瀛喜日本料理 (Closed)

好日唔入元朗，入開去一定順道行下街食下野經過見到呢間放題一人88折，2人其中一人半價，好抵食，點可以唔醫埋肚，一條友一定要食平野無諗過我叫咁少刺身，都整到咁好，仲識噴煙，而且刺身好厚切下睇到都覺好正，食落口好新鮮，而且入口感覺豐富鮮美，三文魚入口好似即溶咁，又無筋，其他魚類刺身都好鮮，口感豐膄，而且唔會過凍，又無變暖，好不錯另外點了個蟹柳天婦羅，外脆內又鮮甜呢幾款亦好好食，芝麻八爪魚鮮美泰式鳳爪好到味，酸酸辣辣又唔韌，好好食串燒五花腩肉及雞肉都好夠味，五花腩肥瘦適中又香口雞肉入味又嫩，好吃呢到的甜品亦都好正，特別係大腳板雪條，第一次放題食到，好嘢呢間放題真係抵食，味道又唔會差，款式夠多，好滿意，不過我好日都唔入去，如果去開都食返呢間先

最近愈嚟愈多人中意行山，所以假期就梗係去行山啦！行完一定要食餐勁先得！食放題最緊要就係坐得舒服開心，第二就係要種類選擇多，咁先食得開心嘅打頭炮就當然係食刺身啦，刺身最緊要係新鮮，見到每塊嘅三文魚都係厚切，而且好鮮好厚。另外帶子都好正，肉質好厚，絕對唔係平時又細粒又薄。除左刺身之外，就要試下壽司卷物啦！超級熱愛花之戀壽司嘅我當然不能不試啦！但可惜飯有少少硬，而且賣相都麻麻咁。另外當然要試下熟食啦！呢個辛辣煮蜆，個辛辣味湯真係好正👍🏼而蜆肉都好大粒，好正！整體嚟講，下次可以再去

是咁的~ 果日係同女朋友仔嘅拍拖一週年紀念日 所以呢就食好d啦 本身一早諗左幾間唔同種類嘅餐廳 最後大家都想食日本野 所以就決定去瀛喜喇!我朝早打去bk枱都仲俾我 幾好bk左7半 我地去到大約7:15 職員話執緊枱轉頭會放人入去 服務態度都ok好喇 入到去發現佢俾左張超細嘅枱我地 同埋所有兩個人嘅都係用呢隻細枱 呢到就要扣分喇 放題wo 梗係叫好多野食啦 咁細張枱點擺先 食都食得唔安樂啦 環境呢part要扣分點都好 我地開始剔野食 呢間放題正價時段228 價錢都屬於中上 不過食物款食真係好多 刺身特別多 所以俾呢個價錢都係合理一黎就梗係叫野飲先啦 左邊係黎至韓國Lotte嘅凍檸茶 右邊就係熱柚子蜜 凍檸茶唔太甜 茶味重 熱柚子蜜都幾開胃 食放題幾啱前菜叫左d開胃野 八爪魚仔 螺肉都好味。不過八爪魚份量就細得濟喇得兩隻炸不過咁上面呢個翅就好掂喇 店員上菜前會落好適當份量嘅醋所以唔洗自己落 食完又再開胃d 不過咁 佢都幾大兜 如果胃口細嘅就諗下叫唔叫喇到壽司喇 由左至右上而下分別係 北寄貝 阿根廷紅蝦 赤貝 蟹柳 炙燒三文魚 炙燒左口魚邊同埋鰻魚 壽司嘅質素都好高 硬係要問邊件差d 就唯有

