Dodam Chicken (利舞臺廣場)

Open Now

Now Closed

有friend嚟香港玩，就帶咗佢哋之前都食過好幾次嘅韓國餐廳。求其嗌嘅一個炸雞超級無敵好食，主要係比較有特色啲。麵包裏便係啲芝士醬一切落嚟就全部流晒落嚟，浸到下便嘅雞塊就好有滋味。仲有個蛋捲，睇落平平無奇，一試就知厲害，蛋香濃郁到不得了，口感綿密軟滑，咬開仲有芝士流心，鹹香牽絲嘅芝士夾雜喺嫩滑蛋卷入面，鹹甜平衡啱啱好，趁熱會比較好食。份量又大份，價錢仲好親民，CP值高。但係依隻炸雞會有少少嘅油，不過影響都唔算好大嘅。

第二次去呢一間餐廳度食飯，weekend星期日餐廳都好少人，其實我覺得佢都好好食，可能始終佢係上咗樓，冇乜人會特登上嚟食。今次叫咗一個四人餐，一個兩人餐同一個炸雞籃，炸雞試咗原味、蜜糖牛油、鹹蛋黃三隻味，每款都好味😋芝士蛋捲都好出色！

3味脆雞$268三隻味道嘅脆雞拼盤非常之高性價比，一個價錢可以食到三隻味道。而且每一隻味道都有二人份量，一次過試晒三隻味道。叫咗原味脆雞、蜜糖牛油脆雞、黃金鹹蛋脆雞。原味脆雞上嘅時候會附上芥末醬，微攻鼻嘅感覺添加脆雞嘅味道。蜜糖牛油脆雞，蜜糖甜甜嘅味道正好解左炸雞嘅油膩。而每一粒黃金鹹蛋脆雞都裹上咗厚厚嘅鹹蛋醬。半半pizza $165 揀左一半margarita 味，另一半黑松露蘑菇味。Pizza係薄底，食完一塊之後罪惡感唔會好重，而且批底係脆脆底，好想再食多塊。部隊鍋$188 大大碗部隊鍋，鍋嘅形式上枱。Gas爐喺下便一直reheat , keep 住啲芝士係融化嘅狀態。部隊鍋入邊有香腸、芝士、午餐肉、泡菜、大蔥，經典嘅配料組合夾埋韓式泡麵，每一啖都係滿滿嘅滿足。

突然間興起想食韓國炸雞，今晚約咗男朋友去銅鑼灣利舞臺廣場。一入到去見到間餐廳好大，仲有電視睇添。見到餐牌有好多唔同款嘅炸雞，首先佢有分無骨同有骨嘅炸雞，有骨用曬成隻雞件，無骨用雞胸肉，我哋懶人選揀無骨，而且仲要係咸蛋口味嘅炸雞，色澤金黃，一咬落去香脆可口，配上香濃的咸蛋黃，十分美味，一啖一口，之後再配埋酸蘿蔔，好滿足！韓式粉絲卷配年糕粉絲炸紫菜包住滿溢的粉絲，外脆內軟的，令人驚喜年糕粉絲份量好足，顏色睇落好似好辣咁，食落去甜帶少量辣，里面晶瑩剔透的粉絲配上煙靭的年糕，還另加一些魚片，蔬菜等，醬汁係微辣加少少甜，食落去好開胃。最後仲叫埋Korean drink，一邊飲汽水一邊解油膩！

