孖啡 (Closed)

上週六晚，我同男友簡左間位於旺角一家樓上cafe。 我地2個人點左兩份套餐：分別是香蒜白酒蜆意粉同煙肉卡幫尼。２碟意份既份量都好夠，每份套餐配有一杯價位$38的飲品。我額外加$18要一盅薰衣草花茶，而男友則選擇青蘋果梳打。此外，我們另外點了份小食芝士焗著條。 首先，香蒜白酒蜆意粉有爽口蜆肉、細緻意粉同香氣十足既白酒蒜香配合得幾好 ；而煙肉卡幫尼既煙燻肉好香濃，加上好rich既卡幫尼醬，令人回味。在飲品方面，我既薰衣草花茶清香怡人，一大杯， 而男友選擇既青蘋果梳打清新開胃，與餐點相得益彰。至於小食既芝士焗著條，香濃既芝士同脆脆薯條完美融合。整個用餐環境寧靜舒適，充滿藝術氛圍，令我們可以身心放鬆。此外，服務人員親切有禮，提供細緻周到既服務。

旺角鬧市中的樓上cafe，座位好闊落舒服，環境亦都好休閑安靜👍🏻想玩既亦都有board game借你玩🤭- 軟殼蟹黑松露意大利粉成隻蟹好夠脆，黑松露香味亦夠出，意粉好滑👍🏻- 龍蝦湯好香濃，入口好滑👍🏻- 芝士焗薯條拉絲芝士好正！份量好夠大，一個人堅食唔晒，好岩三五知己邊吹水邊食🤭- 蜜桃乳酪好清新既鮮果香🥰整體來講，餐廳位置方便、環境舒適，食物質素幾高，算係性價比幾高既一間樓上cafe！

一行4人晚餐，坐位寬敞，氣氛舒適，員工提示每人最低消費要點一個set dinner，隨訂座送指定小食一份（當日是咖喱角），點了軟殼蟹黑松露意粉，牛肝菌帆立貝野菌意大利飯，明太子海蝦意粉，煙三文魚意大利烘飽配薯條，另加小食拼盆。意粉，意大利飯，醬汁香濃，軟殼蟹香脆不會太油膩，明太子意粉醬汁淡香剛好，有水準，烘飽就較普通，炸物都非常熱辣香口，可惜顧住傾計唔記得叫甜品。上菜快手，員工有禮，食飽後可以慢慢傾下計，好耐無試過唔駛趕頭趕命，輕輕鬆鬆食餐晚飯，非常推介。

樓上Café有不同種類的card games及boardgames，可以選擇輕食或簡單西餐，同時享受game time。 (1)軟殼蟹黑松露意大利粉先說軟殼蟹肉質理應鮮美，口感鮮嫩多汁，亦充滿少許蟹羔黃油為之上乘。以上的描述，在這個餐點上無處可尋。另外，軟殼蟹處理手法有異，令腥味充斥整個意粉，有點難以入口。 (2)蒜香雞翼雞翼本身沒有調味，但外皮尚算焦脆。 (3)明太子海蝦意大利粉份量十足。唯明太子不夠濃厚，令意粉與醬汁分離。 (4)鮮茄芝士焗豬扒飯味道合理，但豬扒切件令外觀欠奉。 樓上Café已經碩果僅存，可以一邊聚餐一邊玩樂的地方真的不多。若然能夠集中提升小食及飲品水平，會更理想。

🍝清酒蜆肉意大利粉蜆肉嘅份量好多，值得一讚係大部份蜆都冇沙，呢一樣做得比其他cafe好好多🙈意粉嘅質感同調味都唔錯😗🥪煙三文魚包配薯條份量比我想像中大🧐麵包中間仲有蕃茄青瓜，生菜等等，口感同味道都好豐富🥰☕️薄荷朱古力咖啡忌廉上面有少少薄荷糖漿做裝飾，打卡唔錯🤣飲落去味道就帶少少薄荷味，唔會有好重嘅牙膏感😝薄荷同朱古力嘅味道配合得唔錯，如果可以甜啲就更加好🥛藍莓奶昔呢一杯朋友話奶味比較重 如果期望有好濃郁嘅藍莓味就可能會有少少失望啦～最後我哋都加咗個心太軟，切開非常流心😚配上雲呢拿雪糕一齊食，一冷一熱特別正，加上唔算太甜，同朋友share做飯後甜品啱啱好😋

