石牆道韓國餐廳

Open Now

Now Closed

前日同乖仔係K11睇完Mario, 之後就带佢去食番餐，佢話要食韓燒，我就係openrice search到有一間石牆道係附近，所以就去试下地方都幾大，有兩層，我地就上左二樓，叫左好多韓牛，燒上黎七成熟，剪開再包生菜一齊食，超美味，肉質唔韌，加埋海鹽超正

好傳統又正宗的韓國餐廳（目前also one the best korean food i had in hk）老闆娘係個短白髮姨母，其他員工全部都好熱情好nice好friendly。佢地會細心介紹D菜式。前菜俾我地10碟，全部都味道唔錯。we ordered 生醃醬油蟹（真係好新鮮），老闆娘親自幫我地做個醬油蟹紫菜拌飯。點兩set豬皮（老闆娘親自幫我地烤），好爽口彈口。also ordered 牛骨湯（味道好好）and牛舌。 Highly recommend & 會再帶朋友來。

去到餐廳感覺到幾乾淨，環境幾好，可以選擇室內同室外，啲侍應都好nice, 啲食物新鮮，前菜品種都有好多選擇，醬油蟹非常好食😋⋯⋯總之我會再幫襯啦😋😋😋😋

今日到石牆道韓國餐廳吃韓燒🤩，在尖沙咀金巴利道，餐廳位置地點非常方便。 平日大約八點到餐廳， 店內坐滿客人，非常熱鬧。各種烤肉類由百幾蚊至600幾蚊都有。 而見到平時個lunch menu都好抵，幾十蚊就食到韓式lunch，可惜我唔係呢頭番工。今次同朋友order左：醬油蟹 - 鮮甜多膏人參雞湯 – 夠熱清甜海鮮燒肉 - 牛肋骨份量多而且燒肉都好新鮮多汁整體性價比都算高，地點方便亦是首選，超開心生日飯。

噚日睇完一個電視清談節目，講及有關日本將會傾倒核廢料到太平洋，影響深遠，稔起都驚驚，所以復活節都係改去韓國安全D出發前先嘆餐韓菜熱下身先係openrice search左幾間，终於揾左間叫石牆道韓國餐廳，因為見到好評不少，所以就試下

俾網紅食評呃左過黎，4個人食左2000幾蚊，性價比低。醬油蟹好一般，甚至有少少難食，叫左兩隻都無食曬。韓式烤肉甚至同出邊d 200幾蚊一位放題仲差得遠。服務態度更加一言難盡，叫加茶水都叫左幾次，等左好耐，更加唔使講服務員講嘢嘅態度果D。總之就係中伏。

好耐冇出過旅行亦都好耐冇食過韓國餐，今晚同一家人專程呢到尖沙咀呢一間韓國餐廳開餐，本來朋友介紹食過話唔錯咁就我試下啦，我本人都好嘴刁，啲嘢食都幾好食點咗好多韓式海鮮，醬油蟹醬生蝦之類，真係好耐冇食過，呢間度食，正! 特別想強調一下呢度嘅裝橫，好有特色，成家人都食得好開心。

平時好少食韓國嘢， 咁啱拍拖經過，女朋友話想食，咁心諗冇計啦， 其實我都嫲嫲鍾意食韓國嘢， 不過試咗呢間，估唔到又真係唔錯喎， 自己唔鍾意食生嘢， 嗌咗炸嘢試吓， 啱啱炸出嚟，超香脆， 另外，嗌咗個燒肉餐，食到我好飽。

平時都鍾意食韓國嘢，之前聽朋友介紹呢間好似幾好食， 行開尖沙咀嗰頭就過嚟呢間石牆道韓國餐廳試吓，款式好多味道唔錯，生蠔肥美好好口感又冇腥味，仲食咗個醬油蟹，幾好味下， 空間環境都幾有韓國小店feel，坐落寬敞唔迫，整體食物質素唔錯。

呢幾日經過一間韓國餐廳 感覺好似唔錯 試完都ok 先試左牛肉 幾新鮮 夠厚身 牛味好足 呢個我鍾意食 仲初試左個醬油蝦 呢個都幾好賣 上次來到已經無曬 蝦頭好多膏 味道唔錯 仲有石鍋飯勁多飯焦 完全啱我心水

好耐無去石牆道嘆韓菜啦，噚日經過金巴利道就順便嘆番餐，佢地咁多年都無乜點變，仲係咁古色古香餐牌依舊，但價錢調整左，好耐無食過佢地嘅天婦羅鲜人參，好脆，甘得黎唔會苦，保持水準醬油蟹四隻，好鲜甜，D膏又多，橘紅色D膏加埋D紫桑飯撈埋，超正整體保持水準，味道十年如一日

第一次喺OpenRice寫食評就俾咗呢間嘢🙃.第一，環境一般，座位非常之狹窄，呢個都算（但呢個價位，喺呢啲環境食飯真係差）.第二，食物質素Below Average，啲咩咩鍋味道太淡，海鮮同肉類醃嘅味道奇怪，OK我都算，唔拎喺韓國食嘅嚟比較。.第三，服務態度惡劣，成程都跟佢指示燒肉，店員可以建議我用咩醬料配搭，但要加咩醬係我自己選擇，全程燒肉都係用命令式咁食飯。另外我哋想Refill配菜，叫咗好多次佢哋應咗都只係幫我哋加過一次，到最後叫到成9:30PM個老闆娘就話已經截單???.第四，價錢離譜，七個人食咗HK$4800+，姐係人均HK$690，呢個價錢食咁嘅食物同體驗咁嘅服務態度真係離譜。.總括而言，食物質素差，價錢不合理👎🏻.如果你人均Budget有HK$700，我建議你去食其他正常高級餐廳，或者自助餐仲好，嚟呢到真係俾錢買難受🙂

買完嘢嚟到附近 餓餓地 又想搵地方坐下食吓嘢 見到呢間韓國料理餐廳, 睇落唔錯，就入咗去試吓啦 但估唔到識落有驚喜 菜式種類好多 仲有醬油蝦醬油蟹,唔係度度有得食, 咁就喺度試咗個韓式嘅海鮮大餐, 結果味道都幾唔錯，店舖環境唔算大但都坐得舒服,同朋友邊食邊傾都幾有feel。 

最近電視台播左好多旅遊節目，有泰國，台灣，但我本身就偏愛韓國，因為靚仔多呀嗎噚日就去左尖沙咀呢間，因為老闆娘邀請我地去試菜，给些意見，所以只是收了些酒水錢係地舖唔使上樓幾方便，装潢有D古韓風，地方夠大唔使逼，我地最愛韓燒，佢地份量足，好似牛肋骨，牛五花，仲有海鮮，份量都好足，燒上黎肉香四溢，仲有D帶子好大粒，少少焦濃最正最讚係佢地抽風糸統，完全無油煙，唔會好似其他地方，食到成身油煙另外，特別介紹佢地個梨絲鮮牛肉，完全唔腥，仲好有牛肉味，咁樣先可以食到真正牛味

今日來試下呢間 石牆道 就前菜已經有10小碟 同埋仲可以免費 refill 真係正 我最欣賞就係個炒魷魚伴素麵 原本我怕辣 但試左又可以接受 魷魚夠惹味 撈埋一齊食夠晒入味 我覺得幾好食。海鮮蔥餅餡夠多 食得出多魷魚多蔥 味道淡淡夠濃郁 加埋魚露口感會更加好 加上仲有最鍾意既蟹膏拌飯 蟹膏食得出夠新鮮 拌飯一流 醬油蟹更加冇得頂 下次會再試其他！！