孖啡 (Closed)

印象中呢一間Cafe都開咗好耐，今日又食返以前大學時期同同學會去嘅cafe 坐下傾下計。以前最鍾意去呢啲Cafe度，一齊坐坐，玩吓card game，同埋佢哋個價錢都好相宜，以前都成日去呢啲地方。今日過嚟食個lunch，個lunch set都仲係好平好抵食，兩個人叫埋個炸魷魚圈小食都係$250。我就食軟殼蟹黑松露意粉，軟殼蟹嘅size真係好誇張，成個手掌咁大，唔係平時食開細細隻嗰啲。 個意粉都好有淡淡嘅黑松露味，連埋個醬汁，好好食，好邪惡。 我朋友就食咗個Carbonara , 都見到啲煙肉嘅份量都好多。 最後就到個炸魷魚圈，炸得好香脆，唔係好多油。

突然好想食risotto🤤即刻Google search到呢間cafe 孖啡。🦞龍蝦湯好香好濃郁嘅龍蝦味而且叫任何套餐只係加$28，極力推介呀。🍝黑松露野菌意大利飯好正宗嘅risotto，粒粒分明 軟硬適中野菌分量足夠，好重嘅黑松露香味而且入口有芝士忌廉🧀嘅香令成個飯層次感豐富，食到停唔到口😋。🍅鮮茄芝士焗豬扒飯芝士味加新鮮蕃茄味濃郁厚切豬扒肉質嫩滑而且仲係炒飯底咖 有濃郁蛋味👍🏻。🫔黃金咖喱角咖喱角外皮酥脆 內裏餡料豐富再配上沙律醬，更增添風味。🍵蜂蜜綠茶(熱)🍸檸檬綠茶(凍)

因為見到OpenRice 有得book位先上去，貪佢冇限時，唯一優點，地址都算易搵，不過呢餐廳地方殘舊，我哋坐窗口位，附近好多塵。呢座大廈咁多層，得一部𨋢，等𨋢上去好耐，部𨋢又細又窄。食物質素非常普通，加埋一都成$100嘅焗豬飯味道不及大家樂，榛子特飲又好淡。員工大部分時間㩒手機，冇咩服務可言。兩人出席，但被改做一人出席？咩玩法？人均消費高啲？得個cheese cake 還可以！唔係有openrice book枱，唔會去！而家亂咁修改客人booking，原因不明，好奇怪！

呢間Cafe已經嚟過幾次，每次都係開會或者同朋友聚會，呢度真係傾偈一流，坐得舒服之餘又靜靜地，唔使大大聲咁講嘢，又唔會有人趕你走，所以我都幾鍾意呢度😊-龍蝦湯 $28好飲好香濃既龍蝦味套餐加$28真係好抵飲😋-卡邦尼煙肉意大利粉 $70卡邦尼煙肉係我嘅最愛😍好Creamy啲意粉好煙靭👍🏻-全日早餐 $88煙三文魚，薯餅，德國腸，茄汁焗豆，炒蛋，沙律，牛角酥全部都係新鮮整薯餅好脆德國腸入邊係芝士流心超好食牛角酥都好鬆脆-蜜桃乳酪 、芒果乳酪乳酪唔會太甜幾香生果味都幾好飲🥰

平時多數都係行街食飯有d悶⋯專登揀間cafe有得食吓玩吓開心d😌依座大廈都幾多cafe選擇最後揀咗依間貪佢評價幾高嘅熱店潮聖😎餐廳分咗兩邊，我哋被安排到另一邊坐。依邊有電視，地方比較大，而且當時冇乜人，變相我哋包場咁😝有好多唔同種類嘅桌遊玩，唔錯。不過可能地方大職員少，想落單都要行去櫃檯講先有人埋嚟⋯食物質素味道都好好，相對價錢嚟講略嫌份量細咗d😅蜜桃梳打⭐️⭐️⭐️朱古力咖啡⭐️⭐️⭐️⭐️黑松露野菌意大利飯⭐️⭐️⭐️⭐️⭐️香蒜白酒蜆意粉⭐️⭐️⭐️⭐️⭐️

點了明太子海蝦意大利粉，特式拼盤，朱古力心太軟，芒果梳打，蜜桃紅茶。意大利粉煮得好好食，拼盤性價比高，呢間店買點是飲品而且種類繁多，唯個人覺得出品一般，甜品真心好食。服務員態度不太達標，語氣冷淡，說話速度極快及不耐煩，間接影響食飯心情。