新年約下朋友見面 揀左孖啡食物種類唔算好多 但飲品種類就好多！見到食物種類唔多 本新有小小失望 但食完真係覺得好好食😌4個人 揀左2個意粉+2個小食 套餐仲送左份咖喱角🌟明太子海蝦意大利粉意粉入面仲有好多隻蝦 意粉食落好有咬口 蝦都十分彈牙 加埋檸檬汁 係一個好開胃既意粉 🍋🌟軟殼蟹黑松露意大利粉🦀軟殼蟹好脆 岩哂鐘意食熱氣野既人黑松露味又好夠 每一條意粉都俾黑松露汁覆蓋住🌟蒜香雞翼好多蒜粒鋪係面 雞翼上到枱都係熱辣辣 外脆內軟 雞肉仲好嫩滑 我地每人都爭住食🌟炸魚薯條炸魚好大舊 炸到好酥脆 炸粉又好簿 同埋食得岀係即炸👍🏻係門口隔離仲有一堆board game放左係櫃到 岩哂一班朋友一邊食一邊玩🥰

最近都好留意旺角的樓上cafe，咁今次就搵到價錢唔貴，又坐得舒服的cafe，仲可以聽到好多周杰倫的歌😆煙三文魚意大利烘飽配薯條 $84烘飽的內餡都幾豐富，煙三文魚味道濃郁但又唔會好鹹，蔬菜都幾新鮮，口感好爽脆，配埋沙律醬好好食。麵包部分外脆內軟，好欣賞個麵包即使夾住咁多餡，麵包都唔會變得好濕，唔錯🥰薯條好香脆，沙律好fresh，仲加咗我最愛的芝麻醬🤩埋單$100都唔使，認真抵食👍🏻跟餐 玫瑰紅茶(少甜)(熱)一上枱就聞到好香的玫瑰味，茶色都好靚。飲落都好有玫紅味，茶底唔會太澀，飲落都幾順喉。孖啡 (旺角)旺角彌敦道577號高氏大樓4樓*上述文章只供參考及以當時價格為準

今日星期二夜晚黎到油麻地，知道有間好出名嘅Board game Cafe，一於黎試吓！🥳MTR A1出口向前行過一條馬路，再一直行到尾，向左望見到呢個大廈招牌👍🏻見到Menu，其實選擇好多，你想只食沙律/ All day breakfast/ 包配薯條都得。焗豬、卡邦尼、芝士吞拿魚、白酒煮蜆、明太子海蝦、帆立貝、黑松露軟殼蟹⋯⋯真係好少見到有咁多常見、熱門嘅餐擺埋一齊比你揀，好arm一大班人gathering，一定唔驚有個人會唔arm口味。我地揀左一個H餐、一個J餐、凍藍莓紅茶、藍莓乳酪（加$8）、芝士蛋糕（加$28）。黑松露軟殼蟹意粉好靚仔，炸得好好，冇乜點燶，可以成個擺落口食，好味！黑松露亦好濃郁，好夠味，大滿足🤩明太子海蝦意粉賣相都好靚，食落少少辣，好惹味😋 海蝦啖啖肉🦐野飲都好解渴，又arm打卡，記得叫少冰/走冰！芝士蛋糕都幾重cheese味，物超所值！可以玩Boardgame、睇電視、價錢又負擔得起嘅cafe真係買少見少，推薦大家過黎～

