多味美 (Closed)

我與樓下的朋友一樣, 亦是多味美的長期捧場客, 每次經過第一城, 吃菜飯好像已是不二之選.每次要惱人選的, 是選吃什麼菜飯.先談談她的菜飯, 市面很多菜飯, 都造得 "菜還菜, 飯還飯", 她就是勝在造得 "菜飯合一"; 至於與飯共煮的雞湯/雞油, 明顯沒以前的那麼油潤香口, 可能是跟著健康的潮流吧, 但仍然是很可口!至於配菜, 醉雞酒香洽好, 與海蜇拌食, 好吃得連酒汁都用來拌飯吃, 但雞肉有時會過老, 但平均來說也是很好.五香牛腩,牛筋, 燜得夠稔夠入味, 五香汁撈飯, 正正正...排骨炸得薄粉酥香, 醃得入味, 又香又脆.想起又肚餓, 講到呢度為止.

瞓醒晏覺, 又餓餓地, 落街食T, 行過大家樂, 好似冇乜選擇, 唔知係咪比人食哂............因為已經五點........咁行行下就行咗入呢間試, 其實想試咗好耐, 但佢晚餐d價錢偏貴, 又多人, 所以一直未有機會試, 今天終於一試.............大失所望...........可能下午茶又太晏, 晚飯又未夠鐘, 只得四, 五枱客, 個個坐哂卡位, 搞到中間d枱好冷清, d伙計都得閒到吹水...........叫咗2個茶餐, 好快上.............. 炸雞比薯條 -> 隻比炸到乾哂, 乾過牛肉乾................薯條得十條多d......... 沙爹牛肉包 -> 得四片沙爹牛夾在1個熱狗包入面, 個包唔熱, d沙爹牛好鹹........** 可能果日係賽馬日, d師傅掛住睇馬, 所以d水準咁差.............不過呢個唔係藉口, 所以我已經bad list咗呢間嘢............. **

11月19號 - 晚上7點幾因為想看電視的關係, 所以比平時早左到第一城食飯。 不過早已plan定要試試這間餐廳。 因為過往無去過。我看中個蒜炒白菜仔。 加5蚊可以加埋一個例湯&百飯。 Total HK$28,- 本人覺得好抵食。 我不需要等好耐就可以食la。 最先是來個白菜, 然後就serve埋個湯&飯。 然後就"開飯la"!個賣相好靚。 見到D白菜仔好得意。 即刻想食。 我將D菜&飯撈埋一齊。 感覺好好食。 個例湯係番茄, 菜&瘦肉。 好好飲呀。個環境好好。 夠舒服。 所以我可以說呢餐食得好開心。

今天到這間「餐廳」吃飯，從外面來看，門面裝修全白色，感覺好似高級餐廳，但從玻璃看入去或進入去，你便知道這間只是茶餐廳而已。午市除了一般的中式快餐，這間餐廳的主打是上海菜。我點了鱔糊菜飯套餐（＄３５），包飲品，可選例湯、枝裝汽水或新輝罐裝果汁。套餐份量足夠，菜飯好大碗，女孩子可能會吃不完。鱔糊的份量都幾多，汁不太濃味，不會太鹹，鱔肉又爽，不錯。菜飯加橙汁，一個健康的午飯。

呢檔野，我由小學開始幫趁幫趁到而家出來做野（死啦，暴露左自己既年齡秘密添），n年前裝修之前叫美味屋，而家叫多味美，不過我同我阿媽都係叫"o個間上海舖"星期日去食午餐（嚴格來講係下午茶，因為早餐食太飽，冇食晏晝），叫左一碗我至愛既牛筋排骨麵share，講真，呢度麵質一般，但係牛筋同排骨就好正，牛筋炆到好軟滑好入味，排骨就分開上，放落湯浸一浸，一咬，肉入味，入口即化，有時我會叫多個多士，自制排骨多士，肉汁加埋個多士好好味架～老老實實，我呢個評分係有感情分成份，因為食左十幾年，就算唔好食都食出感情啦。不過呢，呢間野都算係唔錯，尤其是o的菜飯，我至愛有回鍋肉菜飯。有時冇煮飯，買個外賣返公司食，一叮熱出來，香到隔離組都聞到咁香，哈～

