開餐 (Closed)

係fb 見到好多人話可以食酸菜魚的黃店好少好似得呢間 好多人推介其實我未食過酸菜魚 但我朋友就好鍾意食所以約埋佢來試下啦店內唔少文宣 一直播緊頭條新聞 正！！入去即係有杯水都口罩袋 很貼心C101 招牌溫泉蛋鮮茄牛肉湯通粉蕃茄湯超超濃 夠味 食得出係新鮮蕃茄整入左唔口渴 好想再飲多d牛肉就普通 不過份量都唔少C105 酸菜魚片湯河wow 第一次食好有驚喜有d 似米線的酸辣湯未 仲好熱 好正味道唔太人工 好過譚仔個隻味魚片都幾多下 同埋河粉都好滑 入貨入得唔錯！跟餐加$10 有支特飲 個樽好靚仲可以重用明目肉圓杞子蜜超好飲 好推介好多龍眼肉 好清甜解毒胎菊花蜂蜜有淡淡的菊花香加上清清的honey 味好解渴 正呢間茶記真係算好高質下次再來食其他

難得去九龍,當然要承罰多過一間💛小店啦！去mamaday之前,今次就去哩間喺旺角佐敦區其實都算多人知既@dineinn_hk 開餐🥢🍴————————————————-試左好多人都會叫既招牌温泉蛋🥚鮮茄🍅牛肉通粉醬油豬軟骨飯有睇開我既朋友仔,都知我有試過最近先開既🍅son 同出晒名既🍅師x,我覺得今次哩間舖頭既茄湯始終係無咁出色💛但都有特別之處就係有隻温泉♨️蛋🥚,通粉係長條螺絲形😛而且味道其實都唔錯既！而豬軟骨飯既份量可能就多番少少會好D,味道都係正常的💛小食(五大素球)雖然哩個只係一個小食,但反而最有驚喜！甜酸苦辣真係一次過食到,但又配合得好好,一般苦瓜既我,少有地食完一舊又一舊😂唔會食落好奇怪咁😛💛👍👍————————————————-見到好多職員都係小朋友,但同其他職員都有講有笑！好融洽💛要繼續努力💪🏻工作呀!!!!

桂圓杞子蜜跟餐加十蚊，單買就廿蚊。佢啲料多到.....我自己整都冇落咁多😆佢雖然係蜜，但唔太甜膩，有少少蜜味。怕甜嘅友人一向飲呢啲都要加啲水，但今次唔使！行過路過，唔食都可以買樽飲品滋潤吓。

今日又帶藍絲父母出行，就係山長水遠嚟到小妹嘅飯堂開餐了。平時佢哋都係好少出街，所以帶佢哋出去省城一次就好似拉牛上樹一樣非常費勁的，不過最後都成功左👍🏻資黃都係好緊要既事，鏗鏘說的何謂大時代？ 大時代並非指那個真正的時代，而是你對當時的感覺。生於憂患，有種責任，有呢個感覺就是處生於大時代中，不要看小自己的付出，在蝴蝶效應下可能形成具影響力的風暴。小食點了炸饅頭，素肉炒秋葵，仲有五大素球，家母都很喜歡下廚，但對小食的評價很高，由其係秋葵，很香很脆，她非常喜歡，食埋炸饅頭大叫哇哇哇哇，饅頭外脆內軟，包唔會有油益味，淡淡中式包點既奶香味。五大素球每次去必點，襯底苦瓜我地都食曬小妹點了越式湯河，敬越南🇻🇳x 香港🇭🇰友誼萬歲，湯河不過不失啦，有洋蔥🧅青檸、香茜，九層搭等，辣椒🌶️仔，配料充裕，配上扎肉咁魚片頭彈牙，趁熱食其實都幾正熊爸點了清湯半筋腩配油麵，佢話筋腩入味，油麵彈牙，因為小妹唔食牛，所以都係靠熊爸形容記錄，但係點解碗麵咁多湯既🤔莎莉媽點了椒鹽豬扒飯，豬油飯好惹味又香，配埋甜豉油一流呀，豬扒炸得很脆不會硬，更加要讚既係竟然有三塊咁多，我地三個分享一齊食先食得曬呀臨走前我地仲拉住黃金老闆影

Hong Kong Style 屬於香港人的黃店食堂間店佈置好正，由門口玻璃到裡面都貼滿照片文宣Memo，撞正疾情，呢間店都排除萬難開店，還很有心整到充滿香港共鳴佈置係正既。我買了外賣回家食，食物平靚正，都幾足料，食了生滾蠔仔碎湯飯，蠔仔都幾大粒，好好味，仲食左喇沙肥牛湯米，唔會好辣，好有風味GA。還有五大素球食，重點有印住香港人加油的可循環再用膠樽，裡面是自家製花茶。我飲左菊花茶。飲用可重用, 好環保.還有很多卡片文宣消毒用品可以拎👍🏻💛大家記住去幫襯一下啦餐廳名： 開餐地址：佐敦白加士加19號地下 & 旺角通菜街1M至1T號華發大廈地下D舖

