旺囍車仔麵 (Closed)

說到車仔麵，絕對是香港的特色之一。剛好我亦很久未吃過車仔麵，所以拉著男朋友在下班後吃車仔麵作我們的晚餐。愛凍檸茶的我當然先來一杯，茶底濃厚，檸檬味道清新，調味不會太甜，是我最愛的調配方式通菜是我愛吃菜類的前幾位，最愛它爽脆的口感。澆上腐乳令味道單調的通菜有更多變化，而且份量挺多。店內有款招牌車仔麵叫「十全十美富貴麵」，內含十款配料，懶得動腦選配料的我也點了一碗。真的不要小看這份車仔麵，份量十足不在話下，配料達十款之多，絕對是車仔麵的豪華餐。當中我最愛牛筋和豬軟骨，牛筋炆得軟淋，相當入味；豬軟骨的軟骨部份炆得軟身，也能保持微硬口感，不錯。只是我不太喜愛陳皮魚蛋，因其較細小，而且不太入味。至於麵底方面，我們選配粗麵，麵條不會過淋，口感更佳滷水魷魚是一款惹味小食，魷魚滷得挺入味，口感軟彈。這間車仔麵店最大優點是其足料的份量，滷水茶亦夠入味，單是這兩點已吸引了我這個大胃王呢

車仔面之女王又出動~~~~~~~平時自己一個食飯我就一定會食車仔面, 又快又抵食, 而我妹仔肚, 就咁食車仔面都已經可以好開心~~今日就試下呢間旺囍車仔面, 食落都幾好食!車仔面呢, 咩都假, 最緊要就係個湯底, 然後就一定要叫佢個冬菇。睇一間車仔面既質素可以完全係個菇到反映出黎: 個菇有幾入味, 滲入左菇既汁又有幾濃~ 而旺囍既菇..加埋佢個有沙dad汁既湯底, 就真係算幾好味: 十分香濃~另外我仲叫左蘿蔔..紅腸同埋爽脆魷魚~~蘿蔔同紅腸就間間都差唔多, 比較有驚喜ge係佢個爽脆魷魚~魷魚本身個調味唔錯, 而口感爽爽地都幾好食~~

平時車仔麵食唔少 呢間算係比較得意少少既一間一般黎講車仔麵都係兩種 一係用一張好細既剔剔紙去圈野食 一係就係用口同伙記落單呢度有少少唔同 佢有一張印得好靚既咭做落單紙 上面既格內都比平時既剔剔紙更貼心 有得揀加底 加蔥 多腩汁 辣度 等等option 有少少似拉麵店咁 好多option去customize自己碗麵!haha今次我點既餸有唔係間間有既牛坑腩 蘿蔔 紅腸 同腸仔味道唔算好出眾 但都算係比較好食既一間佢個豆漿都好得意 好似貢茶咁 有個幾靚既膠杯 上面有一層透明膠比你用飲管吉穿佢飲 食完未飲晒可以直接拎住佢去隔黎朗豪坊行街 幾好味道唔係我食過最好味既車仔麵 但味道以外既地方真係做得幾好 抵讚

我都成日黎呢頭做野，有次係朗豪坊做完野發現左呢度。佢地點好好，朗豪坊出門口轉右行一兩分鐘就到。隔黎係幾個商場同一堆連鎖店，呢度算係最近又最平既其中一間食肆，好快便。有時想快快手，拿拿臨搞掂都會黎呢度啪番碗麵 。食物方面，算中等偏上，無話非常好食。特點係門口有大大個凸出黎既碗，望落去幾吸睛，車仔碗黎講算係有心思既門面。環境方面除左方便之外，都算衛生企理，唔會食得辛苦。最後就係佢點餐唔係搵人落單，都唔係用剔剔紙。佢地有一塊膠片類既餐牌，用臘筆畫，畫完直接比佢地就可以，同程班長似。有時想快手搞掂，呢度就fit晒!