十幾年前(呢間餐廳仲係叫美味屋時) 係度食個排骨菜飯都要廿幾三十蚊，比起d M 記呀，真係貴左喎。但依家M 記個餐都要廿幾蚊，大快活都近三十，又覺得呢度相對黎講真係OK 喎~ 講返呢度d 食物先。相信住第一城或附近既朋友未必會記得呢間餐廳個名，但一諗起「排骨菜飯」就會自動識走過去食。點解？d 排骨有獨特既製法，外脆內軟有肉汁，但又唔係落脆漿炸到衡果隻。d 汁甜甜地，但好有肉味，永無失手﹗而d 菜飯呢... 又係好多菜，食其他地方菜飯都食唔慣lu有時唔想食肉，就會叫「素什錦菜飯」~ 芹菜、豆腐干、冬菇絲，好足料，同埋相對黎講比較清。而「醉雞菜飯」係我老豆必吃之選.. 佢隻酒幾好味，用黎撈菜飯一流﹗如果like 食醉雞的可以一試。不過d 麵食就麻麻，d 麵淋。雲吞大隻，但皮厚. 下面食評話服務差，老實講，我都認同。呢度d 待應真係十年不變，好鬼死寸... 如果可以改善下，咁就最好。始終以好食為先，所以我比個笑面佢﹗係for 佢d 菜飯。。。

叫了雲吞担担麵及牛腩菜飯雲吞雖然好大隻, 但皮太厚, 餡相對少從未食過担担麵有蝦米...而且沒有一般期望會在担担麵見到的配料牛腩ok lum, 但菜飯D菜嘅顏色...真係好恐怖, 好似好唔新鮮咁跟餐有杯嘢飲, 但竟然不能叫奶茶/咖啡之類, 唯有選其中一項罐裝果汁, 個侍應把飲管放在枱上, 但她好像沒有留意, 枱不是抺得好乾淨...我都費事再叫佢攞過第二支...侍應對食物認識不足, 態度...唉! 我都知茶餐廳不能要求太高, 但亦唔係咁掛??早知返屋企煮個麵仲實際!!! (激死...)

見間野裝修ok，於是一去一試。此店都是以上海菜為主，我們兩個人便打算叫一個二人餐，可選3個小菜送例湯同2碗飯。此時我們想知道味菜炒牛柳絲會不會辣，因為知道味菜可能會落辣椒一齊整，而我們不想食辣。問某店員此小菜辣不辣，但那店員很冷地教訓我們味菜點會辣呀﹗﹗咪即係咸酸菜，點會辣呀﹗﹗大佬落問下姐...想confirm下ma，後來黎左，發現果然辣椒﹗好彩唔係好辣，否則一定成碟退番俾佢，等佢咁串嘴。整體上食物尚可，節瓜粉絲煲的粉絲爛哂，一pat pat，火腿炒蛋無驚喜，碟牛柳絲得好少牛柳絲...例湯係例牌愈飲愈渴味精湯。非必要不需要到此一試。

這間餐廳食物雖然好食,但係服務好差!!!有一次,我叫佢俾個盒我,佢話盒要1元,就算啦!但係叫佢落單就嘆氣......簡直難受,唉!

ordered wantan noodle and 上海排骨菜飯. the noodle soup no taste at all, need to add more pepper and chili. the wantan skin is thicker than the meat. really not taste nice... much worse than then noodle soup i cook. REALLY not recommended to come here..

我住0係附近都10幾年了, 呢間野之前應該叫"美味屋", 佢果度d排骨菜飯好大碗! 而且d排骨都唔錯, 都幾鬆化! 不過其實佢以前好食d, 可能轉左師傅, 不過而家都幾唔錯的! 去開果頭可以試下!

難以取捨是指品質同價錢，曾經食過個棑骨飯，係學生餐嚟ga, 好似係$19.$19有個lunch食係幾好gei, 而d嘢都幾好食，yet, 當日食嗰個飯有幾夠排骨係凍個lor!!覺得佢哋係叮餸囉!!好似冇乜誠意﹔但只須$19......

我與朋友皆點了牛腩菜飯牛腩入味又夠諗菜飯都ok香啦但分量夠不過價錢真係幾抵25蚊一碗連橙汁/汽水雖然環境迫d但係有"pen"凳都算坐得舒服阿姐反應應都算快好似仲唔收加一

今晚食左個上海排骨菜飯～絕對好味過大家樂。２６蚊連一罐果汁／例湯～第一城ｏ黎講幾抵食。菜飯做得唔錯，排骨亦都唔肥，只係好細塊。女仔都係岩岩好食哂夠飽。見佢其他小菜都係廿幾三十蚊，下次再試。

初睇呢間鋪頭，個名真係得啖笑，但亦佩服店主想到呢個名。DO RE ME..多味美...勁講番食物，其實呢間鋪主打係賣上海菜，所以有菜飯、鱔糊等上海食物，價錢方面亦很大眾化，廿多元便可食個菜飯套餐連汽水。我試過佢O既菜飯同埋湯麵，味道都不錯，足料同埋合胃口，至少菜飯冇臭青味，牛腩亦很腍。要求不高的我，算很好的了。