丼丼屋 (Closed)

第一次寫食評：)由於見OPENRICE有咁多好評既關係，去左試丼丼屋！！兩個人叫左：咖哩牛肉烏冬，天婦羅竹輪卷烏冬，鹽燒雞腎，豬頸肉同埋一個新地：)咖哩牛肉烏冬：烏冬口感幾好，牛肉有肉汁，不過咖哩味太濃，但整體幾好：）天婦羅竹輪卷烏冬：有兩條竹輪卷，幾好味！烏冬湯底還好！鹽燒雞腎：大愛！好好味，好惹味！豬頸肉：口感同一般既無異，味道偏咸！新地：我唔記得左個名，係有朱古力餅條同mochi果個，唔錯，係用3.5牛乳整，但唔特別。食物上菜速度唔算快，比較慢，同埋有落錯單既情況出現，但ｄ員工都幾好人幾幫得手：）果度既環境都唔錯！可以試下：）

見到係open rice十大好評，今日午餐去試。位置係新寶戲院斜對面。佢有lunch set。四五十到八九十都有。個set 跟個細沙律同面豉湯。我order左<滑蛋雞肉飯> 同 <香薑豚肉飯>。<滑蛋雞肉飯> - 味道好淡。雞肉有小小雪味。 (不會再食)<香薑豚肉飯> - 豚肉炒得很香，應該係因為有洋蔥。可能時間仲早，所以不用等位。不過服務就一般般。lunch都要加一……

閒日九點三到都要等一陣先有位，座位環境都好舒服，不過係同隔離枱近左少少啫~來得呢度，梗係要叫招牌喇！滑蛋雞肉丼、芝士薯餅！叫多左個溫泉蛋冷烏冬添~唔知佢係咪整定呢，其實落單到上枱10-15分鐘都幾合理，不過主打既雞肉丼實在唔係熱辣辣，亦都唔係大家所講咁好味、咁值得食。無錯，滑蛋真係好好好滑，不過雞肉實在係唔好食，雞肉連皮連脂肪，整件沒有味道，不鹹不辣不甜。店員上枱時跟我們說加七味粉會更加好食，唔加真係唔好食。好，所以我加左D七味粉再食，不過七味粉同滑蛋實在唔係太夾，伴飯就一流，同滑蛋雞就不太配合了！總言而之，這個丼，不好吃，無味。芝士薯餅就好得多，上枱熱辣辣，而且比想像中大好多！好似旺旺雪餅咁大件！又厚身！夾開中間，芝士雖然未係話流出來咁，不過賣相一流！食第一啖就已經覺得好好食！吉列面既麵包糠炸得好脆，而且唔油，薯蓉既份量剛好，唔會話厚皮少料，芝士同薯蓉夾得亦好好，呢兩樣野基本上係好安全，唔會話唔好食~ 個皮同吉列專門店個D有得比！而溫泉蛋冷烏冬呢，溫泉蛋唔知點解係雪凍左，唔知食緊咩... 冷烏冬不錯，口感好好，唔會太焾太硬！下次會寧願食下佢D吉列野，例如吉列豬排滑蛋飯咁~

見openrice 錦多好評 又係排行榜十大之一 上星期閒日經開旺角便去試下大概十一點九到達 不需等位 入面只有數台客 打開餐牌 價格大概三十多至九十多不等 有丼 烏冬 咖哩飯 小食 甜品晏晝有set lunch 十樣選擇到 既然叫丼丼屋 實在沒有不叫丼的道理 便和友人叫滑蛋雞肉丼過了不久便來了 set lunch包沙律 主菜 漬物 麵鼓湯 沙律是普通日式沙律 有唔少醫汁 份量也不少 漬物是三塊黃蘿蔔主菜滑蛋雞肉丼 賣相幾吸引 份量也不少 蛋不錯 好滑 仲有喲蛋白汁溜出離 雞肉就一般 應該係普通超市冰鮮雞 無咩雞味 但同滑蛋一起入口的口感還是很好的總括而言 食物質素是不錯的 服務態度也很滿意 待應有笑容 用膳途中不斷幫我酌水 但以六十多塊來說 閒日午餐有更多選擇 女人街一帶也有不少日式餐廳 價錢較便宜 而且還有小食或者飲品附送 更枉論要瘋狂至排隊半小時才可入坐了