突然好想食車仔麵，因為可以響一碗麵上選好多餸，餸細細份，唔覺唔覺可以食到唔同味道，唔同餸。今日依間幾就腳，食完行街好方便。 另外喜歡這店用的餐廳，環保地用膠卡同可擦紅筆，可以reuse，同個menu個設計都好靚，有啲地道風。牛腩夠淋夠曬入味，豬腸有肥同唔肥的混合, 肥嗰part 好夠香，豬皮豬耳夠矖入味之餘都好爽口！朋友的蘿白很入味，很淋很香口，韮菜份量多又唔介口！推介大家點魚皮！份量都奇多，勁脆夠薄同夠味，就咁食又得，浸湯食又得！正！依度食物夠大碗，味道好，裝修有特色，shopping 又方便，唔係一般車仔麵咁簡單！

香港地道美食又點少得車仔麵呢？！今晚經過旺角豉油街萬利商業大廈地下發現多左呢間車仔麵檔。麵檔外面仲有個機械人係度做介紹，相當搶眼。至於麵檔入面地方唔算大，但係裝修企理乾淨，仲有門口bar枱位tim。Menu車仔麵之所以受歡迎係因為佢有好多選擇，搭配多變化大，價錢又抵，而呢間車仔麵既麵類同食物種類都有成50幾款，認真夠多選擇我呢碗5餸一麵就61蚊，價錢抵食，佢除左大碗之外，份量都好多，因為一般既車仔麵店你嗌雞翼墨魚丸都係得兩隻同兩粒，但係呢度就有三隻同三粒，真係抵食。我揀既係油麵，麵質爽口。值得推介既係佢既蘿蔔，清甜美味。另外就係魚肉春卷，佢真係炸得外面香脆，入面魚肉彈牙，食落好有口感，一食愛上

這天晚上約了朋友到旺角吃晚餐，我們決定吃車仔麵。車仔麵大碗夾抵食，絕對是飽肚兼慳錢的選擇。旺囍店面：發光招牌相當醒目！店員正在努力工作：餐廳內部的裝飾不錯：膠餐單印刷精美，可以畫上去點餐，非常環保：我們每人選一碗麵和一杯飲品。米粉加了秘制雞中翼﹑咖哩陳皮魚蛋﹑鮑汁靚冬菇﹑超甜蘿蔔﹑金菇菜﹑芝士丸，都只是$68。非常大碗，相信大部分人都能吃飽。雞翼醃得很入味，有三隻，算是抵到爛。肉質偏滑，加上湯底不會太乾，我們都非常滿意。魚蛋很彈牙，又夠味。另外我們還選擇加腩汁和秘製辣汁，辣汁要了微辣。蕃薯粉蕃薯粉滑嘟嘟兼有咬口，很慶幸點了它。加了辣汁爽脆魷魚﹑秘制雞中翼﹑黃金魚片頭﹑貢丸和墨魚丸，盛惠$63。湯底加了秘製辣汁，要微辣的那種。丸很煙韌彈牙，多重滋味混合一起，完全是大滿足！還加了蔥，真是即時香口了很多，吃後齒頰留香。涼粉爽跟餐只要$8。凍檸檬可樂跟餐要$9。兩種飲品都很能止渴，而且甜度適中。埋單$148，平均每人$74，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

今晚黎旺角睇戲，睇戲前要食d嘢。係朗豪坊附近見到新開既呢間車仔麵，見佢d餸既款式好多，最重要係有秘製辣汁，岩晒鍾意食辣既我....就入去試試～一人叫左一碗車仔麵，再另外叫左口水雞！我朋友呢碗係豬大腸、牛坑腩、魷魚、魚肉春卷佢話豬大腸 同 牛坑腩都有滷水味，睇得出係花左長時間醃製的，魷魚好爽口，而魚肉春卷係剛炸好的（我唔客氣地拎左佢一條食）！外脆內軟，好食！我呢碗有豬紅、魚片頭 同 蘿蔔...加左秘製辣汁....辣而香，令碗蕃薯粉 （即係食酸辣粉果隻粉）吸收左湯....正～飲品我地叫左檸七 同 檸樂....個人認為係同車仔麵絕配的！口水雞....半隻份量！好足料，而且個醬料麻而香辣...冇花生....都不錯埋單一人唔使$90...食飽飽就去睇戲lu~

