Docle

Open Now

Now Closed

每次家人生日都會在這間小店訂購生日蛋糕。今次訂了一個7吋芒果忌廉蛋糕，生日蛋糕保持一貫高水準。細緻鬆軟的海綿蛋糕，搭配上香滑的忌廉以及香甜的芒果，真的食完一件又一件。

用餐時間（6:52pm dessert）follow@wojengyea/@wo!正嘢 for more food info🐒 支持我哋發掘更多美食 😋食咗呢間自家甜品小店4年多，除咗芒果布甸同啫喱，其他全部試過晒，食得出老闆嘅用心。水準一直保持到，而且價格唔算漲好多。舖頭由男老闆打理，整蛋糕、切餅、收錢，全部一腳踢，未見過有人幫佢手，我都係幫襯左三年，都係近半年先同佢傾到計。藍莓乳酪芝士餅$18🫐🍰 入口即溶，唔會太甜，香濃嘅乳酪芝士味，餅底威化餅底又唔會好濕。食吓一啖，食下一啖，唔覺差唔多食晒兩件，但係一啲都唔膩，究竟佢點做出嚟㗎？德國芝士奶餅$25🇩🇪🧀 有幾層，個底係朱古力，食得出佢無落好多泡打粉Baking powder，朱古力有口感，晤會太鬆軟。中間嗰層係芝士忌廉有芒果粒，最面嗰層用火槍燒焦咗。佢有張印仔卡，每買一件餅一個印仔，儲滿十個人仔就可以減$10 🤘🏽

2022.11.5 星期六 5pm買過多次了，每次都是在附近吃完一餐，順手買個甜品。門口有一張高枱，不過多數都是回去才吃吧。店鋪小小， 經常有布簾遮著鋪裡面，要出聲才會有人出來啊。•••••••••••••••••••• | 特濃芒果布甸 | $16🥭🍮每次必吃，真的是特濃呀，芒果肉很多又香甜，布甸超滑。不過用尖底杯，吃到最底時會比較難潷。還有家庭裝，大大盒$85，真的太吸引，好想試😆| 藍莓乳酪芝士切餅 | $17🫐🍰藍莓味道不太明顯，乳酪芝士餅很軟滑輕盈，甜度恰到好處。| Tiramisu 2.0 | $28☕🍰已忘記了普通版tiramisu是怎樣的味道了。這款表面可可粉較多，整體咖啡味算濃，軟芝士有奶香。原本不太覺得用酒，但吃到一半就嚐到好輕微的酒味。中間的手指餅不太濕潤，像普通吃海綿蛋糕。如果可以加多少許甜味更好。•••••••••••••••••••• 這間甜品性價比高，味道不錯，經過附近可以試試。

突然想食甜品，途經小店，得店主1人打理，但每款甜品，包括蛋糕，啫喱，布甸等我今次買了纽约芝士蛋糕 HKD 25, 賣相吸引，好香cheese 味，蛋糕好軟熟，性價比高。整體評分：3/5味道：3/5環境：3/5

小小嘅舖面，一個不留神，行過都未必會見到。剛剛搬嚟慈雲山，周圍探索下有咩好食～第一次試食Tiramisu就愛上咗呢間店佢全部甜品都性價比極高基本上佢大部分甜品我都試過晒，真心唔會有伏最推介係Tiramisu,其次係芒果布甸（每一次買啲芒果都係甜嘅）雖然店主平時好似唔點講嘢又無乜笑容，但其實都好好人嘅。試過一次買完蛋糕同去超市買咗一大枝鮮奶，先諗起無帶鎖匙，唯有硬住頭皮問店主可唔可以擺住係你度先，晏啲嚟拎返店主都好好人幫我收留咗佢哋！

無禮貌。大家街坊，中學時期已經幫襯， 諗住出咗社會幫輕下小店，原本想訂購50件焦糖燉蛋做散水餅，但男店員/店主回答問題表現超唔耐煩。店員直接話：無得訂wor! 再問：咁請問有無咩甜品係可以預訂呢？佢一句躂埋黎：咪其他囉！然後走咗去。雖然唔係大訂單，唔憂做都唔係咁嘅態度。

唔理解點解一間舖頭開咗門但係冇人搞到想買嘅客人企喺出面喺度等其實可以做得好啲岀面起碼留返個電話號碼今日企咗喺度等咗40分鐘問隔離舖頭啲人先知原來呢間鋪成日都係咁真心以後寧願唔食都唔會再等唔想做生意唔好開門啦面對食客嘅基本尊重都冇

店面細細，沒有堂食只有外賣，甜品款式都唔少，有布甸、tiramisu、切餅、燉蛋、芝士蛋糕，另外有沙律杯。法式焦糖燉蛋($10/隻，$55/6隻)燉蛋細細隻好精緻，唔會太甜，可惜燉蛋面的焦糖唔脆，如果做到脆面就更好。$10一隻好抵食，一次買6隻仲會平5蚊。我覺得甜點size剛剛好，今次買返公司同同事一齊share食下午茶，一人一隻剛剛好。看得出是間有心思的甜品店，價錢唔貴，可以一次過試多幾款，是值得一試的小店。

我第一次寫食評不得不高度稱讚這一間餅店，話說我哋六個人一起晚飯，但當中需要同兩個朋友仔慶祝生日，如果做兩個蛋糕就食唔晒好浪費，我就同老闆講有咩辦法呢？點知突然老闆講話可以一個蛋糕做兩面唔同款式😳😳我的女仔朋友喜歡史迪仔我的男仔朋友喜歡龍珠 老闆最後非常貼心幫我做咗兩面蛋糕價錢非常之平，裏面是黑森林底，無論生果,蛋糕味道同埋口感絕對冇得輸😋😋我影咗啲圖片俾大家睇，呢個蛋糕真係靚到不得了😍大家可以放心去幫襯你哋一定唔會後悔🤗我以後只會幫襯你這一間店💕

之前食過佢既tiramisu濃濃既咖啡味 鬆軟既蛋糕已經令我成日心思思想再食😋(藍莓cheese cake同朱古力蛋糕都買過 但自己冇食）有次放工肚餓 諗住獎勵自己爽下買左兩件😂 完全唔滯重好滿足可惜之後冇再經個到去過其他大型連鎖店食tiramisu都係冇慈雲山呢間小店docle咁岩口味(個人鐘意tiramisu入面有浸濕左咖啡既手指餅/蛋糕😻 而唔係重魚膠粉偏彈既tiramisu）今晚食完晚飯經過 飽住肚都要再買返件🐷d租金咁貴 廿幾蚊算抵睇得出staff用心整餅p.s 第一次開post純粹呢間小店唔好執粒等我得閒都有得再填下口癮😩

本來在旁邊越式食店等外賣午餐的我，等吓等吓，望吓望吓，看到這間小店有男友愛吃的New york cheese cake。上網openrice 一下，原來是新店，暫時還沒有一篇食評。雖然越南午餐同西式甜品的配搭南轅北轍，但貪吃的我還是買了New york cheese cake ，芒果布甸，同店員推薦的比利時朱古力蛋糕回去。本來我對朱古力蛋糕沒有特別的喜愛，但吃下第一口的蛋糕後覺得蠻有驚喜，沒有重甜，滿口是香濃的可可味，口感幼滑，多吃幾口也不膩(連吃完new york cheese cake 的男友也一來偷吃幾口，有點後悔沒有多買一份。因為很少去慈雲山，而且價錢也不過20幾蚊。)雖然這是一家小店，希望師傅繼續用心經營。亦因為這份小店的驚喜同落order前看到師傅專心切蛋糕的模樣，小妹寫了第一篇的食評。