丁丁烤魚

Open Now

Now Closed

心情好晴朗，朋友話汀汀烤活魚夜晚嗰個氣氛好得意，一走入去已經被嗰陣令人垂涎欲滴嘅香味迷惑晒。諗住今晚就放肆啲，點咗個任食烤魚同邊爐，心諗：今日一定要飽食一頓！第一眼見到嗰盤烤魚，渣辣渣辣嘅辣椒、蔥、芫荽鋪滿嘅樣，簡直太靚呀！魚肉一咬落去，外皮微焦香脆，入面嘅肉又鮮嫩多汁，真係可以話係烤到剛剛好。輕輕一吸，辣椒香味同魚肉鮮甜完美交融，一邊食一邊忍唔住讚好。🐟轉戰邊爐，個瑤柱冬瓜粒糖排湯底，先喝一啖，清甜到喊出嚟！每次食火鍋，湯底都至關重要，佢哋嘅真係沖天香！湯入口後那種溫潤滋味，簡直係大冷天嘅救星！而家講返啲肉類，啲安格斯肥牛片薄入味，入口即化；澳洲和牛咬落去彈牙又滑溜，仲有嗰啲手打滑品，每一樣都係令人讚嘆嘅好滋味，食住食住就覺得自己幸福到不得了。😋最後，一邊啖雪糕，一邊感嘆，生活嘛，就應該係咁，有美食、有朋友、有共鳴。今晚，不只係味蕾得到滿足，連心靈都開心到不行。這家店，絕對係會再黎光顧嘅寶地！🎉

見呢間幾多好評就揀咗佢同食屋企人食飯，但係最後大家越食越黑面，埋單每位三舊，仲要唔飽。先講服務，未入餐廳門口個呀叔已經係chur我哋入去，一輪嘴係咁sell，完全冇理過客人嘅feedback，淨係不停講佢自己嗰堆台詞。樓面明顯係新手，似係一家人嚟，特別係有個後生仔，好似完全唔知呢度啲嘢點運作，我哋都未開始食已經想收走等緊水滾嘅火鍋湯底，又唔熟啲枱號，又唔熟啲菜式，十問九唔知，仲要入錯單。另一個年紀比較大嘅女員工又串到乜咁，問吓佢條魚係大定細啫，一句得埋嚟”你先至知喎”，真係叻嘅啫。剩係得一個後生女係醒目，但係可能佢太多豬隊友，所以佢全程都好躁底。講返個價錢，本身諗住叫餸嘅舖頭食物質素會好過任食果種，sorry呀，真係放題火鍋都好食過佢。嘢食份量又少，價錢又唔係平喎，質素只係超級市場買到嘅貨色(冇吹水)。最正係佢個生蠔，上到嚟係一嚿冰嚟，真係好生喎。仲有，一定要收每位$8醬料錢，唔緊要，你真係有醬料俾人揀有乜所謂啫？佢個醬料吧嘅選擇真係得辣椒，蔥，芫荽，蒜，豉油同埋麻醬，俾啲咁嘅醬料人哋，又要必定收人哋$8一位，請問憑乜嘢呀？全間餐廳唯一可取嘅地方就係啲飲品唔係好貴，完。

屋企人生日所以想去食好嘢，跟住喺大埔搵到有呢間烤魚食，所以就喺呢度book咗枱，諗住大埔都冇乜地方食到烤魚，滿心期待。入去坐低叫咗一份烤魚一個雞煲：烤魚個汁陣味係幾好，不過條魚係無味，同埋唔算大份。個雞煲味都正常，不過好碎好細粒嘅雞件，一定無一隻雞嘅份量，所以食完雞同魚一定要叫打邊爐配料。呢到開始真係戲玉。叫咗份封門柳同手頸脊，一上枱就知係平時喺超市買嘅急凍貨放喺碟收你一碟188。叫生蠔，原來係急凍到掟死人嘅蠔。豬羊果d就正常，因為好難會難食。高潮位係上稻庭烏冬果刻，我哋叫咗好多嘢食但係都唔飽，然後諗住兩個烏冬食就算。。點知係將一個急凍烏冬切一半當兩個，收你44蚊。。。真係好炆。都要搵d嘢讚下嘅，唯一係個鴨屎香檸檬茶，的確幾好飲。最後想講，六個人埋單都要每人三百幾蚊，食急凍超市貨，要靠飲檸檬茶填肚，我就唔覺得值，我去同區食另一間烤魚好過。

