旺囍車仔麵 (Closed)

我都幾鐘意食車仔麵，但唔係間間都啱心水，車仔麵個湯底好重要，有時試過食d鋪頭係就咁好似清湯加少少辣醬就算🤦🏼‍♀️，一係就勁難食。但旺囍車仔麵真係好好食，個湯底好味，啱哂我心水，佢仲有炸雲吞好好味，仲有食咗個咖哩魚蛋腸仔都唔錯，其實仲有其他小食🤤鋪頭入面啲姐姐服務態度都好好，又有禮貌👍🏻👍🏻👍🏻位置係旺角創興附近，都好易搵，出開旺角又想食車仔麵既話，可以去試吓😋😋😋#旺囍車仔麵

今日有D事，一個人出左旺角，見仲有40分鐘先夠鐘，行過呢間舖，諗左一陣，見坐左3個人，應該好快就有得食，就入左去食，我就無分黃店定藍店，最緊要好食，入到先知黃店，叫左河粉，辣汁爽脆魷魚，爽口鴨腎, 和味豬大腸，豆卜，加腩汁加葱。見個阿姐煮下，見到佢唔知淥乜，開頭以為河粉，最尾見到深色野，今次真大鑊，碗野上到黎一睇，見到有辣油，我估係魷魚既辣汁，無多葱，先飲淡湯，有味無特別，魷魚爽脆我鐘意食個種但同個辣汁(定辣油?)分開同一個碗上，魷魚無辣味，豬腸唔入味但係叫淋唔係咬唔開，豆卜正常但唔係實肉個種，不過無所謂人地要交租我都明，鴨腎就黎料，其實應該係雞腎,擺明呢d都係要用火雞腎整，仲同另一個客講唔係雞腎係鴨腎，不過乜腎都無所謂，因為唔好食，佢切薄片再同我淥熟佢，就係我頭先講既唔知佢淥乜，無味，要o趙，唉，雞腎係要炆架阿姐，分數真係30分比個豆卜同碗野夠熱，其他真係……，碗野57蚊如果樣樣都正常其實唔算貴，所以呢個就係點解無乜人食既原因

之前已經幫襯過一次外賣，見今日出開黎，就順便食埋飯先番屋企😺雖然係星期五晚市，但唔算太多人，得兩個人排緊隊，等左陣好快就入得。今次嗌左三餸米線：辣汁魷魚、豬軟骨同通菜😛叫左加蔥同腩汁，再加埋魷魚既辣汁，成個湯底都好正！豬軟骨都煮得好淋，魷魚都好爽口。不過有一塊魷魚好似未清乾淨，食到有少少魷魚膠筒既殘渣🤦🏻‍♀️有少少扣分整體黎講都唔錯，加罐汽水夾埋$55賣單，叫做不過不失啦～成間舖得一個姐姐做樓面，見佢都做到踢曬腳，但態度都keep住好好👍🏻

星期一晚諗住快食個方便晚餐，人流唔多order好快有！湯底比較濃味，沙嗲汁比較辣，唔食得辣唔好揀😛某啲配菜本身都帶有少少辣油，餸同麵的選擇很多，我揀左米粉好好味！

旺囍3月曾經告急，所以懶惰唔book枱嘅小編喺旺角就諗起佢哋。去到排隊排第四，喺旺角搵黃店見得到龍尾已經係萬幸😂 不過實話實說，食完感覺有啲差，不完美，要改善😤 😋 三餸油麵（豬大腸、蘿蔔、韮菜餃、加腩汁） $46 舖頭入面樓面同煮麵嘅得三個人，人手唔夠搞到落單都等咗好耐，落咗單過一陣終於有得食！好大碗（隻碗好大），可能又係小編嗌錯嘢，碗麵睇落好唔豐富，應該要識揀啲大大嚿嘅嘢，但明明餐牌張圖隻韮菜餃又厚皮又大隻🤕 好啦是旦啦，蘿蔔叫清甜蘿蔔，係清甜嘅，但問題係真係有啲老，食到成口楂🥴 韮菜餃味道ok，但細隻得嚟一咬就散晒😢 豬大腸個味幾好，但太薄身，好似食近啲類似雞皮嘅物件咁，原本expect係厚身啲嘅⋯⋯腩汁就無乜牛腩味，但有啲辣味，小編都係唔食得辣先叫腩汁姐⋯⋯ 46蚊無嘢飲仲係咁嘅體驗，真心希望可以改善吓。 ⭐️評分⭐️（5⭐️為滿分）味道 ⭐️⭐️ 環境 ⭐️⭐️⭐️ 抵食 ⭐️⭐️⭐️

夜晚11點幾，突然即興想吃宵夜，身在旺角去哪裡開餐好？想了想，我們決定到良心小店「旺囍車仔麵」！小店位處豉油街，店內有廿多個座位，牆上貼滿「反送中」文宣，絕對是一間良心小店！麵底任你揀，最低10元，配菜款式有近50款，真的揀到我眼花撩亂！想吃什麼，用藍筆圈起就可以了！車仔麵（$44）我揀了黃金魚片頭、龍蝦丸和柱侯牛腩三款配菜！牛腩很嫩滑，好味又唔靭；魚片頭和龍蝦丸就一般貨色，不過不失！加10元，還可以跟餐多一杯凍檸樂，很抵啊！