呢間店舖由外面黃到入面💛 貼曬靚靚文宣😍 當然要去支持下 價錢中等 叫咗個「碳燒雞扒飯— $54」同「喇沙雞球帶子湯麵— $58」。雞扒飯有驚喜，兩塊肥美又厚嘅雞扒，肉質鮮嫩，撈飯食一流，簡簡單單好有懷舊味道，呢間黃店值得支持呀💛

估唔到呢間餐廳老闆會喺疫症期間開新餐廳寫名香港人食堂，屬於黃色經濟圈4月至5月撞正限聚令但人流仍然一個接一個餐廳做足抗疫措施1. 為客人量度體溫2. 提供消毒用品3. 提供紙袋存放口罩4. 每張枱保持1.5米之距據了解，餐廳由前珠寶商人開設由賣金轉為賣黃到金餐廳，似係一個良心老闆食物好有香港味道，菜式國際化基本乜都有！日式蕃茄湯麵、日式鰻魚飯、台式半筋半腩飯、越式生牛肉湯河、中式酸菜魚湯河、港式豬酒渣撈飯、港式四寶湯河、素食珍菌湯河、星菜喇沙湯麵唔單一又好迎合唔同口味最特別係唔少菜式隱含政治意味有五大素球嘅素食、勿忘初心嘅油菜、香港人雜扒飯、印有良心嘅平安湯印有香港人加油嘅滋潤特飲包括明目圓肉杞子蜜、養生牛蒡冷泡茶同解毒胎菊花蜂蜜最大特色係有一人份量嘅 酸菜魚片湯河$54好少見用酸菜魚做湯底嘅粉麵小店嘅酸菜魚係一人前，唔使吓吓成鍋叫都食到酸菜魚，可以過口癮湯底有酸菜、辣椒、魚片等酸菜魚必備材料明明好簡單，但好少人做湯底有酸菜魚湯味，酸菜味適中酸味唔算太重，有微微四川辣椒味好啱做粉麵湯底，飲幾羹都唔口渴，似無味精因為酸菜本身都有味魚片幾新鮮，而且嫩滑無骨，啖啖肉兼無腥味酸菜湯底為魚片提味

食得多西餐都掛住香港茶記既味道，見依間新開既開餐都多人排隊，就揀左佢黎試一下等左一陣就有位，比想像中快。侍應好好禮貌，反應又快，一舉手就隨傳隨到，服務好周到，仲會同你傾下計野食方面選擇都非常多，樣樣都好特別好有特色，唔係平時係街見到個d菜色最後我同女朋友試左牛筋腩麵、雜扒飯、炸奶黃包同菊花特飲味道方面牛筋腩麵份量好足，牛筋同牛腩好多，超級抵食，而且味道唔錯！雜扒飯同樣好食，豬扒同雞扒都整得岩岩好，唔會鞋熠熠值得一提既係個炸奶黃包幾有驚喜，炸到外脆內軟而且仲識流心，非常正，值得一試最後就係菊花特飲個樽好靚，飲完可以洗乾淨重用！最後我地兩人加埋埋單總數143蚊，超級抵食，去到淨係要個特飲樽都抵！各位快d 去試啦

平! 靚! 正!晚飯時間都幾多人等位 餐廳侍應都好好咁同等位/等外賣嘅人講 可能要等耐小小 不過我一心諗住嚟食酸菜魚 緊係等啦!! 酸菜魚片湯河 $54 好耐冇食過酸菜魚🐟 好好味冇得輸 d河粉係幼身嗰款 唔會好油唔會一夾就爛同d酸菜魚出奇地好夾 d魚又好滑個湯底酸味同辣味好平衡 會忍唔住飲多幾啖 本身碗粉有餐飲送 不過我就跟餐加$10要咗個明目圓肉杞子蜜 超足料 個水樽仲可以拎返屋企重用抵加啦懷舊豬油渣撈飯配鹽酥豬扒 $56好邪惡 不過真係好好食

新開既呢間「開餐」打正旗號走黃店路線~第一次去食係佢開左幾日既一個下午，食物種類唔算多。幾個月冇食過雞扒，叫左個雞扒飯，雞扒幾滑，味道正常。冷泡菊花蜜，飲落都幾潤喉下，唔錯。過左一星期再去幫襯一次，今次係外賣拎走食！叫左個牛肉飯，外賣盒係用紙造個隻，呢個飯就普通左少少，但勝在支野飲搭救一下，拎返唔少分數=3=第三次係最近既事，朋友過左黎搵我食飯，諗唔到食咩，就帶佢體驗下囉！今次餐牌入面多左D選擇喎！我要豬軟骨飯，味道幾好呀，睇黎廚房有改進過！朋友就食鹽酥豬扒豬油飯，賣相幾好！份量正常！至於味道，佢都話唔錯！總結~有進步既餐廳，希望能夠KEEP住！

