丼丼屋 (德福廣場) (Closed)

一個人的晚餐，我選擇了DonDon屋，5時許去到德福廣場，當時餐廳只有廖廖數人，有數位和我同樣是一個人用膳，我揀選了豚肉飯，waitress 說要等大約15-20分鐘，但最後10分鐘熱騰騰的飯已送上來，眼前的飯就跟餐牌上的相片一樣，而且十分美味，不經不覺我食完全碗飯，很滿足，6時前結帳已開始陸陸續續有很客人入座。

午飯時間想喺九龍灣食飯實在唔容易搵位，見丼丼屋有位所以去咗食，咁岩見到個限量推介嘅燒汁吉列豬柳定食就試下啦～份量比較少，只有三件豬柳，下面鋪左生菜絲，醬汁有點不足，食食下覺得個飯好乾另外嗌左個蛋黃醬吉列雞排定食，這個相對好吃，肉質軟嫩而且不會太乾，食完個飯飲埋個味噌湯就岩岩好啦加左＄10要多個雪糕，牛奶味幾重，唔夠飽可以試下

昨晚又走到丼丼屋醫肚，天氣悶熱想食涼浸浸嘅嘢，想食刺身但又唔想食飯，最後揀咗…一個人其實肯定好難清晒，但刺身沙律相對較清新 刺身不過不失，蔬菜夠爽脆這個天婦羅真係較難炸得好食，之前食過，外層火喉剛剛好，但內裡的粉漿還是濕的要再返炸，所以今次落order時要求炸番落少少，避免內裡未熟…今次裡裡外外全熟，但始終都覺得個粉漿唔得，太厚了最安全的冷烏冬，冷烏冬彈牙略帶煙韌，爽

差不多晚上9點，一個人食飯嘅好處係等位時間較短最易有位，唔使等位就直入，被安排在bar位面壁，一人最啱面壁唔使比人眼望望因週末去咗BBQ,勁熱氣，要食下刺身先得喇，本想叫極上魚貝丼，但今日無依款… 唯有再揀過… 最後叫了特上大蝦海鮮丼加錢轉套餐。今晚比平常等候時間較耐，等了十幾廿分鐘有多才來這個嘛份量不多就不要用個相對大的碗仔盛放啦，攪到望落得果一撮，好小家咁… 有d似食剩咁款… 以前係用西生菜、車厘茄加芝麻醬，但依家改了椰菜絲加青瓜同一角蕃茄，無舊的那麼清新，椰菜帶點苦澀味噌汁這個保持一貫水準，蝦大大隻當然啖啖肉，不過魚子比一般細粒，整體也是新鮮可口的

一直也想試丼丼屋, 每次的飯腳也有其他心水選擇, 所以直到現在才幫襯到, 看到丼丼屋近期主打天婦羅丼, 真是很心動,可惜喉嚨最近有點痛, 不敢吃得太熱氣, 殘念>_<最後二人選擇了各人一份主食類, 再加一份小食蟹肉玉子卷 - 已切開4件, 可見層層玉子LAYER中間可見完整蟹腳, 一梳梳的蟹肉, 並非採用面粉製的仿蟹柳成份蛋卷帶着少許的甜味, 加上蟹肉的感鮮味, 正合我胃口而且蟹肉的份量也不少, 基本上每一口蛋卷都能吃到蟹肉!值得推介!!蕃茄牛肉烏冬 - 餐廳選用讚岐烏冬, 是香川縣的名物, 該處更有不少烏冬學堂讚岐烏冬的特點是入口很綿滑, 軟硬適中, 咬落帶煙韌感絕不像 坊間的烏冬 或 即食烏冬 一咬便有種粉團的感覺這個烏冬雖然叫蕃茄牛肉烏冬, 但湯底一點也吃不出有蕃茄味, 只能吃到咖喱味而牛肉則是一般打邊爐的肥牛片質素, 沒有太大的驚喜鹽燒鯖魚定食原為鹽燒鯖魚的燒物類, 加$18 就可配白飯, 小食(沙律), 漬物, 麵豉湯說實在, 鹽燒鯖魚這菜式根本是不可能煮得難食, 只要把鯖魚煎得夠香口, 加幾滴檸檬汁, 就必定會好味所以定食重點反而落在 加$18所配的漬物- 