都唔記得上次去旺角係幾多個月之前，事實上，應該係疫情發生後第一次。行完旺角, 下午茶時間，揀咗去食旺囍食車仔麵。先睇睇個menu, 真係太多選擇, 樣樣都想試, 搞到有選擇困難. 揀0左蘿蔔, 辣汁爽脆魷魚, 蟹籽丸. 炸鯪魚球, 炸燒賣. 車仔麵，我最鍾情蘿蔔，旺囍既蘿蔔整得好，無渣又甜，唔會太淋，有返少少口感。另外個炸鯪魚球剛剛炸起, 好香口, 而推介既魚肉春卷, 都好好食, 魷魚又夠爽口, 仲有炸燒賣... 車仔麵有燒賣... 都係地道香港美食！

今日咁岩竹地小館無開就睇下附近有咩黃店知道呢間黃店車仔麵就特登過黎試下一去到門口就知道呢間係金店仲要成間鋪都係文宣室内仲設立左連儂牆由於正值晚飯時間 人都唔少所以揀左外賣魚皮餃 牛腩 魚肉春卷 腩汁米線 ($47)牛腩入味 大部分肉質都林 少量較硬魚肉春卷較為出色 肉質鮮嫩魚皮餃不過不失三個餸價錢略貴 不過會繼續幫襯

呢間雖然係黃色小店，不過味道就好一般當初純粹見近登打士街好方便朝早又無其他食肆開舖，先食呢間車仔麵檔不過應該先滅絕藍色先再分邊間黃色好食叫咗幾款車仔餸有豬紅+蘿蔔+柱侯牛腩+牛孖筋+豬耳+咖哩陳皮魚蛋+豬大腸+炸燒賣加杯豆漿就過100蚊覺得車仔麵有少少偏貴湯底好重胡椒味，食落偏辣入口好刺激，唔太鍾意湯底咁重胡椒味唔知係胡椒定胡椒粉只係覺得味道太重咁多款車仔餸係蘿蔔清甜啲咖哩陳皮魚蛋都還可以，而牛筋同豬腸都係幾入味不過牛腩就比較韌，豬耳可能放咗湯沖淡咗無咩味豬紅麻麻，會散開原來車仔餸真係要識揀

今日放工，岩岩好三點三，係時候食知下午餐啦！黎到呢間區內幾出名晚旺囍車仔麵，見佢平平地又有粉麵食，一於狗衝先❗️❗️第一份係牛腩麵加咖哩魚蛋牛腩夠冧，夠入味，魚旦夠彈牙，最出色係佢個牛腩汁，唔夠問姐姐拎多d，好味👍🏻👍🏻👍🏻第二份就係呢個什錦，煎蛋、午餐肉、雞翼、炸燒賣而當中以雞翼同燒賣最好食，炸到卜卜脆，但唔會太燶同唔會太干身，雞翼又保留到肉汁，好食同區黎講CP 值唔錯，唔知食咩，佢係你既選擇👍🏻

朋友今晚話要去旺囍車仔麵食宵夜, 我都好耐冇食過車仔麵, 兩個人叫咗大大碗嘅車仔麵, 叫咗大辣, 真係辣得好好味, 另外仲叫咗碗咖哩雜錦, 有豬皮魚蛋腸仔 (唔記得影相), 咖哩汁又係整得唔錯, 呢間小店近住朗豪坊, 越夜越多人, 仲有黃券可以買, 可以捐畀有需要嘅手足食飯 , 你哋行開嗰頭都去幫襯下啦 ~

話說今日比朋友放飛機所以得一個人 又唔可以叫好多餸 最好就食車仔麵！！！旺囍 想食好耐 但唔係住旺角區 所以一直都未食過今日叫左豬紅 炸鯪魚肉 +油麵 份量好足夠 本身重諗住加底另外 菜脯真係好好食 無限添食翻食指數

《砂煲雲吞雞》💰價錢：HK$55/煲·呢間野係出名食車仔麵聽聞「十全十美富貴麵」都多人推薦Btw 我食既係砂煲雲吞雞可惜 中伏啦望落嗰樣好似好多料但係假像😒一煲有成十件雞 件件望落皮厚肉嫩其實全部都係雞皮同骨😢雞肉係冇兩啖😫雲吞有3件 可惜差不多係空心😭蘿蔔都有兩三舊 大大嚿但都冇咩特別入味 普通蘿蔔🙄湯底真係唔識講🤦🏻‍♀️偏鹹 飲完要狂灌水 有麻油味但係麻油味來源係煮完成兜野因為佢個廚房係開放我見住佢就咁淋兩滴上去🤷🏻‍♀️生菜有兩條 算係成兜野最好發揮都夠脆夠新鮮😎 整體嚟講 有樣冇內涵

湯底完全冇味道，得辣油味好油膩，望住佢拎住個污糟嘅膠筒到啲湯落去，湯底淨係落雞粉同味精，下次真係唔會再食！個韭菜餃又好難食！咁嘅價錢 我不如去食譚仔 食咗幾啖就無食。

一個人的午餐自己一條友去食晏，見到門口寫住有陳皮魚蛋，就走左入去試一試。叫咗三餸米粉（秘製辣汁，小辣）豬大腸咖喱陳皮魚蛋通菜米粉埋單$44碗米粉一上枱，我見啲粒魚蛋好大粒，比我想像中的細粒陳皮魚蛋差好遠（同佢鋪頭出邊張相有極大分別），食落去好多粉，冇魚味又冇咖喱味，失敗！豬大腸幾好，有鹵過同唔難咬開，加分！通菜都新鮮嘅，唔會煮到‘梅’晒咁樣，唔錯。想講一講個秘製辣汁，係幾香嘅，可能每個人食辣嘅程度都會唔同，我叫小辣，感覺似中辣。如果唔係食得太辣嘅，可以選擇小小辣。總體來講，呢間野唔會返轉頭，因為陳皮魚蛋都唔係陳皮魚蛋，有少少俾人’昆‘嘅感覺。