最低消費$30，每樣10蚊，價錢貴，味道普通，外賣要+$2。呀姐服務差，俾落單紙呀姐，佢黑口黑面搶張紙 ，其他客問野又唔理人。反而煮野個呀叔要幫佢手，真係辛苦呀叔。裝修&餐牌設計抄文記，但食物一般,服務差，價錢貴，不值一試。

身為土生土長嘅香港人 車仔麵咁有特色嘅港式美食 又點會冇試過呢 今日試咗旺角新開嘅 旺囍車仔麵裝修非常企理 官仔骨骨 充滿香港嘅懷舊特色 門面裝修到好似真係有架車仔賣緊車仔麵一樣 但其實係一間地舖相信好多人鍾意食車仔麵嘅原因 貪佢夠平 選擇又多 可以因應自己肚餓嘅程度 揀選唔同既配料 如果食得落嘅話 揀十種八種都唔成問題我揀咗三餸一麵 包括豬腸 豬紅和冬菇 配上油麵 仲要加埋嘢味嘅沙嗲汁冬菇非常值得推介 細細隻 一口冬菇 肉質厚身 彈牙 菇味香豬腸無異味 洗得夠乾淨 豬紅夠滑口又入味 食車仔麵靈魂所在 就係餐廳秘製嘅沙嗲汁 每間都有佢哋獨門嘅地方 做得出色嘅沙嗲汁 完全可以提升成碗車仔麵嘅美味程度當沙爹汁溶解在湯底之中 成碗車仔麵馬上惹味起來男朋友點做 豬扒 牛坑腩 魚肉腐皮卷 配薯粉薯粉晶瑩通透 彈牙 煙韌魚肉腐皮卷 又係必點之選 外皮炸得非常香脆 內裏有種q彈嘅口感 一試便愛上最後我哋嗌多咗個小食 秘製柱侯牛筋腩牛筋腩炆得好林 而且完全入味 牛筋好正 膠質非常豐富 而且蔬菜嘅份量好多 有菜有肉 非常健康只要點選了碗車仔麵 就可以用優惠價 跟埋嘢飲良心餐廳 若離開時下雨 只需在fac

季尾周圍都大減價 約左閨蜜收工後去旺角掃貨 為求有最多既時間可以購物 當晚我地揀左離朗豪坊不遠既一間車仔麵店黎過speed dinner宜家食車仔麵都講style,講裝修麵店走懷舊風 牆上有舊式既鐵餐牌外 仲有"車仔"個轆食車仔麵最緊要係d餸 呢間麵店勁多選擇 講得出既餸都有得揀另外不得不讚揀餸既點餐牌非常環保特製既膠餐牌 用蠟筆寫完 可以抹乾淨循環再用 出名為食既小妹 超貪心一次過點左好幾個餸 每樣餸都份量十足揀左三款"本店十大推介"既餸 - 冬菇,雞翼同埋魷魚冬菇同雞翼都好滑同入味 魷魚則爽口 拿拿聲醫飽個肚 又充滿力量(熱量)去掃貨喇

車仔麵食乃是香港人的精神食糧滿足了香港人喜歡選擇多快靚正的要求從前車仔麵又稱嗱喳麵食材平價制作馬虎現在的車仔麵已是另外一回事星期五晚上來一個豪華的五餸麵還真的是第一次點菜紙是膠質可循環再用點了我最愛的油麵做基底陳皮魚蛋是我小學時瘋狂愛吃的現在有售賣的地方已不多豬大腸偶然吃一次應該也可以吧大腸肥瘦適中沒有臊味蘿蔔果然是超甜味道爽甜非常美味魚肉春卷卻令我失望口感乾柴質感不實在牛孖筋炆得軟腍加上腩汁成就出一碗大滿足的車仔麵有時候回憶的味道總是主觀得沒有說服力