江團魚好肥美 湯底都好正宗 索晒汁好正串燒好好味 特別係豬頸肉要大推！食完條魚仲可以打邊爐 勁飽🤣手打檸檬唔會太甜太酸 好解膩聽到職員每整一杯嘅真·手打檸檬聲😂（好飲過林x檸嗰啲hahaha）而且而家有75折好抵！！

覺得喺香港食呢啲嘅菜式真係唔係好夠，所以食完條魚之後都要加啲打邊爐嘅嘢先至可以算係一個政策，條魚都煎得幾出色，有魚味，鮮嫩不過真係要再辣啲先更加好，唔係嘅話都好似差咁啲嘢，不過都真係咁啱去大埔先至會食，如果唔係嘅話都應該會返咗大陸食類似嘅嘢

今日有啲秋意，涼涼哋梗係去食雞煲烤魚。行過大埔內街，見到「丁丁烤魚」令我諗起大學嘅回憶。點知，原來真係以前旺角東站出面嗰間「汀汀烤活魚」，同一個老細只係想改個名🤩🤩即刻衝入去食🤭一入到餐廳，姐姐就送左個小食比我地，係涼拌雲耳，酸酸甜甜好開胃。我哋即刻叫咗一個香辣招牌江團魚鍋🐟烤魚係即叫即烤，所以魚皮上枱時仲係好脆身。呢隻魚得一條大骨，仲好厚肉，每一啖都可以啖啖肉真係好開心。魚肉滾得耐都唔會影響口感，惹味又鮮味。烤魚入面嘅配菜種類好多，有金菇、芽菜、豆卜等等都係好索汁，個湯底係好正，所以真係好滿足🤗🤗當然，食完條魚就可以落湯開始打邊爐，火鍋配料方面，選擇都好多。我哋就叫咗豬皮、枝竹，繼續善用個湯底😂呢度仲可以一邊打邊爐，入邊食串燒。超級推介佢哋嘅燒羊架，好厚肉，羊肉味好濃郁，燒得啱啱好保持到啲肉汁😘記住叫埋手打香水檸檬茶，超大杯‼️好清新好fresh，解辣一流👍🏻

家人突然很想吃烤魚，想起了這一間在家附近一直沒有嘗試過，在旺角十分有名的烤魚店入座後便點了他們店員推薦的新出品，香水檸檬入口非常清新，不比手搖店差，非常適合一路吃烤魚一路飲用烤大江團魚鍋($318)，餐廳剛好做優惠，這一款魚有六八折，點了他們推薦的酸菜口味，非常值得推薦，魚肉質地嫩滑帶有油脂感，配搭酸辣口味非常惹味，此外他們的配料亦不少，烤盤底下有大量的豆芽豆腐卜蓮藕吃了烤魚過後意猶未盡，還額外點了半隻雞煲，麻辣口味，先說醬底非常惹味，配搭他們比較肥美的雞肉非常合適，是一道高質素的雞煲聽從店員說，他們本來是做放題形式，現時更改為單點形式，還給了我他們推薦的餐前小吃，每一道小吃都非常惹味，特別是他們的豬耳，入口爽彈，味道濃郁，非常高質素

路過見到都幾多嘢食，有烤魚有雞煲，入到來坐低然後個姐姐仔話個招牌烤魚有68折，之後我都覺得折後價錢OK可以試試就點咗，跟住上咗魚之後，起筷開始食咗先走來同我地講話要按照全單原價滿500蚊先可以享有條魚68折個優惠，心諗吓？咁都得？食緊時仲周不時來提醒我地仲差一百蚊就可以滿五百，大佬呀唔係話唔想比錢你賺，但我真係食唔到咁多我又點點得落呀。另外味道方面好彩都OK唔差，一個烤魚絕對夠2人食，不過價錢方面就好模糊。到埋單嗰下我地當然同佢理論返啦，最後話可能誤會同都想我地下次再次幫襯先計返條魚68折，話社交平台同廣告有寫明條款😓我路過見到餐牌嘢食OK所以入來食，大佬你餐牌又冇寫明total滿幾多先可以有折係好大問題囉，唔通入來前我專登上去睇下你地社交平台同各項條款先入去食？最後又話唔想我地簽卡因為簽卡收charge要求我地比現金😓（門口又冇寫只收cash….😥）。仲有到依家都唔明食個烤魚點解又會有收醬料費$8一位😵‍💫😵‍💫😵‍💫😵‍💫溫馨提醒大家睇清楚收費先好入去食或者埋單時睇清楚啲😥😥總體認真麻麻，食得唔開心