今日同大家分享一間隱藏喺銅鑼灣鬧市嘅韓式小店，主打兩款極具罪惡感嘅美食——「韓式即炸鹹蛋黃炸雞」同「韓式辣炒年糕」，兩款都係令人食到停唔到口嘅邪惡之選！🤍韓式即炸鹹蛋黃炸雞：鹹香爆棚嘅黃金誘惑一上枱，個賣相已經贏晒！金黃色嘅炸雞件件都沾滿咗濃郁嘅鹹蛋黃醬，仲有啲鹹蛋黃碎碎掛喺面頭，未食已經聞到陣陣鹹香，真係「香到隔離枱都望過嚟」！外皮炸得啱啱好，脆而不硬，咬落去「索索」聲，證明係即叫即炸。個炸漿唔會太厚，完美包住雞肉，仲要keep到肉汁，師傅手勢一流！鹹蛋黃醬呢個真係靈魂所在！醬汁濃稠度適中，唔會太稀亦唔會漿住個口。鹹蛋黃嘅香味非常突出，帶微微嘅沙粒感，仲有少少蒜香同辣椒碎吊味，食落鹹香中帶少少辣，非常過癮。最正係佢哋落足料，每件雞都均勻沾滿醬汁，唔會話有啲淡茂茂。肉質嫩滑多汁，就算放耐咗都唔會乾柴。醃得夠入味，就算唔點醬都已經好夠味。份量都幾足，兩個人share剛剛好。🤍韓式辣炒年糕（配有公仔麵、魚腐、洋蔥、芝士）：邪惡大雜燴呢個辣炒年糕絕對係「大堆頭」之作！一鍋上枱，見到啲芝士仲係「滋滋」聲咁溶緊，仲有啲拉絲效果，視覺效果滿分！年糕用咗韓國進口嘅條狀年糕，煙韌度十足，咬落去有嚼勁但

舖頭係利舞臺18樓，咁岩黎開呢頭做野，問問朋友有咩食，佢話午餐一定要上黎食，我既食後感係完全認同朋友所講，裝修舒適，近窗邊採光亦令人有活動，岩哂做到攰既打工仔，偷聽到老闆係講韓文既，估計餐廳係由韓國人主理，呢度既Lunch Set價錢非常抵，多種選擇任你配搭，如果係同同事一班人上黎，絕對一人嗌啲就可以互相分享試哂！我自己就得一個人，咁岩今日又想食雞，所以只係嗌左佢個韓式烤雞咋韓式辣焗烤雞我先問左店員要等幾耐，因為係烤怕佢攪好耐，後來15mins內就上菜了，全場仲要係爆滿架WＯ呢個午餐時段，保守估計有超過十件雞，可以選擇兩個辣度，小辣我個人覺得一啲都唔辣，鍾意食辣既朋友上一個Level會較好，雞肉係嫩滑兼實淨既，唔會太老亦唔會生，烤得恰到好處，配服配菜每食一件雞想清一清口腔既話，呢碟野真係好做到野，可以清新個口腔令每一啖都唔會太油膩

用咗openrice提供嘅全單六五折 環境都唔錯 暗暗嘅色調 枱與枱之間好有距離 傾計好地方部隊鍋 係用火鍋形式上盤 熱辣辣 都係嗰啲配料 午餐肉 腸仔 韓式年糕 芝士 辛辣麵 芽菜 娃娃菜同泡菜 就係你想像得到嘅味道千層酥薄餅一層一層酥皮 係好酥脆 面頭配上芝士 茄汁 煙肉碎/火腿？ 除咗個質感唔錯 我都唔知自己食緊咩配料 因為面頭嗰層配料一啲都唔好味芝士雞蛋卷喱個最好味 一層一層蛋皮包裹住一大pat芝士 一切開 流哂心好正 不過一定要趁熱食先食到芝士熱熔質感 味道其實都係你能想像的 香蒜脆雞味道好香濃 雞肉都算嫩滑 外皮香脆 就係脆雞味 整體嚟講 如果唔係有折真係覺得佢價錢好貴 完全唔值 折咗就叫好啲 但整體味道唔算出色 唔會有欲望想食多次*用咗openrice六五折訂座優惠*

