)

見新開業，試吓呢間冰室。叫咗二人套餐（包括：窩心嘅餐前小食日式螺肉、例湯、白飯、餐飲）鮮菠蘿咕嚕肉，魚香茄子煲有水準，好好味，例湯好飲。奶茶及鴛鴦都唔錯，會再次幫襯。

本人住樓上，之前嗰間老茶執咗，－直希望有另－老細會重開，直至見到有師傅裝修再問對面辦館老細得知係冰室，都滿心歡喜，起碼早餐有落腳地，終於見到佢開張，又見佢寫住王牌咖喱，噙晚即刻去試，點知完全賴嘢，只有黃薑粉味，點皇牌呀？杯凍奶茶仲奇怪，係暖㗎！安排座位嘅員工又得意，我一個人就比張四人枱我坐，跟住有啲兩位嘅客人又唔安排同我同台點解咁得意呢？真心希望好好改善！