今日放工OT不過都趕到去,去到大家都嗱嗱聲點嘢食。炸雞翼芝麻👍🏻👍🏻👍🏻呢個值得一推，好好味，雞翼夠熱，炸得夠脆，入面嘅肉柔嫩。😋😋炸榴槤波入面啲榴槤唔重口味，好似食緊榴槤雪糕咁。不過榴槤味唔夠重。炸蝦餅薄薄一片，入面係粉紅色嘅，唔知點解。你唔會食到有蝦肉，但係個味又似曾相識。口感麻麻，有啲唔知食緊咩同埋都唔香。炸蝦天婦羅都係咁上下，同出面嘅都冇乜分別，不過佢就係熱辣辣嘅👍🏻都OK。吉列炸蝦吉列炸蝦，賣相好好。不過粉好多，海蝦份量少。刺身三文魚，睇個樣唔係好靚嘅，但係食放題都正常嘅。三文魚值得都夠厚。帆立貝都OK，螺肉，爽身好易食，海蝦都一樣，冇咩特別。壽司三文魚壽司、芝士炸蝦壽司、鰻魚壽司等等。D壽司樣睇落去就係唔會好飽滿好大份，有少少參差感覺。但係食落都OK嘅，雖然壽司飯唔係好好食，不過都未到難食嘅程度。炒雞腎唔錯！雖然有左啲油，不過雞腎唔會*鞋*。

裝修後的瀛喜，還是第一次來訪，座位佈局並沒太大改動，但裝修、桌椅及餐具都呈現新面貌，一改以往頹Look。我今天並不是來吃放題，是吃午市定食，不是附近惠顧開的幾家日本料理出了什麼問題，只是本人尋求新鮮感，喜歡四處覓食尋寶罷了。一般來說，我會先由自己當天的胃口決定大致想吃甚麼，而我今日出門前已決定吃壽司、刺身飯之類，所以雖然打開圖文並茂而且選擇眾多的餐牌，亦沒有出現選擇困難，很快便鎖定了目標-「什錦魚生飯」（$58），我沒有加錢點優惠價小食，因為新年吃多了，要有點節制。午市定食都附麵豉湯、什菜沙律和餐飲，我的「什錦魚生飯」的刺身料已清楚列明在餐牌上，不過除了原來的三文魚2片、吞拿魚、八爪魚、 鮑魚片、玉子、蟹柳、蟹籽和玉子和魷魚外，竟多了三小片我至愛的劍魚腩刺身！今餐頭一個驚喜！（或許是吞拿魚刺身變了蔥吞魚拿茸的補償吧。）材料豐富而且都挺新鮮，圖片很乎實，和成品近似。平常我去吃放題，其實是絕不會點鮑魚片的（因為我估計是廉價低質的仿鮑魚）， 不過既然定食預設了，既然有，我都不會把它浪費，照吃，怎料鮑魚片入口竟意外地好吃，鮮甜嫩滑有口感，要贊！其他刺身都新鮮，雖然鮮甜度不是最高，但以此價位來說

中學時期系元朗讀書既我對元朗當然好熟悉啦！趁住今日有假，又同朋友夾到時間，緊係出黎聚下啦！要揀間又近大家，又岩大家口味既餐廳喔，當然要食放題啦！瀛喜日本料理既食物種類多，自然選擇又多啦，岩曬成班朋友一齊去食啦！瀛喜既地理位置十分方便，就係元朗西鐵站附近，而且系交通廣場隔離，好易望到，一d都唔難揾。瀛喜既店面吾算大，但座位絕對坐得舒服，店鋪既裝修裝飾大方得體，比人一種好舒服既感覺。一黎到瀛喜我就叫咗杯熱既金桔蜜暖一暖胃先，就係爲咗等陣大戰刺身同壽司，杯金桔蜜好香好濃金桔味，反而蜜糖味淡淡地，唔算太甜，飲落肚好舒服。跟住緊係要拿拿臨叫翻個刺身拼盆食下先啦! 分別有挪威三文魚刺身，北海道帆立貝刺身，玉子刺身，八爪魚刺身，鮑片刺身，榮螺片刺身，油甘魚刺身等等。瀛喜既刺身好新鮮，岩岩上臺既時候d冰重冒著煙嘎~而甘多樣刺身入面最值得推介嘗試既就係三文魚刺身，玉子刺身同北海道帆立貝刺身啦~因爲距地都係我既摯愛啊！而瀛喜既燒靖魚我都好中意，靖魚既味道唔會太鹹，燒到岩岩熟，又保留到肉既鮮嫩，配埋檸檬汁，真係一流啊！ ！ ！至於壽司方面，我地就叫咗四款唔同既壽司黎食，分別有黑松露三文魚壽司，燒汁鰻魚壽司，