這天晚上我約了朋友在大埔吃晚飯，經過網上的推薦，我們便決定來到這間試川菜餐廳一試，店內環境寬敞舒適和清潔衛生烤大江團魚鍋($318)餐廳做優惠有68折，江團魚是係餐廳主打菜，所以我們選擇了這款烤魚，江團魚非常嫩滑細密，非常大條，味道我們選擇了麻辣味bb辣，味道很夠味，很夠辣，豆卜十分軟身，吸收了湯底的味道，大量的配料有芫荽，洋蔥，辣椒，蒜頭，芝麻粒，豆腐皮，豆芽彈牙，蓮藕爽口百香果益力多($24)味道酸中帶一點甜，十分大杯，十分解渴，十分健康，益力多可以改善腸道香水檸檬($22)檸檬茶十分大杯，十分冰凍，十分抵飲燒安格斯牛小排($138)燒肉即點即燒，牛小排非常香稔軟嫩，非常新鮮，肉味非常濃，質素非常高，配上准盬燒生蠔($46)味道用蔥粒，蒜頭，辣椒調味，生蠔十分大隻，海水味比較淡，非常新鮮羊肉串($30)羊肉串稔香軟彈，非常新鮮，用孜然調味金菇肥牛卷($32)金菇十分彈牙，肥牛香稔軟嫩，非常新鮮整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度和積極，所以我認為這間餐廳是值得再去惠顧

今晚放工約咗朋友行大埔 行去舊墟直街嗰邊 見到有間餐廳好光猛 行去望一望餐廳名叫做丁丁烤魚又有雞煲又有烤魚加埋火鍋打邊爐 一次過滿足我三個為食嘅願望😋為食的我同朋友 就要去試一試入到去地方好大好寬敞 我哋二人坐四人位 🌸任食雞煲加烤魚$298+1 雞煲食完可以再食任食嘅 辣到自己揀啦可以揀唔辣 啲雞呢好滑 仲好又雞味 🌸烤魚 （鉗魚）我哋揀咗酸菜魚 酸菜有酸菜味 魚有魚味 又滑又鮮嫩 一條都唔夠食牙 配菜仲有豆皮酸菜魚😋🌸飲品任飲的 🌸餐廳仲可以提供自助燒烤爐 光波爐 方便顧客自己燒烤🌸另外仲有一個打邊爐湯底啦 就係呢個滋補杞子花膠雞湯底 養顏又補身🌸另外我見到有個檸檬茶好特別 叫做香水檸檬茶有啲香茅味加檸檬同埋檸檬肉 好特別好好味🌸仲有任食雪糕啦三百零蚊有咁多嘢食真係冇得輸encore encore

本次是平日的約會用餐，店內採用台灣風格裝修。一個價錢吃到雞煲、烤魚、火鍋三樣食法，兼且任食2.5小時，更有最近極為潮流的自家製香水飲品。六品小食拼盤，拼盤內有各種台風小食，味道不太濃烈，適合作開胃小食。精美嘅火熱雞煲，份量十足，用料十分新鮮。不同的香水、潮流飲品，同其他熱門手搖飲品店相似，同樣好飲！此外，店內亦任食麻辣烤魚，非常美味，魚不會有太多骨，非常新鮮。我們還吃了可以任叫安格斯雪花牛肉，和各式美味配料嘅火鍋，例如：手打墨魚漿、腐竹、鴨血、娃娃菜、腸仔等…..配上了麻辣湯底，味道十分配合食材，讓人回味無窮。最後以香港製的蜜瓜甜品雪糕作結。性價比極高，極為值得一試