是晚覓食日誌是由旺角朗豪坊開始..... 看完電影要吃晚飯, 二人對這頓晚飯地點都毫無頭緒, 既是因為每次在旺角都有覓食煩惱, 也是因為剛才給一筒爆谷填滿了肚子... 熊仔不斷否決豬仔N個建議, 卻又毫無建樹 .. 最後沒有否決丼丼屋, 一方面是因為熊仔喜歡試新食店(所以欣賞豬仔特意想出新食店來), 另一方面是因為再否決的話我倆的晚餐恐怕要泡湯了.. 就是這樣, 我們來了這家開飯人氣食店~ 等位時間大約10分鐘, 人氣食店來說算是很快了.. 熊仔一直以為這店和圓方那店一樣, 誰知原來不同的, 這家店多了"食堂"兩個字, 使無論在價錢上或地區上都更平民化~ 這一層樓的其餘兩間食肆都是美心集團旗下, 熊仔的估計果然沒錯, 回家搜尋後發現這個丼丼屋也是美心集團的特許經營店, 在香港吃連鎖餐廳, 真是很難走出這個集團! 來到一家以丼為主題的食肆, 一定要來一客的! 是晚我們要了滑蛋豬扒飯, 一個對熊仔來說很"中學生"的丼。 話說以前中學時代, 熊仔都會偶然到學校附近吃"日本菜", 而最受歡迎的莫過於這個飯了! 是晚我們吃到的丼, 豬扒炸起脆脆的, 切成8件, 豬肉味也不會要求太濃味, 沒有雪味

因為曾目睹那條由1樓排至地下的人龍，所以提早一點吃午餐。11:00到達，但原來要11:30先開門，所以在附近閒逛了一會。11:25再抵達，成為那天的第一枱客人。(其實第2枱都是在不久後到達。)叫了出名的親子丼，咖哩豬扒丼，玉子卷，燒鯖魚，最後加了1個雪糕。親子丼/ 滑蛋雞肉丼 真的好好味，雞肉幼嫩，蛋汁份量、生熟剛好，調味汁味道一流(我口味偏甜)。一個親子丼應該有的都有齊，蛋汁&調味+日本米飯的口感，混和後的味道叫人停不了口。唯一缺點︰份量太少，轉眼就見底。咖哩豬扒相比之下就沒有那麼出色，其實都唔係唔好食，只是親子丼太好，另一個便沒有那麼好了。豬扒炸得出色，不太油，而且豬扒有一點厚度，口感好好，但我覺得豬扒好像不太入味。咖哩不太辣，但不是甜甜的那種日本咖哩。整體上來說也是很好吃的。玉子卷OK，但我比較喜歡甜甜的玉子卷多一點，我覺得味道有點不足。而且不知是否太早師傅未準備好，玉子卷有點(很少)燶，你會見倒少少啡啡的在中間，吃起來便不夠軟綿，有點太乾&過熟。燒魚好食，燒得夠香，是真的有點腥，但魚有點腥我覺得是正常的，始終不是新鮮魚，你又要連皮燒，又沒有濃醬汁，有點腥正常，而且是在可以接受的

朋友們力推丼丼屋, 幸好捨棄左買鞋大出血既機會, 先可以難得唔駛等位, 直接食到朋友們推介既美食!!唯一失望既係無晒日式果汁酒!!咖哩牛肉烏冬 - 原來係咖哩牛肉撈烏冬, 烏冬好彈牙, 撈埋日式咖哩, 真係極之美味, 而牛肉好嫩好淋, 唯一係問題係日式咖哩遮蓋左牛肉味!!滑蛋雞肉丼定食 - 米唔夠黏性, 有機會唔係日本米, 不過以滑蛋雞肉丼來講, 甜味適中, 滑蛋仲有蛋汁, 而且夠多汁料, 伴飯食, 粒粒都黏到汁料!! 已屬中上!!芝士薯餅 - 極力推介, 芝士極多, 脆醬適中而爽脆, 唔會太油膩!!雞腎小食 - 除芝士薯餅之外既至愛, 黑椒味同鹽味配合厚身雞腎, 真係好惹味!!炸豬扒飯 - 豬扒好厚身, 炸得表面好乾身, 食完唔會有層油0係個口度既感覺!!