今晚一家人都得閑，突發奇想，大家都想食放題，於是問下朋友有咩好野食推介，聽講瀛喜嘅放題都唔錯，熟食定係刺身都好吸引，於是我地就決定前往一試。黎到啦終於，店鋪嘅環境好舒適，燈光明亮，我地坐的好舒服，枱與枱之間有段距離，可以同屋企人傾下計，又唔怕嘈到人。一開始，我地叫左熱辣辣嘅薑蜜，之前從來無飲過，覺得特別，飲落又真係唔錯啵，甜甜地，又唔係辣到飲唔到，家人都覺得美味然後當然係食d小食先啦！我最愛嘅螺肉，雖然好常見，亦好常食，但我仍然好想食，就叫左啦！冰冰涼涼，辣辣地，螺肉嘅口感又爽爽地咁，食完一隻又一隻，好好味呀！當然最後唔少食幾片燒菠蘿啦！暖笠笠嘅燒菠蘿登場啦，酸酸甜甜，解左飽飽濟濟的感覺，令個胃舒服d，畢竟放題好自然會食得比平時多，所以燒菠蘿係呢個時刻就扮演一個重要嘅角色辣湯煮蜆，個湯真係幾辣，但d蜆都幾鮮味，咸咸地，有蔥花撒係上面，配襯番個顏色，成碗就變得好靚啦！一粒粒鹽燒雞軟骨串埋一齊，點點鹽味係口裏面漫延，又唔算好咸，脆脆地，口感好好，脆卜卜地，好好咬，一食又係食唔停嘅小食刺身拼盤當然係主菜啦！但我都叫得唔算好多，有三文魚，帶子同埋玉子，樣樣新鮮，樣樣好味，三文魚顏色鮮艷，玉子一

又入元朗，近排入多左元朗去完菠蘿山，時間仲好早，就周圍搵食突然好想食放題，發現原來元朗都有瀛喜仲要MEET到最早既timeslot可以平少少一試...仲以為同旺角既瀛喜質素一樣點知,,始終都係差少少.......不過，款式同旺角一樣咁多三文魚麻麻芝麻雞翼is always the best!

是日晚餐同屋企人去到元朗瀛喜食放題，之前都有聽過朋友推介呢間食放題既餐廳，一直未有時間去，今晚早放一於同屋企人一齊去食翻餐！一入到瀛喜，首先吸引到我既就係呢幅好令既日式風格壁畫，將呢間日本料理餐廳既風格提高到去另一個層次，好有feel！ ！入正題啦！黎到食放題我就中意簡翻煲熱辣辣既粥黎墊一墊胃先。瀛喜既蟹粥唔算份量適中，唔會太大煲，所以就算食曬都唔會妨礙到自己陣間大戰其他美食，呢煲蟹粥好鮮味，材料簡單，蟹肉陪上玉米同埋蔥花，真係好好味。本身唔係太中意羊既我都覺得瀛喜既燒羊架幾好架，唔會覺得有羶味，羊肉又唔韌，配埋撒係上面既炸蒜粒，好味！花之戀/三文魚籽手捲/迷你龍蝦沙律手卷其實自己都好耐冇食過放題，呢一餐實在太好味太吊我癮啦！

刺身種類少，仲要切到好似迷你膠布咁，吞拿魚刺身切到正方形，真係第一次見識到咁嘅刀法，賣相攞左出尼都5想食，仲要係2130 要218蚊，諗住5會差啦，點知中哂伏，唉……88蚊都5值，一定冇下次，真係未試過咁難食嘅放題

熟食还可以，刺身除咗三文魚OK之外，其它刺身好难食，唔新鮮，刺身每件都是好咸，油甘鱼又"梅"又灰色，仲知唔得! 又話任食，叫多几次沙律又唔出，仲話我哋台面仲未食完，咁我哋9位，想食沙律咪叫了，反正會食晒， 唔會浪費食物。咁就唔是任食，叫多几次嘢，有接單冇出嘢!