今天是母親節，先祝天下間的媽咪母親節快樂！也特別分享一則親子食記：上週六要到九龍灣參加活動，之前正好也約了友人在德福吃飯，帶著小兄妹，不如就吃丼丼屋吧。有小兄妹在，滑蛋雞肉丼 (親子丼) 絕是不二之選。太愛這裡的新潟靚米了，加上美味的滑兔，以及嫩清美味的雞肉，大人小孩無不給它迷倒！　也是方便小兄妹品嚐，又點了蕃茄牛肉湯烏冬，成品蕃茄味鮮濃厚，同時牛肉的騷香突出，整個配搭非常不錯，而且湯中的烏冬也晶瑩得來煙韌彈牙，又是很滿意！　最後是叫好叫座的 十勝帶廣名物豚丼，成品分為四片裝的並盛，以及六片版的特盛，相差只$20，當日我們要了特盛。豚肉腍滑鬆化自是有水準，但那微甜的醬料也是精華所在，吸引非常，加上本身就超好吃的白飯，明明超飽也要吞下去了！　　最後也加 $25 要了一杯 宇治金時新地，再一次讚嘆這間分店的水準標青，由頭到尾都出色，這杯雪糕質感較挺實，牛奶香氣非常突出，加上丸子、紅豆、綠茶醬及粟米片，十分好吃。覺得德福分店的水準特高；這頓埋單 $280 多，以 Enjoy 卡簽帳還有一張 $20 coupon，真抵。吃到一半妹妹就睡了，今餐只貼囝囝的燦爛笑樣～講起這隻豬仔，早兩天他由學校回

最近九龍灣德福廣場的食肆又再大執位, 就連本來最熱門的薄餅連鎖店都突然結業, 換上台式咖啡店上場. 不過唯獨是廣場盡頭的角落, 元氣, 一風堂跟丼丼屋食堂就仍然穩打穩紮, 無論午市或晚市, 依然門庭若市. 宅女其實早巳當了丼丼屋食堂是家庭飯堂, 一來貪其近住所, 二來喜歡他們時不時都會有新品推出. 早陣子就知道了他們又推出了個全新的天婦羅餅, 從餐廳的面書看到照片超吸引的, 這晚趁著家裡沒飯開便拉著妹妹下班後一同來試試.其實最近他們都在餐牌新增了不少新菜色, 像之前吃過的蟹肉玉子卷味道OK, 這次再來試試芝士玉子卷 (HK$43) 一碟四件份量都幾多, 看看蛋皮中間夾著不少半溶的芝士又幾吸引. 入口蛋卷質地夠軟棉, 帶點微甜, 不會好乾, 不過芝士味就未算好濃郁, 以這個價錢來說也是OK的水準. 如果蛋卷熱度可以再高一點必定會更美味呢.特上天婦羅餅丼 (HK$88)繼之前的北海道「十勝帶廣名物豚丼」後, 今年餐廳又再跟本店「帯広はげ天」合作, 推出了這個特上天婦羅餅丼, 上桌時看到超大份的天婦羅餅, 真的有夠巨型. 看看內裡原來放了不少食材, 從官網看到原來有包括松葉蟹, 帆立貝, 三

哈哈，基本上除了某某牛肉飯連鎖店外，我最喜歡就是丼丼屋食堂了，他們不斷轉換餐牌的作風，可以帶給客人新鮮感，不會容易厭倦。由於家住九龍灣附近，每次行經德福時都會特地到門口轉一轉，目的就是看看有沒有新產品，今期的新產品就是北海道帶廣新名物丼的【特上天婦羅餅丼】，滿滿的一碗實在吸引。雖然新產品很豐富，但我的胃口何其大，每次都會點上很多小食及飲品，燒玉子卷是必叫的項目，而且加入了蟹肉的【蟹肉玉子卷】更為鮮味，最喜歡的就是那軟綿綿質地，又有蛋香好食。再來一個【刺身沙律】，沙律菜以柚子醋汁來拌，酸酸溜溜很開胃，加上三文魚、吞拿魚及帆立貝的刺身，相當滿足。接著就是今天來的目標食物，就是【特上天婦羅餅丼】了。為何叫天婦羅餅，就是因做法將十種海產及野菜製作成一個口感複雜，外脆內嫩的天婦羅餅。材料真的非常豐富，有松葉蟹、帆立貝、三文魚、蝦、蘆筍、淮山、牛蒡、本菇、茄子及粟米粒，層次分明，再淋上甜甜的醬汁，感覺新穎，最重要的是居然不油不膩，頗為清爽。吃了美味的丼飯，最喜歡的就是分享，所以也不忘從家人的【特上盛大蝦海鮮丼】拿取那隻肥大的赤海蝦，爽口鮮甜，真的無論吃多少次都這麼喜歡。最後，不知不覺間迷上了這杯【