由於我一直都十分中意食烏冬見到丼丼屋食堂 D食評咁好我都要去試一試又係怕等位,我地6:45去到了~~~男朋友叫鳥炸豬扒飯我叫鳥涷烏冬SHARE 玉子鯖魚富士蘋果茶男朋友個炸豬扒飯都真係幾好味不油又脆涷烏冬OK....不過竟然無WASABI...有D失望玉子普通...有DD硬同埋有少少太甜~~~~鯖魚~好味~~~富士蘋果茶係有D surprise~好好味的清甜不過本人不可以飲涷野所以只飲了少少埋單都成2百幾.....算抵~~~如果不用等位,平時食飯好地方~~~~

呢間「丼丼屋食堂」其實真係同我屋企隔得兩條街,佢未開張就已經諗住會去試下, 不過苦無機會。近日一家之「煮」── 我呀媽回左鄉, 屋企無人煮飯,又撞正前兩日出左糧,所以終於同呀妹兩個人走上去食好野。因為見之前D食評話好早要等位,所以係唔想等既原因之下未夠6點已經到左。就係咁好彩趕得切落TEA SET (真係平好多)我叫既係咖哩豬柳定食雖然只有2塊豬柳, 但係食落唔「鞋」唔韌,再加埋本人大愛既咖哩汁一D都唔少, 所以絕對值得。呀妹叫左牛肉烏冬睇落夠大碗, 抵食! TEA SET可以加$$加小食, 所以為食如我立即加左碟芝麻雞翼見到之前D食評話蘋果茶正, 二話不說, 點! 之後再點多兩個小食 (本人承認我的胃口真的很大) 加$10的雪糕應要求最後送上, 可惜TEA SET 雪糕不能挑選糖漿,店員說今天是朱古力漿, 不過本人仍然覺得只有綠茶才能配上紅豆... 兩個人食左差唔多$200, 不過係兩個人都捧住個肚走,真係大滿足呢~~~~~另外, 其實間鋪又真係幾細, 數埋都唔知有冇20張枱,連埋BAR枱位, 可能都唔夠80個位。奉勸想幫襯既朋友都係早D到比較好, 唔係既分分鐘有排等。

本身我都好寫食評, 不過真係唔多頂得住果日個waitress我本身食好多野, 咁所以就叫左個可以加飯加菜既'定食'. 間野d 食物都算ok 喇.好正常我食完第一碗飯之後就緊係叫'加飯'. 點知個waitress 就即刻黑我面, 仲罷出一個好似去左動物園見到怪物既表情, 仲用左一個好疑惑既語氣好大聲咁o係我後面講一句 waitress: "吓?! 加飯?!"我: ''係呀, 乜唔係可以加飯咩?''waitress: ''errr..... 你等等'' (之後就一路行, 一路細細聲咁用個walkie 講野)我初頭都冇理佢, 未見過人大胃口咪俾你見識下囉. 轉個頭我都未食完個'定食', 我已經又食完個飯, 咁就再叫多一次加飯喇點知!!!! 佢搵個經理走埋黎同我講: ""呢度一個'定食', 只可以加一次飯同加菜.""我心諗. 咁你個menu 就唔好寫話可以加喇. 寫得咁含糊. 你講明只可以加一次, 我都唔出聲.點解去到呢度你先講唔加得?!!! 仲要做到咁樣衰?!火都黎埋, 唔加咪唔加. 我自己空口食埋我個'定食' 就走------------------------------我都未走, 點知

聽同事講呢間餐廳都好食, 又見到網上幾多好評, 結果岩岩呢個星期六同表哥晏畫經過就試下叫左1. 牛丼2. 滑蛋吉列豬扒丼結果牛肉太乾, 味道唔夠香, D 牛肉汁調得酸酸地, 連吉野家都不如而個吉列其實炸得幾靚, 夠脆而又不太油, 可惜吉列炸得好, 但豬扒無味不特止, 仲有好重GE 雪藏味, 好差雖然服務GE 質素不錯, 不過作為一間餐廳, 佢已經被我BLACKLIST 左