開餐可以歸類為打卡黃店，等位期間，門外已經有嘢玩：店員哥哥全身貼滿 YELL CARD，每位顧客可以抽一張，想成套買嘅話，課金廿二蚊就得。另外，兩邊玻璃都有打卡位，我就覺得左邊嘅岳義士正到不得了，睇見都覺心情澎湃。入到店內，光時旗，Pepe，連豬，抗爭相片，文宣，義賣，一應俱全，黃到發光。第一次嚟，當然要試兩個噱頭菜：平安湯同五大素球，前者材料包括乾百合，生地黃，桔梗，麥冬，玄參同甘草，據稱係 tg 解毒湯，有清肺毒，潤肺同養陰嘅功效，不過成碗嘢黑媽媽，味道酸酸鹹鹹苦苦咁，有啲怪😬，唔算得上好飲；後者就係五大粒素肉球，少少辣，少少鹹，配埋甜酸醬同埋苦瓜，就有齊宣傳圖上五味紛陳嘅感覺。跟住再嚟兩樣飽肚嘅：招牌溫泉蛋鮮茄牛肉湯通粉同埋懷舊豬油渣撈飯配燒原片五花腩，前者採用坑紋通粉，呢度有分加👍，其餘食材味道正常；後者嘅豬油渣竟然係一粒粒鋪喺碗飯上面😵，一啖咬落去，成個口都係油味，感覺有啲難受，幸好米飯粒粒彈牙好好食，五花腩又大大份燒得幾香，總算挽回一啲分數。最後加個小食炸單骨雞翼（孜然風味），炸得頗香脆，雖然孜然味略嫌唔夠，但都算唔錯。成餐飯我覺得最出色嘅估唔到係個飲品😮：呢度嘅可重用膠樽

見到佐敦開咗新餐廳，仲要個招牌同裝修到咁正，梗係忍唔住去試吓啦！餐牌嘢食都算多嘢揀，而且選擇都好大眾化，佢仲有得加錢佢買佢支涼茶添！樽裝涼茶個樽仲可以循環再用㗎，記得要留返個樽啊！今次叫咗招牌溫泉蛋鮮茄牛肉湯通粉，番茄湯濃郁，溫泉蛋都整得好靚，牛肉夠多，通粉加埋個濃湯好好味！真係日日食都唔厭㗎！嘢飲叫咗解毒胎菊花蜂蜜，蜂蜜嘅清甜加埋菊花，好味得來又養生。個樽重可以keep番再用，跟餐都係加$10咋，成個養都算幾抵食，性價比都ok。可以每日都會狠狠咁懲罰佢！

雖然話新開，但係門口等外賣嘅人唔少。門口店員有禮安排妥當。雞扒唔係炸，用好少油好健康，肉質鮮嫩，咁嫩嘅雞扒都係第一次食。疫情關係，外賣自取仲有八折，非常抵食！真香港人一定要幫襯！

個日路過佐敦好熱想找間餐廳食下午茶坐陣，見澳牛要排隊就行後少少試下呢間新開既黃店啦。之前見到fb講老闆係肺炎疫咁嚴重既情況下依然決定開鋪就覺得佢好有guts坐低睇完menu叫左個甜酸雞球配招牌豬油渣飯，炸饅頭小食同熱烏龍茶。作為一個成日話減肥既港女，其實我好驚個豬油渣飯真係油到要跑2個鐘步。大約等左10分鐘不到就上菜啦，好正啊炸雞球再配甜酸汁簡單係我最愛，又脆又酸酸甜甜咁。飯量唔算太多，女仔可以食得哂，大食好似可以叫加飯，估唔到個豬油渣飯出到黎唔算肥加埋d鼓油食我真係唔小心食哂成碗飯，後尾再加2匙雞球配既甜酸汁落去仲正！！！呢個飯我絕對會encore!炸饅頭都好香口，唔會好乾身，再飲啖烏龍茶解下d油，滿足啊～～～～呢間鋪由裝修都menu都黃到發金，希望下次黎有胃食埋個五大素球啦。佢個枝裝飲品樽印有香港人加油字樣，買完返屋企可以循環再用環保又輕便。聽講酸菜魚米線好正，已經諗緊再約朋友過黎開餐啦。大家如果見澳牛好多人可以行後少少食呢間真心唔會失望❤️

香港人雜扒飯 $56紅燒半筋半腩飯 $56冷泡菊花蜜 跟餐+$10-操完野黎附近呢度開餐 雜扒飯有雞扒、香腸、煎蛋同午餐肉 係啱肥毒食既飯lol飯既汁有D似小學時期 學校飯盒既味道🤣不過雞扒食得出有雪味呢度扣分！-紅燒半筋半腩飯 牛筋醃得好入味 而且醃得好腍 食落口都入口既溶 但牛腩就煮過龍 食落口好韌-值得推介係佢樽飲品 呢排天氣飲菊花蜜一流！飲完清涼感覺 而且菊花味都濃 個樽可以重用添👍🏿