有張優惠劵消費滿200元可減25元今日到期，適逢今日放假，即刻去食.咁耐以來都只係食晚市，原來午市係抵dd架，有什市精選定食，送前菜、沙律、麵鼓湯及飲品或汽水有四大類,一共15款選擇.有得食啦揀咗咖哩豬扒烏冬既午市精選定食另一份揀咗四色海鮮午市精選定食小食沙律炸到熱辣辣香噴噴既吉烈豬扒,加埋香濃咖喱湯配上彈牙烏冬 ~ 正海鮮四色丼 , D刺身都好新鮮,味道又鮮甜呀 !餐飲

常去丼丼屋的朋友，大家可記得早前熱賣的「十勝帶廣名物豚丼」嗎? 這晚放工再來丼丼屋，原來這由北海道帶廣「豚丼のぶたはげ」帶進香港的豚丼已加進了餐牌中作長期供應，不過，這晚來到還未有時間回味這碗豚丼，因為「豚丼のぶたはげ」的本店「帯広はげ天」最近帶來了「特上天婦羅餅丼」去過北海道的朋友或許早已聽過「帯広はげ天」這個大名，主打天婦羅及鄉土料理，而其「特上天婦羅餅丼」更是其招牌之一這天婦羅餅，據說是集合了北海道的地道食材，海鮮類包括海老、松葉蟹、帆立貝和三文魚，而野菜類則有蘆筍、牛蒡、淮山、本菇、茄子和粟米粒，製作成天婦羅餅厚厚的天婦羅餅置頂，薄薄的炸漿香脆惹味又不見油膩，用料非常豐富，而秘製的天婦羅漿汁則是經大半日的不同攪拌和發醃而成，並一早已落入飯中，令飯粒更香口之餘又不會令天婦羅餅那麼快變稔配料當中，最欣賞的海鮮是松葉蟹和海老，前者香嫩鮮甜，後者經炸過後仍能保持爽口感，而帆立貝則比較嚡口，牛蒡脆身清新，茄子吸了醬汁後變得軟稔可口，秘製的天婦羅醬汁早已盡滲丼飯中，香口惹味，$88的價錢，可謂物有所值!同時也試了「海老天婦羅飯團」，很大的一個，飯粒晶瑩，蝦肉也很爽口，一試無妨~

今日約左寶貝上完堂喺呢頭搵飯食順便傾下心事~行下見到呢間冇咩人,就入去試新野~!服務員比左個唔錯的卡位我地~張枱大大感覺好好~再放下兩杯清水就行左去..唔明白點解日本餐廳係比清水而唔係比熱茶...睇住張餐牌,話晒都係日本野~所以主要係海鮮魚生牛肉為主~好唔容易先搵到熟魚餐同豬肉飯...芝士焗三文魚烏東餐 - 上枱個樣已經好吸引,香濃芝士拉出有一條條的芝士絲~ 睇見都興奮!!! 三文魚份量好夠~一D都唔欺場.烏東唔會因焗過變得好乾身,保持到一條條彈牙的口感,唔錯.櫻花蝦燒豬肉飯 - 櫻花蝦連燒豬肉一次過撈埋D白飯,要加埋漿汁,入口味道啱啱好~豬肉唔會太老,又唔會因漿汁而冇左豬肉味,唔錯..只係櫻花蝦少左d特別加錢的定食配菜,炸菜餅,入口好似炸起太耐而變得淋淋地,同有點油膩,椰菜絲沙律,加左少少漿汁,混埋入口少少涼少少香感覺唔錯一邊食一邊諗住叫服務員為我地加水,但服務員好似視而不見~好唔容易先有一個黎招呼,真係少D耐性都唔得~店舖本身冇洗手間設備~要解手的話要去商場的洗手間..要行到鬼咩遠.辛苦了總括黎講...食品服務質素以外..算係個坐得舒服唔錯的地方~!!