去年年中,買了我上一手的手機,一年多後,每當有朋友打比我時,都不能次次成功地按下接聽制來接聽電話.前幾天,我己決定和朋友今天出最新的機王.由於這些高科技,我也怕我不明白店員的講解,又怕被人欺騙,所以約了一位很喜歡研究相機,電話,電腦的高科技朋友陪我出機.出機後的我,十分開心.感覺自己真的升了級. 哈哈.每當有朋友幫了我,我也喜歡請他食飯來報答他. 由於我們買了電話已經晚上9:00多了,很肚餓,於是我們也不想走得太遠,來了買電話的後街也是openrice餐廳排行的榜Top 10之一-丼丼屋食堂(旺角店),試試如何厲害.我們來到,拿了編號,嘩,這個時段還有40多人仍在等,後來職員便說,雖然還有40多個編號,但好多都走了. 於是我們企在門外,一邊研究電話一邊在等.詁不到,一等便半小時. 但我們也不覺得時間很長,因這部機王真的好好玩.入到來,馬上打開menu,先讓今天幫了我的好友看看他揀選什麼,最終他揀選了1)滑蛋豬扒飯先吃了一口蛋飯.嘩,很多滑蛋呀,而且真的很香滑,岩哂我,因我十分喜歡多多的滑蛋和飯混在一起.之後再吃豬扒,豬扒肉質很嫩,很軟,而且很juice,皮也炸得很鬆脆,真的是外脆內軟.

早於幾個月前曾經到過位於圓方的"丼丼屋", 感覺食物水準可以, 但價錢有點偏高... 最近知道在旺角開設了平民版的"丼丼屋食堂", 售價相對便宜之外, 料理質素亦得以保持, 早已有心來試吃一次; 大概一個月前收到公關朋友的邀請, 參加了這裡的嚐味晚餐, 和數位食友一次過試了多款這裡自慢菜式, 先要謝謝餐廳的招待.未開始正式進餐前, 先來了清新飲料富士蘋果茶, 清甜中帶微酸的味道, 讓休息了半天的味蕾得以從新振作; 另外同樣清新的小吃蕃茄沙律亦同時送上, 作為餐前小吃是恰如其分的.一向是集團名物的蛋卷在這裡也能品嚐到, 表現同樣沒有叫人失望; 另一道炸物炸芝士薯餅, 炸皮鬆脆而內裡芝士薯仔忌廉夠軟滑, 是味道和賣相都對版的小吃.燒靖魚在坊間很多地方都能吃到, 就算是牛肉飯專門店的都有在賣, 所以談不上稀奇, 但如此一大尾又肥美的則少有吃到, 售價也是平民定位, 啖啖油脂和魚肉, 瞬間把嘴巴填滿了.吉列炸蠔是自己的喜愛的小吃, 可惜是夜的水準未能滿足個人要求; 炸皮做得過厚, 蠔的質素亦祇屬普通, 由外至內都不算突出...之後是招牌名物登場, 取名叫"丼丼屋", 當然不能不試這裡的飯品,

之前到過鑽石山分店, 是日練完歌, 就近近地來這裡午餐. 午市人客不算太多, 不用等位. 店員的服務不太行, 一來到就把滾水淋落姊妹到. 唉. 之後叫落單又無人影, 感覺麻麻. 四個人, 就分吃了以下食物.燒玉子卷 $28: 7分, 夠熱, 有蛋香, 也幾滑, 是有水準的.滑蛋雞肉丼 $48: 7分, 相當大碗, 雞肉幾嫩滑, 淋上滑蛋, 用蛋汁來撈飯, 從來也是一流的享受. 三碗丼也跟了餐, 只要加$25, 也是合理的價位. 麵豉湯是無料版, 不過就不算太鹹,. 沙律加了不少芥末, 怕吃芥末的朋友要小心.汁燒牛扒丼 $78: 5分, 店方是把生熟程度固定了, 但出來的效果實在太生, 我是怎也咬不開. 不過見姊妹們還吃得到, 是我的問題嗎?滑蛋豬扒丼 $68: 8分, 再一次叫了文迪喜愛的滑蛋豬扒丼, 豬扒炸得幾脆, 熱度十足, 肉質嫩滑, 再把蛋汁沾在豬扒上, 仍然美味. 雪糕新地: 8分, 繼續喜歡這裡的軟雪糕, 夠滑, 夠奶香, 加上綠茶醬, 實在是令人會味.午市來沒有午餐的餐牌, 不過價位還算合理. 食物整體水準還算令人滿意, 環境也舒適. 最後, 希望姊妹前面的路會更加順暢.

There are actually two surprises. First, the restaurant is very busy. We got there around 8:00 pm and didn't get seated until 8:45 pm! We didn't expect such a long wait Secondly, the Tonkasu is surprisingly good Since we want to try the cold udon, we just order a single Tonkasu instead of a set (which comes with appetizer, shredded cabbage, soup, and rice). I see that many people ask for refill of the shredded cabbage. So we raise the same request. But the waiter told us that free refill i