今日食咗旺角鬧市中一間車仔麵，估唔到簡簡單單嘅車仔麵都可以食到咁滿足😍😍😋餸菜有好多款式揀，每款都係大約十蚊，所以真係好抵食😋而小食好多都好有特色，好多我都想試，最後就係飲品都好實惠!呢個口水雞整到好入味，雞嘅熟度啱啱好，非常嫩滑。另外，最好嘅一點就係佢唔會撈埋醬汁，而係會擺埋一邊，等食客可以按自己受辣嘅程度黎調教， 等口水雞唔會過辣或者過淡。d材料真係非常充足，魚蛋同雞翼都有三份，牛肉同魷魚都好多，佢仲加埋生菜，所以好健康。其中一碗我仲叫咗秘制辣汁，d汁好香口，食到唔停嘴! 我地仲叫咗豆漿飲，鮮甜可口。餐廳嘅環境好舒服，衛生情況都唔錯。伙計嘅禮貌都令人滿意!

餐廳位於朗豪坊後面，往油麻地方向，有一個大大招牌指示你餐廳既方向～欣賞餐廳Menu好環保，不過有時未擦得甩曬，所以落單之前記得要check清楚睇下有冇啲唔係自己order嘅野雖然見到有個富貴車仔麵，但係唔係太肚餓，所以叫左啲自選餸車仔麵。餐廳都有啲幾歐式既擺設，同一般既茶餐廳唔同，份外令我覺得整潔～～我叫左：惹味豬軟骨+鮑汁靚冬菇 出前一丁 $33豬軟骨好正好入味，但我懷疑佢地比漏左我，因為只係得一舊肉仔，本身以為餐廳係可能真係比咁少，但發現其餘嘅都只係得冬菇，冬菇都比左差不多十粒，所以應該係比少左姐。冬菇食得出係經處理過，而唔係就咁放入水煮再比你食。因為我趕時間，所以冇同餐廳講少左豬軟骨辣汁爽脆魷魚+雞翼+蘿蔔+芝士腸 出前一丁 $53魷魚爽口彈牙，蘿蔔都好鮮甜。最正係雞翼，滷水雞翼好林，入口即溶咁！唔夠辣可以加下呢度既辣油，好香但唔太辣炸魚皮$10卜卜脆嘅炸魚皮送麵一流！口水雞$45我地平時好鐘意食口水雞，因為未食見到都已經流曬口水！今次呢度嘅口水雞超大份，而且有啲秘制醬點下，雖然我覺得完全唔辣，但品嚐到其他調味料。而且雞件都好滑。鮮豆漿 $8密封嘅包裝好似乾淨啲，味道冇出面其他

今日出左旺角同屋企人食飯，見到呢間車仔麵係之前打算過食嗰間，咁就入左去喇。一去到都滿座，不過好快就有位了，大約等了5分鐘。一見到個餐牌即刻諗起另一間喺深水埗既車仔麵，食物款式選擇都幾多。<生菜，$15>生菜唔係用左好多油去煮，幾清。<油麵、秘製牛孖筋、和味豬大腸、南乳豬手、秘製辣汁(中辣)，$45>佢應該將兩碗麵既辣汁掉轉左，因為呢碗係無辣味的，而另一碗勁辣。秘製牛孖筋同和味豬大腸都係普通，牛孖筋太腍，豬大腸我地覺得唔係洗得太乾淨同。南乳豬手既味道最好，不過仲有毛，略嫌去毛去得唔夠乾淨，但食落新鮮惹味！<烏冬、辣汁爽脆魷魚、秘製雞中翼、柱候牛腩、秘製辣汁(微辣)，$47>辣汁爽脆魷魚都係普通，無魷魚味。秘製雞中翼都幾好，不過太咸了。整體而言，食物還可以，勝在價錢都算平，都算抵食既。不過服務態度麻麻。