📍 Dodam Chicken (利舞臺廣場) (銅鑼灣)地址：銅鑼灣波斯富街99號利舞臺廣場18樓A號舖📞：23338365💎 SALTED EGG YOLK CHICKEN黄金鹹蛋脆雞 （半份）💸HKD152黃金咸蛋黃脆雞融合咗金黃濃郁既咸蛋黃同即炸既酥脆雞，炒到沙質既咸蛋黃汁流係雞皮上面加上香脆口感相結合，帶來有層次既豐富味覺享受😋可以揀全份或半份💎BLACK TRUFFLE CARBONARA TOPOKKI黑松露卡邦尼炒年糕 💸HKD155年糕軟糯有嚼口，混合著濃郁奶油色既卡邦尼醬汁，表面撒上黑松露薄片，黑松露同卡邦尼好夾 松露的黑色紋理與醬汁的柔滑形成鮮明對比，整體賣相睇起來既精緻又誘人🤤💎ADE - Yuja (柚子🍋） 💸HKD108柚子梳打香甜又解渴，份量夠多，食炸雞就最啱叫佢😍Cheers🍻—————————————————————-Overall Performance:味道😋：5/5環境🍀：5/5服務👯：4/5衛生👀：4/5抵食💵：5/5

今晚收工去咗時代廣場買新衫之後，過咗嚟利舞台依間韓國餐廳食嘢，因為食咗巨型下午茶嘅關係，所以淨係嗌咗兩個餸，分別叫咗生炸雞翼同雞腿同一個海鮮煎餅。等咗冇幾耐嚟咗個海鮮煎餅，個海鮮煎餅睇落都幾大，份量好足，同埋個料非常豐富，最主要有魷魚蝦同蠔仔，成塊煎餅睇落冇乜蠔仔，但係食落去舊舊都有蠔仔嘅，跟住啲蝦好新鮮，味道出色，顯然係落足功夫，同埋呢個薄餅最好之處就係佢啲麵粉唔多，突顯咗佢啲餸配搭嘅味道，同埋煎得好乾身，再加埋佢個海鮮醬非常之出色。食到咁上下炸雞就上咗嚟，一上嚟就聞到浸炸雞味，同埋係勁熱，係絕對係新鮮啱啱炸上嚟，我哋都要等咗好耐先至食得，個雞皮係勁脆食到殺殺聲，配埋個芥辣醬，真係一流絕配，本來用筷子食緊嘢，最後都係用手食，因為用手食滋味啲，攞住嚟食同夾住食嘅感覺完全唔同。呢度啲位都幾多吓，所以坐落去好舒服好寬敞，同埋平日夜晚人唔係好多，裝修都係以韓式風格，感覺同去咗韓國差唔多，值得推薦。#dodamchickenhk

睇完醫生搵地方食個lunch, 去左dodam chicken，係利舞臺入面。餐廳空間感好大同埋暗暗地幾舒服，lunch set好扺食。但我最後叫左半份炸雞同一杯柚子蜜嘆。隻隻味都好正咁，但食唔到咁多，就揀左蜂蜜牛油蒜炸雞！半份有六件，有晒手套。好香脆，唔會好膩，牛油味好香濃，配埋蜂蜜入囗味蕾大爆發，推介！特別雞腿部位肉質嫩滑，好味。另外杯熱柚子蜜好大杯，同外面啲cafe size完全唔同，柚子好多，冬天或者養生之選。適合多幾個人一齊黎食，可以試埋其他味同部隊鍋。

♥️Dodam Chicken (銅鑼灣)今晚要去銅鑼灣附近整啲野 順便睇下附近有咩好食～見到呢間近近地又幾正咁就去試吓先係地鐵站附近行幾分鐘就到啦 好就腳呢到播住好kpop歌好有韓國風味😂餐廳裝修企理 環境好寬敞～✨蒜香蜜糖牛油烤雞每次去炸/烤雞好中意食呢隻口味😆好香蒜味 配合蜜糖既甜味好夾怕熱氣所以叫烤雞算😆雖然係烤雞但外皮都好金黃酥脆 雞肉嫩滑又juicy唔會好乾✨Dodam Salad食太多肉所以叫翻碟沙律平衡下～沙律有腰果 粟米 菠蘿 提子乾等配料整體口感好豐富 沙律菜都新鮮 配埋日式芝麻醬 個人覺得好好食呢到炸雞味道好多選擇 下次再黎食想試下其他😛

