Video
4-min walk from Exit B3, Shau Kei Wan MTR Station
continue reading
Opening Hours
Mon - Sun
07:00 - 22:00
Above information is for reference only. Please check details with the restaurant.
之前試業試過，幾好食～全部都係試外賣多～堂食既好似好少人咁～座位都幾多，下次有機會希望試下堂食～呢兩日都係食佢既早餐&午餐選擇都幾多～價錢好合理～早餐試左佢地既沙嗲牛公仔麵唔錯，炒蛋好滑～迷你菠蘿油唔會碎到一地都係～可能係偏濕既關係～但整體好好食～值得一試Lunch 食麻辣雞扒撈丁，唔太夠辣，雞扒有小小鞋～但煎得幾香口～配紅豆冰～正常發揮～整體都係好食～值得推薦既餐廳～真心希望大家可以支持下～唔好比佢執😂
continue reading
今日難得同呀妹去屋企附近間冰室食飯，呢間冰室的食物好有質素，價錢又優質，我地食左個超豪華既餐。餐廳光猛又企理，環境整潔，以自然色為主，坐得好舒服食物🥘🥘🥘🥘🥘環境🤍🤍🤍🤍🤍服務👍👍👍👍👍🩷啖啖肉無骨海南雞啖啖肉無骨海南雞真係啖啖肉，雞味又夠濃，又正又好味，啖啖好滋味，最重要夠正宗，無骨又爽口！配上米香十足的白飯🍚和一大堆滿滿纎維新鮮沙律菜，豐富多滋味。💙雞扒拼鮑魚（黑椒汁）新鮮熱辣鐵板有火氣🔥又有滋味，有大大塊的juicy雞扒，大大隻的彈牙鮑魚，大條厚身的香脆薯條🍟和水滴滴的新鮮車茄🍅和西蘭花🥦，好味到爆炸。
continue reading
同呀妹行街行到攰見到足間冰室好似幾好食咁，就入黎試下，一人叫一個餐就岩岩好。😽經典羅宋湯通粉配瑞士雞翼及餐包😽羅宋湯真係無得輸，好味得黎又健康，酸酸地咸咸地，味道岩岩好，飲到啖啖肉味，夠晒多菜，濃濃晚羅宋湯，通粉就吸收晒湯汁，就咁一碗通粉都好夠，另一碟既雞翼同餐包亦好食，雞翼大大隻，吸收晒甜豉油，又甜又咸，雞肉又嫩，餐包就唔會死硬，係軟既，好食！😻豬扒湯意粉配菠菜炒蛋及餐包😻湯意粉真係茶餐廳經典產物，原來又真係幾好食，湯底應該係豬骨湯，又幾香喎，意粉都軟硬適中，豬扒就夠晒乂塊，煎到好香，腍腍地既肉質，同意粉好夾，粉蛋同餐包就另外分碟上，炒蛋好滑，好嫩，加上菠菜香，就咁都好好食，又可以夾啲茄軟熟既餐包入面食，更加豐富既口感味道，好正！熱奶茶同熱檸水都好飲，味道岩岩好，又夠細滑，食完野飲就最好！
continue reading
我地一行四人一人叫一款早餐，我就清清地食牛奶麥皮配雙拼三文治，係芝士拼蕃茄，三文治做得好好，包皮有切邊，麵包軟熟，係新鮮即整，蕃茄都係新鮮即切，爆汁香甜，加埋芝士，軟綿口感，麥皮配牛奶就唔會過清，牛奶味濃，清甜健康(^з^)朋友就叫多士餐，有煉奶/果占／花生醬/牛油，任選兩款，朋友簡佐果占牛油，果占食得出係鮮果打出黎既，果味濃郁，唔會死甜，牛油就香味四溢，同脆既多士最夾(*^o^*)另一朋友叫雙拼一丁餐，係煎蛋拼香草腸，煎蛋係太陽蛋，煎到燶邊好香，蛋黃流心，篤穿撈麵都不知幾正，香草腸都好香，配丁麵真係最正（≧∇≦）最後一個朋友就叫鮮茄蘑菇奄列配牛角酥，茄汁豆，再加$6要迷你火腿通粉，呢個係素食之選，清淡得黎又唔係淡而無味，奄列既蛋好滑，餡料豐富，牛角酥焗到脆脆地，好酥香，茄汁豆酸酸甜甜，加埋淡淡地既火腿通，好大份既早餐(｡･ω･｡)飲品就全部都好飲，凍紅豆冰，奶茶，檸茶檸水都好唔錯！
continue reading
下午茶時間就緊係要食啲邪惡啲既野食，呢間冰室下午茶都有麵食，未食lunch既我就決定入黎試下。呢度竟然有咖喱牛腩撈丁，一定要試下！上到枱見到真係唔差，份量唔少，足一個公仔麵，牛腩都有幾大舊，咖喱汁又多，撈晒成個丁麵係可以做到每條麵都有咖喱汁🤤牛腩大舊得黎唔會鞋口，肉質嫩汁，腍得黎有啲筋位有咬口，口感好，而且好入味，滿滿咖喱香，一流😙下午茶當然都唔少得要有雞髀，瑞士汁雞髀配薯角，雞髀有成隻手掌咁大，皮好滑，肉好嫩，而且好香醬油味，好入味，咸度適中🤓薯角就新鮮炸起，炸得好脆，熱辣辣，外脆內軟，又夠咸香，下午茶精品😎飲埋飲品就最消滯解渴，熱檸茶同熱檸水都好飲，檸檬夠新鮮就最重要！
continue reading