同朋友補祝生日，知道佢鐘意食西餐及至愛甜品又想去啲靚靚地嘅cafe打下卡，帶佢黎‘’孖啡‘’最好不過，可以一次過滿足晒佢要求。朋友話最近訓得唔係太好，所以叫左個玫瑰花、洋甘菊花茶，可以鬆弛神經，幫助入睡。我就要左個紅莓水果茶，其實之前已經試過覺得紅莓味道突出，非常香甜。除左紅莓果茶外，軟殼蟹黑松露意大利粉也是可以返點之選。軟殼蟹大大隻炸到脆脆卜卜而不油膩，意粉充滿著黑松露味道，好香濃。牛肝菌帆立貝野菌意大利飯帆立貝同樣份量十足，有3粒，每粒都脹卜卜非常飽滿，意大利飯粒粒分明。最值得讚係朱古力心太軟外脆內軟，朱古力勁流心，一口熱辣辣朱古力再加上一口冰凍雲呢拿雪糕，幸福感即時飆升。芝士蛋糕亦唔差，芝士味濃郁，蛋糕軟綿綿。

明太子海蝦意大利粉好好食，意粉軟硬度適中，海蝦有5-6隻，都幾大隻，肉質彈牙。另外，叫左個軟殼蟹黑松露意大利粉，原隻軟殼蟹炸得好香脆，配埋濃郁既黑松露醬，味道不錯。整體而言，份量好足，食物質素幾好，仲有好多Board Game 玩，抵食

✨ 孖啡 (旺角) ✨📍旺角彌敦道577號高氏大樓4樓第一次嚟呢間Cafe食！環境寬敞座位舒適非常有空間感 唔使驚隔籬枱會聽到你講嘢 Cafe可以坐好耐同朋友傾偈 幾啱我今次同外國返嚟嘅朋友聚會 套餐非常之抵食 今次試咗以下呢兩款🔸 香蒜白酒蜆意大利粉套餐更柚子蜜意粉軟硬度煮得啱啱好 配料海鮮蜆嘅份量非常之多 加加埋埋有成二十幾隻 完全冇偷工減料 性價比好高 🔸 煙三文魚意大利烘包配薯條套餐跟生薑蜜呢個套餐除咗薯條亦都有沙律俾我哋做配菜 可以中和薯條嘅油膩 主菜煙三文魚意大利包亦都配有青瓜蕃茄同埋生菜 配合三文魚一齊食非常清新 🔸龍蝦湯我哋見套餐加$28就有一個龍蝦湯就叫咗嚟試 飲落非常之Creamy 兩個人叫咗兩個套餐 總共有兩個主食、兩個嘢飲同一個龍蝦湯加埋$300有找！性價比好高！

今天中午，我和太太到位於旺角彌敦道的孖啡餐廳享用午餐。我們點了龍虾湯、煙三文魚牛角酥、吞拿魚天使麵、煙肉意粉和香蕉奶昔。餐廳充滿著優雅的氛圍，裝潢精緻，讓人感到舒適愉悅。服務生用著溫和的笑容迎接我們，讓我們感到賓至如歸。先來的是龍虾湯，濃郁的湯汁散發著龍蝦的香氣，讓人食指大動。煙三文魚牛角酥外脆內軟，配上酥脆的牛角酥，口感讓人愛不釋手。接著是吞拿魚天使麵，麵條Q彈，配上新鮮的吞拿魚，清爽可口。煙肉意粉則帶有微微的煙燻味，入口滑嫩。最後，香蕉奶昔濃郁香甜，給我們帶來甜蜜的滋味。這頓午餐不僅讓我們享受了美食，也讓我們度過了一個愉快的時光。在這典雅的餐廳裡，我們共度了一段美好的時光，這是一次難忘的用餐體驗。

孖啡唔單止有好食嘅嘢🥰仲可以坐低同朋友仔一齊玩board game🤩簡直係又食又拎🤪-🍳65度溫泉蛋卡邦尼煙肉意大利麵 $122卡邦尼意粉做法好簡單，但係要整得好食就好困難🤪孖啡呢個就完美配合溫泉蛋香同埋煙肉芝士嘅咸香💯-🦐明太子海蝦意大利粉 $136意粉吸收咗明太子同海蝦嘅風味🥹味道口感，簡直跟上一層樓🧱-🦞龍蝦湯 $28加配龍蝦湯好濃郁😋一啖接一啖停唔到口-🍓🍌士多啤梨/香蕉奶昔 $52奶昔唔會係死甜🤪口感順滑