樓上Café好啱一班朋友閒聊、玩樂的地方，朋友今次預訂了「孖啡」，相約齊齊傾心事。 餐廳主打西式風格，富空間感，營造寬敞舒服的環境，玻璃窗及牆上均貼有剪影裝飾，為餐廳增添藝術感。無論情侶、相約朋友共聚，這裡必是好去處。 這裡晚餐Dinner Set均包一杯38元以下飲品，如想食甜品或龍蝦湯就需另外加錢。 😋是日選擇：1️⃣芝士焗吞拿魚天使麵🍽香噴噴芝士香氣，濃郁的芝士，吞拿魚的鹹香，以及天使麵煮熟後柔軟的口感，食不停口！2️⃣白酒忌廉煮藍青口🍽藍青口鮮甜，而且吸收了白酒、忌廉及其他調味，味道豐富。3️⃣牛角窩夫伴雪糕（跟餐）🍽酥脆的外殼，每一口都很脆口，配上雪糕，讓味蕾得到豐富的享受。4️⃣藍莓乳酪（跟餐）🍽酸酸甜甜，又香又滑。

今晚我和朋友去了旺角行街, 順道去了一間cafe吃晚餐.芝士焗吞拿魚天使麵 ($106):芝士焗得非常香口, 芝士味好香濃, 吞拿魚份量都夠多, 幾好食, 吞拿魚同芝士一向都好夾, 正. 另外天使麵份量都夠多, 幾好食.軟穀蟹黑松露意大利粉 ($148):軟穀蟹炸得非常脆口, 同埋隻軟穀蟹份量都好多, 大大隻, 幾好食, 配埋黑松露又真係好夾同好香,不錯.水牛城雞翼 ($58):雞翼有點辣辣地,都幾好食, 個味都好特別的.女皇( 玫瑰, 檸檬, 乳酪沙冰) $52: 看到貌相見到咁靚已經覺得很吸引, 打卡一流. 這間cafe其中一大特色就是有很多款塔羅特飲 (飲品名稱以塔羅牌的大牌命名).這款飲品飲下去味道很易入口, 酸酸甜甜, 玫瑰又很香.熱柑桔紅茶 ($38): 酸酸甜甜幾好飲, 不錯.埋單$358,價錢合理, 食物質素高, 不錯.

同朋友聚會，揀左呢間樓上Cafe，好坐得來食物仲要幾好食😋，仲有boardgame 玩呀🚅✈️。🔹️香蒜白酒蜆意粉 $74蜆嘅數量好慷慨，至少有10幾隻，好鮮甜，和白酒好夾🤣，lunch set 仲包飲品呀。🔹️鮮茄芝士焗豬扒飯🐖 $76芝士好厚🧀，豬扒肉質好靚，好淋好易咬，茄味好出。🔹️朱古力心太軟雪糕🍫 +$38呢度嘅甜品真係好抵加😚，心太軟嘅朱古力好濃郁，真係超級滿意。🔹️牛角窩夫伴雪糕 +$42好脆好出色嘅牛角窩夫，加上好味嘅雲呢拿雪糕🍦，好滋味呀。🔹️蜜桃紅茶🔹️藍莓綠茶

今日同朋友去樓上Cafe食晚餐地點好方便Cafe好正有唔少boardgames 有得食有得玩😆而且裝修唔錯可以chill下⭐️龍蝦湯🦞龍蝦味香濃湯既濃稠度適中飲起黎好清新唔膩又唔腥係香港難得好食既龍蝦湯😍⭐️牛肝菌帆立貝野菌意大利飯菌香十足既菇汁包裹住粒粒分明又有咬口既意大利飯帆立貝亦都唔話得🤩煮得岩岩好新鮮又香口⭐️香蒜白酒蜆意大利粉蜆肉爆棚白酒味出意粉軟硬度適中加埋個汁一流個汁仲有少少檸檬酸味好開胃😄⭐️朱古力心太軟雪糕心太軟熱辣辣外脆內軟焗得剛剛好😍香濃的朱古力蛋糕加上流心朱古力醬再加埋冰凍的雲呢拿雪糕一凍一熱口感簡直無得頂🥳⭐️牛角窩夫伴雪糕🧇窩夫好香脆好驚喜發現入面係好軟糯充滿牛油香味加埋雪糕 好match口感好豐富非常好食😋⭐️飲品熱蜂蜜綠茶&熱蜜桃綠茶兩杯都唔錯健康之選甜度適中👍🏻