#20230903 🤍📍 丁丁烤魚 大埔舊墟直街4-20號美新大廈地下A2號舖➖➖➖➖➖➖➖➖➖➖➖➖➖➖➖➖➖➖#任食烤魚 $268/位#星期五六公眾假期及假期前夕 +$13/位🥢 #餐前小食 💭 最近見大埔新開左間烤魚，於是去試下🤤無論叫雞煲定烤魚都可以任食小食，有#炸饅頭 勁驚喜🤩係細細粒既小饅頭，個#惹味雞翼尖 都好味，鐘意吮骨既唔經唔覺又食晒成兜，其他都正正常常，不過勝在都有6-7款有得揀，算多選擇.🥢 #烤魚💭 揀左大路既#酸菜味烤魚 ，估佢唔到係佢連烤魚都可以無限添加♾️️可以食完一條叫佢再上下一條🐟條魚似鯇魚果啲質感，唔算實淨但係滑身，size偏細，岩晒2-3人食一條就夠，再食就飽晒食唔落打邊爐架喇🙈.🥢 #湯底💭 佢個邊爐唔係加湯落烤魚度繼續打，而係成兜魚收走上過另一個湯底，🐷揀左#美顏木瓜雪耳雞腳湯 ，店員姐姐聲稱師傅熬左好耐，建議可以飲碗先開始打邊爐，但飲落覺得就係雞湯味😅.🥢 #肉類💭 肉無分級數，基本上個價錢係取決於食烤魚定食雞煲，再豪啲就兩樣都食😏正常豬牛羊雞都齊晒，肉唔算十分靚但放得入口既，係呢個價錢絕對可以接受既質素，#羊肉卷 幾深得🐷心，食落唔多肥肉又唔鞋

記得以前放工好鍾意去旺角分店食宵夜每次食烤魚都會點一大堆配料，叫到滿滿一桌先開心自從疫情後，習慣放工回家很少夜生活為左懷緬一下去同事去左丁丁烤魚嘅大埔分店大埔分店裝修走小清新，空間十足任食雞煲烤魚火鍋（$288/位）一次滿足哂所有願望，無論烤魚、雞煲同火鍋都任食烤魚係現烤，魚皮仲脆身，魚肉仲好厚肉嫩滑唔係烤完擺好耐搞到乾巴巴香辣幾惹味，唔會太搶魚鮮就算煮其他火鍋配料都幾夠味雞煲係現炒，唔係預先炒定，鑊氣十足麻辣味加左鮮花椒，食落麻香麻香皮蛋芫荽茶瓜湯打邊爐有幾款湯底，雞湯每日新鮮熬製再加上芫茜皮蛋，飲落唔膩口，仲幾好飲配料用QR code落單，選擇都幾廣泛安格斯肥牛都係任食，而且質素幾好，我一個人食左5盤！另可以升級$58會有一份刺身拚盤同時令海鮮拼盤 單係海鮮拼盤就足夠回本，有鮑魚帶子，樣樣新鮮超抵食另外前菜、飲品同雪糕都係任飲任食前菜嘅炸饅頭，細細粒超邪惡！仲有解膩嘅醃蘿蔔同木耳，換換口味一流手打檸檬茶｜百香果水果茶作為檸檬茶控，表示非常滿意；水果茶好清新好fresh

烤魚店有米線吃？這次走進大埔舊區覓食，去了較入的位置找。去了一家晝夜不同的餐廳，白天吃米線晚天烤魚，感覺分別挺大的🤔。店鋪環境裝修簡約，牆上有草草牆裝飾🙈。-▪︎小食 HKD$32這個可在菜單上任選三款小食，我們選擇了雞腳、麻辣鴨血及小酥肉。用小木盤裝著賣相吸引，由淡味吃到濃味感覺挺好der。.雞腳味道酸酸辣辣的，肉質嫰滑入味。小酥肉金黃色的賣相，有外脆內嫰的口感🤤。麻辣鴨血較惹味，這個質感滑溜，有愈吃愈辣的感覺。-▪︎自選米線 HKD$32湯底有數款選擇，點了蕃茄湯，味道酸酸甜甜的推開胃🤤。配料選擇黑豚肉(+$8)和魚皮餃(+$6)，吸入湯汁感覺較惹味，豚肉肉質腍身。-▪︎口水雞飯 HKD$58擺盤是球變的賣相，這個價錢份量算是多的。雞肉肉質鮮嫰，雞皮爽口不油膩。味道香口微辣，感覺是小辣的味道，味道濃郁但不太咸。-

第二次到訪【丁丁烤魚】， 不過同第一次服務差好遠！ 今次無人介紹餐牌，而且只得2，3枱客，但d野食都出得好慢·任食雞煲＋烤魚係好抵， 因為隔離左右d鋪頭價錢都比較貴。講返今次……·雞煲d肉唔熟，侍應即刻係隔離炒，都係未熟。·打邊爐d牛肉出好慢， 催3次跟住話無收到單 但係落菜，餃子，佢又收到單·侍應係有禮貌既，但係d野食真係出太慢～ 唔會再去了！·烤魚其實好一般，但雞煲係惹味 ·另外可以加＄58 要海鮮刺身，都抵食