👍🏻樓上 cafe，地點方便，近旺角家樂商場。唐樓真係有另一番味道，好欣賞佢個半圓形玻璃，黃昏時間去到，自然光射入一大片玻璃內，果一刻有城市中嘅綠洲嘅感覺，而且可以坐喺好舒服嘅卡位玩 board games。又可以望住旺角街景食嘢。晚上霓虹燈五光十色，旺角日與夜嘅街景真係好靚，好有懷舊feel。魚柳意大利烘包魚柳炸得好脆口，夾住又大片又厚身嘅青瓜同番茄，同好新鮮嘅沙律菜又，咬落去味道好豐富。而薯條都炸得好香口。整體分量都幾大份。白酒忌廉煮藍青口青口肉質唔錯，而且好掛汁，白酒忌廉 好rich，雖然唔係好大隻，但係數量有成一打心太軟 配雪糕心太軟 好流心，就咁食朱古力味香濃，配雪糕食另一番滋味。Hot Rose latte拉花同埋玫瑰花瓣裝飾好靚，見到都用餐愉快。Latte 味道啱我、唔錯。

旺角區有好多cafe，想搵間舒服有好野食又可以同朋友吹下水於是就決定嚟依度而且依度仲開到好晏唔洗擔心要趕住走MENU SET包一杯$38飲品(超額需補差價)65°C溫泉蛋卡邦尼煙肉意大利粉 嘢飲選擇好多，而且仲有啲好特別好得意嘅名~跟餐嘢飲係拖肥朱古力 意粉好食! 份量都好足料朱古力有好多cream好開心唔會太甜 然後係主菜區度見到好吸引嘅嘢，於是就決定嗌BBQ烤豬仔骨配薯條 比想像中再大份啲!!上枱時仲熱焫焫，切開果陣仲出緊煙超好食!! 醬汁係番茄汁加上小小黑椒肉質都好嫩，好易入口，加埋醬汁一齊食好夾係底嘅薯條炸都好香脆而且仲有小小沙律菜做伴碟令到食嘅時間唔會太膩是日MVP!! 其實小食區都好吸引，好多種類，不過驚食唔晒於是就無嗌因為我地仲跟餐加咗個牛角窩失伴雪糕 (跟餐價+$42) 賣相好靚本身已經好中意牛角窩夫個份量都唔少，但兩個人一齊食就啱啱好 因為個甜品好靚我咃影相打卡都用咗啲時間~但食果陣依然仲係熱焫焴香噴噴雪糕係雲呢拿味~好好食啊！中意食甜品嘅人一定要試下

今日放咗工之後，響旺角行街，想搵一間Cafe坐低慢慢食飯，又可以玩遊戲嘅地方，然後上網搜尋，就比我搵到呢一間響油麻地附近嘅Cafe，油麻地地鐵站行一至2分鐘，就會搵到呢間餐廳，非常方便，覺得真係好好食，服務質素又高，使唔使瞓啦非常好，有賓至如歸的感覺，真係十分讚啦，好適合一家大細，或者朋友你傾偈食飯嘅地方，仲可以玩，又有得食有得玩就好真係好體貼啊，所以一定要推介啲朋友❤️❤️❤️首先我非常推介佢哋嘅卡邦尼意粉，出面都食唔到咁好食嘅卡邦尼意粉，因為佢哋嘅醬汁非常調配得入味，而且個溫泉蛋，真係賣相好靚，好好食，請一個月後可以瞓到11樓啊，全部積極的整，非常新鮮，個意粉真係好入味，食完就愛上咗了，而且飲品都好多選擇我叫咗個榛子朱古力，佢朱古力都有好多款，特濃朱古力，薄荷朱古力等等，任君選擇，所以一定有啱你嘅款式

同朋友黎cafe 叫咗2個tea set ～ 呢到仲有Broad games 可以俾你玩😍 ❣芝士蛋糕：芝士蛋糕質地柔軟綿密, 口感順滑, 入口即化! 芝士味濃旭, 散著芝士香氣。甜度適中，唔會太膩，搭配咖啡或茶飲一流！ ❣ 三文魚牛角酥配沙律菜：三文魚鮮嫩肉質，牛角酥黃金色勁酥脆！ 沙律菜鮮新鮮, 爽口。❣焦糖咖啡：焦糖咖啡結合咗濃縮咖啡和香甜的焦糖。入口時,感受到咖啡既濃郁, 跟著焦糖既香甜慢慢散出黎! 好香既咖啡😍❣熱藍莓果茶：茶既口感柔但而唔會甜膩, 味道少少微酸～好清新！唔單止解渴, 仲令身體好暖和～ 慢慢品嚐👍🏻