難得喺旺角同閨蜜食飯 搵間可以靜靜地吹水嘅餐廳 呢度最好不過📍孖啡 (旺角)旺角彌敦道577號高氏大樓4樓能夠成為OpenRice餐廳得獎熱店並不容易👍🏽Set Dinner 有10款選擇 九龍區晚餐嚟講 價錢唔貴飲品種類非常多 花多眼亂✨龍蝦湯 如果可以加埋龍蝦肉就完美✨凱撒沙律 羅馬生菜 混和粒粒面包 芝士煙肉碎酸甜爽脆開胃✨明太子海蝦意大利粉 蝦肉爽滑彈牙 配香濃醬汁醬汁與意粉完美融合👍🏽✨女祭師 (玫瑰士多啤梨梳打)✨隱者(士多啤梨熱情果梳打)✨朱古力心太軟食西餐必須用甜品作結尾🤭整體用餐體驗✨味道(4/5)✨環境(4/5)✨服務(4/5)
✨抵食(4/5)

朋友推介一間地點方便環境舒適樓上cafe個名都非常特別”孖啡“Cafe位處於人流旺區彌敦道鬧市中, 餐廳設計富有空間感,梳化座位夠寬敞, 非常舒適同老公係晚餐時間黎到,見佢set Menu都好多選擇我地揀咗牛肝菌帆立貝野菌意大利飯大大隻帆立貝,非常鮮甜,意大利飯煮到粒粒分明,非常煙靭好味另外又叫咗一個軟殼蟹黑松露意大利粉超級大隻軟殼蟹配上黑松露,意大利粉汁多味濃,非常好味Dinner Menu Set仲包一杯$38以下飲品,另外加錢就可以再有甜品我地就order咗一個朱古力心太軟雪糕心太軟焗得外脆內軟,再配上香滑雪糕,非常推介因為天氣凍,其實有好多特飲品都好想試但最後都係叫咗兩杯熱飲品☕☕House Coffee 咸柑橘蜜整體黎間Cafe無論環境、價錢、食物質數都非常推介

之前同朋友都試過一次覺得唔錯，所以再嚟。.首先試咗明太子海蝦意大利粉。呢碗意大利粉係用明太子醬炒香，再加上新鮮嘅海蝦，入口鮮甜多汁。意粉煮得剛剛好，彈牙好滑口。明太子嘅鹹香味同埋海蝦嘅鮮味相輔相成，再配埋新鮮檸檬汁，真係一道幾開胃又飽肚嘅意粉。.再嚟就係佢哋嘅香蒜白酒蜆意大利粉。呢款意大利粉係以香蒜同白酒炒煮，再加上新鮮嘅蜆。香蒜同白酒嘅香氣令味道更出，蜆嘅鮮甜味道同埋蒜嘅口感不錯。呢度調味比較清淡，如果鍾意清淡口味嘅朋友就幾適合。.套餐包一杯飲品，叫咗柑桔青檸同埋柑桔綠茶。柑桔青檸揀咗少甜少冰，酸酸甜甜嘅味道好解渴。而柑桔綠茶揀咗熱飲，值得一題係綠茶係用茶包沖唔係普通平貨。茶嘅香氣同埋柑桔嘅清新味道好搭配。.仲試咗小食，水牛城雞翼。呢款雞翼炸得香脆，肉質嫩滑多汁。配上啲特製嘅醬汁，味道更加出色。呢度味道口味比較重酸味好出，如果鍾意重口味小小嘅朋友就幾適合。.店內座位幾舒服，多數都係梳化卡位，見好多客人都係朋友聚會，但又唔會好大聲，幾啱朋友聚會，嘢食味道都正常，可以一試。