以前Dodam Chicken喺觀塘有分店，唔算貴又高質，我特別鍾意佢個三重芝士炸雞，$200兩個人已經好飽。今次特登嚟到銅鑼灣分店，坐得好舒服，同朋友過嚟傾偈食炸雞飲啤酒一流！👯🐔✨ 黃金鹹蛋脆雞啲雞肉好Juicy，真係好鮮嫩，雞皮都又薄又脆，唔會好似出面啲炸雞咁有好多炸粉。鹹蛋黃醬好多，而且係好足料嘅鹹蛋黃，好濃郁，好香！🙌💛🍯🧈 蜂蜜牛油脆雞蜜糖同牛油混合甜中帶咸，如果鍾意蜂蜜牛油味嘅可以考慮一下，但我個人比較鍾意重口味，我覺得鹹蛋黃味正啲👏😍🍝 黑松露卡邦尼炒年糕黑松露配上鮮奶油，仲有甜甜嘅洋蔥。韓式嘅卡邦尼特別在於佢會加啲魚腐，蘿蔔同埋包菜。我覺得年糕比較難消化，所以轉左意大利粉🍽️😋都唔錯。🍫🥤 Chocolate milkshake🍦🥤 Vanilla milkshake我哋叫咗兩杯奶昔，都幾似沙冰，好冰凍。香草味同埋朱古力味都好濃郁，奶味十足。

今日我去咗銅鑼灣一間主打韓國炸雞同埋烤雞嘅餐廳，真係一個唔錯嘅選擇！我叫咗一個Margarita pizza，Pizza餅底用咗墨西哥餅皮，咬落去有種甜甜嘅感覺，超級特別！上面嘅蕃茄超新鮮，仲有好多芝士，熱辣辣地融化，真係好味到唔想停口。另外，呢度嘅烤雞真係必試！我哋揀咗有骨烤雞，味道係蜂蜜牛油香蒜，經典又好味！雞肉烤得剛好，外面金黃香脆，裡面保持住多汁，每一口都好入味，嗰種香蒜味搭配蜂蜜牛油，令人食完想再食多隻！最後，實在食唔晒，決定打包返屋企，因為真係太好味，唔想浪費。服務方面，店員真係好有禮貌，服務態度一流！我一坐低就自動幫我斟咗暖水，呢種貼心服務真係令人感到好舒服。整體來講，呢間銅鑼灣嘅餐廳真係好值得一試，食物味道出色，環境舒適，加上優質嘅服務，真係一個幾好地方。

呢間韓式炸雞店都屹立香港好多年，見佢啲炸雞好大份好吸引都想試好耐，點知發現佢宜家得番一間分店了，要食既睇黎要快啲黎食蒜香蜜糖牛油烤雞：糾結左好耐食烤雞定炸雞好，最後決定健康啲揀烤雞，食落都真係完全冇油膩既感覺，雞肉烤得好滑，調味比較切合香港人口味，冇一般韓國調味咁甜，蒜同牛油味都幾香，附上既醃蘿蔔解膩一流。啱哂減肥/增肌中既各位呀沙律就同想像中有啲出入，加左菠蘿、堅果、腰豆、粟米，味道係比普通沙律豐富既，啲菜都好新鮮，不過用左普通既日式芝麻醬，$125就有少少貴喇環境好闊落，張枱好大坐得幾舒服平日午餐買三送一又送野飲，附近番工既話都可以過黎食下其實佢地都好多特色menu 例如黑松露年糕/麻辣牛肉鍋，想食韓式fusion菜既可以一試

韓式蜜糖牛油炸雞是一道受歡迎的韓國料理，通常以炸雞為基底，配上特製的蜜糖牛油醬，讓雞肉外酥內嫩，味道香甜可口。這道菜常見的做法是先將雞肉醃製，再裹上粉漿炸至金黃酥脆，最後淋上濃郁的蜜糖牛油醬，增添風味。炸魷魚鬚則是另一道美味的小吃，魷魚鬚經過醃製後裹上麵粉炸至酥脆，外皮香脆，內裡鮮嫩，非常適合作為下酒小菜或開胃菜。還配有薯角。沙律部分通常包含新鮮的蔬菜，如生菜、蕃茄等，配上清爽的醬汁，作為整餐的清新搭配，平衡了炸物的油膩感。這道餐點的組合不僅色香味俱全。