今日放假陪阿爸阿媽行街，兩老呢排興行山，送左一人一對新平衡比佢地。行完街兩老話想食任食放題；即刻上網search下元朗邊度有放題食！見到呢間夠哂方便，交通廣場地下，就試呢間。燒牛肉壽司，牛燒得好香，唔韌；帶少許黑椒味，唔錯。牛油粟米，估唔到普普通通又幾好味！甜甜地加上牛油味又香口，正。豉椒炒蜆，味道不過不失。如果可以濃味更好。辣酒煮花螺，夠熱，螺肉鮮甜；可惜無辣味。米卷，好特別既菜色。皮薄而且煙韌，夾埋青瓜絲等蔬菜，同埋面頭的芥末醬，口感十足。蟹粥，味道偏淡，但粥底好綿好滑。炸雞翼及炸芝士年糕。芝麻雞翼香脆，芝士年糕皮薄夠煙韌👍🏻👍🏻刺身拼盆，總括黎講都不錯，新鮮又大塊，抵食！今晚兩老身心都好滿足，買到心頭好又醫好肚皮！見到佢地開心，阿仔都甜在心頭，哈。

今日做完gym好肚餓。。聽日又放假，好想拆番餐勁氹下自己！！即刻打比妹妹叫佢搵下附近有咩放題陪我食~原來元朗美食多羅羅，但係放題就得幾間。我地揀左交通廣場地下既瀛喜，貪佢方便就腳又易搵7點左右去到，唔洗排隊，閒日的福利先黎個刺身拼盆，我最愛既八爪魚無令我失望，好食。要讚既係鮑片，好鮮甜同爽口，無雪藏味**翠肉瓜**勁好味！！除左個醬汁好味之外，重點係厚切~~~~真係口感十足，啖啖都係翠肉瓜汁，好味天婦羅蝦外面鬆脆好重要，另外天婦羅面頭加左少少紫菜粉，幾特別，味道唔錯！八爪魚+螺肉小食，不過不失，無乜驚喜。估唔到泰式鳳爪都有~~~不過得一隻 哈哈。記住點人頭份量喔總括而言，瀛喜食物既水準都唔錯。最讚既係佢地落單 上菜 清潔等既速度，真係快靚正，超有效率。難得食放題唔漏單！！員工們要讚

放工前突然心血來潮想食放題，5:00pm打去book位，都仲可以book到7:30pm，於是7:30pm準時到達，對方禮貌告知有全單8折的優惠，加一則跟原價。一落單就出，唔洗餓住等壽司細細粒，唔會食幾粒就飽，而且魚生新鮮，我見隔離枱前前後後叫左十幾轉同樣係細細粒，一口一粒，好味魚生新鮮，帶子係大粒果隻，唔係貝柱上枱果時係熱辣辣，真係岩岩炸起，好好食之後我仲食左好多野，焗扇貝同羊架都好好食，但掛住食冇影相，蟹粥反而就一般般，總括黎講都係值得推薦的餐廳，埋單每人大約200蚊

今日同朋友去元朗探親戚，經過呢間日式放題，雖然呢度唔係大街大巷，但係都見到幾多人幫襯。所以就入咗去試。呢度嘅飲品種類都好多，Hite係韓國啤酒，啱晒你我哋成班親戚朋友柴娃娃，任飲都只係一個價錢。性價比高。花之戀，迷你海膽手卷平時食放題好少叫壽司，因為怕太快太飽。但係呢度壽司超級細細粒，於是就叫啲壽司嚟食吓。花之戀同樣地，飯嘅比例小過三文魚，令人食完都唔會太飽。海膽手卷亦好迷你嘅！真係食多幾件都唔會滯。炸南瓜天婦羅唔錯唔錯，好鍾意呢度嘅炸野好脆口，炸得啱啱好，唔會太油。白飯魚天婦羅白飯魚天婦羅好脆口，可以一次叫好多都得！因為唔好太滯！芝麻炸雞翼鍾意食煎堆同雞翼嘅一定唔可以錯過！外層好似煎堆咁香口,雞翼鬆脆，雞肉仲好入味！芝麻嘅份量好多所以令雞翼嘅外皮更香口！雖然元朗對於我來講係遠咗少少，不過居然都有間咁有質素嘅放題，下次再嚟搵親戚都會再黎