今日放學去到德福,周圍都好多上班一族/讀書一族等食野.行雲成個德福廣場發覺得兩邊先係食店,一排都係食日本野. 雖然隔離個期間限定好吸引,不過丼丼屋相對上就比較便宜同份量夠大(好重要)~~ 我同大人物行左去第二度睇下有咩食,轉個頭返泥就有位了 座位寬趟,入面排位排得好好,好舒服.丼丼屋換了新餐牌,本來想叫豚肉櫻花蝦定食,但係可能係期間限定,所以一早就叫完. 我地兩個叫左滑蛋雞肉丼定食同燒牛肉丼定食.聽聞是招牌的定食,又名親子丼,整層蛋漿都鋪在飯上,好香,雞肉好多件,一定好夠飽.第二個燒牛肉丼,四片牛肉鋪在飯上, 好有層次感,配料好能親到味. 兩個都係定食,有日本好傳統既配菜,又有麵史湯~ 仲有一杯好大杯既冷飲.我同大人物都抱住肚子出來.好滿足

老實說宅女這幾年自從成為了九龍灣人之後, 總覺得九龍灣這區沒什麼特別好吃的食肆. 尤其是在德福那邊, 雖然看看指示餐廳有多達數十家, 不過水準參差, 有些好吃的, 價錢又不便宜. 到價格實惠的, 味道又強差人意. 幸好近這一兩年間德福兩期的商場都引進了不少新食肆, 可以說還有多一點的選擇. 不過其實宅女平常如果家裡沒飯開, 最常光顧的其實只有兩家店, 其一就是元氣, 另一家就是丼丼屋食堂了. 最近聽聞丼丼屋換上了全新餐牌, 也增加了不少新菜色上場, 宅女這天當然要帶妹妹來一起試試.最喜歡九龍灣這家丼丼屋的另一個好處, 就是這裡地方頗大, 平日晚上總不用怎樣等位就直進. 番開餐牌看看, 除了保留了些舊有熱門菜色, 果真加添了不少新穎小吃跟主食. 包括了赤味噌炸雞翼, 芝士玉子卷, 雞唐揚溫泉玉子丼, 吉列魚柳, 泡菜豚肉烏冬. 而這期重點推介還有牛肉壽喜燒丼, 和風炸雞伴野菜跟薯仔煮牛肉等. 就連甜品都來個大番新, 加了多達五款甜點. 看著餐牌的圖片又真的非常吸引.松葉蟹腳沙律 (HK$63)雖然這次主要想試新款菜, 但每次來這裡, 妹妹一定堅持要點這個松葉蟹腳沙律來吃. 生菜片伴著柚子

星期一晚上8點45分還要等位…好似有一段時間沒有光顧丼丼屋，menu轉咗，食物款式轉咗，多咗好多野揀。今次揀咗兩款新品，再加錢變成套餐。實在太掛念北海道食過既，雖然知道一定無在北海道果D咁鮮甜味美，但都想止一止癮牛蒡前菜～ 這個前菜保持水準以前生菜份量多於椰菜，感覺較清新退步了，味道比以往遜色，淡咗好似落多咗水開咁蕃茄牛肉湯烏冬套餐香氣撲鼻熱辣辣蕃茄牛肉湯烏冬這兒的烏冬有點煙韌，沾上香濃甜美蕃茄兼微微咖哩香嘅湯汁，很好吃。薯仔煮牛肉～傻咗，明明主食有牛肉，重復了…這個 小食味道比關東煮濃郁一點，但薯仔未煮得透，唔夠林又唔粉 就快過年，大大小小食肆商舖都推出自家利是封，丼丼屋都有喎，只要加一後滿$250，就送一set,一set有10個，都幾靚幾搶眼呀！ 仲好有意思添 吉祥、好運 有意思 ！

去到九龍灣徳福行街  單單個商場已經有好多美食  又schoolfood  又一風堂  又牛陣等等  都唔知揀咩好   行過丼丼屋  見到唔太多人可能7點較早  地方寬闊  個meau亦係我最愛既紫色(其實唔太關事喇haha)  俾佢個吉列滑蛋同肥美既刺身丼給引住  所以就入黎試下喇   其實之前已經聽聞過佢個吉列豬  久久未試  今日就一嘗你既滋味啦首先當然黎個開胃前茶  沙律  松蟹份量夠多  製作亦需時  應該係既叫即拆   非常新鮮鮮甜  啖啖蟹肉同個大食豬每人一個丼  我係四式丼   佢食吉列滑蛋豬扒定食(只要加15元  就可以轉定食) 自己選擇  定食會多了2個小食  沙律  麵"是"湯不錯既四式丼  刺身新鮮肥美   佢啲wasabi 好好味~沾上醬油  真的好好食  一啖飯一啖刺身  yummy~滑蛋丼  個滑蛋漿整得不錯  只可惜個吉列不夠脆身  有點失色了...最後點少得個甜品  先至係happy endng~雪糕軟身  一黎到已經覺得佢融緊  有啲快喎!!!但食落口好軟幾滑  不錯   我叫佢分開個抹茶醬咁可以因自己重淡口味黎落  亦可以搭真個雪糕本味   個醬好